Tag: نوکریوں سے برطرف

شہدادکوٹ: ڈیوٹی سے غیرحاضر رہنے والے درجنوں اساتذہ کے خلاف ایکشن لیتے ہوئے محکمے نے انھیں نوکریوں سے برطرف کردیا۔

تفصیلات کے مطابق نوکری پر نہ آنے والے 44 پرائمری اساتذہ کو نوکریوں سے برطرف کیا گیا، برطرفیوں کے آرڈرز ڈائریکٹر اسکولز ایجوکیشن لاڑکانہ خلیل مہر نے جاری کیے، برطرف ہونے والوں میں 29 مرد اور 15 خواتین اساتذہ شامل ہیں۔

سندھ میں 4 سال سے تنخواہیں لینے والے گھوسٹ اساتذہ برطرف

نوٹیفکیشن میں مزید بتایا گیا کہ تمام برطرف اساتذہ کا تعلق تحصیل قمبر کے پرائمری اسکولوں سے ہے، برطرف اساتذہ سال 2023 اور 2024 میں ڈیوٹی سے مسلسل غیرحاضر رہے۔

جاری نوٹیفکیشن میں کہا گیا کہ گھوسٹ اساتذہ کو 31 جنوری کوحتمی شوکاز نوٹسز جاری کیے گئے تھے، 18 فروری تک شوکاز کے جوابات جمع نہ کرانے والے اساتذہ کو برطرف کیا گیا۔

https://urdu.arynews.tv/kpk-government-abdul-qayyum-model-school-close-peshawar/

کوئٹہ: بلوچستان میں 200 سے زائد پولیس اہلکاروں کو نوکریوں سے فارغ کردیا گیا، کانسٹیبل،ہیڈ کانسٹیبل اور اے ایس آئیز نوکریوں سے فارغ ہونے والوں میں شامل ہیں۔

تفصیلات کے مطابق محکمہ پولیس بلوچستان نے دوسو سے زائد پولیس اہلکاروں کو نوکریوں سے برخاست کردیا اور اس حوالے سے نوٹیفکیشن جاری کردیا گیا۔

نوٹیفکیشن میں کہا گیا کہ اہلکاروں کو لاپرواہی غیر ذمہ داری اور مسلسل غیر حاضری رہنے پر نوکریوں سے بر خاست کیا گیا ہے۔

کانسٹیبل،ہیڈ کانسٹیبل اور اے ایس آئیز نوکریوں سے فارغ ہونے والوں میں شامل ہیں جبکہ لورالائی، سبی، قلات، ژوب، نصیرآباد مکران اور کوئٹہ کے اہلکاروں کو فارغ کیا گیا ہے۔