اسلام آباد الیکشن کمیشن نے نا اہلی کی درخواست پرعمران خان کو نوٹس جاری کرتےہوئے1دسمبر تک جواب طلب کرلیا۔
تفصیلات کےمطابق الیکشن کمیشن میں ہونے والی سماعت میں درخواست گزار ہاشم علی بھٹہ کے وکیل کا کہنا تھا کہ عمران خان کی سیاسی جماعت نے بیرون ملک سے 2001 سے 2013 تک 29 لاکھ 92 ہزار ڈالرز فنڈز لیے۔
درخواست میں موقف اختیار کیا گیا ہےکہ پی ٹی آئی بیرون ملک کے فنڈز پر چلنے والی سیاسی جماعت ہے۔الیکشن کمیشن نے کیس کو پی ٹی آئی پارٹی فنڈز سے منسلک کردیا اورسماعت یکم دسمبر تک ملتوی کر دی۔
مزید پڑھیں: اسلام آباد کی بندش، عمران خان کل لائحہ عمل کا اعلان کریں گے
یاد رہے کہ دو روز قبل تحریک انصاف کے چیئرمین عمران خان نے کہاتھا کہ 30 اکتوبر کا احتجاج پرامن ہوگا تاہم اس بار حکمرانوں کو احتساب سے بھاگنے کا موقع نہیں دیں گے جبکہ پاناما لیکس کی شفاف تحقیقات تک جدوجہد جاری رکھیں گے۔
مزیدپڑھیں: عمران خان کی دھرنے کے لیے کارکنوں سے چندے کی اپیل
واضح رہےکہ تحریک انصاف کے سربراہ عمران خان نے کارکنان سے دھرنے کے لیے کم از کم سو سو روپے بطور چندہ جمع کرانے کی اپیل کر تے ہوئے کہا تھاکہ حکومت کے خاتمے تک دھرنے پر بیٹھے رہیں گے۔
