Tag: نوٹس

لاہور: وزیراعلیٰ پنجاب سردار عثمان بزدار نے کتے کے کاٹنے سے بچے کے فیروز والا میں جاں بحق ہونے کا نوٹس لے لیا۔

تفصیلات کے مطابق وزیراعلیٰ پنجاب سردار عثمان بزدار نے فیروز والا میں کتے کے کاٹنے سے بچے کے جاں بحق ہونے کا نوٹس لیتے ہوئے کمشنر لاہور ڈویژن سے رپورٹ طلب کرلی۔

سردار عثمان بزدار نے شاہدرہ، میو اسپتال میں لڑکے کو بروقت ویکسین نہ لگانے پربرہمی کا اظہار کرتے ہوئے کہا کہ ویکسین کی عدم موجودگی متعلقہ حکام کی غیر ذمہ داری کا ثبوت ہے۔

وزیراعلیٰ پنجاب نے اسپتالوں، وبنیادی مراکزصحت میں ویکسین کی دستیابی یقینی بنانے کی ہدایت کرتے ہوئے کہا کہ آوارہ کتوں سے شہریوں کو بچانے کے لیے مؤثر مہم چلائی جائے، انتظامیہ اس ضمن میں ہر ممکنہ اقدام کرے۔

سندھ حکومت کا کتوں کو اینٹی ریبیز انجکشن لگانے کا فیصلہ

یاد رہے کہ گزشتہ ماہ حکومت سندھ نے ریبیز سے ہونے والی اموات کے پیش نظر آوارہ کتوں کو اینٹی ریبیز کے انجکشن لگانے کی منصوبہ بندی کی، سندھ حکومت آوارہ کتوں کے مجوزہ منصوبے پر 30 کروڑ روپے خرچ کرے گی۔

آوارہ کتوں کو پکڑنے اور انہیں انجکشن لگانے کے لیے افریقی تربیت یافتہ ماسٹر ٹرینرز سندھ کی بلدیاتی کونسلز میں عملے کو ٹریننگ دیں گے، آوارہ کتوں کے لیے ہر ضلع میں 2 سے 3 سینٹرز بنائے جائیں گے۔

اسلام آباد: الیکشن کمیشن آف پاکستان نے نا اہلی کی درخواست پر فریال تالپور کو نوٹس جاری کرتے ہوئے 9 دسمبرتک جواب طلب کرلیا۔

تفصیلات کے مطابق الیکشن کمیشن میں فریال تالپور کی نااہلی کے لیے پی ٹی آئی کی درخواست پر سماعت کے دوران ممبر کے پی ارشاد قیصر نے کہا کہ ایسی ہی ایک درخواست ہائی کورٹ میں بھی دائر ہے۔

وکیل پی ٹی آئی نے کہا کہ ہائی کورٹ میں درخواست معظم عباسی کی ہے، سندھ ہائی کورٹ میں درخواست اقامہ ظاہر نہ کرنے سے متعلق ہے، ہماری درخواست کاغذات نامزدگی میں اثاثے ظاہر نہ کرنے کی ہے۔

ارشاد قیصر نے کہا کہ سیکرٹری سندھ اسمبلی نے خط لکھا فریال تالپورکی نااہلی کا کیس نہیں بنتا، وکیل پی ٹی آئی نے کہا کہ سیکرٹری سندھ اسمبلی کے خط کی کوئی قانونی حیثیت نہیں ہے۔

ممبر کے پی ارشاد قیصر نے سوال کیا کہ کیا فریال تالپور اقامہ ہولڈر ہیں؟ جس پر وکیل پی ٹی آئی نے کہا کہ درخواست گزار کے مطابق فریال تالپور نے اقامہ ظاہر نہیں کیا، ہماری درخواست جائیدادیں ظاہر نہ کرنے سے متعلق ہے۔

وکیل پی ٹی آئی نے کہا کہ جون 2019 میں اسپیکر سندھ اسمبلی کو نااہلی کی درخواست دی تھی، قانونی طور پر اسپیکر نے ایک ماہ میں فیصلہ دینا تھا جو نہیں دیا، اسپیکر ایک ماہ میں فیصلہ نہ کرے تو کیس ازخود الیکشن کمیشن کو منتقل ہوجاتا ہے۔

بعدازاں الیکشن کمیشن آف پاکستان نے نا اہلی کی درخواست پر فریال تالپور کو نوٹس جاری کرتے ہوئے 9 دسمبرتک جواب طلب کرلیا۔

اسلام آباد: چیئرمین سینیٹ صادق سنجرانی کا کہنا ہے کہ سیکرٹری داخلہ پارلیمان کو کوئی اہمیت نہیں دیتے، ایک سرکاری ملازم کی وجہ سے بداعتمادی پیدا ہو رہی ہے۔

تفصیلات کے مطابق چیئرمین سینیٹ صادق سنجرانی نے سینیٹ اجلاس میں سیکرٹری داخلہ کی غیرحاضری کا نوٹس لیتے ہوئے کہا کہ سیکرٹری داخلہ کی غیرحاضری ایوان کی بےتوقیری کے مترادف ہے۔

صادق سنجرانی نے کہا کہ سیکرٹری داخلہ ایوان میں آتے ہیں نہ ہی کمیٹیوں کے اجلاس میں، سیکرٹری داخلہ پارلیمان کو کوئی اہمیت نہیں دیتے، ایک سرکاری ملازم کی وجہ سے بداعتمادی پیدا ہو رہی ہے۔

چیئرمین سینیٹ نے کہا کہ وزیر پارلیمانی امور وزیراعظم کو خط لکھ کر آگاہ کریں، وزیراعظم تک پیغام پہنچائیں سیکرٹری داخلہ کے خلاف ایکشن لیں۔ انہوں نے حکومت سے سیکرٹری داخلہ کے خلاف کارروائی پر رپورٹ طلب کرلی۔

یاد رہے کہ 4 روز قبل چیئرمین سینیٹ نے ایوان بالا کے اجلاس میں اپوزیشن کی تحریک پر بحث کے دوران وزارت داخلہ کے افسران کی عدم موجودگی پر سیکرٹری داخلہ سے تین روز میں وضاحت طلب کی تھی۔

سیکرٹری سینیٹ محمد انور نے سیکرٹری داخلہ کو چیئرمین سینیٹ کی ہدایت پر خط لکھا تھا جس میں کہا گیا تھا کہ قواعد کے مطابق تحریک التوا پر بحث کے دوران سیکرٹری داخلہ کا موجود ہونا ضروری تھا۔ خط میں کہا گیا تھا کہ ارکان نے اجلاس میں سیکرٹری داخلہ کی عدم موجودگی کی نشاندہی کی تھی۔

لاہور: وزیراعلیٰ پنجاب سردار عثمان بزدار نے شیخوپورہ میں بچوں پر تشدد کے واقعے کا نوٹس لیتے ہوئے آر پی او شیخوپورہ سے رپورٹ طلب کرلی۔

تفصیلات کے مطابق وزیراعلیٰ پنجاب نے شیخوپورہ کے علاقے نارنگ منڈی میں بچوں پر تشدد کے واقعے کا نوٹس لیتے ہوئے آر پی او کو انکوائری کا حکم دے دیا۔

سردار عثمان بزدار نے کہا کہ بچوں پر تشدد کے ذمہ دار افراد کے خلاف قانون کے تحت کارروائی عمل میں لائی جائے۔ انہوں نے یقین دہانی کرائی کہ تشدد کا نشانہ بننے والے بچوں کو ہرصورت انصاف فراہم کیا جائے گا۔

وزیراعلیٰ پنجاب نے مزید کہا کہ کسی کو بھی قانون ہاتھ میں لینے کی اجازت نہیں دی جاسکتی۔

یاد رہے کہ گزشتہ روز شیخوپورہ کے علاقے نارنگ منڈی میں ریل بازار کے بااثر دکانداروں نے 4 معصوم بچوں کو دکان سے ٹافیاں اور پیسے چوری کرنے کے شبہ میں پکڑا اور ہاتھ باندھ کر وحشیانہ تشدد کا نشانہ بنایا۔

دکانداروں نے بچوں کے سر مونڈ ڈالے اور منہ کالے کرکے بازار کا چکر لگوایا، بچوں کی حالت غیر ہونے پر بھرے بازار میں انہیں پھینک دیا۔

راہگیروں نے بچوں کو نجی اسپتال پہنچایا جہاں طبی امداد دینے کے بعد بچوں کو والدین کے حوالے کردیا گیا۔