Tag: نومنتخب میئر کراچی وسیم اختر

کراچی : دو تلوار پر میئر کراچی وسیم اختر کی رہائی کے لیے سول سوسائٹی کی جانب سے مظاہرہ کیا جا رہا ہے،مظاہرین میں وسیم اختر کی اہلیہ نائلہ وسیم اختر بھی شامل ہیں۔

تفصیلات کے مطابق نومنتخب اسیر میئر کراچی سید وسیم اختر کی اہلیہ کی اپیل سول سوسائٹی کے اراکین اور شہر کے عمائدین دو تلوار پر وسیم اختر کی رہائی کے مظاہرہ کر رہے ہیں۔

مظاہرین نے پلے کارڈز اُٹھا رکھے ہیں جن پر وسیم اختر کی رہائی سے متعلق مطالبات تحریر ہیں،مظاہرین میئر کراچی کے حق میں مسلسل نعرے بازی کر رہے ہیں۔

میڈیا سے بات کرتے ہوئے ماہرین کا کہنا تھا کہ کراچی میگا سٹی ہے جو پہلے ہی کافی گھمبیر مسائل میں گھیرا ہوا ہے بلدیاتی سہولیات نہ ہونے کے برابر ہیں،کراچی کچرے کا ڈھیر بن چکا ہے ایسے میں منتخب میئر کو پابند سلاسل رکھنا اس شہر کے ساتھ ناانصافی ہے۔

انہوں نے مطالبہ کیا کہ فوری طور میئر کراچی کو رہا کر کے کراچی کی خدمت کرنے کا بھرپور موقع فراہم کیا جائے تا کہ نظر انداز شہر کے شہریوں کو صاف پانی،کشادہ سڑکیں اور دیگر بنیادی اور بلدیاتی سہولیات میئسر آسکیں۔

اس موقع پر اسیر میئر کراچی کی اہلیہ نائلہ وسیم اختر نے مظاہرین کا شرکاء کا شکریہ ادا کرتے ہوئے میڈیا کو بتایا کہ انہوں نے مظاہرہ کرنے کا مطالبہ وسیم اختر کے کیس کی سست روی سے چلنے پر کیا ہے،کیس جھوٹا ہے آئے دن جھوٹی جے آئی ٹی میڈیا میں تو لائی جاتی ہیں لیکن عدالتی کارروائی کو نہیں بڑھایا جاتا۔

انہوں نے حکومت اور ارباب اختیار و اقتدار سے وسیم اکتر کی رہائی کی اپیل کرتے ہوئے کہا کہ میئر کراچی منتخب نمائندے ہیں انہوں نے ایک سال قبل الیکشن یہیں رہتے ہوئے لڑا تھا وہ 12 مئی 2007 کے واقعے کے بعد بھی کہیں مفرور نہیں ہوئے تھے وہ رپوش نہیں ہیں اور ہر مقدمہ کا عدالت میں سامنا کر رہے ہیں اس لیے انہیں ضمانت پر رہا کر کے شہریوں کی خدمت کا موقع دیا جائے۔

کراچی : نو منتخب اسیر میئر کراچی سید وسیم اختر نے کہا ہے کہ وسیم اختر کا کہنا تھا کہ پاکستان مخالف بیانات قابل قبول نہیں ، ایسے بیانات غداری اور دھوکہ دہی کے زمرے میں آتے ہیں۔

وہ انسداد دہشت گردی عدالت کراچی کی عدالت میں سانحہ 12 مئی کیس اور ڈاکٹر عاصم حسین کیس کی سماعت کے موقع پر میڈیا سے گفتگو کررہے تھے اُن کا کہنا تھا ایک ہی دن میں 20 جھوٹے مقدمات بنائے گئے ہیں جن کا فیصلہ آنے میں سالوں گذر جائیں گے اس لیے شہر کے مفاد میں مجھے ضمانت پر رہا کیا جائے۔

ایک سوال کے جواب میں وسیم اختر کا کہنا تھا کہ پاکستان مخالف بیانات قابل قبول نہیں ایسے بیانات غداری اوردھوکہ دہی کے زمرے میں آتے ہیں اس لیے وہ بانی ایم کیو ایم کے ملک دشمن بیان سے لاتعلقی وہ اون نہیں کرتے ہمارے آباؤ اجداد نے اس ملک کے لئے قربانیاں دیں تھیں انہیں رائیگاں نہیں کریں گے۔

اسیر میئر وسیم اخترنے ایم کیو ایم پاکستان کے سربراہ ڈاکٹر فاروق ستار کی قیادت پر اعتماد کا اظہار کرتے ہوئے کہا کہ فاروق ستارکی قیادت پرمکنمل اعتماد ہے اور وہ فاروق ستارکے ہاتھ مضبوط کریں گے۔

گورنر سندھ ڈاکٹرعشرت العباد کے حوالے سے پوچھے گئے ایک سوال کے جواب میں انہوں نے گورنرسندھ کی تعریف کرتے ہوئے کہا کہ وہ بھی اچھا کام کر رہے ہیں،گورنر نے ڈپٹی میئر ارشد وہرہ کے ہمراہ شہر کا دورہ بھی کیا اور آلائشیں ٹھکانے لگانے کے کاموں کا جائزہ لیا۔

انہوں نے حکومت پاکستان سے اپیل کی کہ انہیں ضمانت پر رہا کیا جائے کیوں کہ شہر کراچی کا برا حال ہے وہ جیل سے باہر آکر بلاتخصیص رنگ و نسل اس شہر کے باسیوں کی خدمت کرنا چاہتے ہیں، گورنر سندھ ان پر بنائے جانے والے جھوٹے مقدمات کا نوٹس لیں اور شہر کے مفاد میں انہیں ضمانت پر رہا کیا جائے۔