Tag: نگراں حکومت

اسلام آباد : پاکستان نرسنگ کونسل (پی این ایم سی) کی تشکیل میں وزارت صحت کامبینہ فراڈ پکڑا گیا۔

تفصیلات کے مطابق نگراں حکومت کے دوران اہم عہدے پر متنازع تعیناتی کا انکشاف سامنے آیا، پاکستان نرسنگ کونسل ( پی این ایم سی) کی تشکیل میں وزارت صحت کامبینہ فراڈ پکڑا گیا۔

ذرائع کا کہنا ہے کہ گلگت بلتستان کوٹہ پرسندھ کی خاتون کو پی این ایم سی کا رکن نامزد کیا گیا، فرزانہ ذوالفقار سندھ کاڈومیسائل رکھتی ہیں۔

جی بی حکومت نے وزارت صحت کو سرتاج کی نامزدگی کا خط لکھا تھا لیکن پی این ایم سی کیلئے جی بی کا نامزدگی لیٹر مبینہ طور پر ظاہر نہیں کیا گیا۔

جی بی حکومت نے فرزانہ ذوالفقار کی تعیناتی پر وفاق سے احتجاج کیاتھا جبکہ گلگت بلتستان حکومت نےوزارت صحت کو یاددہانی مراسلے بھجوائے، لیکن وزارت صحت نے گلگت بلتستان کے مراسلوں پرردعمل ظاہر نہیں کیا۔

وزیراعلیٰ گلگت بلتستان سیکرٹریٹ نے وزارت صحت کوایک اورخط بھی لکھا ، جس میں گلگت بلتستان حکومت نے فرزانہ ذوالفقارکی رکنیت منسوخ کرنے کا مطالبہ کیا تھا۔

خط میں کہا گیا فرزانہ ذوالفقار کی جی بی کوٹے پر کونسل ممبرکی تعیناتی غیرقانونی ہے، وہ گلگت بلتستان کی رہائشی نہیں ہیں۔

مراسلے کے مطابق فرزانہ ذوالفقار گلگت کے نجی اسپتال میں بطورنرس کام کر رہی تھیں جبکہ سرتاج گلگت بلتستان میں گریڈ16 کی سینئر نرس ہیں، سرتاج کو ممبرنرسنگ کونسل تعینات کیا جائے۔

فرزانہ ذوالفقار بطور رکن صدر پاکستان نرسنگ مڈوائفری کونسل منتخب ہوئی تھیں۔

اسلام آباد : نگراں حکومت میں گیس اور بجلی کی مد میں صارفین پر1061 ارب روپےکا اضافی بوجھ ڈالا گیا جبکہ شہری ملکی تاریخ کاسب سے مہنگا پیٹرول اورڈیزل خریدنے پرمجبور رہے۔

تفصیلات کے مطابق نگراں حکومت کا دور مہنگائی کےستائےشہریوں پر بھاری رہا، نگراں دور میں بجلی،گیس صارفین پر1061ارب روپےکا اضافی بوجھ ڈالا گیا۔

نگراں حکومت میں گیس صارفین پر 643ارب روپےکا اضافی بوجھ ڈالاگیا، مختصر مدت میں 2 بارگیس کی قیمتوں میں بھاری اضافہ کیا جبکہ گیس کے گھر یلوصارفین کیلئے ماہانہ فکسڈچارجز3900 فیصد تک بڑھائے گئے۔

نگراں دور میں ماہانہ اور سہہ ماہی ایڈجسٹمنٹس کا صارفین پر418 ارب روپےکااضافی بوجھ ڈالا گیا، نیپرا نے ماہانہ ایڈجسٹمنٹس کے تحت بجلی7 بارمہنگی کی، ماہانہ ایڈجسٹمنٹس میں بجلی صارفین پر236ارب روپےکا اضافی اور دوسہہ ماہی ایڈجسٹمنٹس کا بجلی صارفین پر182ارب روپے کااضافی بوجھ عوام پر پڑا۔

نگراں دورمیں شہری ملکی تاریخ کاسب سے مہنگا پیٹرول اورڈیزل خریدنے پرمجبوررہے، پیٹرول اورڈیزل کی قیمتیں ستمبر 2023میں بلند ترین سطح پرجاپہنچی تھیں۔

فی لیٹر پیٹرول کی قیمت16 ستمبرکوسب سےزیادہ331.38 روپے اور فی لیٹرڈیزل کی قیمت16 ستمبرکو سب سے زیادہ 329.18 روپےہوگئی تھی جبکہ آئی ایم ایف شرائط پرلیوی کو پاکستانی تاریخ کی بلند ترین سطح پرپہنچادیا گیا اور ملکی تاریخ میں پہلی بار پیٹرول،ڈیزل کےفی لیٹر پر60 روپےتک لیوی وصول کی گئی۔

اسلام آباد : حکومت نے مختلف سرکاری اداروں کا خصوصی آڈٹ کرانے کا فیصلہ کرلیا اور آڈٹ کرانے سے متعلق پلان سےآئی ایم ایف کو آگاہ کردیا ہے۔

تفصیلات کے مطابق وفاقی حکومت نے مختلف سرکاری اداروں کا خصوصی آڈٹ کرانے کا فیصلہ کرلیا۔

سوئی سدرن گیس کمپنی، حیسکواور پیسکوکا خصوصی آڈٹ کیا جائے گا ، حکومت نے خصوصی آڈٹ کرانے سے متعلق پلان سےآئی ایم ایف کو آگاہ کردیا ہے۔

نگراں حکومت نے خصوصی آڈٹ کیلئے آڈیٹر جنرل کوکہہ دیا ہے اور خصوصی آڈٹ کے اسکوپ اورٹی او آرزکوحتمی شکل دیدی گئی ہے۔

دستاویز میں کہا گیا ہے کہ خصوصی آڈٹ جاری سہہ ماہی کے دوران شروع کرنے کا پلان ہے۔

حکومت نے آئی ایم ایف کو سرکاری اداروں کی کارکردگی بہتر کرنے کی یقین دہانی کراتے ہوئے کہا ہے کہ سرکاری اداروں میں شفافیت لائی جائے گی۔

لاہور: پنجاب کی نگراں حکومت نے لاہور میں تجاوزات کے خاتمے کے لئے سخت کریک ڈاؤن کرنے کا فیصلہ کرلیا۔

تفصیلات کے مطابق پنجاب کی نگراں حکومت نے رضا کارانہ طور پر تجاوزات ختم کرنے کے لئے 48 گھنٹے  کا وقت دیدیا، نگراں وزیر اعلیٰ نے کہا کہ مہلت ختم ہونے کے بعد تجاوزات کے خلاف کریک ڈاؤن ہوگا۔

وزیر اعلیٰ پنجاب محسن نقوی نے مہلت ختم ہونے کے بعد تجاوزات پر گرفتاری اور  مقدمہ درج کرنے کا بھی حکم دے دیا، انہوں نے کہا کہ ٹریفک  آمد و رفت میں رکاوٹ دور کرنے کیلئے تجاوزات کا خاتمہ ضروری ہے۔

محسن نقوی کا کہنا تھا کہ لاہور کے بیشتر مقامات پر تجاوزات ہی ٹریفک جام کا باعث ہیں، انسداد تجاوزات مہم میں کوئی نرمی اور رعایت نہیں ہوگی، سختی کرنی پڑی تو کرینگے, 48 گھنٹے بعد لاہور میں تجاوزات کے خاتمے کیلئے کریک ڈاؤن شروع ہوجائے گا۔

اسلام آباد : نگراں حکومت نے آئی پی پیز سےمعاہدوں میں نظرثانی نہ کرنے اور ڈالر میں ادائیگیاں جاری رکھنے کا پلان تیار کرلیا۔

تفصیلات کے مطابق اعظم نذیر تارڑ کی زیر صدارت سینیٹ قائمہ کمیٹی برائےپاورکااجلاس ہوا ، جس میں بتایا گیا ہے کہ نگراں حکومت نے آئی پی پیز سے معاہدوں میں نظرثانی نہ کرنے اور ڈالر میں ادائیگیاں جاری رکھنے کا پلان کیا ہے۔

نگراں وزیر توانائی محمدعلی نے قائمہ کمیٹی پاور کو بریفنگ دیتے ہوئے کہا کہ ماضی کی غلطیوں پربات کا فائدہ نہیں، ماضی میں ڈالرز میں زیادہ منافع پر معاہدے ہوئے، اب ہمیں ان ماضی کے معاہدوں پرنظر ثانی پرنہیں جاناچاہیے۔

محمد علی کا کہنا تھا کہ بجلی کے موجودہ ٹیرف میں صنعت کیلئے مسائل ہیں ، پاکستان میں صنعت کیلئے بجلی کے ریٹس 16 سینٹس تک ہیں، دیگر ممالک میں یہ ریٹس 9 سینٹس تک ہے۔

انھوں نے کہا کہ بجلی ٹیرف میں کمی پر کام کررہےہیں، ریٹس میں60 فیصد تک کیپیسٹی پےمنٹ ہے، بجلی کا ٹیرف اسٹرکچر ٹھیک کریں گے،نرخوں میں ٹیکس اسٹرکچر ٹھیک کرنا ہے۔

نگراں وزیر توانائی کا کہنا تھا کہ بجلی کمپنیوں میں نجی شعبے سے لوگ لائیں گے اور اگلے ایک ماہ تک بجلی ٹیرف پر کام مکمل کرلیں گے۔