شکارپور: سندھ میں پولیس نے کارروائی کرتے ہوئے نوعمر بچوں کی شادی ناکام بنادی۔
تفصیلات کے مطابق سندھ کے شہرشکارپور میں پولیس نے کارروائی کرتے ہوئے 12 سال کی بچی کا 13 سال کے لڑکے سے نکاح ناکام بنادیا۔ جبکہ نکاح خواں کی گرفتاری کے لیے چھاپے مارے جارہے ہیں۔
پولیس کا کہنا ہے کہ شکارپور کے علاقے منڈوپھاٹک میں 12 سال کی بچی کا 13سال کے لڑکے سے نکاح ہونا تھا جسے پولیس نے ناکام بنادیا۔ پولیس نے دلہا برکت شاہ اور دلہن اسریٰ بی بی کو تحویل میں لے لیا۔
پولیس نے بروقت کارروائی کرتے ہوئے دولہے کے باپ کو گرفتار کرلیا جبکہ نکاح خوار فرار ہوگیا۔
خیال رہے کہ گزشتہ سال اپریل میں پولیس نے تھرپارکر میں شادی کی تقریب میں چھاپہ مار کر کم عمری کی شادی کے جرم میں دو دولہا سمیت آٹھ افراد کو گرفتار کیا تھا۔
بعد ازاں گرفتار افراد کے خلاف چائلڈ میرج ایکٹ کے تحت مقدمہ درج کیا گیا۔
بھارت کے شہر ممبئی میں انوکھی شادی منعقد ہوئی جہاں ایک خاتون قاضی نے جوڑے کا نکاح پڑھایا۔ اس اقدام کو بھارت میں نہایت پذیرائی حاصل ہورہی ہے۔
ممبئی میں اپنی نئی زندگی کا سفر شروع کرنے والی مایا کا کہنا ہے کہ اس نے ایک بار کہیں پڑھا تھا کہ خاتون بھی قاضی ہوسکتی ہے اور اسلام میں ایسی کوئی ممانعت نہیں، چنانچہ انہوں نے اور ان کے ہونے والے شوہر شمعون نے فیصلہ کیا کہ ان کا نکاح خاتون ہی پڑھائیں گی۔
مایا بنگالی ہیں جبکہ وہ برطانوی شہریت بھی رکھتی ہیں، تاہم اپنی نئی زندگی کا سفر شروع کرنے کے لیے وہ بھارت آئیں تھی۔
مایا کا کہنا ہے کہ خاتون قاضی کی تلاش ایک مشکل عمل تھا کیونکہ یہ کوئی عام بات نہیں، بہت کم لوگ اس بات کا علم رکھتے ہیں کہ خاتون بھی قاضی ہوسکتی ہیں۔
بالآخر مایا کو خاتون قاضی کا پتہ بھارتیہ مسلم مہیلا اندولن (بی ایم ایم اے) کی ویب سائٹ سے ملا۔
بی ایم ایم اے نے مہاراشٹر، مدھیہ پردیش، راجھستان، تامل تاڈو، کرناٹک اور اڑیسہ میں 16 خواتین قاضیوں کی ٹریننگ کی ہے اور یہ سب اس پلیٹ فارم کی ویب سائٹ پر رجسٹرڈ ہیں۔
یوں مایا اور شمعون قاضی حکیمہ تک پہنچے جنہوں نے ان دونوں کا نکاح پڑھایا۔ قاضی حکیمہ کا کہنا ہے کہ وہ اس جوڑے کا نکاح پڑھانے کی خوشی کو لفظوں میں بیان نہیں کرسکتیں۔
بی ایم ایم اے کی سربراہ نور جہاں صفیہ ناز کہتی ہیں کہ خواتین کا قاضی ہونا ایسا ہی ہے جیسے کسی اور شعبے میں خواتین کا سرگرم ہونا، لیکن ایک عام خیال ہے کہ صرف مرد ہی قاضی ہوسکتے ہیں۔
انہوں نے کہا کہ خواتین قاضیوں کے رجحان کو عام کرنے کی ضرورت ہے جس کے لیے شمعون اور مایا جیسے لوگوں کی ضرورت ہے جو روایتی تصورات سے ہٹ کر زندگی گزارنا چاہیں۔
جدہ: شادی انسان کی زندگی کا سب سے اہم اور نازک معاملہ ہوتا ہے، جس میں فریقین ایک دوسرے سے زندگی بھر ساتھ نبھانے کا وعدہ کرتے ہیں، تاہم جدہ میں ہونے والی ایک شادی صرف ایک گھنٹہ ہی برقرار رہی۔
تفصیلات کے مطابق سعودی عرب کے شہر جدہ میں ایک مختصر ترین شادی نے لوگوں کو اپنی طرف متوجہ کر لیا ہے، یہ شادی نکاح کے محض ایک گھنٹے بعد ہی ٹوٹ گئی۔
[bs-quote quote=”دولہے کی ماں اور بہنیں نئی دلہن کو اپنے خاندان میں قبول کرنے پر تیار نہیں تھیں۔” style=”style-7″ align=”left” color=”#dd3333″][/bs-quote]
جدہ سے آنے والی نیوز رپورٹس کے مطابق گزشتہ جمعے کے دن نکاح کی تقریب کے صرف ایک گھنٹہ بعد دولہا نے نکاح خوان سے کہا وہ کہ اپنی بیوی کو طلاق دینا چاہتا ہے، اور اس نے زبانی طور پر دلہن کو طلاق دے دی۔
زبانی طلاق کے بعد دولہا نے نکاح خوان سے کاغذی کارروائی کی درخواست کرتے ہوئے کہا کہ جیسے ہی وہ تقریب سے اٹھ کر جائے، اس کی طلاق پر قانونی کارروائی پوری کی جائے۔
معلوم ہوا کہ دولہا نے اپنی نئی نویلی دلہن کو طلاق اپنی ماں اور بہنوں کے شدید اصرار پر دیا، جو نئی دلہن کو کسی بھی طور پر اپنے خاندان میں قبول کرنے پر تیار نہیں تھیں۔
رپورٹس کے مطابق دولہا دلہن کی ملاقات ملک سے باہر تعلیم کے دوران ہوئی تھی، جہاں انھوں نے ایک دوسرے کو پسند کیا اور شادی کا فیصلہ کر لیا۔
دولہے کی ماں اور بہنوں کا کہنا تھا کہ دولہن کا تعلق ایک مختلف معاشرے سے ہے اس لیے وہ سعودی معاشرے میں اپنے شوہر کے ساتھ زندگی نہیں گزار سکے گی۔
دولہن کے متعلق یہ معلوم نہیں ہو سکا کہ اس کا تعلق کس ملک سے تھا، یہ بھی معلوم نہیں ہو سکا کہ ماں اور بہنوں نے شادی سے قبل کیوں منع نہیں کیا اور عین نکاح کے بعد شادی توڑنے کی ضد کیوں کی۔
لندن: برطانوی امام کو نکاح رجسٹر نہ کرائے جانے پر سزا ہوسکتی ہے، اس سلسلے میں برطانوی حکومت نے شادی کے قانون میں ترمیم پر کام شروع کردیا ہے۔
تفصیلات کے مطابق مقامی حکومت کے ڈیپارٹمنٹ نے رائے عامہ کے حصول کے لیے ایک گرین پیپر بھی شایع کردیا ہے جس پر پانچ جون تک مشاورت کا عمل مکمل ہوجائے گا۔
گرین پیپر میں کہا گیا ہے کہ وہ امام جو نکاح پڑھاتے ہیں، اگر انھوں نے یہ یقینی نہیں بنایا کہ جوڑے نے مقامی رجسٹرار آفس میں نکاح والے دن یا اس سے قبل شادی قانونی طور پر رجسٹرڈ کرائی ہے تو انھیں قانونی چارہ جوئی کا سامنا کرنا پڑ سکتا ہے۔
خیال رہے کہ شادی کے قانون میں ترمیم کے ذریعے رجسٹرڈ نہ کیا جانا والا نکاح ایک مجرمانہ عمل بنایا جا رہا ہے، جس پر رائے عامہ سے مشورہ جاری ہے، عوامی توثیق کے بعد اسے قانون بنادیا جائے گا، عیسائی اور یہودی برادریوں کے لیے بھی شادی کے سلسلے میں یہی شرائط عائد ہیں۔
نکاح کی رجسٹریشن کے سلسلے میں فروری میں شائع ہونے والی ایک رپورٹ کے مطابق مجوزہ ترمیم کا بنیادی مقصد مسلمان عورتوں کو طلاق کے لیے شریعت کونسلز پر انحصار کرنے کی بجائے برطانوی عدالتوں میں طلاق کے لیے رجوع کرنے کی آسانی فراہم کرنا ہے۔
گزشتہ سال نومبر میں دی گارجین میں شائع ہونے والی ایک سروے رپورٹ کے مطابق برطانیہ میں مسلم روایات کے تحت ہونے والی ہر دس شادیوں میں سے چھ قانونی طور پر رجسٹرڈ نہیں ہوتیں جس کی وجہ سے وہ مخصوص حقوق اور تحفظ سے محروم ہوتی ہیں۔
رپورٹ کے مطابق شادی ٹوٹنے کے نتیجے میں صرف نکاح کرنے والی خواتین فیملی کورٹ نہیں جا پاتیں جہاں وہ اثاثوں جیسا کہ گھر اور بچوں کے لیے پنشن کی تقسیم سے محروم رہتی ہیں۔
ایک اور رپورٹ کے مطابق برطانیہ میں ایسی خواتین کی تعداد تقریباً ایک لاکھ ہے جنھوں نے صرف اسلامی روایات کے مطابق نکاح کیا لیکن سرکاری طور پر شادی رجسٹرڈ نہیں کرائی۔
واضح رہے کہ برطانیہ میں پاکستان اور بنگلہ دیش سے تعلق رکھنے والے تارکین وطن کی ایک بڑی تعداد مساجد میں نکاح پڑھواتی ہے اور بعض اوقات جوڑے کا امیگریشن اسٹیٹس بھی چیک نہیں کیا جاتا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
لاہور: اداکارہ میرا کے تکذیب نکاح کیس میں نکاح خواں نے بیان قلمبند کروا دیا۔ انہوں نے میرا اور عتیق الرحمٰن کے نکاح کی تصدیق کردی۔
تفصیلات کے مطابق فیملی کورٹ میں اداکارہ میرا کے خلاف تکذیب نکاح کیس کی سماعت ہوئی۔ سماعت کے دوران نکاح خواں نے اپنا بیان قلمبند کروا دیا۔
نکاح خواں نے اپنے بیان میں کہا کہ ادکارہ میرا کا نکاح حقائق پر مبنی ہے۔ میرا اور عتیق الرحمٰن کا نکاح گواہان کی موجودگی میں پڑھایا۔
ان کا کہنا تھا کہ میرا کا نکاح اسلامی شریعت کے مطابق پڑھایا، عدالت میں جمع کروایا گیا نکاح نامہ بھی اصلی ہے۔
یاد رہے کہ عتیق الرحمٰن نامی شخص کی جانب سے میرا کے خاوند ہونے کا دعویٰ کیا گیا تھا جس پر گزشتہ کئی سالوں سے دونوں کے درمیان مختلف عدالتوں میں مقدمات بھی زیر سماعت رہے ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
اسلام آباد: پاکستان تحریک انصاف کے رہنما نعیم الحق نے چیئرمین پی ٹی آئی عمران خان کو نکاح پر مبارک باد پیش کرتے ہوئے کہا کہ ان کے نکاح پر ہم سب خوش ہیں۔
تفصیلات کے مطابق پاکستان تحریک انصاف کے رہنما نعیم الحق نے سربراہ پی ٹی آئی عمران خان کو نکاح پر مبارک باد پیش کی۔
پی ٹی آئی رہنما نعیم الحق کا کہنا تھا کہ ہم سب عمران خان کے نکاح پر خوش ہیں، ولیمے کی تقریب کب ہوگی اس بارے میں فی الحال کچھ نہں کہہ سکتے۔
خیال رہے گذشتہ روز پی ٹی آئی کے سربراہ عمران خان نے لاہور میں پاکپتن کی معروف روحانی شخصیت بشری بی بی سے تیسری شادی کی۔
پاکستان تحریک انصاف کے سربراہ عمران خان کا نکاح مفتی سعید نے سادگی سے پڑھایا اور نکاح میں صرف عمران خان کے قریبی ساتھیوں نے شرکت کی۔
یاد رہے کہ قومی کرکٹ ٹیم کے سابق کپتان عمران خان نے پہلی شادی 16مئی 1995جمائمہ گولڈ اسمتھ سے کی جن سے عمران خان کے دو بچے سلیمان اور قاسم ہیں یہ شادی نو سال بعد 2004 کو ختم ہوئی ۔ اس کے بعد دوسری شادی عمران خان نے پاکستانی صحافی ریحام خان سے کی تاہم یہ شادی ایک سال بھی نہ چل سکی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں
اسلام آباد : چیئرمین تحریک انصاف عمران خان نے پاکپتن کی معروف روحانی شخصیت بشریٰ بی بی سے تیسری شادی کرلی ہے.
تفصیلات کے مطابق عمران خان اور بشریٰ بی بی کا نکاح مفتی سعید نے آج لاہور میں پڑھایا جس میں کپتان کی جانب سے قریبی رشتہ دار اور ساتھیوں عون چوہدری اور زلفی بخاری نے جب کہ بشریٰ بی بی کی جانب سے بھی کچھ عزیز و اقارب نے شرکت کی.
ترجمان پی ٹی آئی فواد چوہدری نے عمران خان کی تیسری شادی کی تصدیق کرتے ہوئے بتایا کہ عمران خان اور بشریٰ بی بی کے درمیان نکاح آج مختصر اور سادہ سی تقریب میں ہوا جس میں دونوں جانب سے مخصوص رشتہ داروں اور دوستوں نے شرکت کی۔
تحریک انصاف کے ذرائع کی جانب سے نکاح کی تصاویر جاری کردی گئیں ہیں جس میں عمران خان کو سفید رنگ کے شلوار قمیض اور کالے کوٹ میں ملبوس دیکھا جا سکتا ہے جب کہ ان کی تیسری اہلیہ بشریٰ بی بی جو اب بشریٰ عمران خان ہو چکی ہے نے مکمل اسلامی پردہ کیا ہوا ہے اور حجاب سے چہرہ ڈھانپا ہوا ہے۔
یاد رہے کہ یہ 65 سالہ عمران خان کی تیسری شادی ہے ان کی پہلی شادی جمائما گولڈ اسمتھ سے 16مئی 1995 کو ہوئی جس سے اُن کے دو بچے سلیمان اور قاسم ہیں یہ شادی نو سال بعد 22 جون 2004 کو ختم ہوئی جس کے بعد عمران خان نے دوسری شادی صحافی ریحام خان سے جنوری 2015 میں کی تاہم یہ شادی ایک سال بھی نہ چل سکی۔
پاکپتن کی معروف روحانی شخصیت 48 سالہ بشریٰ مانیکا کی بھی یہ دوسری شادی ہے ان کی پہلی شادی کسٹم آفیسر خاور مانیکا سے ہوئی تھی جس سے ان کے دو بیٹے ابراہیم مانیکا، موسیٰ مانیکا اور تین بیٹیاں ہیں، بشریٰ مانیکا جن کا تعلق معروف وٹو گھرانے سے ہے اعلیٰ تعلیم یافتہ خاتون ہیں اور خاور فرید مانیکا سے شادی کے بعد روحانیت میں دلچسپی لینا شروع کی اور جلد پورے علاقے میں ایک روحانی شخصیت کے طور شہرت حاصل کی۔
بشریٰ مانیکا نے چند ماہ قبل اپنے شوہر خاور فرید مانیکا سے خلع لے لی تھی جس کے بعد سے ان کی شادی خبریں گردش کرتی رہی ہیں تاہم تحریک انصاف کے چیئرمین کا کہنا تھا کہ انہوں نے بشریٰ بی بی کو خلع کے بعد شادی کا پیغام بھیجا ہے اور ابھی جواب کے منتظر ہیں اس لیے شادی کی خبریں پھیلانے والے جھوٹ سے کام لے رہے ہیں۔
عمران خان اپنے سیاسی زندگی کے مشکل دور سے گزرے تو روحانیت کے ذریعے رہنمائی حاصل کرنا چاہی جس کے لیے مشترکہ دوست نے بشریٰ مانیکا اور خاور مانیکا سے ملاقات کرائی جس کے بعد کپتان اپنی زندگی اور اہم سیاسی امور سے متعلق مشکل فیصلوں پر بشریٰ مانیکا سے روحانی رہنمائی لیا کرتے تھے۔
کپتان کی تیسری شادی کی خبر نے اُن کے چاہنے والوں میں خوشی کی لہر دوڑا دی ہے جب کی سیاسی حریفوں کی جانب سے بھی مبارک بادوں کا تانتا بندھا ہوا ہے دوسری جانب تحریک انصاف کی قیادت نے نو بیاہتا جوڑے کے لیے پھول اور تحائف بھیجوائے اور نیک تمناؤں کا اظہار کیا ہے.
سیاسی تجزیہ نگاروں کا کہنا ہے کہ انتخابات قریب ہیں ان حالات میں تحریک انصاف یا عمران خان کے لیے کوئی بھی اسکینڈل مشکل کھڑا کر سکتا تھا اور ان کی تیسری شادی کی خبریں چند ماہ سے زور پکڑ گئی تھیں تاہم اب نکاح ہوجانے کے بعد تمام منفی باتیں دم توڑ دیں گی اور خان صاحب بھی یکسوئی کے ساتھ سیاست میں حصہ لیں گے جو تحریک انصاف کے لیے مثبت بات ہے.
لاہور : اداکارہ عروہ حسین اور گلوکار فرحان سعید شادی کے بندھن میں بندھ گئے۔ لاہور کی بادشاہی مسجد میں نکاح کی تقریب ہوئی۔
تفصییلات کے مطابق پاکستان کے معروف "گلوکار” اور "اداکارہ” عروہ حسین اور فرحان سعید رشتہ ازدواج میں بندھ گئے، آواز کا جادو چلا اوراداکاری کام کرگئی۔ پاکستان کے دو چمکتے ستارے زندگی کے سفر میں ایک ہو گئے۔
A video posted by Modern Pakistani Elites (@modernpakistanielites) on
اداکارہ عروہ حسین اورگلوکار فرحان سعید نے ایک ساتھ جینے کی قسمیں کھالیں۔ لاہور کی بادشاہی مسجد میں دونوں کا نکاح پڑھایا گیا۔ سادگی سے ہونے والی نکاح کی تقریب میں معروف ماڈلز اور اہل خانہ نے شرکت کی۔
ماورا حسین کا کہنا تھا کہ وہ اپنی بہن کے نکاح پر بے حد خوش ہیں۔ دولہا اور دلہن بھی زندگی کے نئے سفر پر بے حد خوش ہیں، عروہ حسین کی بہن ماورا حسین کی خوشی بھی دیدنی تھی۔
A video posted by Imran Asad Bhatti (@iimranasad) on
تقریب میں شوبز سے تعلق رکھنے والی شخصیات کی بڑی تعداد بھی موجود تھی۔ اس سے قبل اداکارہ عروہ حسین اور گلوکار فرحان سعید کی پیرس کے تاریخی ایفل ٹاورپر منگنی ہوئی تھی ۔ لاہور کی تاریخی بادشاہی مسجد میں نکاح ہوا،دولہا فرحان سعید کی جانب سے ولیمہ کی تقریب 18 دسمبر کو ہوگی۔
واضح رہے کہ عروہ حسین اور فرحان سعید ایک عرصہ سے دوستی کے تعلق میں بندھے ہوئے تھے اور چند روز قبل ہی فرحان سعید نے عروہ کو شادی کی باقاعدہ پیشکش کی تھی۔
لاہور: پاکستان ٹیم کے فاسٹ بولر محمد عامر سر پر سہرا سجانے کے قریب پہنچ گئے، شادی کی تیاریاں عروج پر پہنچ گئیں، تقریبات کل سے شروع ہورہی ہیں۔
پاکستان کرکٹ ٹیم کے فاسٹ بالر کی بینڈ باجے کے ساتھ زندگی کی نئی اننگز شروع ہونے والی ہے ،شادی کی تیاریاں مکمل ہوگئیں ہیں تقریبات کاآغاز پیر سے ہوگا، مہندی کی تقریب انیس تاریخ کو ہوگی، بیئس ستمبر کو عامر دلہنیا بیاہ کرلائیں گے، جبکہ اکیس ستمبر کو ولیمہ کی تقریب ہوگی۔
قومی کرکٹ ٹیم کے فاسٹ باولر محمد عامر شادی کے بندھن میں بندھنے جارہے ہیں، اس سلسلے میں ان کی رہائش گاہ پر محفل نعت کا انعقاد ہوا جس میں قریبی اہلخانہ نے شرکت کی۔
محمد عامرکا نکاح دو سال قبل پاکستانی نژاد برطانوی لڑکی نرجس سے ہوا تھا، جس میں قریبی دوستوں اوررشتہ داروں نے شرکت کی تھی۔
محمد عامر بارات کے موقع پر گولڈن رنگ کی شیروانی پہنیں گے جبکہ گولڈن رنگ کا ہی کھسہ پہنیں گے، ولیمہ کیلئے ایک ہزار مہمانوں کو دعوت نامے بھجوا دئیے گئے۔
عامر کی شادی کی تقریب میں کرکٹرزسمیت معروف فلمی شخصیات بھی شرکت کریں گے، جس کے بعد عامر ویسٹ انڈیز کے خلاف سیریز میں حصہ لینے یو اے ای روانہ ہوجائیں گے۔
