ARYNews.tv | Urdu – Har Lamha Bakhabar

Tag: نوٹیفکیشن جاری

  • پیٹرول کی قیمتوں سے متعلق اعلان کردیا گیا

    پیٹرول کی قیمتوں سے متعلق اعلان کردیا گیا

    اسلام آباد : حکومت نے آئندہ 15 روز کے لیے پیٹرولیم مصنوعات کی قیمتوں میں ردوبدل کردیا جس کے تحت پیٹرول کی قیمت برقرار رکھنے کا فیصلہ کیا گیا ہے ۔

    وزارت خزانہ کی جانب سے پٹرولیم مصنوعات کی قیمتوں میں ردوبدل کا نوٹیفکیشن جاری کردیا گیا ہے۔

    نوٹیفکیشن کے مطابق پٹرول کی قیمت264.61روپے برقرار جبکہ ہائی اسپیڈ ڈیزل کی قیمت میں3روپے فی لیٹر کمی کردی گئی۔

    ہائی اسپیڈ ڈیزل کی نئی قیمت269.99روپے ہوگئی، مٹی کا تیل 1.46روپے سستا ہونے کے بعد نئی قیمت176.81روپے فی لیٹر ہوگئی۔

    قیمتوں میں ردوبدل کے نوٹیفکیشن کے مطابق لائٹ ڈیزل2.40روپے فی لیٹر سستا کیا گیا ہے جس کی نئی قیمت159.76روپے ہوگئی

    وزارتِ خزانہ کےجاری کردہ نوٹیفکیشن کے مطابق آئندہ پندرہ روز کے لیے نئی قیمتوں کا اطلاق آج (یکم ستمبر) سے فوری طور پر کردیا گیا ہے۔

    مزید پڑھیں : ایل پی جی کے گھریلو سلنڈر کی قیمت میں کتنی کمی آئی؟

    واضح رہے کہ اس سے قبل اوگرا نے بھی ایل پی جی کی قیمت میں کمی کا نوٹیفکیشن جاری کیا ہے۔

    نوٹیفکیشن کے مطابق ستمبر کے لیے فی کلو ایل پی جی کی قیمت میں 1 روپے 17 پیسے کمی کی گئی ہے۔

    گھریلو استعمال کے لیے 11.8 کلو گرام والے سلنڈر کی قیمت میں 13 روپے 89 پیسے کمی آئی ہے جس کے بعد اس کی نئی قیمت 2527 روپے 47 پیسے ہو گئی ہے۔ نئی قیمتوں کا اطلاق آج رات بارہ بجے سے ہوگا۔

  • عوام کیلئے خوشخبری، چینی پر سیلزٹیکس میں کمی کا نوٹیفکیشن جاری

    عوام کیلئے خوشخبری، چینی پر سیلزٹیکس میں کمی کا نوٹیفکیشن جاری

    فیڈرل بورڈآف ریونیو نے چینی پر سیلزٹیکس میں کمی کا نوٹیفکیشن جاری کردیا، ٹریڈنگ کارپوریشن آف پاکستان چینی درآمد کریگی۔

    تفصیلات کے مطابق درآمدکی گئی چینی سستی کرنے کےلیے وفاقی حکومت متحرک ہوگئی ہے، چینی پر سیلزٹیکس میں کمی کا نوٹیفکیشن جاری کردیا گیا ہے جس میں بتایا گیا ہے کہ درآمدی چینی پر سیلزٹیکس 18 کی بجائے 0.25 فیصدہوگا۔

    فیڈرل بورڈآف ریونیو کے نوٹیفکیشن میں بتایا گیا ہے کہ سیلزٹیکس میں کمی 30 ستمبرتک درآمدکی گئی چینی کےلیے ہوگی۔

    چینی کی درآمد ٹریڈنگ کارپوریشن آف پاکستان کے ذریعے ہوگی، چینی کی درآمد کا فیصلہ وزارت تجارت کی گائیڈ لائنز کے تحت ہوگا۔

    خیال رہے کہ وفاقی کابینہ نے 5 لاکھ ٹن چینی درآمد کرنے کا حتمی فیصلہ کر لیا ہے، وزارت غذائی تحفظ کا کہنا ہے کہ پانچ لاکھ ٹن چینی درآمد کرنے کا فیصلہ حتمی طور پر ہو گیا ہے، اور چینی کی درآمد حکومتی شعبے کے ذریعے کی جائے گی۔

    وزارت کا کہنا تھا کہ چینی کی درآمد کے لیے تمام انتظامات مکمل کر لیے گئے ہیں اور اس پر فوری عمل درآمد شروع کیا جا رہا ہے، یہ اقدام چینی کی قیمتوں میں توازن برقرار رکھنے کے لیے اٹھایا گیا ہے۔

    وزارت غذائی تحفظ کے مطابق چینی کی درآمد کا جو طریقہ اختیار کیا گیا ہے وہ ماضی کی حکومتوں سے مختلف ہوگا، ماضی میں اکثر چینی کی مصنوعی قلت پیدا کر کے قومی خزانے پر بوجھ ڈال کر سبسڈی پر انحصار کیا جاتا تھا۔

    https://urdu.arynews.tv/sugar-hoarders-crackdown-4000-sacks-recovered/

  • آئی ایم ایف کی ایک اور شرط پوری، ہائی اوکٹین سے متعلق بڑا فیصلہ

    آئی ایم ایف کی ایک اور شرط پوری، ہائی اوکٹین سے متعلق بڑا فیصلہ

    اسلام آباد : وفاقی حکومت نے عالمی مالیاتی ادارے آئی ایم ایف کی ایک اور شرط پوری کرتے ہوئے ہائی اوکٹین پر لیوی میں اضافہ کردیا۔

    اے آر وائی نیوز کی رپورٹ کے مطابق وزارت خزانہ اور وزارت توانائی کی مشاورت کے بعد ہائی اوکٹین پر لیوی میں 20 روپے اضافہ کا فیصلہ کیا گیا ہے۔

    اس حوالے سے جاری نوٹیفکیشن میں کہا گیا ہے کہ لگژری گاڑیوں کے ایندھن ہائی اوکٹین پر لیوی 50 سے بڑھا کر  70روپے فی لیٹر کردی گئی ہے۔

    رپورٹ کے مطابق پہلے لگژری گاڑیوں کے ایندھن پر پیٹرولیم لیوی 50 روپے فی لیٹر مقرر تھی، آئی ایم ایف کو ہائی اوکٹین پر  20 روپے لیوی کم رکھنے پر اعتراض تھا جسے اب دور کردیا گیا ہے۔

    واضح رہے کہ اس سے قبل حکومت نے پٹرول کی قیمت میں ایک روپیہ فی لیٹر کمی کرکے عوام کو عید کا تحفہ دیا جبکہ ڈیزل کی قیمت برقرار رکھی گئی ہے جس کا باقاعدہ نوٹیفکیشن بھی جاری کردیا گیا ہے۔

    مزید پڑھیں : پٹرول کی قیمت میں کمی کردی گئی

    نوٹیفکیشن کے مطابق پٹرول کی قیمت 254 روپے63 پیسے فی لیٹر مقرر کی گئی ہے جبکہ حکومت کی جانب سے ڈیزل کی قیمت برقرار رکھی گئی ہے۔

    یاد رہے کہ رواں ماہ 14 مارچ کو وفاقی حکومت نے پیٹرول پر لیوی میں 10 روپے فی لیٹر کا اضافہ کیا تھا، وزارت خزانہ سے جاری نوٹیفکیشن کے مطابق پیٹرول پر لیوی 60 سے بڑھا کر 70 روپے فی لیٹرکی گئی تھی۔

    اس حوالے سے ذرائع کا کہنا تھا کہ پٹرولیم لیوی بڑھانے سے ملنے والی اضافی رقم بجلی کے بلوں میں ریلیف پر خرچ کی جائے گی۔

  • پٹرول کی قیمت میں کمی کردی گئی

    پٹرول کی قیمت میں کمی کردی گئی

    اسلام آباد : حکومت نے پٹرول کی قیمت میں ایک روپیہ فی لیٹر کمی کرکے عوام کو عید کا تحفہ دے دیا جبکہ ڈیزل کی قیمت برقرار رکھی گئی ہے۔

    اے آر وائی نیوز کی رپورٹ کے مطابق حکومت نے آئندہ 15 دن کیلئے پٹرولیم مصنوعات کی قیمتوں کا اعلان کردیا، جس میں پٹرول ایک روپیہ فی لٹر سستا کرنے کی نوید سنائی گئی ہے۔

    حکومت کی جانب سے پٹرول کی قیمت میں ایک روپیہ فی لیٹر کمی کردی گئی ہے جس کا باقاعدہ نوٹیفکیشن بھی جاری کردیا گیا ہے۔

    اس حوالے سے جاری نوٹیفکیشن کے مطابق پٹرول کی قیمت 254 روپے 63 پیسے فی لیٹر مقرر کی گئی ہے جبکہ حکومت کی جانب سے ڈیزل کی قیمت برقرار رکھی گئی ہے۔

    وزارت خزانہ کی جانب سے جاری نوٹیفکیشن کے مطابق پٹرولیم مصنوعات کی نئی قیمتوں کا اطلاق جمعے اور ہفتے کی درمیانی شب بارہ بجے سے ہوگا۔

    رپورٹ کے مطابق مٹی کے تیل اور لائٹ ڈیزل کی قیمت ڈی ریگولیٹڈ ہے اس لیے اس کی قیمتیں بعد میں جاری کی جائیں گی، اس کے علاوہ ہائی اوکٹین کی فی لیٹر قیمت کا اعلان بھی آج ہی ہوگا۔

    ہائی اوکٹین کے حوالے سے اس بات کا بھی قوی امکان ہے کہ اس پر جو 50 روپے کی لیوی ہے اس میں 20 روپے اضافہ کرکے 70 روپے کردیا جائے گا۔

    مزید پڑھیں : پٹرولیم مصنوعات کی نئی قیمتوں کا نوٹیفکیشن جاری 

    یاد رہے کہ حکومت نے 15 روز قبل پٹرولیم مصنوعات کی قیمتیں برقرار رکھنے کا فیصلہ کیا تھا، نوٹیفکیشن کے مطابق پٹرول کی قیمت 255 روپے 63 پیسے فی لیٹر برقرار رکھی گئی تھی۔

  • کراچی میں ڈبل سواری پر پابندی عائد، نوٹیفکیشن جاری

    کراچی میں ڈبل سواری پر پابندی عائد، نوٹیفکیشن جاری

    کراچی : یوم علیؓ کے موقع پر شہر قائد میں موٹر سائیکل کی ڈبل سواری پر پابندی عائد کردی گئی ہے جس کا نوٹیفکیشن بھی جاری کردیا گیا ہے۔

    اے آر وائی نیوز کی رپورٹ کے مطابق کمشنر کراچی نے شہر قائد میں 2 روز کیلئے دفعہ 144 کے تحت موٹر سائیکل کی ڈبل سواری پر پابندی عائد کردی ہے۔

    دہشت گردی کے خدشات کے پیش نظر اور سندھ میں یوم علیؓ کے موقع پر امن وامان برقرار رکھنے کے لئے متعدد سیکیورٹی اقدامات کیے جارہے ہیں، ان اقدامات میں سب سے اہم اور آزمودہ اقدام موٹر سائیکل کی ڈبل سوری پر پابندی ہے۔

    اس حوالے سے نوٹیفکیشن بھی جاری کردیا گیا ہے جس کے مطابق دفعہ 144 یوم علیؓ کے موقع پر سیکیورٹی اقدامات کے تحت عائد کی گئی ہے۔

    اس پابندی کا نوٹیفکیشن کمشنر کراچی کی جانب سے جاری کیا گیا ہے، شہر کے تینوں اضلاع میں موٹرسائیکل کی ڈبل سواری پرپابندی ہوگی۔

    موٹر سائیکل کی ڈبل سواری پر پابندی اطلاق 21 سے 22 رمضان تک ہوگا، نوٹیفکیشن کے مطابق ڈبل سواری پر پابندی کے فیصلے پر سختی سے عمل درآمد کرایا جائے گا۔

    قانون کی خلاف ورزی کرنے والوں کے خلاف سخت کارروائی کی جائے گی، مذکورہ پابندی سے خواتین، بچے، بوڑھے اور صحافی مستثنیٰ ہوں گے۔

    واضح رہے کہ کراچی پولیس نے یومِ علیؓ کے موقع پر مرکزی جلوس کے تحفظ کیلیے فول پروف سیکیورٹی انتظامات کیے ہیں۔

    اس حوالے سے ایڈیشنل آئی جی کراچی جاوید عالم اوڈھو نے مرکزی جلوس کے سیکیورٹی انتظامات کا تفصیلی جائزہ لیا۔

    ترجمان کے مطابق مجموعی طور پر 5367 پولیس افسران اور جوان حفاظتی ڈیوٹی پرمامور ہیں، جلوس کے داخلی اور خارجی راستوں پر واک تھرو گیٹس نصب کیے گئے ہیں۔

    مزید پڑھیں : کراچی میں یوم علیؓ کے جلوس کا شیڈول جاری، سیکیورٹی پلان تیار

    اس کے علاوہ جلوس میں آنے والے شرکاء کی تلاشی کیلئے بم ڈسپوزل اسکواڈ اور اسپیشل برانچ کے اہلکار بھی تعینات کیے گئے ہیں۔

  • پٹرولیم مصنوعات کی نئی قیمتوں سے متعلق نوٹیفکیشن جاری

    پٹرولیم مصنوعات کی نئی قیمتوں سے متعلق نوٹیفکیشن جاری

    اسلام آباد : حکومت نے پٹرولیم مصنوعات کی قیمتیں حالیہ سطح پر برقرار رکھنے کا فیصلہ کیا ہے، اس حوالے سے حکم نامہ جاری کردیا گیا۔

    اے آر وائی نیوز کی رپورٹ کے مطابق پٹرولیم مصنوعات کی قیمتیں برقرار رکھنے کا نوٹیفکیشن جاری کردیا گیا ہے۔

    نوٹیفکیشن کے مطابق پٹرول کی قیمت 255 روپے 63 پیسے فی لیٹر برقرار رہے گی، ہائی اسپیڈ ڈیزل کیقیمت 258 روپے 64 پیسے رہے گی۔

    petrol

    وزارت پٹرولیم کی جانب سے جاری نوٹیفکیشن میں بتایا گیا ہے کہ مٹی کاتیل 168روپے 12پیسے فی لیٹر برقرار رہے گا۔

    اس کے علاوہ لائٹ ڈیزل آئل کی فی لیٹر قیمت 153 روپے 34پیسے رہے گی، نوٹیفکیشن کے مطابق پٹرولیم مصنوعات کی مذکورہ قیمتیں آئندہ 15روز کیلئے نافذالعمل رہیں گی۔

    واضح رہے کہ قبل ازیں وزیراعظم نے پٹرولیم مصنوعات کی قیمتیں برقرار رکھ کر بجلی صارفین کو ریلیف دینے کا اعلان کیا تھا۔

    شہباز شریف کا اپنے بیان میں کہنا تھا کہ وہ جلد بجلی کی قیمتوں میں عوام کو بڑا ریلیف دینے جارہے ہیں اور اس حوالے سے وہ خود قوم سے خطاب کریں گے۔

    مزید پڑھیں : وزیراعظم کا پیٹرولیم مصنوعات کی قیمتوں سے متعلق اہم فیصلہ

    وزیراعظم شہباز شریف کا کہنا ہے کہ پیٹرولیم مصنوعات کی قیمتیں برقرار رکھ کر فائدہ عوام کو بجلی کے بلوں میں دیا جائے گا، انہوں نے کہنا تھا کہ پیٹرولیم مصنوعات کی موجودہ قیمتیں برقرار رہیں گی۔

    شہباز شریف نے کہا کہ مالی فائدہ بجلی کی قیمتوں میں عوام کو منتقل کرنے کا فیصلہ کیا ہے۔ بجلی کے نرخوں میں کمی کے حوالے سے پیکیج کا اعلان آئندہ چند ہفتوں میں کیا جائے گا۔

  • 2 روز کی چھٹی کا نوٹیفکیشن جاری

    2 روز کی چھٹی کا نوٹیفکیشن جاری

    کراچی: سندھ کی صوبائی حکومت کی جانب سے ہندو ملازمین کے لیے 2 روز کی چھٹی کا نوٹیفکیشن جاری کردیا گیا۔

    تفصیلات کے مطابق ہندوؤں کے مذہبی تہوار ہولی کے موقع پر جمعرات اور جمعہ کو سندھ میں ہندو ملازمین کی چھٹی ہوگی، اس سلسلے میں سندھ حکومت نے ہندوملازمین کی 2 روز کی چھٹی کا نوٹیفکیشن جاری کردیا ہے۔

    دریں اثنا بھارت میں رمضان المبارک کے دوران جمعہ کے دن ہولی کا تہوار منانے والوں کے لیے پولیس کی جانب سے سخت ایڈوائزری جاری کی گئی ہے۔

    ممبئی پولیس کی جانب سے جاری کی گئی ایڈوائزری 18 مارچ 2025 تک لاگو ہو گی، جس میں رمضان المبارک کو مدنظر رکھتے ہوئے احتیاطی تدابیر اختیار کی گئی ہیں۔

    بھارت میں جمعہ کے دن ہولی کا تہوار، پولیس نے ایڈوائزری جاری کردی

    علاوہ ازیں پاکستان میں عیدالفطر کے موقع پر بھی طویل چھٹیاں ملنے کا امکان ہے تاہم حتمی اعلان حکومت کی جانب سے کیا جائے گا۔

    رویت ہلال کمیٹی نے پیش گوئی کی ہے کہ اس سال رمضان المبارک 29 دن تک جاری رہے گا اور عید الفطر 31 مارچ 2025 کو منائی جائے گی۔

    چونکہ عام طور پرعید کی چھٹیوں کا آغاز عید سے ایک روز قبل ہوتا ہے، اگر عیدالفطر 31 مارچ بروز پیر ہوتی ہے تو ، عید کی چھٹیاں پیر سے شروع ہوں گی۔

    https://urdu.arynews.tv/eid-ul-fitr-holidays-pakistan-uae-saudi-arabia/

  • نئے کابینہ ارکان کو قلمدان دے دیئے گئے، نوٹیفکیشن جاری

    نئے کابینہ ارکان کو قلمدان دے دیئے گئے، نوٹیفکیشن جاری

    اسلام آباد: نئے حلف اٹھانے والے وفاقی وزراء، معاونین خصوصی اور مشیران کو قلمدان دے دیئے گئے، کابینہ ڈویژن نے نوٹیفکیشن بھی جاری کردیا۔

    اے آر وائی نیوز کے مطابق متعدد وزرا کے قلمدان تبدیل کردیے گئے ہیں، طارق فضل کو پارلیمانی امورکا قلمدان سونپ دیا گیا جبکہ علی پرویزملک کو پیٹرولیم اور اورنگزیب کھچی کوقومی ورثے کا قلمدان دیا گیا ہے۔

    خالد مگسی سائنس وٹیکنالوجی جبکہ حنیف عباسی کو ریلوے کاقلمدان سونپا گیا ہے، اس کے علاوہ معین وٹو کو آبی وسائل، جنید انورکو میری ٹائم کا قلمدان دیا گیا ہے۔

    سردار یوسف کو مذہبی امور، رضا حیات کو دفاعی پیداوار کا قلمدان دیا گیا ہے، شزا فاطمہ انفارمیشن ٹیکنالوجی، رانا مبشر اقبال کو پبلک افیئر یونٹ کا قلمدان دیا گیا ہے۔ مصطفی کمال کو وزارت قومی صحت کا قلمدان دیا گیا ہے۔

    اس کے علاوہ وزیر اعظم نے مشیر اور معاونین خصوصی بھی مقررکردیے ہیں، سید توقیر شاہ وزیر اعظم آفس، محمد علی نجکاری کے مشیرمقرر کردیئے گئے۔

    سابق وزیراعلیٰ پرویز خٹک داخلہ امورکے مشیر ہوں گے، ہارون اخترصنعت و پیدوار کے معاون خصوصی مقرر کئے گئے ہیں۔

    عوام کیلیے زبردست خوشخبری، بجلی کی قیمت میں کمی

    حذیفہ رحمان قومی ثقافتی ورثہ کے معاون خصوصی مقرر کردیئے گئے، جبکہ مبارک زیب قبائلی امور پر وزیر اعظم کے معاون خصوصی ہونگے، اس کے علاوہ طلحہ برکی سیاسی امور پر وزیر اعظم کی معاونت کریں گے۔

  • بلوچستان میں دفعہ 144 فوری طور پر نافذ

    بلوچستان میں دفعہ 144 فوری طور پر نافذ

    کوئٹہ: امن و امان برقرار رکھنے کے پیش نظر صوبہ بلوچستان میں 8 فروری کو دفعہ 144 نافذ کر دی گئی ہے، جس کے بعد صوبے میں دھرنے، جلسے اور جلوسوں پر پابندی عائد ہوگی۔

    اے آر وائی نیوز کی رپورٹ کے مطابق محکمہ داخلہ حکومت بلوچستان نے صوبے میں اگلے 15دن کیلئے دفعہ 144 نافذ کردی ہے، جس کا باضابطہ نوٹیفکیشن جاری کردیا گیا ہے۔

    اس حوالے سے ترجمان بلوچستان حکومت کے مطابق اس موقع پر اسلحے کی نمائش اور استعمال پر مکمل پابندی عائد ہوگی۔

    بوٹیفکیشن کے مطابق مذکورہ حکم فوری طور پر نافذ العمل ہوگا، دھرنوں، جلوسوں اور 5 سے زائد افراد کے اجتماعات پر 15 دن کے لئے پابندی عائد کردی گئی ہے۔

    واضح رہے کہ دفعہ 144 ایسے وقت میں کیا گیا ہے جب کہ پاکستان تحریک انصاف نے آج (8 فروری) ملک بھر میں یوم احتجاج منانے کی کال دی ہوئی ہے۔

  • موسم سرما کی چھٹیوں کا ایک اور نوٹیفکیشن جاری

    موسم سرما کی چھٹیوں کا ایک اور نوٹیفکیشن جاری

    محکمہ تعلیم پنجاب کی جانب سے موسم سرما کی چھٹیوں کا ایک اور نوٹیفکیشن جاری کر دیا گیا ہے۔

    اے آر وائی نیوز کے مطابق محکمہ تعلیم پنجاب کی جانب سے جاری کئے گئے نوٹیفکیشن میں کہا گیا ہے کہ پنجاب کے تمام اسکولوں میں تعطیلات 20 کے بجائے 23 دسمبر سے ہوں گی۔

    محکمہ تعلیم پنجاب کے نوٹیفکیشن کے مطابق موسم سرما کی تعطیلات23 دسمبر سے 10 جنوری تک ہوں گی۔

    محکمہ ہائیر ایجوکیشن نے بھی موسم سرما کی چھٹیوں کا اعلان کر دیا

    تمام سرکاری و نجی کالجز اور یونیورسٹیز میں موسم سرما کی تعطیلات 24 دسمبر سے 5 جنوری تک جاری رہیں گی

    خیبرپختونخوا

    محکمہ تعلیم خیبرپختونخوا کے مطابق کے پی کے میدانی علاقوں میں اسکول 22 دسمبر سے 31 دسمبر تک بند رہیں گے جبکہ صوبے کے پہاڑی علاقوں میں اسکول 22 دسمبر سے 28 فروری تک بند رکھنے کا اعلان کیا گیا ہے۔

    بلوچستان

    بلوچستان کے تعلیمی اداروں میں 16دسمبر سے موسم سرما کی تعطیلات کا آغاز ہو گیا ہے، محکمہ تعلیم بلوچستان کے مطابق کوئٹہ سمیت 20 اضلاع کے اسکول، کالج اور جامعات بند ہو گئی ہیں۔

    سندھ میں لڑکیوں کے اسکول میں گدھے باندھ دیے گئے، ویڈیو وائرل

    نوٹیفکیشن کے مطابق کوئٹہ کے سرد علاقوں میں تعطیلات 28 فروری تک جاری رہیں گی جبکہ گرم علاقوں میں موسم سرما کی 10 روزہ تعطیلات کا اعلان کیا گیا ہے۔ نوٹیفکیشن کے مطابق بلوچستان کے گرم علاقوں میں تعطیلات یکم جنوری سے 10 جنوری تک ہوں گی۔