Tag: نک جونس

  • بھارت میں نک جونس کے کنسرٹ میں ”جیجو جیجو“ کے نعروں کی گونج

    بھارت میں نک جونس کے کنسرٹ میں ”جیجو جیجو“ کے نعروں کی گونج

    ممبئی: بھارت میں امریکی گلوکار اور اداکارہ پرینکا چوپڑا کے شوہر نک جونس کا کنسرٹ”جیجو جیجو“ کے نعروں سے گونج اٹھا۔

    ممبئی میں پریانکا چوپڑا کے شوہر امریکی گلوکار نک جونس نے مان میری جان گاتے ہوئے ہجوم کو اپنے سحر میں جکڑ لیا، اس کنسرٹ کا جوش اس وقت بڑھ گیا جب نک جونس نے اپنے بھائیوں جو اور کیون کے ساتھ ممبئی کے میوزک فیسٹیول میں بھارت میں اپنی پہلی پرفارمنس پیش کی۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ جیسے ہی نک نے اسٹیج پر قدم رکھا مداحوں نے ان کا پرتپاک استقبال کرتے ہوئے ‘جیجو’ کا نعرہ لگانا شروع کردیا۔

    نک جانس نے بھارتی گلوکار کنگ کے ساتھ مل کر ہٹ گانے ’تو مان میری جان‘ پر ایک پرجوش پرفارمنس پیش کی، اس کنسرٹ میں اداکار تاپسی پنو بھی شامل تھیں، انہوں نے اپنی انسٹاگرام اسٹوری پر کنسرٹ کی کلپس شیئر کیں۔

    واضح رہے کہ بھارتی اداکارہ پریانکا چوپڑا اور امریکی گلوکار نک جونس 2018 میں شادی کے بندھن میں بندھے، الگ ممالک سے تعلق ہونے کے باوجود دونوں کے درمیان زبردست زہنی ہم آہنگی پائی جاتی ہے، اس کے علاوہ پریانکا چوپڑا خود بھی متعدد مرتبہ نک کے لیے اپنی بے لوث محبت کا اظہار کرچکی ہیں۔

  • نک جونس کو ’نکوا‘ بلایا جانا کیسا لگا؟

    نک جونس کو ’نکوا‘ بلایا جانا کیسا لگا؟

    امریکی گلوکار نک جونس کا کہنا ہے کہ بھارت میں انہیں ’جیجو‘ اور ’نکوا‘ بلایا جانا بہت اچھا لگا، انہیں بھارت آ کر ہمیشہ بہت اچھا لگتا ہے۔

    معروف بھارتی اداکارہ پریانکا چوپڑا اور ان کے شوہر امریکی گلوکار نک جونس چند روز قبل بھارت آئے تھے۔

    دونوں نے نیتا مکیش امبانی کلچرل سینٹر کی افتتاحی تقریب میں شرکت کی تھی جہاں ان سمیت ڈھیروں مشہور شخصیات شریک ہوئی تھیں۔

    اس موقع پر فوٹو سیشن کی ویڈیوز بہت وائرل ہوئی تھیں جن میں بھارتی پاپا رازی غیر ملکی فنکاروں کو غلط سلط ناموں سے بلا رہے تھے۔

    فوٹو گرافرز نک جونس کو جیجو کہہ کر مخاطب کر رہے تھے جو بہنوئی کے لیے ایک زبان زد عام لفظ ہے، ایک فوٹوگرافر نے انہیں نکوا بھی پکارا تھا۔

     

    View this post on Instagram

     

    A post shared by Viral Bhayani (@viralbhayani)

    یہ ویڈیوز دنیا بھر میں وائرل ہوئی تھیں اور لوگوں کے ہنسنے کا سبب بنی تھیں۔

    اب نک جونس نے ان نیک نیمز پر اپنے ردعمل کا اظہار کیا ہے، بی بی سی ایشین نیٹ ورک کے ساتھ اپنے انٹرویو میں نک کا کہنا تھا کہ وہ بہت عرصے بعد بھارت آئے تھے اور ہمیشہ کی طرح انہیں بہت مزہ آیا۔

    گلوکار کا کہنا تھا کہ انہیں اپنے نک نیمز سن کر بہت خوشی ہوئی اور وہ ان سے بہت لطف اندوز ہوئے۔

    یاد رہے کہ پریانکا چوپڑا دسمبر 2018 میں نک جونس سے رشتہ ازدواج میں منسلک ہوئی تھیں اور اس کے بعد امریکا منتقل ہوگئی تھیں، دونوں کی ایک بیٹی مالتی بھی ہے۔

  • پریانکا چوپڑا کے شوہر شوٹنگ کے دوران حادثے میں زخمی

    پریانکا چوپڑا کے شوہر شوٹنگ کے دوران حادثے میں زخمی

    معروف بھارتی اداکارہ پریانکا چوپڑا کے شوہر اور امریکی اداکار و گلوکار نک جونس گزشتہ روز اپنے نئے شو کی فلم بندی کے دوران زخمی ہوگئے۔

    میڈیا رپورٹ کے مطابق حادثے کی نوعیت کا تو پتہ نہیں چل سکا، لیکن یہ ایک بڑا حادثہ تھا کیونکہ حادثے کے بعد نک جونس کو ایمبولینس میں اسپتال لے جایا گیا۔

    نک جونس پہلی بار سیٹ پر زخمی نہیں ہوئے، اس سے قبل سنہ 2018 میں بھی ایک شو کے بعد میکسیکو میں ورک آؤٹ کے دوران وہ اپنے ہاتھ زخمی کروا بیٹھے تھے۔

    پریانکا چوپڑا نے امریکی گلوکار نک جونس سے سنہ 2018 میں شادی کی تھی جس کے بعد وہ مستقل طور پر امریکا منتقل ہوچکی ہیں۔

  • مہوش حیات کی پریانکا کے شوہر نک جونس کے ساتھ تصویر وائرل

    مہوش حیات کی پریانکا کے شوہر نک جونس کے ساتھ تصویر وائرل

    نیویارک: ستارہ امتیاز حاصل کرنے والی معروف پاکستانی اداکارہ مہوش حیات کی بالی ووڈ اداکارہ پریانکا چوپڑا کے شوہر امریکی گلوکار نک جونس کے ساتھ تصویر وائرل ہوگئی۔

    تفصیلات کے مطابق ستارہ امتیاز حاصل کرنے والی معروف پاکستانی اداکارہ مہوش حیات نے سماجی رابطے کی ویب سائٹ ٹویٹر پر تصویر شیئر کرتے ہوئے لکھا کہ میں نیویارک میں یو ایس اوپن مینز سیمی فائنل دیکھنے پہنچی تو نک جونس سے ملاقات ہوئی۔

    مہوش حیات نے امریکی گولکار نک جونس کے ہمراہ تصویر شیئر کرتے ہوئے یہ بھی لکھا کہ یو ایس اوپن مینز سیمی فائنل کے دوران تک جونس اور میری ایک بات مشترک تھی کہ ہم دونوں ہی رافیل نڈال کو سپورٹ کررہے تھے۔

    واضح رہے کہ مہوش حیات نے بھارتی اداکارہ پریانکا چوپڑا کو یونیسیف کی خیرسگالی سفیر ہونے کے باوجود جنگ کو سپورٹ کرنے پر کڑی تنقید کا نشانہ بنایا تھا۔

    یاد رہے کہ یو ایس اوپن ویمنز کے فائنل میچ میں کینیڈا کی 19 سالہ کھلاڑی بیانکا نے امریکا کی تجربہ کار کھلاڑی سرینا ولیمز کو شکست دے کر پہلی بار ٹائٹل اپنے نام کیا ہے۔

    یوایس اوپن مینز سنگلز فائنل میں اسپین کے رافیل نڈال اور روس کے میڈویڈیو آج مد مقابل ہیں۔

  • پریانکا اور نک جونس، شادی کے 117 روز بعد طلاق کی خبریں زیر گردش

    پریانکا اور نک جونس، شادی کے 117 روز بعد طلاق کی خبریں زیر گردش

    ممبئی: بالی ووڈ اداکارہ پریانکا چوپڑا اور نک جونس کے درمیان تنازعات اور علیحدگی کی افواہیں زیر گردش ہیں۔

    تفصیلات کے مطابق پریانکا چوپڑا اور نک جونس نے گزشتہ برس شادی کی جس کے بعد دونوں پر امریکی میڈیا اور ناقدین نے تنقید بھی کی تھی، ازدواجی بندھن میں بندھنے کے چند روز بعد ہی امریکی میگزین نے بے بنیاد خبر شائع کی تھی جس پر ادارے کو شدید تنقید کا نشانہ بنایا گیا تھا۔

    شادی کے بعد بالی ووڈ اداکارہ اپنا بیشتر وقت نک جونس کے امریکا میں گزار رہی ہیں، دونوں سوشل میڈیا پر کافی سرگرم بھی رہتے ہیں اور اکثر اوقات تصاویر بھی شیئر کرتے ہیں۔

    مزید پڑھیں: پریانکا چوپڑا نے شادی کے بعد پہلی بار اعتراف کرلیا

    امریکا کے ہفتہ وار میگزین نے دعویٰ کیا ہے کہ پریانکا اور نک جونس کی راہیں ہمیشہ کے لیے جدا ہونے والی ہیں۔ رپورٹ میں بتایا گیا ہے کہ امریکی گلوکار ہے اہل خانہ اپنی بہو سے بالکل خوش نہیں اس لیے انہوں نے نک کو طلاق دینے کا مشورہ دیا۔

    رپورٹ میں دعویٰ کیا گیا ہے کہ دونوں کے درمیان معمولی تنازعات چل رہے تھے البتہ اب مسائل کافی بڑھ چکے جس کی وجہ سے انہوں نے ایک دوسرے سے ہمیشہ کے لیے علیحدہ ہونے کا فیصلہ کیا۔

    رپورٹ میں بتایا گیا کہ شادی کے محض 117 روز بعد ہی دونوں نے ایک دوسرے کو برداشت کرنا چھوڑ دیا کیونکہ پریانکا گھریلو معاملات میں اپنی حکمرانی چاہتی ہیں جبکہ نک جونس اور اُن کے اہل خانہ فیصلہ سازی کا اختیار انہیں دینا نہیں چاہتے۔

    یہ بھی پڑھیں: پریانکا کے کتے کی جیکٹ کی قیمت، تنخواہ دار ملازم کی ماہانہ آمدنی سے زیادہ

    امریکی میگزین نے یہ بھی دعویٰ کیا کہ دونوں کو اب احساس ہوا کہ انہوں نے شادی کا فیصلہ جلد بازی میں کیا البتہ نک کو اس بات کا احساس بھی ہوا کہ پریانکا ٹھنڈے مزاج کی نہیں بلکہ وہ اپنی بات منوانے کے لیے غصے میں آپے سے ہی باہر ہوجاتی ہیں۔

    نک جونس کا خاندان جوناس اس بات کا خواہش مند ہے کہ دونوں کے درمیان جو بھی معاملات ہوں اُس پر تنازعات کھڑے نہ ہوں۔

    دوسری جانب پریانکا اور نک جونس نے علیحدگی کی خبروں کو بے بنیاد قرار دیتے ہوئے امریکی میگزین کے خلاف چارہ جوئی کا فیصلہ کیا ہے۔ میڈیا سے گفتگو کرتے ہوئے نک کا کہنا تھا کہ ’چند لوگ آپ کو کبھی خوش نہیں دیکھ سکتے، پریانکا کا ایسا کوئی راز یا بات نہیں جس کے بارے میں فضول باتیں بنائی جارہی ہیں‘۔

  • پریانکا اور نک جونس کے درمیان قربتیں کیسے بڑھیں؟

    پریانکا اور نک جونس کے درمیان قربتیں کیسے بڑھیں؟

    نیویارک: پریانکا چوپڑا اور نک جونس کے درمیان بات چیت اور محبت کا آغاز کس طرح ہوا؟ بالی ووڈ اداکارہ نے اس حوالے سے خاموشی توڑ دی۔

    تفصیلات کے مطابق گزشتہ برس دسمبر میں امریکی گلوکار نک جونس سے رشتہ ازدواج میں منسلک ہونے والی اداکارہ نے اس سے قبل اپنے رشتے سے متعلق بات نہیں کی تھی۔

    پریانکا نے امریکی ٹی وی شو  ایلین ڈیگینیریس میں شرکت کی اور میزبان کے سخت سوالات کے جوابات بھی دیے۔ اس دوران میزبان نے اُن سے پوچھا کہ نک جونس اور اُن کے تعلقات اور ملاقاتوں کا آغاز کس طرح ہوا۔؟

    پریانکا نے مسکراتے ہوئے بتایا کہ نک نے دوستی کرنے کے لیے وہی طریقہ اختیار کیا جو آج کل کے نوجوان کرتے ہیں، انہوں نے مجھے ٹویٹر پر  ڈائریکٹ میسج (ڈی ایم) بہت انوکھے انداز سے کیا۔

    مزید پڑھیں: پریانکا کے کتے کی جیکٹ کی قیمت، تنخواہ دار ملازم کی ماہانہ آمدنی سے زیادہ

    اداکارہ نے بتایا کہ نک نے جو ڈی ایم کیا اُس میں لکھا ’میں نے اپنے ایک دوست سے سنا ہے اب ہم ہمیشہ رابطے میں رہیں گے، جلد ہماری ملاقات بھی ہوگی اور ہم ایک دوسرے سے ٹویٹر پر بات بھی کریں گے‘۔

    پریانکا کا کہنا تھا کہ ’نک کا یہ انداز مجھے بہت اچھا لگا مگر میں نے جواب دیا کہ آپ کے دوست نے افواہ پھیلائی کیونکہ میرا ایسا کوئی ارادہ نہیں اور نہ ہی میرے پاس ان فضول کاموں کےلیے وقت ہے مگر پھر ہم نے ایک دوسرے سے بات کرنا شروع کی اور پھر شادی ہوگئی’۔

    یاد رہے کہ بالی ووڈ اداکارہ اور نک جونس کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربتیں بڑھیں اور پھر دونوں ایک دوسرے کی محبت میں گرفتار ہوگئے۔ گلوکار کے دوست کا کہنا تھا کہ ’نک جونس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا‘۔

    یہ بھی پڑھیں: گوری خان نے شاہ رخ اور پریانکا کی قربتوں کو کیسے ختم کیا؟

    امریکی گلوکار  گزشتہ برس جون کے آخری ایام میں پریانکا کے ہمراہ امریکا سے بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا جس میں وہ کامیاب ہوگئے۔

    دونوں اداکاروں کی گزشتہ برس دسمبر میں شادی ہوئی جس کے بعد پریانکا امریکا منتقل ہوگئیں اور اب وہ وہیں پر قیام کریں گی۔

  • تصاویر: پریانکا اور نک جونس کی شادی

    تصاویر: پریانکا اور نک جونس کی شادی

    ممبئی: پریانکا چوپڑا اور نک جونس ہندو مذہبی رسم کی ادائیگی کے بعد  ازدواجی بندھن میں بندھ گئے۔

    تفصیلات کے مطابق بالی ووڈ اداکارہ اور امریکی گلوکار کی شادی کی تقریب گزشتہ روز بھارتی ریاست راجستھان کے علاقے جودھ پور کے عمید بھون پیلس میں منعقد کی گئی۔

    نک جونس کا تعلق عیسائی مذہب سے ہے،گزشتہ روز  کی تقریب لڑکے والوں نے رکھی اور  عیسائی مذہب کے تحت شادی کی رسم ادا کی گئی جبکہ آج کی تقریب ہندو مذہبی عقائد کے تحت رکھی گئی۔

    ازدواجی بندھن میں بندھنے سے قبل دونوں اداکاروں نے مہندی اور میوزیکل نائٹ کا اہتمام بھی کیا جس میں دونوں طرف کے قریبی رشتے داروں نے شرکت کی۔

    قبل ازیں ایک پارٹی رکھی گئی تھی جس میں ایک دوستانہ کرکٹ میچ بھی کھیلا گیا، نک جونس نے ایسا چھکا مارا کہ اُس کی ویڈیو سوشل میڈیا پر وائرل ہوگئی۔

    یہ بھی پڑھیں: پریانکا چوپڑا امریکی گلوکار کی اہلیہ بن گئیں

    پریانکا کی کزن پرنیٹی چوپڑا بھی خوب ایکشن میں نظر آئیں اور انہوں نے اپنے رشتے داروں کے ساتھ مل کر خوب ہلہ گلہ بھی کیا، اس کے علاوہ دلہن خود بھی بہت خوش تھیں۔

    میڈیا رپورٹس کے مطابق دونوں اداکار ازدواجی بندھن میں بندھنے کے بعد بھارت کے شہر گوا چلے جائیں گے۔

    شادی کی تصاویر قبل از وقت لیک نہ ہونے کے خدشے کے پیش نظر پریانکا اور نک جونس نے بھی دپیکا اور رنویر کی طرح تقریب میں شرکت کرنے والے مہمانوں کے موبائل استعمال پر پابندی لگائی۔

    ٹائمز آف انڈیا کی رپورٹ کے مطابق دونوں اسٹارز نے اپنی شادی کی تصاویر کے حقوق بین الاقوامی میگزین کو 33 کروڑ روپے میں فروخت کیے اسی باعث مہمانوں کے موبائل کیمروں کو پنڈال میں داخل ہونے سے قبل ناکارہ بنا دیا جائے گا۔

    یاد رہے کہ نک جونس اور پریانکا کے درمیان رواں برس جولائی میں منگنی ہوئی، امریکی گلوکار کے اہل خانہ ممبئی پہنچے تھے اور تقریب میں صرف مخصوص لوگوں کو شرکت کی دعوت دی گئی تھی۔

    واضح رہے کہ بالی ووڈ اداکارہ نے ممکنہ شادی کی مصروفیات کے پیش نظر اپنی نئی آنے والی فلم ’بھارت‘ سے کنارہ کشی اختیار کرلی تھی جس کے بعد کترینہ کیف کو اُن کی جگہ مرکزی کردار دیا گیا۔

    اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربتیں بڑھیں اور پھر یہ لوگ ایک دوسرے کی محبت میں گرفتار ہوئے۔

    نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کیا جسے پریانکا نے قبول کرلیا تھا۔

    امریکی گلوکار رواں سال جون کے آخری ایام میں پریانکا کے ساتھ امریکا سے بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا۔

    ویڈیوز دیکھیں

     

    View this post on Instagram

     

    Wow! @priyankachopra and @nickjonas’ sangeet ceremony was nothing short of the grandest event of the year.

    A post shared by Filmfare (@filmfare) on

     

    View this post on Instagram

     

    @nickjonas certainly isn’t taking too long to get the hang of cricket.

    A post shared by Filmfare (@filmfare) on

  • پریانکا چوپڑا امریکی گلوکار کی اہلیہ بن گئیں

    پریانکا چوپڑا امریکی گلوکار کی اہلیہ بن گئیں

    ممبئی: بالی ووڈ اداکارہ پریانکا چوپڑا اور امریکی گلوکار نک جونس ازدواجی بندھن میں بندھ گئے۔

    بھارتی میڈیا رپورٹس کے مطابق پریانکا کی شادی کی تقریب بھارتی ریاست راجستھان کے علاقے جودھ پور میں واقع عمید بھون پیلس میں منعقد کی گئی، تقریب کی میزبانی امریکی گلوکار اور اُن کے اہل خانہ نے کی۔

    رپورٹ کے مطابق عمید بھون میں ہونے والی تقریب عیسائی مذہبی رسومات کے تحت ادا کی گئی جس میں پریانکا نے سفید رنگ کا روایتی جوڑا زیب تن کیا تھا۔

    اس موقع پر شاندار آتش بازی کا مظاہرہ بھی کیا گیا، تقریب میں امریکی گلوکار اور اداکارہ کے اہل خانہ اور قریبی رشتے داروں نے شرکت کی۔

    چونکہ دلہن اور دلہا علیحدہ علیحدہ مذاہب سے تعلق رکھتے ہیں اس لیے شادی کی تقاریب بھی اسی طرح‌ منعقد کی جائیں گی۔

    نک جونس کا تعلق عیسائی اور پریانکا ہندو مذہب سے تعلق رکھتی ہیں، اب کل یعنی دو دسمبر کو ہندو رسم و رواج کے تحت شادی کی رسومات عمید بھون پیلس میں ہی ادا کی جائیں گی۔

    گزشتہ روز مہندی کی تقریب کا انعقاد کیا گیا جس میں معروف بھارتی تاجر مکیش انبانی اور اُن کی اہلیہ سمیت دیگر معزز شخصیات نے شرکت کر کے تقریب کو چار چاند لگائے۔

    شادی کی مرکزی تقریب نئی دہلی کے بارا دری لان میں منعقد کی جائے گی، جہاں بھارتی وزیراعظم نریندر مودی سمیت 750  مہمانوں کی آمد متوقع ہے۔

    مزید پڑھیں: پریانکا کی شادی کب اور کہاں ہوگی؟ تاریخ اور مقام کا اعلان

    میڈیا رپورٹس کے مطابق دونوں اداکار ازدواجی بندھن میں بندھنے کے بعد بھارت کے شہر گوا چلے جائیں گے۔

    شادی کی تصاویر قبل از وقت لیک نہ ہونے کے خدشے کے پیش نظر پریانکا اور نک جونس نے بھی دپیکا اور رنویر کی طرح تقریب میں شرکت کرنے والے مہمانوں کے موبائل استعمال پر پابندی لگا دی۔

    ٹائمز آف انڈیا کی رپورٹ کے مطابق دونوں اسٹارز نے اپنی شادی کی تصاویر کے حقوق بین الاقوامی میگزین کو 33 کروڑ روپے میں فروخت کیے اسی باعث مہمانوں کے موبائل کیمروں کو پنڈال میں داخل ہونے سے قبل ناکارہ بنا دیا جائے گا۔

    یاد رہے کہ نک جونس اور پریانکا کے درمیان رواں برس جولائی میں منگنی ہوئی، امریکی گلوکار کے اہل خانہ ممبئی پہنچے تھے اور تقریب میں صرف مخصوص لوگوں کو شرکت کی دعوت دی گئی تھی۔

    یہ بھی پڑھیں: گوری خان نے شاہ رخ اور پریانکا کی قربتوں کو کیسے ختم کیا؟

    واضح رہے کہ بالی ووڈ اداکارہ نے ممکنہ منگنی کے پیش نظر اپنی نئی آنے والی فلم ’بھارت‘ سے کنارہ کشی اختیار کرلی تھی جس کے بعد کترینہ کیف کو اُن کی جگہ مرکزی کردار دیا گیا۔

    ’بھارت‘ کے ہدایت کار علی عباس ظفر نے سماجی رابطے کی ویب سائٹ پر تصدیق کی کہ اب پریانکا فلم کی کاسٹ کا حصہ نہیں ہیں ساتھ ہی انہوں نے منگنی کی طرف اشارہ بھی دیا تھا۔

    قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔

    اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربتیں بڑھیں اور پھر یہ لوگ ایک دوسرے کی محبت میں گرفتار ہوگئے۔

    اسے بھی پڑھیں: سلمان خان کا پریانکا پر الزام

    نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا۔

    امریکی گلوکار رواں سال جون کے آخری ایام میں امریکا سے پریانکا کے ساتھ بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا جس میں وہ کامیاب ہوگئے۔

    شادی کے حوالے سے دونوں شخصیات نے کوئی تصدیق یا تردید نہیں کی تھی تاہم قریبی ذرائع نے اس بات کا دعویٰ ہے کیا تھا کہ جولائی کے آخری یا اگست کے اوائل میں دونوں منگنی کرلیں گے۔

  • بالی ووڈ اداکارہ پریانکا کی امریکی گلوکار سے منگنی

    بالی ووڈ اداکارہ پریانکا کی امریکی گلوکار سے منگنی

    ممبئی: بالی ووڈ اداکارہ پریانکا چوپڑا نے اپنے دوست اور امریکی گلوکار نک جونس سے منگنی کرلی۔

    بھارتی میڈیا کے مطابق پرپریانکا اور نک جونس کی منگنی کی تقریب اداکارہ کے گھر پر منعقد کی گئی جس میں صرف مخصوص لوگوں نے شرکت کی۔

    منگنی کی تقریب ہندو مذہب اور پنجابی رسم و رواج کے تحت ادا کی گئی جس میں پریانکا نے زرد (پیلے) اور نک جونس نے سفید رنگ کا کرتا پاجامہ زیب تن کیا ہوا تھا۔ تقریب میں شریک مہمانِ گرامی نے جوڑے کے لیے نیک تمناؤں کا اظہار کیا اور اُن کی کامیابیوں کے لیے بھی دعا کی۔

    بھارتی میڈیا کے مطابق منگنی کی تقریب کے سلسلے میں آج یعنی 18 اگست کی رات شاندار تقریب کا انعقاد کیا جائے گا جس میں معروف شخصیات ، شوبز ستارے اور امریکی گلوکار کے قریبی رشتے دار شرکت کریں گے جو خصوصی طور پر امریکا سے تشریف لارہے ہیں۔

    بالی ووڈ اداکارہ کے اہل خانہ نے امریکا سے آنے والے 200 مہمانوں کے لیے ہوٹل کے کمرے بک کروالیے جہاں وہ قیام کریں گے، بیرونِ ملک سے آنے والے افراد نک جونس کے رشتے دار ہیں۔

    مزید پڑھیں: بالی ووڈ اداکارہ پریانکا چوپڑا ’مرد‘ بننے کو تیار

    ذرائع کے مطابق امریکی گلوکار نک جونس آج شام پہلی بار پریانکا کا تعارف اپنے رشتے داروں اور عزیز و اقارب سے کروائیں گے کیونکہ قربتوں کے حوالے سے انہوں نے اس سے قبل کسی کو کچھ نہیں بتایا تھا۔

    واضح رہے کہ بالی ووڈ اداکارہ نے ممکنہ منگنی کے پیش نظر اپنی نئی آنے والی فلم ’بھارت‘ سے کنارہ کشی اختیار کرلی تھی جس کے بعد کترینہ کیف کو اُن کی جگہ مرکزی کردار دیا گیا۔

    ’بھارت‘ کے ہدایت کار علی عباس ظفر نے سماجی رابطے کی ویب سائٹ پر تصدیق کی کہ اب پریانکا فلم کی کاسٹ کا حصہ نہیں ہیں ساتھ ہی انہوں نے منگنی کی طرف اشارہ بھی دیا تھا۔

    یہ بھی پڑھیں: پریانکا چوپڑا چوتھی بار دنیا کی پرکشش ترین خاتون قرار

    قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔

    ذرائع ابلاغ کے مطابق بالی ووڈ اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربت بڑھی اور پھر یہ لوگ ایک دوسرے کی محبت میں گرفتار ہوئے۔ نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا۔

    اسے بھی پڑھیں: ’پریانکا کو پاکستان بھیج دو‘ انتہا پسند ہندوؤں کی پکار

    امریکی گلوکار ماہ جون کے آخری ایام میں پریانکا کے ساتھ بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا جس میں وہ کامیاب ہوگئے۔

    شادی کے حوالے سے دونوں شخصیات نے کوئی تصدیق یا تردید نہیں کی تھی تاہم قریبی ذرائع نے اس بات کا دعویٰ ہے کیا تھا کہ جولائی کے آخری یا اگست کے اوائل میں دونوں منگنی کرلیں گے۔

    یاد رہے کہ رواں سال مئی میں بالی ووڈ میں اچانک شادیوں کا سیزن شروع ہوا تھا، سب سے پہلے سونم کپور پھر اداکارہ نیہا دھوپیا اور پھر میوزک کمپوزر ہمیش ریشمیا نے ایک ہی ہفتے میں شادی کی تھی۔