Tag: نگران وزیراعظم

اسلام آباد : اٹارنی جنرل منصور عثمان اعوان عبوری حکومت کے دورمیں اپنا کام جاری رکھیں گے، گران وزیراعظم انوار الحق کاکڑ نے گرین سگنل دے دیا ہے۔

تفصیلات کے مطابق نگران وزیراعظم انوارالحق کاکڑ نے اٹارنی جنرل کو کام جاری رکھنے کیلئے گرین سگنل دے دیا ، ذرائع نے کہا ہے کہ اٹارنی جنرل منصورعثمان اعوان عبوری حکومت کے دورمیں اپنا کام جاری رکھیں گے۔

اٹارنی جنرل منصور عثمان اعوان کی تعیناتی سابقہ حکومت میں کی گئی تھی۔

اس سے قبل نگراں وزیراعظم انوار الحق کاکڑ نے نگراں کابینہ کو جلد حتمی شکل دینے کا فیصلہ کیا تھا، ذرائع نے بتایا تھا کہ نگراں کابینہ کی تشکیل کیلئےنگراں وزیراعظم نے مشاورت شروع کر دی ہے۔

ذرائع کا کہنا تھا کہ نگراں کابینہ کے لئے تجربہ کار شخصیات کے ناموں پر غور کیا جارہا ہے ، نگراں کابینہ کیلئےجلیل عباس جیلانی ،محمدعلی درانی کے نام زیر غور ہے۔

ذرائع کے مطابق عبد الحفیظ شیخ ،مظفر رانجھا ،شعیب سڈل کے نام بھی نگراں کابینہ کیلئے زیر غور ہیں۔

اسلام آباد :وزیراعظم شہباز شریف آج اپوزیشن لیڈرراجاریاض سے ملاقات کرکے نگراں وزیراعظم کے نام کی حتمی منظوری دیں گے۔

تفصیلات کے مطابق نگران وزیر اعظم کی تقرری کیلئے مشاورت کا عمل حتمی مرحلے میں داخل ہوگیا ہے ، ذرائع نے بتایا ہے کہ وزیر اعظم آفس کااپوزیشن لیڈرراجا ریاض سے رابطہ کیا۔

جس میں وزیراعظم شہباز شریف اوراپوزیشن لیڈرراجاریاض میں ملاقات طے ہوگئی، دونوں رہنماؤں آج دن ڈھائی بجے ملاقات کریں گے، جس کے بعد نگراں وزیراعظم کے نام کی منظوری دی جائے گی۔

سابق سیکریٹری خارجہ جلیل عباس جیلانی نگراں وزیراعظم کے لئے مضبوط امیدوار کے طور پر سامنےآئے ہیں جبکہ ڈاکٹر حفیظ شیخ کو نگراں وزیر خزانہ بنائے جانے کا امکان ہے۔

جلیل عباس جیلانی کا نام سابق صدر آصف زرداری نے سابق وزیراعظم نوازشریف کےسامنے رکھا تھا اور نوازشریف کی جانب سےاعتراض نہیں آیا، پی پی قیادت کوجلیل عباس جیلانی کا نام یوسف رضا گیلانی نے تجویز کیا تھا۔

قانون میں بی اے اور دفاعی امور میں ماسٹر کی ڈگری رکھنے والے جلیل عباس جیلانی امریکا اور بھارت میں سفیر کی ذمے داری نبھا چکے ہیں۔

وہ پیشہ ور سفارت کار ہیں۔ بطور سیکریٹری خارجہ تعیناتی سے پہلے بیلجیئم، لکسمبرگ اور یورپی یونین میں پاکستان کے سفیر رہے اور سفارتی ذمے داریوں کے دوران برسلز میں نیٹو ہیڈکوارٹر کے ساتھ بھی مسلسل رابطے میں رہے۔

اس کے علاوہ جدہ اور لندن میں بھی تعینات رہے جبکہ کینبرا میں ہائی کمشنر کے عہدے پر بھی فائز رہ چکے ہیں۔

اسلام آباد : اتحادی جماعتوں نے وزیراعظم شہباز شریف کو نگران وزیراعظم کا نام فائنل کرنے کا اختیار دے دیا اور کہا وزیراعظم جسے مناسب سمجھیں نگران وزیراعظم کیلئے نامزد کردیں۔

تفصیلات کے مطابق وزیراعظم شہباز شریف کی زیر صدارت نگراں سیٹ اپ سے متعلق پی ڈی ایم اور اتحادی جماعتوں کے سربراہوں کا اجلاس ہوا۔

جس میں سربراہ پی ڈی ایم مولانا فضل الرحمان، بلاول بھٹو زرداری، اختر مینگل سمیت وفاقی وزرا بھی شریک ہوئے، اجلاس میں نگران وزیراعظم کے تقرر سے متعلق مشاورت کی گئی۔

ذرائع نے بتایا کہ اجلاس میں پی ڈی ایم اور اتحادی نے وزیر اعظم کو نگران وزیر اعظم کا فائنل کرنے کا اختیار دے دیا۔

اتحادی جماعتوں کے ذرائع کے مطابق وزیراعظم جسے مناسب سمجھیں نگران وزیر اعظم کے لئے نامزد کردیں۔

پی ڈی ایم اور اتحادی جماعتوں نے وزیر اعظم شہباز شریف پر اعتماد کا اظہار کرتے ہوئے اپوزیشن لیڈر کے نگران وزیراعظم کے نام پر مشاورت کی منظوری دے دی۔