Tag: نگراں وزیراعظم

اسلام آباد : صدر مملکت عارف علوی اور نگراں وزیراعظم انوار الحق کاکڑ نے قائد اعظم محمد علی جناح کو ان کی 75 ویں برسی پر خراج عقیدت پیش کیا۔

تفصیلات کے مطابق بابائے قوم قائد اعظم محمد علی جناح کی 75 ویں برسی آج ملک بھر میں انتہائی عقیدت و احترام کے ساتھ منائی جارہی ہے۔

صدر مملکت عارف علوی نے قائدِ اعظم کے یوم وفات پر بانی پاکستان کو خراج عقیدت پیش کرتے ہوئے کہا کہ پوری قوم قائدِاعظم محمد علی جناح کو خراج تحسین پیش کرتی ہے ،قائدِ اعظم نے امن، قانون کی بالادستی، اقلیتوں کےحقوق کی وکالت کی اور بھرپور انداز میں مسلمانان ہند کا مقدمہ لڑا۔

صدرمملکت کا کہنا تھا کہ پاکستان کو ایک جدید اسلامی فلاحی ریاست بنانے کے عزم کا اعادہ کرتے ہیں ، پاکستان کی ترقی و خوشحالی کیلئے قائدِ اعظم کے سنہری اُصولوں پر عمل کرنا ہوگا۔

بانی پاکستان قائداعظم محمدعلی جناح کے یوم وفات پر نگراں وزیراعظم انوارالحق کاکڑ نے بھی خراج عقیدت پیش کرتے ہوئے کہا کہ قائداعظم کی قیادت کے بغیر مسلمانوں کیلئےآزاد ریاست کا خواب کبھی پورانہ ہوتا۔

چیئرمین پیپلز پارٹی بلاول بھٹو زرداری نے قائداعظم محمد علی جناح کو ان کے 75 ویں یومِ وفات پر خراج عقیدت پیش کیا اور اپنے پیغام میں کہا کہ قائداعظم صدیوں میں پیدا ہونے والے کرشماتی لیڈر اور سیاسی مدبر تھے، پاکستان پیپلز پارٹی قائداعظم کی سیاسی سوچ اور فلسفے پر عمل پیرا ہے۔

دوسری جانب گورنر سندھ کامران ٹیسوری اور نگراں وزیراعلی مقبول باقر نے مزار قائد پر حاضری دی ، اس موقع پر میئرکراچی مرتضیٰ وہاب کیساتھ ڈپٹی میئر کراچی سلمان عبداللہ مراد بھی موجود تھے۔

گورنرسندھ کامران ٹیسوری نے اپنے پیغام میں کہا بابائے قوم قائداعظم محمد علی جناح کے مزارپرحاضرہوئے، قیام پاکستان سے آج تک جوقائد نے فرمایا ہم نے عہدکیاہے، قائد کے اصولوں پرپاکستان کولیکرچلیں گے، تمام سیاسی جماعتیں ایک ٹیبل پربیٹھیں۔

نگران وزیراعظم انوارالحق کاکڑ نے کہا ہے کہ سرمایہ کاری کے حوالے سے سعودی ولی عہد اور آرمی چیف کے درمیان مثبت بات چیت ہوئی ہے۔

تفصیلات کے مطابق نگران وزیراعظم کا کہنا تھا کہ خلیجی ممالک معدنیات کے شعبے میں سرمایہ کاری کے خواہشمند ہیں۔ پاکستان خطے کے ملکوں کے ساتھ معاشی تعلقات میں بہتری لا رہا ہے۔ ایس آئی ایف سی کے تحت معیشت کی بحالی کے حوالے سے اہم اقدامات اٹھائے ہیں۔

نگران وزیراعظم نے کہا کہ گورننس کے معاملات کو بہتر کرنے کے لیے کوشاں ہیں، نگران حکومت اپنےاخراجات پرمکمل نظررکھےہوئےہے۔ پنشن فنڈز کے مسائل کو بھی د یکھ رہے ہیں۔

انوارالحق کاکڑ سرحدی علاقوں میں اسمگلنگ کی روک تھام کے لیے گہری نظر رکھے ہوئے ہیں، حکومتی اقدامات سے جلد بہتری نظر آنا شروع ہو جائے گی۔

نگران وزیراعظم نے کہا کہ معاشرے میں مثبت رویوں کے فروغ کے لیے فیصلے کرنا ہوں گے، ماضی قریب کے پُرتشدد واقعات کو عوام نے مسترد کیا، اداروں کے بہتر کام کرنے سے ملک ترقی کرتے ہیں۔

انھوں نے کہا کہ عوام کی مرضی ہے کہ وہ جسے چاہیں ووٹ دیں، اقوام متحدہ کے فورم پر پاکستان اپنا نکتہ نظر پیش کرےگا۔

اسلام آباد : نگران وزیراعظم انوار الحق کاکڑ کا کہنا ہے کہ عام انتخابات جنوری اور فروری سے پہلے بھی ہو سکتے ہیں، کسی ادارے کی مداخلت نہیں ہوگی اور سب کو جلسوں کی اجازت ہوگی۔

تفصیلات کے مطابق نگران وزیراعظم انوار الحق کاکڑ نے نجی ٹی وی کو انٹرویو دیتے ہوئے انتخابات کے حوالے سے کہا کہ عام انتخابات جنوری، فروری سے پہلے بھی ہوسکتے ہیں ،اگر سپریم کورٹ نوے دن میں انتخابات کا فیصلہ دے گی تو اس پر بھی عمل کیا جائے گا۔

انوار الحق کاکڑ کا کہنا تھا کہ ہم نہ لانگ ٹرم کیلئے آئے ہیں اور نہ ہی ایسا کوئی ارادہ ہے، الیکشن کمیشن جیسے ہی تاریخ کا اعلان کرتے ہیں تو ہم بھی تیاری مکمل کر کے فریضہ ادا کریں اور گھر کو جائیں۔

نگران وزیراعظم نے کہا کہ تمام سیاسی جماعتوں کو انتخابات میں حصہ لینے کی اجازت ہوگی، کوئی ادارہ جاتی مداخلت نہیں کی جائے گی۔

انہوں نے مزید کہا عام انتخابات میں لیول پلیئنگ فیلڈ سب کو ملے گا، پاکستان کے جتنے بھی ووٹرز ہیں، یہ ان کا اختیار ہے کہ وہ جس سیاسی رہنما کو چننا چاہتے ہیں۔

معاشی حالات کے حوالے سے انوار الحق کاکڑ نے بتایا کہ معاشی اقدامات کے نتائج دسمبرتک آنا شروع ہوجائیں گے۔

نگراں وزیراعظم نے سوال کیا کیا حکومت چندہفتوں میں مسائل حل کرسکتی ہے؟ آئی پی پیز سے معاہدےہیں، بجلی چوری روکنا مشکل ہے۔

آئی ایم ایف سے مذاکرات کے حوالے سے ان کا کہنا تھا کہ بجلی پرریلیف کیلئےآئی ایم ایف سےبات چیت جاری ہے اور توانائی کی بچت کیلئےکئی صوبوں سے مشاورت کی جارہی ہے۔

اسلام آباد : نگراں وزیراعظم کا عوام کو بجلی کے بلوں میں ریلیف دینے کا وعدہ پورا نہ ہوسکا، ملک بھرمیں بھاری بھرکم بل واپس لینے کے لیے احتجاج جاری ہے۔

تفصیلات کے مطابق عوام کوبجلی بلوں کے پہاڑ تلے دبے دس روز گزر گئے نگراں حکومت عوام کو ریلیف نہ دے سکی، نگراں وزیراعظم کا 48 گھنٹے میں ریلیف کا وعدہ بھی پورا نہ ہوا۔

نگراں وزیراعظم کا عوام کو بجلی بلوں میں ریلیف دینے کا وعدہ پورا نہ ہوسکا

ا 48 گھنٹے سے زائد ہوگئے ، نگراں وزیراعظم کا بجلی بلوں میں ریلیف دینے کا وعدہ پورا نہ ہوسکا

بجلی کے بھاری بلوں سے پریشان عوام کا شہر شہر احتجاج جاری ہے ، شہریوں کا کہنا ہے کہ کچھ بھی ہو جائے، یہ بل ادا نہیں کرسکتے۔

اٹک میں شہری سڑکوں پر آگئے اور حاجی شاہ کے مقام پر جی ٹی روڈ بند کردیا، شہریوں نے بجلی کے بلوں میں کمی اور ٹیکسوں کو واپس لینے کا مطالبہ کیا۔

جیکب آباد میں شہریوں نے مہنگائی اور بجلی کے بلوں میں اضافے کے خلاف سڑکوں پر مارچ کیا جبکہ میلسی میں انجمن تاجران اور جماعت اسلامی نے مہنگی بجلی اور مہنگے پٹرول کے خلاف ریلی نکالی، جس میں شہریوں نے بڑی تعداد میں شرکت کی۔

چشتیاں میں اضافی بلوں کے خلاف تاجر برادری اور سول سوسائٹی نے احتجاجی ریلی نکالی، ریلی میں شرکا نے مطالبات کے حق میں پلے کارڈز اور بینرز اٹھا رکھے تھے۔

اسلام آباد : نگراں وزیراعظم انوار الحق کاکڑ نے واضح مؤقف میں کہا کہ موجودہ صورتحال میں بھارت سے تجارت کی بات نہیں کی جاسکتی۔

تفصیلات کے مطابق نگراں وزیراعظم انوار الحق کاکڑ نے نجی ٹی وی چینل کو دیئے گئے انٹرویو میں پاک بھارت تعلقات کے حوالے سے کہا کہ بھارت کےساتھ رشتہ بدقسمتی سےدوستانہ نہیں رہا، بھارت کےساتھ جنگیں ہوچکی ہیں اور بھارت نے ہمارےملک کو توڑنے میں واضح کردار ادا کیا۔

انوار الحق کاکڑ نے واضح کہا کہ موجودہ صورتحال میں بھارت سےتجارت کی بات نہیں کی جاسکتی لیکن اگر بھارت جمہوری انداز میں آگے بڑھے گا تو ہمارا منفی ردعمل نہیں ہوگا۔

مسئلہ کشمیرکے حوالے سے نگراں وزیراعظم کا کہنا تھا کہ کشمیرکامسئلہ حل نہیں ہوا،اقوام متحدہ کو اپنا کردار ادا کرناچاہیے، جب تک کشمیر کامسئلہ حل نہیں ہوتا بھارت سے بات نہیں ہوگی، بھارت کسی اسٹریٹجک ڈیزائن کا حصہ بنے گا تو انہیں مشکلات ہوں گی۔

انھوں نے مزید کہا کہ ہمارے خطے کا امن دنیا کے امن سے جڑا ہوا ہے ، خطے کو ایسی صورتحال میں دھکیلا گیا، جہاں امن نہ ہو تو یہ خطرناک جنگ کی جانب قدم ہوگا۔

اسلام آباد : نگراں وزیراعظم انوار الحق کاکڑ نے ممتاز کشمیری رہنما سیدعلی شاہ گیلانی کو دوسری برسی پر خراج عقیدت پیش کرتے ہوئے کہا کشمیر کاز سے ان کی وابستگی بے مثال تھی۔

نگراں وزیراعظم انوار الحق کاکڑ نے سماجی رابطے کی ویب سائٹ ٹوئٹر پر ممتاز کشمیری رہنما سیدعلی شاہ گیلانی کو دوسری برسی پر سلام پیش کرتے ہوئے کہا کہ ظلم و ستم اور مشکلات کے باوجود کشمیر کاز سے ان کی وابستگی بے مثال تھی، آزادی،انصاف کیلئےان کی زندگی بھر کی جدوجہد کوخراج عقیدت پیش کرتا ہوں۔

My respects to iconic Kashmiri leader, Syed Ali Shah Geelani, on his second death anniversary. In the face of persecution and hardship, his commitment to the Kashmir Cause was unparalleled. I pay homage to his life-long struggle for freedom and justice.

— Anwaar ul Haq Kakar (@anwaar_kakar) September 1, 2023

خیال رہے مقبوضہ کشمیر پر بھارت کو للکارنے ہر یہ مقدمہ ہر بین الاقوامی فورم پر لڑنے والے شیر کشمیر سید علی گیلانی کی دوسری برسی آج عقیدت واحترام کے ساتھ منائی جا رہی ہے۔ اس موقع پر پوری مقبوضہ وادی میں مکمل شٹر ڈاؤن ہڑتال ہے۔

سید علی گیلانی جن کو تحریک آزادی میں گراں قدرخدمات کے اعتراف میں پاکستان نے اعلیٰ ترین سول اعزاز نشان پاکستان سے نواز تھا۔