بنوں : ڈسپلن کی خلاف ورزی پر گیارہ اہلکاروں کو نوکری سے برخاست کردیا گیا، برخاست کئے گئے اہلکاروں نے آج سے شروع ہونیوالی پولیو مہم میں ڈیوٹی دینے سے بھی انکار کیا تھا۔
تفصیلات کے مطابق بنوں میں ڈسٹرکٹ پولیس افسر نے 11 اہلکاروں کو نوکری سے برخاست کردیا ، ان اہلکاروں کوسابق اہلکار کی گرفتاری کیخلاف مسلسل احتجاج کرنےپربرخاست کیاگیا۔
ڈسٹرکٹ پولیس افسر کی جانب سے کنٹرول روم کو مراسلہ جاری کردیا ، جس میں بتایا کہ رخاست کئے گئے اہلکاروں نے آج سے شروع ہونیوالی پولیو مہم میں ڈیوٹی دینے سے بھی انکار کیا تھا۔
برخاست کئے گئے اہلکاروں میں ہیڈکانسٹیبل شیراسلم،ہیڈکانسٹیبل میرزمان،ذہین اللہ ، اہلکاروں میں فریداللہ،توصیف اللہ،فرید اللہ،حضرت اللہ، ایم قیاز،بختیار،فرمان اللہ اورانورعلی شامل ہیں
