ARYNews.tv | Urdu – Har Lamha Bakhabar

Tag: نوواک جوکووچ

  • نوواک جوکووچ کا 25واں گرینڈ سلیم ٹائٹل جیتنے کا خواب ادھورا رہ گیا

    نوواک جوکووچ کا 25واں گرینڈ سلیم ٹائٹل جیتنے کا خواب ادھورا رہ گیا

    نوواک جوکووچ کا ایک اور گرینڈ سلم ٹائٹل جیتنےکا خواب چکنا چور ہوگیا، یانک سنر نے فائنل کیلئے کوالیفائی کرلیا۔

    سیمی فائنل مقابلے میں عالمی نمبر ون یانک سینر نے نوواک جوکووچ کو3-6، 3-6 اور 4-6 سے شکست دے کر پہلی مرتبہ ومبلڈن کے فائنل کے لیے کوالیفائی کرلیا ہے۔

    یانک سینر کا فائنل میں مقابلہ 2 مرتبہ کے دفاعی چیمپین اسپین کے کارلوس الکاراز سے ہوگا، پہلے سیمی فائنل میں دفاعی چیمپئن الکاراز کو کامیاب ملی، امریکا کے ٹیلر فرٹز کو تین ایک سے شکست ہوئی۔

    فائنل میں عالمی نمبر ایک اور عالمی نمبر دو ٹائٹل کے حصول کی جنگ لڑیں گے،  ومبلڈن کے تمام میچ  اے اسپورٹس اور اےآروائی زیپ پر براہ راست دکھائے جارہے ہیں۔

    خیال رہے کہ نوواک جوکووچ سب سے زیادہ 24 بار گرینڈ سلیم ٹائٹل جیت کر سر فہرست ہیں، رافیل نڈال 22 مرتبہ جب کہ راجر فیڈر 20 بار اس خوبصورت ٹائٹل کو اپنے ریکارڈ کا حصہ بنا چکے ہیں۔

  • ٹینس اسٹار نوواک جوکووچ کا ومبلڈن میں فاتحانہ آغاز

    ٹینس اسٹار نوواک جوکووچ کا ومبلڈن میں فاتحانہ آغاز

    لندن: سربین ٹینس اسٹار نوواک جوکووچ نے ومبلڈن میں فرانس کے مُلر کو ایک تین سے شکست دے کر دوسرے راؤنڈ میں جگہ بنالی۔

    رواں سال آسٹریلین اوپن کے چیمپئن اٹلی کے جینک سنر نے شاندار کارکردگی کا مظاہرہ کرتے ہوئے اٹلی کے حریف کھلاڑی لوکا نارڈی کو سٹریٹ سیٹس میں 4-6، 3-6 اور 0-6 سے شکست دے کر نہ صرف ایونٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا۔

    جبکہ سربیا کے نوواک جوکووچ نے بھی اپنے 25ویں گرینڈ سلم ٹائٹل کے حصول کی مہم کا آغاز فرانس کے الیگزینڈر مولر کے خلاف کامیابی کے ساتھ کیا۔

    سربیا کے ٹینس اسٹار اور مجموعی طور پر 24 ویں گرینڈ سلم ٹائٹلز کے فاتح نوویک جوکووچ نے مینز کے سنگلز مقابلوں کے پہلے رائونڈ میچ میں عمدہ کھیل کیا۔

    https://urdu.arynews.tv/tennis-star-novak-djokovic-completes-century-of-titles/

    انہوں نے فرانسیسی حریف کھلاڑی الیگزینڈرمولر کو 1-6، 7-6،2-6 اور 2-6 سے شکست دے کر ٹورنامنٹ کے دوسرے رائونڈ کے لئے کوالیفائی کرلیا۔

    پہلے رائونڈ کے دیگر میچوں میں انگلینڈ کے جیک الیگزینڈر ڈریپر، امریکا کے ٹومی پال، امریکا کے ہی بینجمن ٹوڈ شیلٹن، آسٹریلیا کے ایلکس ڈی مینور اور وائلڈ کارڈ پر انٹری حاصل کرنے والے برطانوی ٹینس کھلاڑی ڈین ایوانز نے فتح حاصل کرتے ہوئے دوسرے رائونڈ کے لئے کوالیفائی کرلیا۔

    واضح رہے کہ اس سال کے تیسرے گرینڈ سلم ومبلڈن اوپن ٹینس کے دلچسپ مقابلے انگلینڈ میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کا موقع مل رہا ہے، ایونٹ کے تمام میچ  اے اسپورٹس اور اے آر وائی زیپ پر براہ راست دکھائے جارہے ہیں۔

    https://urdu.arynews.tv/wimbledon-tennis-line-judges-eliminated/

  • ٹینس اسٹار نوواک جوکووچ نے ٹائٹل کی سنچری مکمل کر لی

    ٹینس اسٹار نوواک جوکووچ نے ٹائٹل کی سنچری مکمل کر لی

    دنیائے ٹینس کے اسٹار کھلاڑی نوواک جوکووچ نے ٹائٹل جیتنے کی سنچری مکمل کرکے تاریخ ساز کھلاڑیوں میں اپنا نام درج کرا لیا۔

    نوواک جوکووچ نے یہ اعزاز جنیوز اوپن کے فائنل میں ہیوبرٹ ہرکاز کو شکست دے کر حاصل کیا۔ فائنل میں پہلا سیٹ ہارنے کے باوجود سرب ٹینس اسٹار نے پولش حریف کے خلاف دو، ایک سے کامیابی حاصل کی۔

    اس کے ساتھ ہی وہ جوکووچ اوپن ایرا میں 100 سے زائد اے ٹی پی ٹائٹلز جیتنے والے تیسرے کھلاڑی بن گئے۔ ان سے قبل جمی کونرز اور راجر فیڈرز نے ہی یہ کارنامہ انجام دیا تھا۔

    24 مرتبہ کے گرینڈ سلم چیمپئن نوواک جوکووچ کے اس کارنامہ کی دلچسپ بات یہ ہے کہ انہوں نے 2006 میں اپنا پہلا اے ٹی پی ٹائٹل نکولس ماسو کو ہرا کر جیتا تھا اور آج ان کے 100 ویں ٹائٹل میں ان کے حریف ہیوبرٹ، ہرکاز ماسو کی کوچنگ میں کھیل رہے تھے۔

  • پیرس اولمپکس میں سرب ٹینس اسٹار نوواک جوکووچ نے تاریخ رقم کردی

    پیرس اولمپکس میں سرب ٹینس اسٹار نوواک جوکووچ نے تاریخ رقم کردی

    پیرس اولمپکس 2024 میں تاریخ رقم کرتے ہوئے سپراسٹار نوواک جوکووچ نے ٹینس میں گولڈ میڈل جیتنے کا اعزاز حاصل کرلیا۔

    سرب ٹینس اسٹار نے اولمپکس کے فائنل میں اسپین کے کارلوس الکاراز کو شکست سے دوچار کیا، نوواک جوکووچ نے حتمی مقابلے میں اسٹریٹ سیٹس میں میدان مارا، جوکووچ اولمپکس میں پہلی بارسونے کا تمغہ جیتنے میں کامیاب ہوئے ہیں۔

    37 سالہ سرب پلیئر نے اولمپکس میں طلائی تمغہ جیتنے کے بعد مینز ٹینس کے عظیم پلیئر کے طور پر اپنا نام درج کروا لیا ہے۔

    ٹینس کے اس سنسنی خیز مقابلے میں، نمبر ون جوکووچ نے نمبر 2 کارلوس الکاراز کو 2 گھنٹے 50 منٹ میں 7-6(3) اور 7-6(2) سے شکست دی۔، یہ 2024 میں جوکووچ کا پہلا ٹائٹل بھی ہے۔

    نوواک جوکووچ نے جیتنے کے بعد خوشی سے مغلوب ہوئے کہا کہ میں ابھی کافی جذباتی ہورہا ہوں، میرے محسوسات اس وقت کافی مختلف ہیں۔

    انھوں نے کہا کہ میں شاید لاکھوں مختلف جذبات سے گزر رہا ہوں جو یقیناً مثبت ہیں، مجھے بہت فخر ہے، میں بہت خوش ہوں اپنے کیریئر میں پہلی بار طلائی تمغہ جیتنے پر بہت پرجوش ہوں۔

  • آسٹریلین اوپن سے قبل ٹینس اسٹار جوکووچ اور کوہلی میں کیا باتیں ہورہی ہیں؟

    آسٹریلین اوپن سے قبل ٹینس اسٹار جوکووچ اور کوہلی میں کیا باتیں ہورہی ہیں؟

    معروف بھارتی بیٹر ویرات کوہلی اور ٹینس سپراسٹار نوواک جوکووچ سالوں سے ایک دوسرے کے ساتھ ٹیکسٹ پیغامات کے ذریعے رابطے میں ہیں۔

    سربین ٹینس اسٹار اور 24 گرینڈ سلم جیتنے کا اعزاز رکھے والے نوواک جوکووچ نے گزشتہ دنوں ایک انٹرویو کے دوران خود اس بات کا انکشاف کیا ہے۔ انھوں نے بتایا کہ ویرات اور میں کئی برس سے ایک دوسرے کو پیغامات بھیجتے رہے ہیں لیکن ابھی تک ملنے کا موقع نہیں مل سکا۔

    ٹینس لیجنڈ جوکووچ 36 سال کی عمر میں آسٹریلین اوپن 2024 جیتنے کا عزم لیے آسٹریلیا میں موجود ہیں اور اپنی فٹنس اور عزم کی وجہ سے توجہ کا مرکز بنے ہوئے ہیں۔

    ان کا کہنا تھا کہ بھارتی کرکٹ لیجنڈ کوہلی کے ساتھ اچھی دوستی ہے اور وہ ان کے ساتھ کئی سالوں سے بات کر رہے ہیں۔ جوکووچ نے کوہلی کے شاندار کیریئر پر ان کی تعریف بھی کی۔

    بھارتی چینل سے بات کرتے ہوئے جوکووچ نے کہا کہ ہمیں کبھی ذاتی طور پر ملنے کا موقع نہیں ملا لیکن یہ واقعی ایک اعزاز ہے کہ وہ میرے بارے میں اچھی سوچ رکھتے ہیں۔

    25 ویں گرینڈ سلیم ٹائٹل کے حصول کے لیے کوشاں سربین اسٹار نے کہا کہ میں نے تقریباً 10 سال پہلے بھارت کا دوراہ کیا تھا۔ امید ہے کہ میں مستقبل قریب میں جلد بھارت جاؤں گا۔

    واضح رہے کہ 10 بار آسٹریلین اوپن کے فاتح نوواک کا اتوار کو آسٹریلین اوپن کے پہلے راؤنڈ میں کروشین ڈینو پرزمک سے مقابلہ ہوگا، اس سال نوواک گولڈن سلم جیتنے کے لیے بھی بھرپور کوشش کررہے ہیں۔

  • نوواک جوکووچ 23ویں گرینڈ سلیم ٹائٹل سے ایک قدم دور

    نوواک جوکووچ 23ویں گرینڈ سلیم ٹائٹل سے ایک قدم دور

    سریبین ٹینس اسٹار نوواک جوکووچ ریکارڈ تئیسویں گراینڈ سلیم ٹائٹل سے صرف ایک قدم دور ہیں۔

    سریبین ٹینس اسٹار نوواک جوکووچ نے فرنچ اوپن کے سیمی فائنل میں ہسپانوی کھلاڑی الکراز کو شکست دے کر فائنل میں جگہ بنائی۔

     علمی نمبر ایک الکراز صرف ایک سیٹ میں ہی کامیابی حاصل کر سکے، نوواک جوکووچ نے کارلوس الکاریز کو 3-6 ، 7-5 ، 1-6 اور 1-6 سے ہرایا۔

    فرنچ اوپن فائنل میں جوکووچ کا سامنا ناروے کے کیسپر رود سے اتوار کے روز ہوگا۔

    جوکووچ اگر یہ فائنل جیتنے میں کامیاب ہوئے تو وہ ریکارڈ 23 گرینڈ سلم ٹائٹل جیت جائیں گے۔

  • سڑک پر کھیلتے بچوں کو جوکووچ کی ٹپس

    سڑک پر کھیلتے بچوں کو جوکووچ کی ٹپس

    ٹینس کے نمبر ون کھلاڑی نوواک جوکوچ نے قرنطینہ کے دوران سڑک پر ٹینس کھیلتے بچوں کو مفید ٹپس دیں۔

    بین الاقوامی ویب سائٹ کے مطابق ٹینس اسٹار نواک جوکووچ آسٹریلین اوپن سے قبل ہوٹل میں قرنطینہ مدت پوری کر رہے ہیں۔

    قرنطینہ کے دوران انہیں کمرے کی بالکونی سے سڑک پر کچھ بچے ٹینس کھیلتے ہوئے نظر آئے، جوکووچ نے سڑک پر ٹینس کھیلتے بچوں کو نہ صرف سراہا بلکہ انہیں بالکونی سے ہی کھیل کے حوالے سے مفید ٹپس بھی دیں۔

    یاد رہے کہ آسٹریلین اوپن کا آغاز 8 فروری سے ہوگا۔

    جوکووچ نے گزشتہ برس ستمبر میں اٹلی اوپن کے فائنل میں ڈیاگو شوارٹز مین کو شکست دے کر 36 واں ماسٹرز ٹائٹل حاصل کر کے ریکارڈ قائم کیا تھا۔

  • لائن جج کو گیند مارنے پر نوواک جوکووچ یو ایس اوپن سے باہر

    لائن جج کو گیند مارنے پر نوواک جوکووچ یو ایس اوپن سے باہر

    نیویارک: یو ایس اوپن ٹینس ٹورنامنٹ میں غلطی سے لائن جج کو گیند مار دینے پر ٹینس کھلاڑی نوواک جوکووچ ڈس کوالیفائی ہو کر ٹورنامنٹ سے باہر ہوگئے۔

    مذکورہ واقعہ امریکی شہر نیویارک میں جاری یو ایس اوپن ٹینس ٹورنامنٹ کے چوتھے راؤنڈ کے میچ کے دوران پیش آیا۔ نوواک جوکووچ اسپین کے کھلاڑی پابلو کیرینو بسٹا کے ساتھ کھیل رہے تھے اور 6-5 پوائنٹس کے خسارے میں تھے۔

    میچ کے دوران انہوں نے مایوسی کے عالم میں اپنی جیب سے گیند نکالی اور اسے ریکٹ کی مدد سے پیچھے کی جانب اچھال دیا، یہ جانے بغیر کہ اس سمت میں ایک لائن جج موجود تھیں جن کی گردن پر گیند جا لگی۔

    جج کو طبی امداد دی گئی، اس دوران منتظمین کے درمیان بحث چلتی رہی جس کے آخر میں انہوں نے فیصلہ کیا کہ جوکووچ کو ڈس کوالیفائی کردیا جائے گا جس کے بعد وہ ٹورنامنٹ سے باہر ہوجائیں گے۔

    بین الاقوامی میڈیا کا کہنا ہے کہ گرینڈ سلیم کے قوانین کے مطابق کوئی بھی کھلاڑی کسی بھی موقع پر کسی منتظم، حریف، تماشائی یا ٹورنامنٹ کے دائرہ کار میں موجود کسی بھی فرد کو جسمانی تکلیف نہیں پہنچائے گا۔

    قوانین کے مطابق ایسی صورت میں ریفری کے پاس یہ اختیار ہو گا کہ وہ گرینڈ سلیم چیف آف سپروائزرز سے مشورہ کر کے کھلاڑی کو میچ میں بلا مقابلہ شکست دے چاہے یہ اس قانون کی پہلی مرتبہ ہی خلاف ورزی کیوں نہ ہو۔

    واقعے کے بعد جوکووچ نے اپنی صفائی پیش کرتے ہوئے کورٹ میں موجود ٹورنامنٹ ریفری اور گرینڈ سلیم سپروائزر کے ساتھ خاصی لمبی بحث کی، تاہم آخر کار انہیں یہ فیصلہ قبول کرتے ہوئے مخالف کھلاڑی کیرینو بسٹا سے ہاتھ ملا کر اپنی شکست تسلیم کرنی پڑی۔

    واپسی کے بعد نوواک جوکوچ نے سماجی رابطے کی ویب سائٹ انسٹا گرام پر طویل پوسٹ میں واقعے پر معذرت طلب کی۔ انہوں نے شرمندگی اور اداسی کا اظہار کرتے ہوئے لائن جج سے معذرت طلب کی اور ان کے لیے نیک خواہشات کا اظہار کیا۔

     

    View this post on Instagram

     

    This whole situation has left me really sad and empty. I checked on the lines person and the tournament told me that thank God she is feeling ok. I‘m extremely sorry to have caused her such stress. So unintended. So wrong. I’m not disclosing her name to respect her privacy. As for the disqualification, I need to go back within and work on my disappointment and turn this all into a lesson for my growth and evolution as a player and human being. I apologize to the @usopen tournament and everyone associated for my behavior. I’m very grateful to my team and family for being my rock support, and my fans for always being there with me. Thank you and I’m so sorry. Cela ova situacija me čini zaista tužnim i praznim. Proverio sam kako se oseća linijski sudija, i prema informacijama koje sam dobio, oseća se dobro, hvala Bogu. Njeno ime ne mogu da otkrijem zbog očuvanja njene privatnosti. Jako mi je žao što sam joj naneo takav stres. Nije bilo namerno. Bilo je pogrešno. Želim da ovo neprijatno iskustvo, diskvalifikaciju sa turnira, pretvorim u važnu životnu lekciju, kako bih nastavio da rastem i razvijam se kao čovek, ali i teniser. Izvinjavam se organizatorima US Opena. Veoma sam zahvalan svom timu i porodici što mi pružaju snažnu podršku, kao i mojim navijačima jer su uvek uz mene. Hvala vam i žao mi je. Bio je ovo težak dan za sve.

    A post shared by Novak Djokovic (@djokernole) on

    جوکووچ نے کہا کہ یہ ایک نادانستہ عمل تھا اور میں اس کے لیے یو ایس اوپن ٹورنامنٹ اور اس سے منسلک تمام افراد سے معافی مانگتا ہوں۔ انہوں نے یہ بھی کہا کہ یہ واقعہ انہیں بطور کھلاڑی اور انسان بہتر ہونے میں مدد دے گا۔

    خیال رہے کہ کرونا وائرس کی وبا کے بعد سے یہ ٹینس کا پہلا گرینڈ سلیم ٹورنامنٹ ہے جو تماشائیوں کے بغیر منعقد کیا گیا ہے۔ 33 سالہ جوکووچ اگر یہ ٹورنامنٹ جیت جاتے تو یہ ان کی اٹھارویں گرینڈ سلیم ٹائٹل فتح ہوتی۔

  • کرکٹ ورلڈ کپ کی طرح ومبلڈن میں ٹینس کا فائنل بھی سنسنی خیز رہا، جوکووچ فاتح

    کرکٹ ورلڈ کپ کی طرح ومبلڈن میں ٹینس کا فائنل بھی سنسنی خیز رہا، جوکووچ فاتح

    لندن: دفاعی چیمپین نوواک جوکووچ نے ومبلڈن ٹینس ٹورنامنٹ مین سنگل کا فائنل جیت لیا، نوواک جوکووچ نے مسلسل دوسرا، جب کہ مجموعی طور پر پانچواں ومبلڈن ٹائٹل جیتا۔

    تفصیلات کے مطابق ایک طرف کھیل کے عالمی میدانوں میں کرکٹ ورلڈ کپ 2019 کا سنسنی خیز فائنل میچ کھیلا گیا جو انگلینڈ نے جیتا، دوسری طرف ومبلڈن فائنل کی تاریخ کا سب سے سنسنی خیز، سب سے طویل معرکہ جوکووچ کے نام رہا۔

    سرب اسٹار نوواک جوکووچ نے فائنل میچ میں 8 بار کے ومبلڈن ونر راجر فیڈرر کو 2 کے مقابلے میں 3 سیٹس سے شکست دی۔

    تاریخ کے اس سنسنی خیز میچ کا پانچواں اور آخری سیٹ 100 منٹ سے زیادہ جاری رہا، جوکووچ نے 7،6، 6،1،7،6، 6،4، اور 13،12 سے کام یابی حاصل کی۔

    یہ بھی پڑھیں:  انگلینڈ پہلی بار کرکٹ ورلڈ کپ کا چیمپئن بن گیا ، نیوزی لینڈ کو شکست

    کرکٹ اور ٹینس کے ان سنسنی خیز مقابلوں کے دوران دل چسپ واقعہ پیش آیا، ٹینس کا فائنل طویل ہوتا گیا تو ومبلڈن کے آفیشل ٹویٹر اکاؤنٹ پر کمنٹس آنے لگے، جن میں کہا گیا کہ ہیلو آئی سی سی، تمھارا فائنل کیسا جا رہا ہے۔

    آئی سی سی نے ٹویٹر پر اس کا جواب دیتے ہوئے کہا کہ کرکٹ فائنل میں بھی بے سکونی اور جوش کا عالم ہے۔

    خیال رہے کہ انگلینڈ کرکٹ کا نیا ورلڈ چیمپئن بن گیا ہے، لارڈز میں ورلڈ کپ کی تاریخ کا سنسنی خیز فائنل کھیلا گیا، اعصاب کی جنگ عروج پر رہی، شایقین دل تھامے بیٹھے رہے۔

    میچ ٹائی ہونے کے بعد سپر اوور میں بھی اسکور برابر ہو گیا، لیکن میچ میں زیادہ باونڈریز کے سبب انگلینڈ جیت گیا اور پہلی بار ورلڈ کپ چیمپئن بن گیا۔ سپر اوور میں انگلینڈ نے پندرہ رنز بنائے۔ نیوزی لینڈ بھی پندرہ رنز ہی بنا سکا۔ انگلینڈ نے 44 سال بعد ورلڈ کپ کا تاج اپنے سر سجا کر تاریخ رقم کر دی۔

  • نوواک جوکووچ نے رافیل نڈال کو ہرا کر آسٹریلین اوپن جیت لیا

    نوواک جوکووچ نے رافیل نڈال کو ہرا کر آسٹریلین اوپن جیت لیا

    میلبرن: سربین ٹینس اسٹار اور ورلڈ نمبر ون نوواک جوکووچ نے رافیل نڈال کو ہراکر آسٹریلین اوپن کا ٹائٹل جیت لیا۔

    تفصیلات کے مطابق سربین ٹینس اسٹار اور ورلڈ نمبر ون نوواک جوکووچ نے رافیل نڈال کو ہراکر آسٹریلین اوپن کا ٹٓائٹل اپنے نام کرلیا، جوکووچ نے ریکارڈ 7ویں بار آسٹریلین اوپن اپنے نام کیا ہے۔

    عالمی نمبر ایک جوکووچ نے مجموعی طور پر 15 گرینڈ سلم ٹائٹل اپنے نام کرلیے، سربین اسٹار نے فائنل میں حریف نڈال کو اسٹریٹ سیٹس میں شکست دی۔

    نوواک جوکووچ کی جیت کا اسکور 6-3، 6-2 اور 6-3 رہا، سربین اسٹار نے اسپین کے نڈال کو صرف 2 گھنٹے چار منٹ میں اسٹریٹ سیٹس میں ہرایا۔

    نوواک جوکووچ نے جیت کے بعد میڈیا سے گفتگو کرتے ہوئے کہا کہ ساتویں بار آسٹریلین اوپن کا ٹائٹل جیت کر خوشی ہورہی ہے اس کے لیے سخت محنت کی، انجری سے چھٹکارا پاکر دوبارہ واپس آنا کافی مشکل تھا۔

    دوسری جانب نڈال نے کہا کہ آج فائنل میں ایک راؤنڈ بھی نہیں جیت سکا، آج کی رات میرے لیے اچھی نہیں تھی، جوکووچ نے مجھ سے اچھا کھیل پیش کیا اور وہ جیت کے حق دار تھے۔

    واضح رہے کہ گزشتہ روز آسٹریلین اوپن کے ویمن فائنل میں جاپان کی ناؤمی اوساکا نے جمہوریہ چیک کی پیٹرا کویٹوا کو شکست دے کر پہلی بار آسٹریلین اوپن کا ٹائٹل جیتا تھا اور عالمی نمبر ایک بن گئی تھیں۔

    دونوں کھلاڑیوں کے درمیان سنسنی خیز مقابلہ ہوا، اوساکا نے پہلا سیٹ 7-6 سے جیتا، کویٹوا نے کم بیک کرتے ہوئے دوسرا سیٹ 7-5 سے اپنے نام کیا، تیسرے سیٹ میں اوساکا نے جارحانہ کھیل پیش کرتے ہوئے 7-6 سے کامیابی حاصل کی اور پہلی بار آسٹریلین اوپن ٹینس کا ٹائٹل اپنے نام کرلیا۔