Tag: نگران وزیراعظم

اسلام آباد: نگران وزیراعظم انوارالحق کاکڑ کا کہنا ہے کہ کالعدم ٹی ٹی پی کو معاشرے اورریاست کا دشمن سمجھتے ہیں، ریاست کی بقا کیلئے آخری حد تک لڑیں گے۔

تفصیلات کے مطابق نگران وزیراعظم انوارالحق کاکڑ نے ایک انٹرویو میں کالعدم تحریک طالبان پاکستان (ٹی ٹی پی) کے پاس امریکی اسلحے کی موجودگی سے متعلق سوال پر کہا کہ کالعدم تحریک طالبان پاکستان کے پاس امریکی اسلحے کی موجودگی کے شواہد ہیں، اٹہتر گھنٹےمیں جب افغان فوج غائب ہوئی تو ان کا اسلحہ کہاں گیا۔

انوارالحق کاکڑ کا کہنا تھا کہ پاکستان کوئی الزام نہیں لگا رہا، شواہد موجود ہیں کہ امریکی اسلحہ مشرق وسطی تک فروخت ہوا اوراس کے نتائج کا ہم سامناکررہے ہیں۔

انھوں نے کہا کہ کالعدم ٹی ٹی پی کومعاشرے اورریاست کا دشمن سمجھتے ہیں، ریاست کی بقا کیلئے آخری حد تک لڑیں گے۔

غیرقانونی طور پر ملک میں مقیم افغانوں کو واپس بھیجنے سے متعلق سوال پر نگران وزیراعظم کا کہنا تھا کہ ‘ افغانوں کے دل و دماغ جیتنے کا ہدف ہی غلط ہے، ہماری ذمہ داری پاکستان ہے افغانستان نہیں، ہم چاہتے ہیں غیر قانونی طور پر رہنے والے افغان واپس جائیں، جوافغان سمجھتےہیں ان کا یہاں کاروبار ہے وہ ویزہ لے کر واپس آئیں۔’

انہوں نے تسلیم کیا کہ ‘ویزوں کے نظام کو منظم کرنے کی ضرورت ہے۔ ’چاہے دو لاکھ ہوں یا 60 ہزار درخواستیں انہیں مربوط نظام کے تحت سہولت دی جانی چاہیے۔ یہ ہماری ذمہ داری ہے۔’

گلگت بلستان : نگران وزیراعظم انوار الحق کاکڑ کا کہنا ہے کہ کوئی بھائی چارےکی فضاخراب کرنا چاہتاہے غلط فہمی دورکرلے ، اب کسی بھی نشست کیلئے بولی نہیں لگے گی ،بولیوں کا گلا گھونٹنے کیلئےآئے ہیں۔

تفصیلات کے مطابق نگران وزیراعظم انوار الحق کاکڑ نے گلگت بلستان کے دورے کے دوران میڈیا سے گفتگو کرتے ہوئے کہا کہ گلگت کے لوگوں نے بڑی محبت اور خوش اسلوبی سےہمارااستقبال کیا، مجھےآپ کا احسان نہیں بھولےگا، قائداعظم کے وژن کاعملی نمونہ گلگت میں نمایان ہوتا ہے۔

نگران وزیراعظم کا کہنا تھا کہ انسان کبھی ایک جیسےنہیں ہوسکتے، گلگت بلتستان مختلف رنگ و نسل کے لوگوں کا گلدستہ ہے، اختلافات کی بنیادپراکٹھی زندگی گزارناانسانیت کی معراج ہے، انسان ایک دوسرےکےحقوق کو تصورنہیں کرتا تو جنگل کا نظام ہے۔

انوارالحق کاکڑ نے کہا کہ انسانیت کی معراج صرف ابن آدم کےتصورکےطورپرخودکویکساں سمجھتاہے ، گلگت بلتستان کےلوگوں کیلئےپیغام ہےایک دوسرےکےحقوق کااحترام کریں ، ریاست کا کام ہے کہ بنیادی حقوق کانفاذکرے، ہمارے ہاں قربتیں زیادہ دوریاں کم ہیں، جودوریاں پیداکی گئیں حکمت کیساتھ انہیں بھی ختم کیاجائے گا۔

انھوں نے گلگت بلتستان کی عوام کو مخاطب کرتے ہوئے کہا کہ آپ کی پہچان حسن مالداردنیاکےالگ ہے، سیاح گلگت کی خوبصورتی کی وجہ سے کھینچےچلےآتےہیں، یہاں کےآئینی سوالات پردوستوں سےتفصیلی بات چیت ہوئی ہے ، ہم گلگت بلتستان سےتسلسل کیساتھ جڑےرہنےکی کوشش کریں گے ، چاہیں گےیہاں کےلوگ اپنےپیروں پرکھڑےہوں، کوشش ہوگی انکی شناخت کوجلدآئینی جوابات مل جائیں۔

نگران وزیراعظم کا کہنا تھا کہ قانون کی عملداری سے مسائل کو حل کریں گے ، کسی کو بھی آئین و قانون کو یرغمال بنانے کی اجازت نہیں دیں گے اور حکمت اور عمل کیساتھ غلط فہمیوں کو دور کریں گے۔

انوارالحق کاکڑ نے واضح کہا کہ کوئی یہ سمجھتا ہے یہاں بھائی چارے کی فضا خراب کرسکےگا تو یہ اُس کی غلط فہمی ہے، قوانین کا نفاذ کریں گے، ایسے لوگ جو کسی ایجنڈے پر باقی معاشرے کوچلانا چاہتےہیں۔۔ یاد رکھیں اِس کی ہرگزاجازت نہیں دیں گے۔

ان کا مزید کہنا تھا کہ کسی بھی نشست کیلئے اب بولی نہیں لگے گی ،بولیوں کا گلا گھونٹنے کیلئےآئے ہیں، ملک میں کسی بھی غیرملکی ادارے کو مداخلت کی اجازت نہیں۔

اسلام آباد : دفترخارجہ کی ترجمان ممتاز زہرا بلوچ کا کہنا ہے کہ نگران وزیراعظم کے دورہ کینیا میں صحافی ارشد شریف شہید کا معاملہ اٹھایا جائے گا۔

تفصیلات کے مطابق دفترخارجہ کی ترجمان ممتاز زہرا بلوچ نے ہفتہ وار میڈیا بریفنگ دیتے ہوئے کہا نگران وزیراعظم انوار الحق کاکڑ 4 سے 6 ستمبر تک کینیا کا دورہ کریں گے۔

ممتاز زہرا بلوچ کا کہنا تھا کہ نگران وزیراعظم افریقہ موسمیاتی تغیر کانفرنس میں شرکت کریں گے، نگران وزیر خارجہ جلیل عباس جیلانی بھی وزیراعظم کے ہمراہ ہوں گے۔

ترجمان نے کہا کہ نگران وزیراعظم کانفرنس کے موقع پر افریقی ممالک کی قیادت سے ملاقاتیں کریں گے، نگران وزیراعظم کے دورہ کینیا میں صحافی ارشد شریف شہید کامعاملہ بھی اٹھایا جائے گا۔

کراچی : نگران وزیراعظم انوارالحق کاکڑ نے دین کے نام پر غدر مچانے کی کوشش کرنے والوں کیلئے پیغام میں کہا جو لوگ سمھجتے ہیں کہ ہم لڑ کر تھک گئے ہیں ، وہ غلط فہمی کا شکار ہیں۔

تفصیلات کے مطابق نگران وزیراعظم انوارالحق کاکڑ نے کراچی میں خطاب کرتے ہوئے کہا کہ بٹگرام ریسکیو آپریشن میں کامیابی پر بہت خوشی ہوئی، رات جب آخری بچےکوریسکیوکیاگیاتوہم بہت زیادہ خوش تھے، ہم اس کامیابی کاجشن بھی منائیں گے۔

انوارالحق کاکڑ کا کہنا تھا کہ ان بچوں نےہم سب کواکٹھا کیا ہے ، انتظامیہ،فوج اورمقامی افرادنےمشترکہ محنت سےبچوں کوبچایا، دفاعی ادارے کےلوگ ہر آفات میں کام کرتےہیں، ہم اس بحث میں نہیں پڑسکتے تھے کہ ان بچوں کو بچانا کس کا کام ہے۔

نگران وزیراعظم نے کہا کہ کل وزیرستان میں ہمارے 10 جوان شہید ہوئے ہیں، پاکستان کسی کےسامنےسرنڈرنہیں کرےگا، یہ ہمارا گھر ہے ہم اسے اپنے انداز سے چلائیں گے، کوئی سمجھتا ہے ہمارے حوصلے پست ہوں گے وہ غلط فہمی کا شکار ہیں۔

ان کا کہنا تھا کہ ہم اپنےشہدااورانکےقربانیوں کونہیں بھولیں گے اور ہم مزیدشہادتیں دینےسےگریزنہیں کریں گے۔

انوارالحق کاکڑ نے کہا کہ ہم ٹیکس کلیکشن کر کے لاانفور سمنٹ پر لگا کر لڑ رہےہیں، ہم کسی سےخیرات نہیں لےرہے، دہشت گردی اور انتہا پسندی کوختم کریں گے۔

نگران وزیراعظم کا کہنا تھا کہ لوگ سمجھتےہیں کہ تنخواہ کےبدلےسروس دے رہےہیں ایسانہیں ہے، ہم تنخواہیں نہیں احترام دیتےہیں اوراحترام ہی ان کی تنخواہ ہے، جو قوم تنخواہ دے رہی ہے وہ احترام اور تکریم کی ہے اور دیتے رہیں گے۔

انھوں نے کہا کہ محمدﷺکے دین کےنام پر جو غدر مچانے کی کوشش کررہےہیں ان کیلئےپیغام ہے، وہ کچھ عرصے تک تو لڑ سکتے ہیں مگرلانگ ٹرم کیلئےنہیں لڑ سکتے، وہ غلط فہمی کا شکارہیں انہیں نہیں پتا کہ ان کا واسطہ کس سےپڑاہے، خودکش حملہ آوروں اور جہنم کےکتوں سےہم نہیں ڈرتے۔

انوارالحق کاکڑ نے واضح کیا کہ ان گمراہوں کیخلاف ہم لڑتےرہیں گےیہ گمراہ ہیں اوررہیں گے، اللہ سےدعاہےکہ وہ ان گمراہوں کوراہ ہدایت پرلےآئے۔