ARYNews.tv | Urdu – Har Lamha Bakhabar

Tag: نوٹس

  • وزیراعظم نے گوادر میں بجلی و پانی بحران کا نوٹس لے لیا، خصوصی کمیٹی قائم

    وزیراعظم نے گوادر میں بجلی و پانی بحران کا نوٹس لے لیا، خصوصی کمیٹی قائم

    اسلام آباد(13 اگست 2025): وزیراعظم شہبازشریف نے گوادر میں بجلی اور پانی بحران کا نوٹس لے لیا۔

    تفصیلات کے مطابق وفاقی وزیر بحری امور محمد جنید انوار چوہدری نے کہا ہے کہ وزیراعظم نے گوادر میں بجلی اور پانی کے بحران کا نوٹس لے لیا ہے۔

    انوار چوہدری نے بتایا کہ وزیراعظم کی ہدایت پر گوادر کے مسائل کے حل کیلئے خصوصی کمیٹی قائم کر دی گئی ہے، کمیٹی میں وزیراعلیٰ بلوچستان، وزارتِ منصوبہ بندی، بحری امور، توانائی کے وزرا اور سیکریٹریز شامل ہوں گے۔

    وفاقی وزیر کے مطابق کمیٹی مقررہ مدت میں اپنی سفارشات وزیراعظم کو پیش کرے گی تاکہ گوادر کے بجلی و پانی کے مسائل کا مستقل حل نکالا جا سکے، جنید انوار چوہدری نے کہا کہ گوادر کی ترقی حکومت کی اولین ترجیح ہے اور عوام کو بنیادی سہولیات کی فراہمی یقینی بنائی جائے گی۔

    اس سے قبل وزیر اعلیٰ بلوچستان سرفراز بگٹی نے وفاقی وزیر برائے منصوبہ بندی، ترقی اور اصلاحات کی زیر صدارت ایک اعلیٰ سطحی اجلاس کے دوران کوئٹہ سے ویڈیو لنک کے ذریعے گفتگو کرتے ہوئے گوادر کے پانی اور بجلی کے مسائل کو حل کرنے کے لیے فوری اور مربوط کارروائی کا مطالبہ کیا۔

    وزیراعلیٰ نے شہر کی پانی کی فراہمی کو درپیش سنگین چیلنجوں پر زور دیا، اس بات پر زور دیا کہ بجلی کی جاری بندش موثر تقسیم کی راہ میں سب سے بڑی رکاوٹ ہے، انہوں نے خبردار کیا کہ بروقت بارش نہ ہوئی تو اگلے سات ماہ میں گوادر میں پانی کی صورتحال مزید خراب ہو سکتی ہے۔

  • سحروافطار میں گھریلو صارفین کو گیس کی عدم فراہمی، وزیراعظم نے نوٹس لےلیا

    سحروافطار میں گھریلو صارفین کو گیس کی عدم فراہمی، وزیراعظم نے نوٹس لےلیا

    وزیراعظم شہباز شریف نے رمضان المبارک میں سحر و افطار میں گھریلو صارفین کو گیس کی عدم فراہمی کی شکایات کا نوٹس لے لیا ہے۔

    تفصیلات کے مطابق وزیراعظم پاکستان شہباز شریف نے گیس کی عدم فراہمی کی شکایات کے فوری ازالے کیلئے سیکریٹری سطح پر اجلاس طلب کیا، وفاقی وزارت، سوئی گیس کمپنیز کے منیجنگ ڈائریکٹرز اور سینئر انتظامیہ کیساتھ انھوں نے ہنگامی اجلاس منعقد کیا۔

    سوئی گیس کمپنیز کا کہنا تھا کہ صارفین کو درپیش مسائل کے حل کیلئے اقدامات کیے جارہے ہیں، فیلڈ اسٹاف، کنٹرول رومز کے ذریعے گیس پریشر کی نگرانی کیلئے فوری اقدامات کیے گئے ہیں۔

    رمضان کے آغاز کے ساتھ ہی گیس کمپنیوں کے اعلانات کے باوجود مختلف شہروں میں سحری اور افطار کے اوقات میں گیس غائب رہی اور لوگوں کو کافی مشکلات کا سامنا کرنا پڑا۔

    گیس فراہمی کے اداروں کے اعلانات بیکار گئے اور رمضان المبارک میں سحر اور افطار کے اوقات میں گیس فراہمی کئی علاقوں میں بند رہی، لوگوں کو سحری اور افطاری کی تیاری میں مشکلات پیش آئیں۔

    کراچی اور راولپنڈی کے کئی علاقوں میں گیس نہ ہونے کے باعث خواتین کو گھروں میں کھانا بنانے میں دشواری پیش آئی جبکہ ہوٹلوں پر عوام کا رش لگ گیا۔

    https://urdu.arynews.tv/shehbaz-sharif-sugar-prices-control-02-03-2025/

  • وزیر داخلہ کا صدر پریڈی تھانے پر کریکر دھماکے کی تحقیقات کا حکم

    وزیر داخلہ کا صدر پریڈی تھانے پر کریکر دھماکے کی تحقیقات کا حکم

    وزیر داخلہ سندھ ضیاء لنجار نے صدر پریڈی تھانے پر کریکر دھماکے کے واقعے کا نوٹس لیتے ہوئے تحقیقات کا حکم دیدیا۔

    تفصیلات کے مطابق کراچی کے علاقے صدر میں پریڈی تھانے پر نامعلوم ملزمان کریکر حملہ کرکے فرار ہوگئے، واقعہ میں 3 پولیس اہلکار زخمی اور ایک ہائی روف گاڑی کو نقصان پہنچا تھا۔

    وزیر داخلہ سندھ ضیاءلنجار نے واقعہ کا نوٹس لیتے ہوئے دھماکے کی تحقیقات کا حکم دیا ہے، اس واقعے کے بعد ایس ایس پی جنوبی سے رابطہ کیا اور کہا کہ کریکر دھماکے کی مکمل تفصیلات سے آگاہ کیا جائے۔

    کراچی : پریڈی تھانے پر کریکر سے حملہ، سی سی ٹی وی فوٹیج سامنے آگئی

    وزیر داخلہ سندھ نے کہاکہ ایسے حملے ناقابل برداشت ہیں، سیکیورٹی کو مربوط بنایا جائے، اس واقعے میں زخمی ہونیوالے پولیس کو بہترین طبی سہولیات کی فراہم کی جائے۔

    وزیرداخلہ سندھ نے شہر میں سیکیورٹی کو مؤثر بنانے کی بھی ہدایت کی ہے، دوسری جانب پولیس حکام نے وزیر داخلہ کو آگاہ کیا کہ واقعےکی تمام پہلوؤں سے جانچ کی جارہی ہے۔

    پولیس حکام کا کہنا ہے کہ سی سی ٹی وی فوٹیج حاصل کرلی گئی ہے اور تینوں زخمی اہلکاروں کی حالت تسلی بخش ہے۔

  • سرکاری گاڑیوں کے ناجائز استعمال کا نوٹس لے لیا گیا

    سرکاری گاڑیوں کے ناجائز استعمال کا نوٹس لے لیا گیا

    صوبہ خیبر پختونخوا کی حکومت نے سرکاری گاڑیوں کے ناجائز استعمال کا نوٹس لے لیا ہے۔

    اے آر وائی نیوز کے مطابق صوبہ خیبر پختونخوا کی حکومت نے محکمہ سی اینڈ ڈبلیو میں سرکاری گاڑیوں کے ناجائز استعمال کا نوٹس لیتے ہوئے اس سے متعلق سیکریٹری سی اینڈ ڈبلیو نے مراسلہ جاری کر دیا ہے۔

    مراسلے میں کہا گیا ہے کہ محکمہ سی این ڈبلیو کے افسران اپنے تبادلے پر اجازت کے بغیر گاڑی لے جاتے ہیں اور خالی عہدوں کی گاڑیاں اضافی چارج والے افسران استعمال کر رہے ہیں۔

    مراسلے میں بتایا گیا ہے کہ اس طرز عمل کے نتیجے میں متعلقہ محکمے میں گاڑیوں کی قلت پیدا ہوگئی ہے۔ گاڑیوں کی قلت کے باعث سرکاری امور متاثر ہو رہے ہیں۔

    مراسلے میں سرکاری گاڑیوں کا غیر قانونی استعمال کرنے والے افسران کو گاڑیاں فوری واپس کرنے کی ہدایت کی گئی ہے اور متنبہ کیا گیا ہے کہ گاڑیاں واپس نہ کرنے والے افسران کے خلاف کارروائی کی جائے گی۔

    https://urdu.arynews.tv/government-vehicles-used-tik-tok-videos/

  • گول گپے بیچنے والے کو ٹیکس ادائیگی کا نوٹس!

    گول گپے بیچنے والے کو ٹیکس ادائیگی کا نوٹس!

    گول گپے بیچنے والے شخص کو ٹیکس کی ادائیگی کا نوٹس موصول ہوا ہے جو بعد ازاں سوشل میڈیا پر وائرل ہو گیا۔

    گول گپے کئی لوگ شوق سے کھاتے ہیں۔ اسی لیے کئی جگہوں پر یہ ٹھیلوں، اسٹالوں اور دکانوں پر فروخت ہوتے نظر آتے ہیں۔ اس کاروبار کا شمار عموماً غریب کاروبار میں شمار کیا جاتا ہے جس کی آمدنی ٹیکس ادائیگی کی حد میں نہیں آتی۔ تاہم ایک گول گپے فروخت کرنے والے کو ٹیکس کی ادائیگی کا نوٹس موصول ہوگیا ہے۔

    یہ نوٹس پڑوسی ملک بھارت کی ریاست تامل ناڈو میں ایک گول گپے فروخت کرنے والے شخص کو موصول ہوئی ہے جس کو مبینہ طور پر آن لائن 40 لاکھ روپے موصول ہونے کے بعد وہ ٹیکس حکام کے ریڈار میں آ گیا۔

    بھارتی میڈیا رپورٹ کے مطابق گزرے دسمبر میں تامل ناڈو گڈز اینڈ سروس ٹیکس ایکٹ اور سینٹرل جی ایس ٹی ایکٹ کے تحت گول گپے بیچنے والے کو ٹیکس کی ادائیگی کا نوٹس بھیجا گیا ہے۔

    گول گپے والے کو بھیجا جانے والا یہ نوٹس موصل ہونے کے بعد سوشل میڈیا پر بھی تیزی سے وائرل ہو رہا ہے، جس میں مذکورہ شخص کو ذاتی طور پر ٹیکس حکام کے سامنے پیش ہونے اور گزشتہ تین سالوں کے دوران کاروباری لین دین سے متعلق دستاویزات جمع کرانے کی ہدایت کی گئی ہے۔

    (فوٹو: سوشل میڈیا)

    بھارت کے جی ایس ٹی قوانین کے مطابق سالانہ 40 لاکھ روپے سے زیادہ کا بزنس کرنے والے دکانداروں کیلیے رجسٹریشن اور ٹیکس ادائیگی لازمی ہے اور نوٹس میں واضح کیا گیا ہے کہ سالانہ 40 لاکھ روپے سے زائد آمدن کے باوجود ٹیکس رجسٹریشن کے بغیر کاروبار جاری رکھنا ایک جرم ہے۔

    سوشل میڈیا پر یہ ٹیکس نوٹس وائرل ہونے پر صارفین حیران بھی ہیں اور ان کی جانب سے متضاد آرا سامنے آ رہی ہیں۔

    کچھ صارفین کا کہنا ہے کہ یہ کمائی ایک پروفیسر کی سالانہ آمدنی سے بھی زیادہ ہے لہذا گول گپے والے کو بھی لازمی ٹیکس ادا کرنا چاہیے جب کہ کئی ایسے صارفین بھی ہیں جو گول گپے فروش کے حق میں بات کرتے ہوئے کہہ رہے ہیں کہ 40 لاکھ اس کا سالانہ منافع نہیں آمدن ہے۔ پہلے اس میں سے اس کے تمام اخراجات منہا کیے جائیں تو ہو سکتا ہے کہ وہ محدود اور ناقابل ٹیکس ادائیگی منافع کما رہا ہو۔

  • پنجاب حکومت کی جانب سے عمران خان کو ایک اور نوٹس

    پنجاب حکومت کی جانب سے عمران خان کو ایک اور نوٹس

    لاہور: پنجاب کی محکمہ ایکسائز نے عمران خان کو ایک اور نوٹس بھیج دیا ہے۔

    تفصیلات کے مطابق محکمہ ایکسائز پنجاب کی جانب سے عمران خان کو لگژری ہاؤس ٹیکس کا نوٹس بھیجا گیا ہے۔

    محکمہ ایکسائز کے نوٹس میں کہا گیا ہے کہ عمران خان پر 36 لاکھ روپے ٹیکس واجب الادا ہیں، محکمہ ایکسائز اینڈ ٹیکسیشن کی 2 رکنی ٹیم نوٹس موصول کرانے زمان پارک پہنچی گئی۔

    ای ٹی او ایکسائز عدیل امجد اور انسپکٹر آمنہ رشید کی جانب سے عمران خان کو نوٹس بھیجا گیا جس میں کہا گیا ہے کہ 7 روز میں نوٹس پر عملدر آمد نہیں ہوئے تو الیکشن کمیشن کو خط لکھا جائے گا۔

  • سعودی عرب: قانون کی خلاف ورزی پر دکانوں کے مالکان کو نوٹس جاری

    سعودی عرب: قانون کی خلاف ورزی پر دکانوں کے مالکان کو نوٹس جاری

    ریاض: سعودی عرب کے ایک علاقے میں 4 دکان مالکان کو نوٹسز جاری کیے گئے ہیں جو سعودائزیشن قانون کی خلاف ورزی کے مرتکب پائے گئے تھے۔

    اردو نیوز کے مطابق شرورہ کمشنری میں سعودائزیشن کی تفتیشی مہم کے دوران خلاف ورزیاں ریکارڈ کرتے ہوئے چار دکان مالکان کو نوٹسز جاری کیے گئے ہیں۔

    مملکت میں سعودی شہریوں کو لازمی روزگار فراہم کرنے کے قانون کی خلاف ورزیوں کے سدباب کے لیے تفتیشی کمیٹیاں مختلف اوقات میں مارکیٹوں کا دورہ کرتی ہیں۔

    اس ضمن میں شرورہ کمشنری میں سعودائزیشن کمیٹی نے ایک تجارتی مارکیٹ میں 15 دکانوں کا دورہ کیا جہاں سعودیوں کی مقررہ تعداد کم ہونے پر 4 دکان مالکان کو انتباہی نوٹسز جاری کیے گئے۔

    متعلقہ کمیٹی کے ذمہ دار کا کہنا ہے کہ سعودائزیشن کے حوالے سے تفتیشی مہم تیز کر دی گئی ہے۔

    خیال رہے مملکت میں سعودائزیشن کا قانون کئی برس سے نافذ العمل ہے، اس ضمن میں متعدد تجارتی شعبے ایسے ہیں جہاں غیر ملکیوں کو ملازمت دینے کی سختی سے ممانعت ہے۔

    بعض تجارتی شعبوں میں 70 فیصد سعودائزیشن کی حد مقرر کی گئی ہے جبکہ ایسے شعبے جہاں سعودی کارکن دستیاب نہیں وہاں یہ حد نسبتاً کم ہے۔

    وزارت افرادی قوت و سماجی بہبود آبادی کی جانب سے سعودیوں کو روزگار فراہم کرنے کے لیے مملکت میں تجارتی اداروں، مارکیٹوں اورتعمیرات کے شعبے سے منسلک کمپنیوں کے لیے لازمی ہے کہ وہ اپنے اداروں میں سعودی کارکنوں کو متعین کریں۔

    اس ضمن میں مختلف حد مقرر کی گئی ہے جس پر عمل کرنا ضروری ہے۔

  • پولنگ اسٹیشنز کا دورہ: الیکشن کمیشن کا شاہ محمود قریشی کو نوٹس

    پولنگ اسٹیشنز کا دورہ: الیکشن کمیشن کا شاہ محمود قریشی کو نوٹس

    ملتان: پاکستان تحریک انصاف کے رہنما اور سابق وزیر خارجہ شاہ محمود قریشی کو الیکشن کمیشن کی جانب سے ضابطہ اخلاق کی خلاف ورزی پر نوٹس جاری کردی گیا۔

    تفصیلات کے مطابق پاکستان تحریک انصاف کے رہنما شاہ محمود قریشی کو الیکشن کمیشن کی جانب سے نوٹس جاری کردی گیا۔

    الیکشن کمیشن کا کہنا ہے کہ شاہ محمود نے پی پی 217 ملتان میں مسلسل پولنگ اسٹیشنز کا دورہ کیا، غیر متعلقہ شخص کا پولنگ اسٹیشنز کا دورہ کرنا ضابطہ اخلاق کی خلاف ورزی ہے۔

    الیکشن کمیشن کی جانب سے جاری کردہ نوٹس میں کہا گیا ہے کہ شاہ محمود قریشی کو پولنگ اسٹیشنز کا دورہ کرنے سے روکا جا رہا ہے، انہوں نے پولنگ اسٹیشنز کے اندر پریس کانفرنس کی اور بغیر ثبوت دھاندلی کے الزامات لگائے۔

    نوٹس میں کہا گیا ہے کہ شاہ محمود نے غیر قانونی طور پر فیکٹری پر چھاپہ مارا۔

    الیکشن کمیشن کی جانب سے مزید کہا گیا کہ شاہ محمود قریشی 24 گھنٹے میں الیکشن کمیشن کو اپنی پوزیشن واضح کریں۔

  • اسلام آباد میں ڈیلیوری کمپنیوں کو نوٹسز جاری

    اسلام آباد میں ڈیلیوری کمپنیوں کو نوٹسز جاری

    اسلام آباد: وفاقی دارالحکومت اسلام آباد میں ڈیلیوری کمپنیوں کو نوٹسز جاری کردیے گئے ہیں جن میں کہا گیا ہے کہ ڈیلیوری بوائز ٹریفک قوانین کی خلاف ورزی کے مرتکب پائے گئے تو متعلقہ کمپنی کے خلاف کارروائی ہوگی۔

    تفصیلات کے مطابق دارالحکومت اسلام آباد میں ٹریفک روانی برقرار رکھنے کے لیے پولیس متحرک ہوگئی، مختلف ڈیلیوری کمپنیوں کو قوانین پر عملدر آمد کے نوٹسز جاری کردیے گئے۔

    نوٹس میں کہا گیا ہے کہ کمپنیوں کے ڈیلیوری بوائز کے پاس ڈرائیونگ لائسنس لازمی قرار دیا گیا ہے۔

    نوٹس کے مطابق ڈیلیوری بوائز لائن وائلیشن اور ریڈ سگنل کی خلاف ورزی کرتے ہیں، اگر ڈیلیوری بوائز نے رویہ نہ بدلا تو متعلقہ کمپنی کے خلاف کارروائی ہوگی۔

  • ملائیشیا میں 3 ہزار پاکستانی پھنسے ہیں: سینیٹ میں توجہ دلاؤ نوٹس

    ملائیشیا میں 3 ہزار پاکستانی پھنسے ہیں: سینیٹ میں توجہ دلاؤ نوٹس

    اسلام آباد: سینیٹ اجلاس میں ایئر لائنز کی اضافی بکنگ اور منسوخی سے درپیش مشکلات پر توجہ دلاؤ نوٹس پیش کرتے ہوئے کہا گیا کہ ملائیشیا میں 3 ہزار سے زائد پاکستانی پھنسے ہوئے ہیں۔

    تفصیلات کے مطابق سینیٹ اجلاس میں سینیٹر نزہت صادق نے ایئر لائنز کی اضافی بکنگ اور منسوخی سے درپیش مشکلات پر توجہ دلاؤ نوٹس پیش کیا۔ نزہت صادق کا کہنا تھا کہ پروازوں کی منسوخی کے باعث پاکستانی مشکلات کا شکار ہیں۔

    انہوں نے کہا کہ ملائیشیا میں 3 ہزار سے زائد پاکستانی پھنسے ہوئے ہیں۔

    وفاقی وزیر برائے ایوی ایشن غلام سرور خان نے کہا کہ کرونا سے پوری دنیا کی ایوی ایشن انڈسٹری مشکلات کا شکار ہے۔ این سی او سی کرونا وائرس کی صورتحال کے مطابق فیصلے کرتی ہے، مئی میں ان باؤنڈ فلائٹس کم کرنے کا فیصلہ کیا گیا۔ انٹرنیشنل ایئر لائنز کی اوور بکنگ کے باعث مشکلات ہوئیں۔

    وفاقی وزیر کا کہنا تھا کہ سول ایوی ایشن نے کمپنیوں کو شوکاز نوٹس جاری کیے ہیں، خصوصی پروازوں کے ذریعے پھنسے مسافروں کو وطن واپس لایا جائے گا۔ این سی او سی کی مشاورت کے بعد پروازوں کو 50 فیصد کیا جارہا ہے۔ اس حوالے سے نوٹی فکیشن بھی جاری کردیا جائے گا۔

    انہوں نے کہا کہ سعودی عرب سے مزید 85 قیدیوں کو پاکستان لایا جائے گا۔

    سینیٹ اجلاس میں سابقہ فاٹا اور پاٹا میں خصوصی ٹیکس چھوٹ کی قرارداد بھی متفقہ طور پر منظور کرلی گئی۔ قبائلی اضلاع میں ٹیکس چھوٹ کی قرارداد سینیٹر کہدہ بابر نے پیش کی۔

    قرارداد میں کہا گیا کہ حکومت نے 25 ویں آئینی ترمیم میں ٹیکس چھوٹ کاوعدہ کیا تھا، غیر موصول شدہ ٹیکسز اور بجلی پر ٹیکس چھوٹ دی جائے۔ قبائلی اضلاع میں جاری ایف ای ڈی ٹیکس نوٹس منسوخ کیے جائیں۔