Tag: نوڈیرو

چھٹیوں میں کلاس رومز کا ’استعمال‘ ہیڈ ٹیچر نے سرکاری پرائمری اسکول کو پیاز کے گودام میں بدل دیا

لاڑکانہ: صوبہ سندھ کے شہر نوڈیرو کے ایک اسکول ہیڈ ٹیچر نے چھٹیوں میں کلاس رومز کو ’کام‘ میں لانے کے لیے اسکول کو پیاز کے گودام میں بدل دیا۔

تفصیلات کے مطابق نوڈیرو کے نواحی گاؤں علی شیر کھوکھر میں واقع گورنمنٹ پرائمری اسکول کو گودام میں تبدیل کر دیا گیا، ہیڈ ٹیچر نے کلاس روم کو پیاز ذخیرہ کرنے کے لیے گودام بنا دیا۔

اس سلسلے میں ایک ویڈیو سامنے آئی ہے جس نے اس معاملے کو نمایاں کیا، ویڈیو میں دیکھا جا سکتا ہے کہ ماہوٹا کے قریب واقع گورنمنٹ پرائمری کی کلاسز میں پیاز موجود ہیں۔

ہیڈ ٹیچر غلام اللہ کھوکھر کلاسز کی ویڈیو بنانے سے روکتا رہا، 6 کلاسز پر مشتمل اسکول کی صرف 2 کلاسز میں تدریس کا عمل جاری تھا، جب کہ اسکول میں مقرر 7 اساتذہ میں سے ہیڈ ٹیچر سمیت 3 اساتذہ ڈیوٹی پر موجود تھے، دیگر غیر حاضر رہے۔

ہیڈ ٹیچر نے عجیب منطق پیش کرتے ہوئے کہا کہ 2 ماہ گرمیوں کی چھٹیاں ہونے والی ہیں، سوچا کلاس رومز کو استعمال میں لایا جائے۔ واضح رہے کہ اس سے قبل صوبہ سندھ کے دیہاتوں میں اسکولوں میں مویشی باندھنے کے واقعات تواتر کے ساتھ میڈیا میں نمایاں ہوتے رہے ہیں۔

مئی 17, 2025
کیا پی پی اور ن لیگی ارکان کے استعفے اسپیکرز کو بھیجے جائیں گے؟

لاڑکانہ: پاکستان پیپلز پارٹی کے چیئرمین بلاول بھٹو زرداری اور پاکستان مسلم لیگ ن کی نائب صدر مریم نواز کا اس بات پر اتفاق ہو گیا ہے کہ اپنی اپنی جماعتوں کے اراکین کے استعفے اسپیکرز اسمبلی کو نہیں بھیجے جائیں گے۔

تفصیلات کے مطابق مریم نواز کی نوڈیرو سے روانگی سے قبل بلاول بھٹو سے غیر رسمی بات چیت ہوئی، ذرائع کا کہنا ہے کہ اس بات چیت میں ارکان اسمبلی کے استعفے پارٹی قیادت تک محدود رکھنے پر اتفاق کیا گیا۔

ذرائع کے مطابق دونوں جماعتوں کے ارکان کے استعفے اسپیکرز اسمبلی کو نہیں بھیجے جائیں گے، مریم نواز اور بلاول بھٹو کا لانگ مارچ کر کے حکومت پر دباؤ بڑھانے پر بھی اتفاق رائے ہوا۔

ذرائع کا یہ بھی کہنا ہے کہ پیپلز پارٹی کے سی ای سی اجلاس میں استعفوں سے متعلق حتمی فیصلہ ہوگا، سی ای سی کے بیش تر ارکان استعفے دینے کے خلاف رائے رکھتے ہیں، اس اجلاس میں جمہوريت کی بالا دستی کے لیے استعفے منظور نہ کرانے کا فیصلہ بھی متوقع ہے۔

بلاول بھٹو اور مریم نواز کی ملاقات کی اندرونی کہانی، انتخابات سے متعلق اہم فیصلہ

واضح رہے کہ آج دونوں رہنماؤں کے مابین ہونے والی ایک ملاقات میں اس بات پر بھی اتفاق ہوا تھا کہ ن لیگ اور پیپلز پارٹی ایک دوسرے کے خلاف محاذ آرائی نہیں کریں گی۔

بلاول اور مریم نواز اس بات پر بھی متفق تھے کہ انتخابی میدان خالی نہیں چھوڑا جائے گا، ن لیگ اور پی پی ضمنی انتخابات میں حصہ لے گی، تاہم ضمنی انتخاب سے متعلق حتمی فیصلہ پی ڈی ایم اجلاس میں ہوگا۔

دسمبر 28, 2020
بلاول بھٹو نماز عید گڑھی خدا بخش میں ادا کریں گے

لاڑکانہ: پاکستان پیپلز پارٹی کے چیئرمین بلاول بھٹو زرداری 3 روزہ دورے پر نوڈیرو پہنچ گئے۔

تفصیلات کے مطابق بلاول بھٹو 3 روزہ دورے پر نوڈیرو پہنچ گئے، پی پی چیئرمین نماز عید گڑھی خدا بخش بھٹو میں ادا کریں گے۔

بلاول اپنی والدہ بے نظیر بھٹو اور نانا ذوالفقار علی بھٹو کے مزار پر بھی حاضری دیں گے، جب کہ پارٹی کارکنوں اور رہنماؤں سے ملاقاتیں بھی کریں گے۔

خیال رہے کہ رواں برس ایک بار پھر ملک میں دو عیدیں منانے کی روایت جاری رکھی گئی، اس سلسلے میں وفاقی اور صوبائی حکومت کے درمیان واضح اختلاف بھی دیکھنے میں آیا۔

خیبر پختون خوا حکومت نے صوبے بھر میں آج عید الفطر منانے کا اعلان کیا، وزیر اطلاعات کے پی شوکت یوسف زئی نے کہا کہ مسجد قاسم علی خان کو 112 سے زیادہ شہادتیں موصول ہوئیں، وزیراعلیٰ نے اظہار یک جہتی کے لیے آج عید منانے کا اعلان کیا۔

یہ بھی پڑھیں: جو جہاں چاہے عید کرے مگر جھوٹ کی بنیاد پر نہیں

دوسری طرف وفاقی وزرا نے کے پی حکومت پر کڑی تنقید کی، وزیر سائنس اور ٹیکنالوجی نے کہا کہ مذہبی تہوار کی بنیاد جھوٹ پر رکھ دی گئی ہے، کے پی حکومت کے عید منانے کے فیصلے سے جگ ہنسائی ہوئی۔

وزیر سائنس کا کہنا تھا کہ دنیا میں ایسے تاثر گیا جیسے جھوٹ کو سرکاری سرپرستی حاصل ہے، پس ماندہ سوچ کو مستر د کرنا چاہیے، امید ہے قوم کا باشعور طبقہ اس معاملے پر خاموش نہیں رہے گا۔

جون 4, 2019
شہادت کو 40 سال بیت گئے، بھٹو آج بھی عوام کے دلوں میں زندہ ہیں: بلاول بھٹو

کراچی: چیئرمین پیپلز پارٹی بلاول بھٹو نے قائدِ عوام ذوالفقار علی بھٹو کی 40 ویں برسی پر پیغام جاری کرتے ہوئے کہا ہے کہ شہادت کو 40 سال بیت گئے لیکن بھٹو آج بھی عوام کے دلوں میں زندہ ہیں۔

بلاول بھٹو زرداری نے بانی پیپلز پارٹی ذوالفقار علی بھٹو کو 40 ویں یومِ شہادت پر خراج عقیدت پیش کرتے ہوئے کہا کہ قائد اعظم کے بعد ملکی تعمیر کے عمل میں قائدِ عوام کا کردار بے مثال ہے۔

پی پی چیئرمین نے کہا کہ قائد اعظم نے تاریخ کا رخ موڑ کر ایک نئی قوم کو جنم دیا، قائد عوام کی فکر اور سیاست نے عوامی شعور کا انقلاب برپا کیا، بھٹو پر ظلم و جبر کے خلاف عوامی غم و غصہ آج بھی ایسا ہی ہے جیسے پہلے دن تھا۔

[bs-quote quote=”آج کا دن ہمیں یاد دلاتا ہے کہ قائد عوام کا خونِ نا حق آج بھی انصاف کا طالب ہے، آصف زرداری کا بھیجا گیا صدارتی ریفرنس تا حال افسوس ناک سست روی کا شکار ہے۔” style=”style-8″ align=”left” author_name=”بلاول بھٹو زرداری”][/bs-quote]

بلاول نے کہا کہ بھٹو ازم کے بعد اب رجعت پرست و شاؤنسٹ قوتیں اپنی مرضی کے نقاب نہیں لگا سکتیں، اب جمہور دشمن قوتوں کو عوام کے ہاتھوں بار بار سیاسی مار کھانی پڑتی ہے، قائد عوام کی خدمات محب وطن پاکستانیوں کے لیے باعثِ فخر ہیں۔

ان کا کہنا تھا کہ قائد عوام بنیادی طور اجتماعی عمل و ترقی میں یقین رکھنے والی شخصیت تھے، اسلامی سربراہی کانفرنس اور پاک چین دوستی کے پیچھے ان کی شخصیت کا یہی پہلو محرک تھا، اسلامی سربراہی کانفرنس کی صورت میں پاکستان کو امت کی قیادت کا شرف حاصل ہوا جب کہ پاک چین دوستی کی صورت میں دو عظیم اقوام دو جسم یک جان بن گئیں۔

بلاول بھٹو نے کہا کہ بھٹو نے آزادی کے ثمرات ملک کے محنت کش اور پس ماندہ طبقات تک پہنچائے، بھٹو حکومت نے لاکھوں بے گھر افراد کو سائبان، بے زمین کسانوں کو زمین دی، ملکی دفاع کو ناقابل تسخیر بنایا۔

پی پی چیئرمین کا کہنا تھا کہ ملک کی پہلی منتخب حکومت میں بے روزگار نوجوانوں کو روزگار ملا، کراچی کا ہوائی اڈہ بھٹو دور حکومت میں ایشیا کا مصروف ترین ایئر پورٹ تھا۔

بلاول بھٹو نے کہا کہ آج کا دن ہمیں یاد دلاتا ہے کہ قائد عوام کا خونِ نا حق آج بھی انصاف کا طالب ہے، آصف زرداری کا بھیجا گیا صدارتی ریفرنس تا حال افسوس ناک سست روی کا شکار ہے، بارہا یاد دہانی، گزارشات کے باوجود انصاف ہونے کی امید دم توڑ رہی ہے۔

انھوں نے کہا کہ آئین و قانون کی عدم پاس داری ملک کے تمام بڑے مسائل کی ماں ہے، آج ہر پاکستانی کو پارلیمانی بالا دستی، دستور و قانون کی پاس داری کے لیے آگے بڑھنا ہوگا۔

اپریل 4, 2019
ذوالفقار بھٹو کی برسی: لاڑکانہ جلسے کے لیے پولیس کا سیکورٹی پلان جاری

سکھر: پاکستان پیپلز پارٹی کے بانی اور سابق وزیر اعظم ذوالفقار علی بھٹو کی برسی کے موقع پر لاڑکانہ جلسے کے لیے پولیس نے سیکورٹی پلان جاری کر دیا ہے۔

تفصیلات کے مطابق ذوالفقار بھٹو کی برسی کے موقع پر پولیس نے 4 اپریل کو گڑھی خدا بخش، نو ڈیرو کے لیے فول پروف سیکورٹی پلان تشکیل دے دیا ہے۔

ایڈشنل آئی جی سکھر ڈاکٹر جمیل نے بتایا کہ برسی کے موقع پر سیکورٹی معاملات سنبھالنے کے لیے گڑھی خدا بخش، نوڈیرو میں 6 ہزار 300 پولیس اہل کاروں تعینات ہوں گے۔

ڈاکٹر جمیل نے کہا کہ مختلف اضلاع کے 26 ایس ایس پیز گڑھی خدا بخش میں ڈیوٹی دیں گے، 6 ایس پی ٹریفک اور 700 ٹریفک اہل کار تعینات کیے جائیں گے۔

یہ بھی پڑھیں: ذوالفقاربھٹو نے جان دیدی لیکن نظریے سے یوٹرن نہیں لیا ، بلاول بھٹو

ایڈیشنل آئی جی کے مطابق اسپیشل برانچ کے 700 اہل کار بھی اپنے فرائض انجام دیں گے، سکھر و دیگر ریجنز کی لیڈیز پولیس اہل کار بھی جلسہ گاہ میں تعینات ہوں گی، جب کہ پارکنگ زون جلسہ گاہ سے ڈیڑھ کلو میٹر دور بنائے گئے ہیں۔

واضح رہے کہ چھبیس مارچ کو پیپلز پارٹی کے چیئرمین بلاول بھٹو نے کہا تھا کہ ذوالفقار بھٹو نے جان دے دی لیکن نظریے سے یو ٹرن نہیں لیا، کچھ لوگ آج بھی بھٹوشہید کے نظریے اور فکر سے ڈرتے ہیں، قومی اسمبلی میں ذوالفقار بھٹو کا نام لیا جاتا ہے تو وزیر جل جاتے ہیں۔

اپریل 3, 2019
بے نظیر انکم سپورٹ پروگرام پورے ملک میں انقلاب لے کر آیا: بلاول بھٹو

لاڑکانہ: پاکستان پیپلز پارٹی کے چیئرمین بلاول بھٹو زرداری نے کہا ہے کہ بے نظیر انکم سپورٹ پروگرام سندھ حکومت کا نہیں پورے پاکستان کا تھا، یہ پروگرام پورے ملک میں انقلاب لے کر آیا۔

نو ڈیرو ہاؤس میں تقریب سے خطاب کرتے ہوئے بلاول بھٹو نے کہا کہ شہید بی بی کا نام ایئر پورٹ سے تو مٹا دیا اب اس پروگرام سے مٹانا چاہتے ہیں، شہید بے نظیر بھٹو نے سکھایا کہ پورے ملک کی خدمت کرنی ہے، وسیلہ روزگار جیسے پروگرام صرف پی پی پی شروع کر سکتی ہے۔

چیئرمین پیپلز پارٹی نے کہا کہ ہم دعا کریں گے پی ٹی آئی کو عوام کی بھلائی کے پروگرام شروع کرنے کی توفیق ہو، عوامی خدمت کے تمام منصوبے پیپلز پارٹی نے ہی شروع کیے۔

انھوں نے مزید کہا کہ سندھ کے مسائل کا حل کسی فرد واحد کے پاس نہیں، سندھ میں غربت کے خاتمے کے لیے خواتین کو بلا سود قرضے دیں گے، خواتین کو گھر بنانے کے لیے بھی قرضے دیے جائیں گے، خواتین کی ہر میدان عمل میں آنے کی حمایت کرتے ہیں۔

یہ بھی پڑھیں: منظور وسان کی وزیر اعظم عمران خان سے متعلق حیران کن پیش گوئی

بلاول بھٹو نے کہا کہ پتا نہیں کیوں وزیر اعظم میرا نام لے لے کر تنقید کر رہے ہیں، خان صاحب تو خود نوجوانوں کو سیاست میں آنے کی دعوت دیتے ہیں، میرے سیاست میں آنے سے انھیں کوئی خطرہ نہیں ہونا چاہیے۔

پی پی چیئرمین کا کہنا تھا کہ ڈپٹی وزیر اعظم شاہ محمود اور ڈپٹی وزیر اعظم جہانگیر ترین آپس میں لڑ رہے ہیں، ان کو ملک اور غریب کا احساس نہیں۔

اپریل 1, 2019
کراچی: وزیرِ اعلیٰ مراد علی شاہ سے صدر اے این پی سندھ شاہی سید کی ملاقات

کراچی: وزیرِ اعلیٰ سندھ مراد علی شاہ سے عوامی نیشنل پارٹی سندھ کے صدر شاہی سید نے ملاقات کی، جس میں مزدوروں کی ٹارگٹ کلنگ پر گفتگو کی گئی۔

تفصیلات کے مطابق اے این پی سندھ کے صدر شاہی سید نے لاڑکانہ میں پشتون مزدوروں کی ٹارگٹ کلنگ کے سلسلے میں وزیرِ اعلیٰ سندھ مراد علی شاہ سے ملاقات کی۔

[bs-quote quote=”صوبے بھر میں مختلف قومیتوں کے درمیان بھائی چارے کو فروغ دیا جائے گا۔” style=”style-7″ align=”left” color=”#dd3333″][/bs-quote]

لاڑکانہ میں ہونے والے افسوس ناک واقعے پر دونوں رہنماؤں نے گفتگو کرتے ہوئے معصوم شہریوں کے قتل کو قابلِ مذمت قرار دیا۔

وزیرِ اعلیٰ سندھ مراد علی شاہ نے کہا کہ سندھ میں رہنے والوں کا کسی صورت خون نہیں بہنے دیں گے۔

دونوں رہنماؤں نے اس بات پر اتفاق کیا کہ صوبے بھر میں مختلف قومیتوں کے درمیان بھائی چارے کو فروغ دیا جائے گا۔

یہ بھی پڑھیں: نوڈیرو، 3 محنت کشوں کا قتل، 3 مشتبہ افراد زیر حراست

یاد رہے گزشتہ روز لاڑکانہ، نوڈیرو میں نا معلوم مسلح افراد نے تین محنت کشوں کو فائرنگ کر کے موت کے گھاٹ اتار دیا تھا، پولیس نے 3 مشتبہ افراد کو گرفتار کر لیا ہے، وزیرِ اعلیٰ سندھ نے کمشنر اور ڈی آئی جی لاڑکانہ کو تینوں مزدوروں کے ورثا سے رابطے کی ہدایت کر دی۔

یہ بھی پڑھیں: ارشاد رانجھانی قتل کیس: جوڈیشل انکوائری کا معاملہ الجھ گیا

وزیرِ اعلیٰ سندھ نے کہا کہ واقعہ انتہائی تکلیف دہ ہے، سندھ میں ہر شخص کوئی بھی زبان کا ہو وہ سندھی اور ہمارا بھائی ہے، سندھ کا امن خراب کرنے والا ہمارا دشمن ہے، میں ہر اس دشمن کے ساتھ آہنی ہاتھوں سے نمٹوں گا۔

فروری 14, 2019
نوڈیرو، 3 محنت کشوں کا قتل، 3 مشتبہ افراد زیر حراست، وزیر اعلیٰ کی ورثاء سے رابطے کی ہدایت

لاڑکانہ: نوڈیرو میں 3 محںت کشوں کو قتل کرنے والے 3 مشتبہ افراد کو پولیس نے گرفتار کرلیا، وزیراعلیٰ سندھ نے کمشنر اور ڈی آئی جی لاڑکانہ کو تینوں مزدوروں کے ورثاء سے رابطے کی ہدایت کردی۔

تفصیلات کے مطابق نوڈیرو میں قتل ہونے والے تین محنت کشوں نے قتل کے شبے میں 3 مشتبہ افراد کو گرفتار کرلیا گیا ہے، وزیراعلیٰ سندھ مراد علی شاہ نے کمشنر اور ڈی آئی جی لاڑکانہ سے رابطہ کرکے قتل ہونے والے تینوں مزدوروں کے ورثا سے رابطے کی ہدایت کردی ہے۔

ایس ایس پی مسعود بنگش نے تینوں افراد کی گرفتاری کی تصدیق کرتے ہوئے کہا کہ گرفتار تینوں افراد سے پوچھ گچھ جاری ہے، تحقیقات سے پہلے کچھ نہیں کہا جاسکتا ہے۔

معصوم کا خون بہانے والا ہمارا دشمن ہے، مراد علی شاہ

وزیراعلیٰ سندھ سید مراد علی شاہ نے کہا کہ واقعہ انتہائی تکلیف دہ ہے، سندھ میں ہر شخص کوئی بھی زبان کا ہو وہ سندھی اور ہمارا بھائی ہے، سندھ کا امن خراب کرنے، معصوم کا خون بہانے والا ہمارا دشمن ہے، میں ہر اس دشمن کے ساتھ آہنی ہاتھوں سے نمٹوں گا۔

انہوں نے کہا کہ کسی کا خون بہانا کون سی انسانیت ہے، واقعے پر دہشت گردی کی دفعات پر مقدمہ درج کیا جائے، قاتلوں کو گرفتار کرکے رپورٹ پیش کی جائے، قاتلوں کی گرفتاری تک پولیس کو چین سے نہیں بیٹھنے دیں گے۔

مزدوروں کے قتل کی ہر زاوئیے سے تحقیقات کی جائے گی، مرتضیٰ وہاب

ادھر مشیر اطلاعات قانون و اینٹی کرپشن سندھ مرتضیٰ وہاب نے نوڈیرو میں مزدوروں کی ہلاکت کی مذمت کرتے ہوئے کہا کہ معصوم مزدوروں کے بہیمانہ قتل پر دکھ ہوا ہے، مزدوروں کے قتل کی ہر زاوئیے سے تحقیقات کی جائے گی۔

مرتضیٰ وہاب نے کہا کہ مزدوروں کو قتل کرنے والے سندھ دھرتی کے دشمن ہین، لواحقین کو انصاف فراہم کیا جائے گا، دکھ میں برابر کے شریک ہیں، وزیراعلیٰ مراد علی شاہ نے تحقیقات کا حکم دے دیا ہے۔

واضح رہے کہ سندھ کے شہر نوڈیرو میں نامعلوم مسلح افراد نے تین محنت کشوں کو فائرنگ کرکے موت کے گھاٹ اتار دیا تھا۔

فروری 13, 2019
پیپلزپارٹی کی مرکزی مجلس عاملہ کا اجلاس آج ہوگا

لاڑکانہ : پیپلزپارٹی کی مرکزی مجلس عاملہ کا اجلاس آج شام نوڈیرو میں ہوگا جس میں جے آئی ٹی رپورٹ کے بعد کی صورت حال کا جائزہ لیا جائے گا۔

تفصیلات کے مطابق چیئرمین پیپلزپارٹی بلاول بھٹو زرداری اور آصف علی زرداری کی زیرصدارت پیپلزپارٹی کا اہم اجلاس ہوگا۔

اجلاس میں جےآئی ٹی رپورٹ کے بعد کی صورت حال کا جائزہ لیا جائے گا اور مستقبل کی حکمت عملی کے حوالے سے اہم فیصلے کیے جائیں گے۔

چیئرمین بلاول بھٹو زرداری اور صدر آصف علی زرداری کی زیرِ صدارت ہونے والے اس اجلاس میں 5 نکاتی ایجنڈے پر مشاورت کی جائے گی۔

آصف زرداری کو نوٹس جاری، اومنی گروپ کی جائیدادیں منجمد کرنے کا حکم

جے آئی ٹی نے 24 دسمبر کو جعلی اکاؤنٹس اور میگا منی لانڈرنگ کیس میں اومنی گروپ اور آصف علی زرداری کو ذمہ داری قراد دیا تھا، سپریم کورٹ نے اومنی گروپ اور زرداری گروپ کی جائیدار کی خرید وفروخت اور ٹرانسفر پر پابندی عائد کی تھی۔

عدالت نے آصف علی زرداری اور ان کی ہمشیرہ فریال تالپور کو جے آئی ٹی رپورٹ کا جواب داخل کرانے کی ہدایت بھی کی تھی۔

جعلی اکاؤنٹ کیس، جےآئی ٹی رپورٹ میں بلاول ہاؤس سے متعلق اہم انکشافات

جے آئی ٹی رپورٹ میں انکشاف کیا گیا تھا کہ 29 جعلی بینک اکاؤنٹس کی تفتیش مکمل ہوچکی ہے جبکہ مزید جعلی اکاؤنٹس بھی ہیں جن کی تحقیقات ہونا باقی ہیں۔

دسمبر 26, 2018
سندھ حکومت نے محدود وسائل کے با وجود بہتر کارکردگی دکھائی، بلاول بھٹو

نوڈیرو: پاکستان پیپلز پارٹی کے چیئرمین بلاول بھٹو زرداری نے کا کہنا ہے کہ سندھ حکومت نے محدود وسائل کے با وجود بہتر کارکردگی دکھائی، خواہش ہے کہ سندھ میں شہریوں کو تمام سہولتیں میسّر ہوں۔

تفصیلات کے مطابق بلاول بھٹو نے نوڈیرو کا دورہ کرتے ہوئے مقامی شہریوں اور معززین سے ملاقات کی، شہریوں نے پی پی چیئرمین کو علاقے کے مسائل سے آگاہ کیا۔

[bs-quote quote=”غربت کی زنجیریں توڑنے والی سندھ کی خواتین سے ملاقات کرنا چاہتا ہوں: بلاول بھٹو” style=”style-7″ align=”left” color=”#dd3333″][/bs-quote]

اس موقع پر پیپلز پارٹی کے رہنما نے شہریوں کو تمام مسائل حل کرنے کی یقین دہانی کرائی، انھوں نے کہا ’نوڈیرو کے عوام سے رابطے میں رہوں گا۔‘

خیال رہے کہ بلاول بھٹو گزشتہ ایک ہفتے سے لاڑکانہ میں موجود ہیں، لاڑکانہ کے بعد وہ اسلام آباد جائیں گے۔

قبل ازیں چیئرمین پیپلز پارٹی بلاول بھٹو زرداری سے ایس آر ایس او (سندھ رورل سپورٹ آرگنائزیشن) کے وفد نے بھی ملاقات کی، وفد نے ادارے کے جاری منصوبوں سے متعلق بلاول بھٹو کو آگاہ کیا۔

یہ بھی پڑھیں: بلاول بھٹو نے کم سن بچی کے اغوا پر سندھ کابینہ سے جواب طلب کر لیا

وفد نے بتایا کہ ایس آر ایس او حکومتی اشتراک سے غربت کے خاتمے کے لیے کام کر رہا ہے اور لاڑکانہ، سکھر میں خواتین کو بلا سود قرضے فراہم کیے جاتے ہیں، خواتین کو دستکاری کی مختلف ٹریننگز بھی دی جاتی ہیں۔

بلاول بھٹو نے ایس آر ایس او کی کارکردگی پر خوشی کا اظہار کیا، کہا غربت کی زنجیریں توڑنے والی خواتین سے ملاقات کرنا چاہتا ہوں، سندھ کی خواتین با ہمت اور بڑے حوصلے کی مالک ہیں، ایس آر ایس او خواتین کی تعلیم اور صحت پر مزید توجہ دے۔

اکتوبر 28, 2018