ARYNews.tv | Urdu – Har Lamha Bakhabar

Tag: نومولود بچی

  • بھارت میں نوزائیدہ بچی زندہ دفن

    بھارت میں نوزائیدہ بچی زندہ دفن

    بھارت کی ریاست تلنگانہ میں پیش آنے والے افسوسناک واقعے میں زمانہ جاہلیت کی تاریخ پر عمل کرتے ہوئے نوزائیدہ بچی کو زندہ دفن کردیا گیا۔

    بین الاقوامی خبر رساں ادارے کی رپورٹ کے مطابق افسوسناک واقعہ دامیرا منڈل کے یوروگونڈہ میں پیش آیا۔ بچی کو نامعلوم افراد کی جانب سے زندہ دفن کئے جانے کے بعد مقامی افراد نے لڑکی کو باہر نکالا۔

    نومولود بچی کو پولیس نے این ایس آر اپولو ریچ اسپتال منتقل کردیا ہے، پولیس نے لڑکی کی جان بچانے والوں کو مبارکباد بھی دی۔

    دوسری جانب بھارت میں تامل ناڈو پولیس نے حال ہی میں ایک شخص کو اس وقت گرفتار کیا جب سوشل میڈیا پر ا یک دردناک ویڈیو وائرل ہوئی جس میں دیکھا جاسکتا ہے کہ بیٹے نے جائیداد کے تنازع پر اپنے 63 سالہ باپ پر وحشیانہ حملہ کرکے قتل کردیا۔

    غیر ملکی ذرائع ابلاع کے مطابق یہ حملہ کرشنا پورم میں 16 فروری کو ہوا، جب 40 سالہ سنتوش نے اپنے والد پر گھونسوں کی برسات کردی۔ جس سے ان کی موت واقع ہوگئی۔

    سوشل میڈیا پر وائرل ہونے والی سی سی ٹی وی فوٹیج میں د یکھا جاسکتا ہے کہ سنتوش کے والد ایک بینچ پر بیٹھے ہوئے ہیں اتنے میں انکا بیٹا وہاں پہنچتا ہے اور ان پر مکوں سے حملہ کردیتا ہے۔

    سنگ دل ماں نے کمسن بیٹے کو مگر مچھوں سے بھری ندی میں پھینک دیا

    حملہ اتنا شدید ہوتا ہے کہ سنتوش کے والد کو سنبھلنے کا موقع بھی نہیں ملتا اور بدبخت بیٹے کے حملے کے بعد ان کے والد بینچ پر گر کر بیہوش ہوجاتے ہیں۔

  • کراچی: نومولود بچی کو عمارت کی چھٹی منزل سے پھینکنے والی ماں گرفتار

    کراچی: نومولود بچی کو عمارت کی چھٹی منزل سے پھینکنے والی ماں گرفتار

    کراچی: لیاقت آباد 4 نمبر  میں عمارت کی چھٹی منز سے  اپنے نومولود بچی ک پھیکنے والی ماں کو حراست میں لے لیا گیا۔

    تفصیلات کے مطابق کراچی کے علاقے لیاقت آباد میں نومولود بچی کو عمارت کی چھٹی منزل سے پھینکنے کا واقعہ پیش آیا جس کے بعد اس واقعے کا مقدمہ درج کرکے بچی کی ماں کو حراست میں لے لیا گیا۔

    پولیس حکام کے مطابق زیر حراست خاتون کا ذہنی توازن درست نہیں ہے وہ نشے کی عادی ہے جبکہ خاتون کی طلاق ہو چکی تھی وہ اپنے بھائی کے ساتھ رہتی ہے۔

    پولیس کے مطابق خاتون کا میڈیکل کرانےکے ساتھ نفسیاتی ڈاکٹر سے معائنہ کرایا جائے گا۔

    کراچی میں ماں نے نومولود کو عمارت سے نیچے پھینک دیا

    واضح رہے کہ اس سے قبل کراچی کے علاقے گلشن اقبال میں خاتون نے چوتھی منزل سےکمسن بچی کو نیچے پھینک کر خود بھی چھلانگ لگادی تھی۔

    خاتون نے عمارت کی گیلری سے پہلے بچی کو پھینکا جسے لوگوں نے پکڑ لیا اور بچی معجزانہ طور پر محفوظ رہی، پھر خاتون نےخود بھی چھلانگ لگادی جس کے باعث اس کی ٹانگ ٹوٹ گئی تھی۔

  • نومولود بچی کے جھلسنے کا واقعہ : نجی اسپتال کی جانب سے شواہد ضائع کرنے کا انکشاف

    نومولود بچی کے جھلسنے کا واقعہ : نجی اسپتال کی جانب سے شواہد ضائع کرنے کا انکشاف

    اسلام آباد : اسلام آباد ہیلتھ کیئر ریگولیٹری اتھارٹی ٹیم نے نومولود بچی کے جھلسنے کے تین روز بعد لہتراڑ روڈ پر نجی اسپتال کا دورہ کیا، جہاں انکشاف ہوا کہ اسپتال انتظامیہ نے واقعے کے تمام شواہد کو ضائع کردیے ہیں۔

    تفصیلات کے مطابق نجی اسپتال میں نومولود بچی کے جھلسنے کے تین روز بعد حکومتی اداروں کو ہوش آ گیا، اسلام آباد ہیلتھ کیئر ریگولیٹری اتھارٹی ٹیم نے لہتراڑ روڈ پر نجی اسپتال کا دورہ کیا۔

    ترجمان اسلام آباد ہیلتھ کیئر ریگولیٹری اتھارٹی نے بتایا کہ نجی اسپتال اسلام آباد ہیلتھ ریگولیٹری اتھارٹی کے ساتھ رجسٹرڈ نہیں ہے، دورے کے دوران ٹیم نے این آئی سی یو کا معائنہ کیا۔

    اسپتال عملے کا کہنا تھا کہ وولٹج میں کمی بیشی سے این آئی سی یو کا بلب پھٹا، بلب پھٹنے سے بچی کے بے بی کارٹ میں آگ بھڑک اٹھی اور آگ لگنے سے نوزائیدہ کی دو ٹانگیں جھلس گئیں۔

    اتھارٹی ترجمان نے انکشاف کیا کہ اسپتال انتظامیہ نے واقعے کے تمام شواہد کو ضائع کر چکی ہے اور نوزائیدہ کے جلے کپڑے کو وقوعہ سے ہٹا دیا گیا ہے جبکہ اسپتال کے پاس جھلسنے والی نوزائیدہ کو فرسٹ ایڈ کا ریکارڈ دستیاب نہیں تھا۔

    ترجمان کا کہنا تھا کہ نوزائیدہ کی فائل میں ڈاکٹر اور نرسنگ نوٹس موجود نہیں تھے، نوزائیدہ کے جھلسنے کا واقعہ شام ساڑھے چار بجے پیش آیا تھا جبکہ ڈیوٹی ڈاکٹر نے چھ بجے نوزائیدہ کے جلنے کا ریکارڈ درج کیا تھا اور وقوعہ کے وقت ایک ڈاکٹر، سٹاف ممبر این آئی سی یو میں تھے۔

    اتھارٹی ترجمان کے مطابق اسپتال انتظامیہ نے آتشزدگی واقعے کے بعد بہتری کیلئے اصلاحاتی اقدامات نہیں کئے اور نجی اسپتال کے این آئی سی یو کا ہائیڈرومیٹر خراب پایا گیا جبکہ آپریشن تھیٹر کی صورتحال انتہائی ناگفتہ بہ تھی۔

    آپریشن تھیٹر میں غیر ضروری اشیا مائیکروویو اوون، اضافی او ٹی ٹیبل موجود تھا جبکہ آپریشن تھیٹر کی دو ماہ میں کاربولائزیشن، فیومیگیشن نہیں کی گئی، تھیٹر کا ریکارڈ بھی نامکمل تھا جبکہ تھیٹر میں صاف ، گندے کپڑے ایک جگہ موجود تھے۔

    اسلام آباد ہیلتھ کیئر اتھارٹی ترجمان نے کہا کہ نجی اسپتال کے آپریشن تھیٹر کی سروسز تاحکم ثانی معطل کر دی گئی ہیں اور اسپتال انتظامیہ کو ہدایت کی گئی ہے کہ وہ تاحکم ثانی آپریشن تھیٹر میں سرجری نہ کرے۔

    نجی اسپتال انتظامیہ سے واقعے پر تحریری جواب طلب کرلیا گیا ہے، آئی ایچ آر اے کی جانب سے نجی اسپتال میں نومولود کے جھلسنے کی تفصیلی تحقیقات جاری ہیں، جس کی رپورٹ جلد جاری کی جائے گی۔

  • اسلام آباد کے نجی اسپتال میں عملے کی غفلت سے جھلسنے والی نومولود بچی کے والد کا بڑا اقدام

    اسلام آباد کے نجی اسپتال میں عملے کی غفلت سے جھلسنے والی نومولود بچی کے والد کا بڑا اقدام

    اسلام آباد : نجی اسپتال میں عملے کی غفلت سے جھلسنے والی نومولود بچی کے والد نے اسپتال انتظامیہ اور عملےکے خلاف کارروائی کے لئے اسلام آبادہیلتھ کیئرریگولیٹری اتھارٹی کو درخواست دے دی۔

    تفصیلات کے مطابق اسلام آباد کے نجی اسپتال میں عملےکی غفلت سےنومولودکےجھلسنے کے واقعے پر نومولود کے والد نے اسلام آبادہیلتھ کیئرریگولیٹری اتھارٹی کو درخواست دی۔

    والدسیداحسن نے کہا کہ ہیلتھ کیئرریگولیٹری اتھارٹی نجی اسپتال کےخلاف کارروائی کرے، 2جولائی کوترلائی میں واقع نجی اسپتال میں بیٹی کی پیدائش ہوئی تھی، انکیوبیٹرمیں حرارت زیادہ ملنےپرنومولودکی دونوں ٹانگیں جل گئی تھیں۔

    درخواست میں کہا گیا کہ نجی اسپتال انتظامیہ نے24گھنٹےتک بیٹی سےملنےنہیں دیا اور نومولودکی ٹانگوں پرپٹی سےزخم چھپانےکی کوشش کی، نجی اسپتال انتظامیہ کےمطابق بچی کی ٹانگوں پرالرجی سےزخم ہوئے۔

    والد کا کہنا تھا کہ بیٹی کوزبردستی نجی اسپتال سےکےآرایل اسپتال منتقل کیا، کےآرایل کےڈاکٹرزنےنومولودکوپمزبرن سینٹرمنتقلی کی ہدایت کی، برن سینٹرکےڈاکٹرزکےمطابق بیٹی کی ٹانگیں تھرڈڈگری جل گئی ہیں۔

    درخواست میں کہا ہے کہ نجی اسپتال کےڈاکٹرز،عملہ مجرمانہ غفلت کےمرتکب،بچی معذورہو گئی، نجی اسپتال میں غیرتربیت یافتہ عملہ انسانی زندگیوں سےکھیل رہاہے، نجی اسپتال انتظامیہ اورعملےکےخلاف فوری کارروائی کی جائے۔

  • نجی اسپتال کے عملے کی غفلت: انکیوبیٹر میں رکھی نومولود بچی کی دونوں ٹانگیں ضائع ہوگئیں

    نجی اسپتال کے عملے کی غفلت: انکیوبیٹر میں رکھی نومولود بچی کی دونوں ٹانگیں ضائع ہوگئیں

    اسلام آباد: نجی اسپتال کے عملے کی غفلت سے انکیوبیٹر میں رکھی بچی کی ٹانگیں بری طرح جھلس گئیں، والد کا کہنا ہے کہ اسپتال عملے کی غفلت سے میری بچی ہمیشہ کے لیے معذور ہوگئی۔

    تفصیلات کے مطابق وفاقی دارلحکومت سلام آباد کے نجی اسپتال کے عملے نے غفلت کی انتہا کردی، انکیوبیٹر میں رکھی بچی کی ٹانگیں بری طرح جھلس گئیں۔

    بچی کے والد نے بتایا کہ ترامڑی کےاسپتال کے ڈاکٹر نےقبل ازوقت پیدائش پرنومولود کوانکیوبیٹرمیں رکھا ،انکیوبیٹر میں حرارت زیادہ ملنے پر نومولود کی دونوں ٹانگیں ضائع ہوگئیں۔

    والد نے الزام عائد کیا کہ نجی اسپتال انتظامیہ نے ایک دن تک نومولود کو دیکھنے نہیں دیا، نجی اسپتال نے نومولود کی ٹانگوں پر پٹی سےزخم چھپانےکی کوشش کی۔

    بچی کے والد کا کہنا تھا کہ نجی اسپتال انتظامیہ کےمطابق بچی کی ٹانگوں پر الرجی سےزخم ہوئے جبکہ دوسرے اسپتال شفٹ کرنے پر ڈاکٹرز نے نومولود کی ٹانگیں جلنےکا بتایا، ڈاکٹرز کے مطابق نومولود کی ٹانگیں زیادہ حرارت سے جھلس گئیں۔

    والد نے مزید کہا کہ اسپتال عملے کی غفلت سے میری بچی ہمیشہ کے لیے معذور ہوگئی، نومولود کو پمز اسپتال کے برن سینٹر داخل کرایا ہے، ۔حکومت سے اپیل ہے اسپتال کے خلاف کارروائی کرکے انصاف دیا جائے۔

  • چلڈرن اسپتال میں ہلاک ہونے والی نومولود بچی کی ابتدائی رپورٹ سامنے آ گئی

    چلڈرن اسپتال میں ہلاک ہونے والی نومولود بچی کی ابتدائی رپورٹ سامنے آ گئی

    لاہور: چلڈرن اسپتال میں نرسری کے انکیوبیٹر میں اوور ہیٹنگ سے ہلاک ہونے والی نومولود بچی کی ابتدائی رپورٹ سامنے آ گئی۔

    تفصیلات کے مطابق لاہور کے چلڈرن اسپتال کے انکیوبیٹر میں جاں بحق ہونے والی نومولود بچی کی ابتدائی رپورٹ میں کہا گیا ہے کہ اس کی موت جسمانی اعضا فیل ہونے کے باعث ہوئی ہے۔

    رپورٹ کے مطابق نومولود بچی ایمرجنسی میں 3 روز قبل دست اور سانس میں دشواری کی وجہ سے اسپتال لائی گئی تھی، اس دوران بچی کو نیلا یرقان بھی ہو گیا تھا، گزشتہ روز بچی کو دوبارہ لایا گیا۔

    رپورٹ میں کہا گیا ہے کہ بچی کو انفیکشن کی وجہ سے جسم پر لال رنگ کے دھبے پڑے تھے، گزشتہ رات دو نومولود بچے نرسری میں زیادہ حرارت ملنے سے جھلس گئے، اور ایک بچی دم توڑ گئی۔

    چلڈرن اسپتال کی نرسری میں بچے کی ہلاکت، انکوائری کمیٹی تشکیل

    واضح رہے کہ نگراں وزیر اعلیٰ پنجاب محسن نقوی نے چلڈرن اسپتال کی نرسری میں بچے کے جاں بحق ہونے کا نوٹس لیتے ہوئے 4 رکنی انکوائری کمیٹی تشکیل دے دی ہے، یہ کمیٹی تمام حالات و واقعات کا جائزہ لے کر 24 گھنٹے میں رپورٹ پیش کرے گی، کمیٹی غفلت کے ذمہ داروں کا تعین کر کے کارروائی کی سفارش بھی کرے گی۔

  • زمین پھٹی نہ آسمان گرا، نومولود بچی کی پھندا لگی لاش برآمد

    کراچی: نارتھ ناظم آباد میں کٹی پہاڑی کے قریب کوہستانی محلے میں نومولود بچی کا قتل ہوا ہے، بچی کی لاش ایک شاپنگ بیگ میں ڈال کر پھینکی گئی تھی۔

    تفصیلات کے مطابق کراچی کے علاقے کٹی پہاڑی کے قریب ایک جگہ سے نومولود بچی کی پھندا لگی لاش برآمد ہوئی ہے، ریسکیو ذرائع کا کہنا تھا کہ چھیپا رضاکاروں کو بچی کی لاش گٹر کے ڈھکن کے اوپر سے ملی۔

    لاش نارتھ ناظم آباد بلاک کیو کوہستانی محلے سے ملی، ریسکیو کے مطابق بچی کے گلے میں کالے کپڑے سے پھندا لگا ہوا تھا، جس سے لگتا ہے کہ بچی کو گلے میں پھندا لگا کر قتل کیا گیا ہے۔

    اے آر وائی نیوز کی ٹیم جائے وقوعہ پر پہنچی تو علاقہ مکینوں کی جانب سے مزید انکشافات سامنے آئے، ایک عینی شاہد نے بتایا کہ نومولود بچی شاپنگ بیگ میں باندھ کر گلی میں پھینکی گئی تھی۔

    عینی شاہد کے مطابق گلی کے کونے پر ایک کتا شاپنگ بیگ کو گھسیٹ کر گلی کے اندر لے آیا، کتے شاپنگ کے قریب بھونکنے لگے تو ایک خاتون نے شاپنگ بیگ کھولا، شاپر کے اندر بچی کی لاش موجود تھی۔

    پولیس اہل کاروں کا کہنا تھا کہ اطلاع ملنے پر وہ جائے وقوعہ پہنچے اور لاش کو عباسی شہید اسپتال پہنچایا گیا، لیڈی ایم ایل اسپتال میں موجود نہیں تھیں، جب پوسٹ مارٹم ہوگا تو اس کے بعد پتا چل سکے گا کہ وجہ موت کیا ہے۔

  • شقی القلب ماں نے نومولود بچی کو بھوکا پیاسا الماری میں بند کردیا

    شقی القلب ماں نے نومولود بچی کو بھوکا پیاسا الماری میں بند کردیا

    روس میں ایک ظالم ماں نے اپنی نومولود بچی سے چھٹکارے کے لیے اسے الماری میں بند کردیا، تاہم ایک مہمان نے بچی کو دیکھ لیا جس کے بعد پولیس کو اطلاع دے دی گئی۔

    یہ اندوہناک واقعہ روس میں پیش آیا جہاں یولیا نامی خاتون، ایک ناکام تعلق کے نتیجے میں بچی کی ماں بنی تھی، اس کے پہلے سے 2 بچے اور تھے اور تیسری بچی کی پیدائش کو اس نے خفیہ رکھا تھا۔

    یولیا اس بچی سے چھٹکارا چاہتی تھی لیکن اسے مار ڈالنے کی ہمت نہیں رکھتی تھی، چنانچہ اس نے نومولود بچی کو گھر کی ایک الماری میں بند کر رکھا تھا۔

    بچی کی پیدائش رواں برس اپریل میں ہوئی تھی، شقی القلب ماں کا خیال تھا کہ اس طرح بچی بھوک سے مرجائے گی۔

    اس کا 13 سالہ بیٹا اس دوران ماں سے چھپ کر ننھی بہن کو پانی اور دیگر اشیا کھلاتا رہا تاہم وہ بچی کے لیے غیر محفوظ اور ناکافی تھا۔

    ایک دن بچے کی سالگرہ کے موقع پر جب گھر مہمانوں سے بھرا ہوا تھا، پارٹی میں موجود ایک مہمان خاتون کو رونے کی ہلکی سی آواز سنائی دی، خاتون نے یولیا سے دریافت کیا تو اس نے بتایا کہ یہ ایک گڑیا ہے جو خودبخود بج اٹھتی ہے۔

    تاہم مہمان خاتون بہانے سے اس کمرے کی طرف گئیں جہاں سے انہیں رونے کی آواز سنائی دی تھی، یولیا کے مطابق وہ کمرا بطور اسٹور روم استعمال ہوتا تھا۔

    مہمان خاتون کمرے میں داخل ہوئیں اور وہاں موجود الماری کھولی تو چادر کے نیچے انہیں بچی دکھائی دی جس کے بعد انہوں نے پولیس کو اطلاع دے دی۔

    پولیس نے یولیا کے فلیٹ پر پہنچ کر بچی کو بازیاب کیا تو وہ شدید غذائی قلت کا شکار تھی، بچی کو فوری طور پر اسپتال منتقل کیا گیا جہاں اب وہ انتہائی نگہداشت یونٹ میں زندگی اور موت کی جنگ لڑ رہی ہے۔

    پولیس کے مطابق یولیا کا بڑا بیٹا بچی کے لیے ہمدردی رکھتا تھا تاہم ماں نے اسے دھمکا رکھا تھا، پولیس نے یولیا کو گرفتار کرلیا ہے اور عدالتی کارروائی کے نتیجے میں اسے 7 سال قید کی سزا ہوسکتی ہے۔

  • فیصل آباد: اسپتال سے نومولود بچی اغوا، 2 سیکورٹی گارڈ زیر حراست

    فیصل آباد: اسپتال سے نومولود بچی اغوا، 2 سیکورٹی گارڈ زیر حراست

    فیصل آباد: صوبہ پنجاب کے شہر فیصل آباد میں اسپتال سے نومولود بچی کے اغوا کی تفتیش کے لیے دو سیکورٹی گارڈ کو حراست میں لے لیا۔

    تفصیلات کے مطابق فیصل آباد کے الائیڈ اسپتال سے 4 روز قبل اغوا کی جانے والی نومولو بچی کی پوچھ گچھ کے لیے پولیس نے دو سیکورٹی گارڈز کو حراست میں لے لیا۔

    پولیس حکام کا کہنا ہے کہ سی سی ٹی وی فوٹیج میں گیٹ پر تعینات سیکورٹی گارڈز کو اغوا کار خاتون سے بات کرتے دیکھا گیا۔

    دوسری جانب سیکورٹی گارڈز کی گرفتاری پر درجہ چہارم کے ملازمین نے احتجاج کیا اور اسپتال میں کام بند کر دیا۔

    فیصل آباد: اسپتال سے نومولود بچی پراسرار طور پر لاپتہ

    یاد رہے کہ 18 اگست کو فیصل آباد کے الائیڈ اسپتال سے پیدائش کے چند گھنٹے بعد ہی نومولود بچی کو اغوا کر لیا گیا تھا۔ مغوی بچی کی پھوپھی نےخفیہ کیمرے کی ریکارڈنگ میں ملزمہ کو پہچان لیا تھا۔

    اسپتال انتظامیہ کو ملنے والی فوٹیج میں دیکھا گیا کہ اغوا کار خاتون چادر پہنی ہوئی تھی جس نے لیبر روم سے بچی کو گود میں اٹھایا اور پھر وہ اسپتال سے فرار ہوگئی۔

  • بے رحم ماں نے پیدا ہوتے ہی بچی کو چاقو سے قتل کردیا

    بے رحم ماں نے پیدا ہوتے ہی بچی کو چاقو سے قتل کردیا

    ابوظبی : پولیس نے نومولود بچی کو چاقو کے وار سے قتل کرنے کے الزام میں افریقی خاتون کو گرفتار کرکے عدالت میں پیش کردیا۔

    اماراتی خبر رساں ادارے کے مطابق متحدہ عرب امارات کے دارالحکومت ابوطبی کی عدالت نے ایتھوپین خاتون پر نومولود بچے کو بے دردی سے قتل کرنے کے الزام میں فرد جرم عائد کردی۔

    افریقی خاتون نے کچھ ماہ قبل ہی اپنے شوہر سے علیحدگی اختیار کی تھی اور متحدہ عرب امارات آکر عرب گھرانے میں ملازمت کررہی تھی۔

    مقامی خبر رساں ادارے کا کہنا ہے کہ خاتون کو ملازمت دیتے وقت مسئول (مالک) اس بات کا اندازہ نہیں تھا وہ حاملہ ہے۔

    خاتون نے گزشتہ برس اکتوبر میں اپنے عربی مسئول (مالک) کے گھر میں بچی کو جنم دیا تھا، اور کچھ دیر بعد بچی کا سر بیت الخلاء کے فرش پر دے مارا بعدازاں چاقو سے اس وقت تک وار کیے جب تک نومولود بچی ہلاک نہیں ہوگئی۔

    اماراتی میڈیا کا کہنا ہے کہ خاتون نے بچی کی لاش کو کپڑے میں لپیٹ کر گھر کے قریب رکھے کوڑے دان میں ڈال دیا تھا جسے صفائی کرنے والے عملے نے برآمد کیا اور پولیس کو واقعے کی اطلاع دی۔

    ایتھوپین خاتون نے پبلک پراسیکیوٹر اور پولیس کے سامنے اعتراف جرم کرتے ہوئے بتایا کہ میں تنہا بچی کی تربیت اور پرورش کا سوچ کر شدید ذہنی دباؤ میں مبتلا ہوگئی جس کے باعث ارتکاب جرم کیا۔

    خاتون کا کہنا تھا کہ پرورش کا سوچ ذہنی دباؤ کا شکار ہوگئی تھی لیکن ساتھ ساتھ اپنے شوہر سے انتقام لینے اپنی بچی کو قتل کیا تھا۔

    افریقی خاتون نے بتایا کہ مجھے حاملہ ہوئے چھ ماہ ہوئے تو میں نے اپنے خاوند کو فون کیا اور حمل سے متعلق خاوند کو آگاہ کیا، میں نے اپنے شوہر کو بتایا کہ ’میں واپس گھر آنا چاہتی ہوں کیوں میں اکیلے بچے کی پرورش نہیں کرسکتی‘۔

    ملزمہ نے پولیس کو بتایا کہ میرے شوہر نے واپس بلانے سے انکار کرتے ہوئے کہا کہ وہ مجھے نہیں جانتا اور نہ میرے حمل سے کوئی مطلب ہے‘۔

    افریقی خاتون کے مطابق ’میرے شوہر نے کہا کہ یہ بچہ میرا نہیں ہے‘ جو میرے لیے شدید مایوس کن بات تھی، مجھے ایسا لگا جیسے کسی میری ممتا کے سینے میں خنجر گھونپ دیا ہو۔

    خاتون نے عدالت میں بیان دیا کہ نومولود بچی کو قتل کرنے کے بعد میں بے ہوش ہوگئی اور دو گھنٹے بعد ہوش میں آئی تو بچی کی لاش کپڑے میں لپیٹ کر کوڑے دان میں پھینک دی۔

    اماراتی عدالت نے پولیس، پراسیکیوٹر اور ملازمہ کا بیان قلم بند کرنے کے عدالت کی کارروائی فروری تک معطل کردی۔