لاہور: نجی اکیڈمی میں ایکسٹرا کلاسز کے بہانے نویں جماعت کی طالبہ سے زیادتی کرنے والے پرنسپل نے بڑا دعویٰ کردیا، جس کے بعد معاملہ نیا رخ اختیار کرگیا۔

تفصیلات کے مطابق نجی اکیڈمی میں پرنسپل کی جانب سے نویں جماعت کی طالبہ سے مبینہ زیادتی کا معاملہ نیا رخ اختیار کرگیا، انچارج انویسٹی گیشن نے بتایا کہ ملزم افتخار نے لڑکی سے نکاح کا دعویٰ کردیا۔

پولیس نے17سالہ لڑکی کو طبی معائنے کیلئے حراست میں لیا ہوا ہے اور افتخار نے لڑکی کی رہائی کیلئےعدالت سےرجوع کرلیا ہے تاہم بیان قلمبند کرانے کے لئے پولیس طالبہ کو آج عدالت پیش کرے گی۔

دوسری جانب لاہورمیں نجی اکیڈمی کے پرنسپل کی نویں جماعت کی طالبہ سے مبینہ زیادتی کے معاملے پر متاثرہ لڑکی کے اہلخانہ اور اہل علاقہ نے ٹائر جلا کر احتجاج کرتے ہوئے بیدیاں روڈ بند کردی، مظاہرین کا کہنا ہے واقعے کع پانچ روز گزر گئے پولیس تعاون نہیں کررہی۔

مزید پڑھیں : طالبہ کو چھٹی والے دن ایکسٹرا کلاسز کیلئے بلاکر نجی اکیڈمی کا پرنسپل شیطان بن گیا

یاد رہے نجی اکیڈمی کے پرنسپل کی جانب سے نویں جماعت کی طالبہ سے مبینہ زیادتی کا واقعہ پیش آیا تھا، جس کے بعد متاثرہ بچی کے والد کی مدعیت میں زیادتی کا مقدمہ تھانہ ہیئر میں درج کیا گیا۔

لڑکی کی والدہ نے پولیس کو بتایا تھا کہ پرنسپل افتخار نے اتوار کو ایکسٹرا کلاسز کیلئے نویں جماعت کی طالبہ کو اکیڈمی بلایا تھا، اکیڈمی کے پرنسپل نے دیگر طالبہ کو واپس بھیج کر لڑکی سے لیب روم میں مبینہ زیادتی کی۔

حافظ آباد : نویں جماعت کی طالبہ سے زیادتی کرنے والے نجی اسکول کےپرنسپل کو گرفتار کرلیا گیا۔

تفصیلات کے مطابق حافظ آباد میں نجی اسکول کے پرنسپل کی نویں جماعت کی طالبہ سے زیادتی کے واقعے میں اہم پیش رفت ہوئی۔

ڈی ایس پی نے بتایا کہ بچی سے زیادتی کرنے والے ملزم کوگرفتارکر لیا اور والد کی مدعیت میں پرنسپل کے خلاف ایف آئی آر درج کر لی گئی ہے۔

مزید پڑھیں : نجی اسکول کے پرنسپل کی نویں جماعت کی طالبہ سے زیادتی

ایف آئی آر میں کہا گیا ہے کہ پرنسپل بچی سے کئی ماہ سے زیادتی کرتا رہا ہے، متاثرہ طالبہ کی طبیعت خراب ہونے پراسپتال لے جایا گیا تو وہ 4 ماہ کی حاملہ نکلی۔

ایف آئی آر کے مطابق پرنسپل دوسری بچیوں کو بھی زیادتی کانشانہ بناتا ہے۔

یاد رہے حافظ آباد میں نجی اسکول کے پرنسپل نے بچی کو اپنی ہوس کا نشانہ بنایا تھا۔