Tag: نگراں وزیراعظم

کراچی : ایم کیوایم نے نگراں وزیراعظم کیلئے گورنر سندھ کامران ٹیسوری کا نام دینے پر غور شروع کردیا۔

تفصیلات کے مطابق نگراں وزیراعظم کیلئے اتحادی جماعتوں سے مشاورت کا عمل جاری ہے، ذرائع نے بتایا ایم کیوایم نگراں وزیراعظم کیلئے گورنرسندھ کامران ٹیسوری کا نام دینے پر غور کررہی ہے.

خالدمقبول کا کہنا ہے کہ ملکی صورتحال میں گورنرسندھ نےجوکام کیےاس کی نظیرنہیں ملتی، شخصیت اور کام کی بات کی جائے تو کامران ٹیسوری سے بہتر نام نہیں۔

رہنما ایم کیو ایم نے کہا کہ کامران ٹیسوری کانام دینےسےہمیں سندھ میں نقصان ہوگا، وفاق اورملک کیلئےقربانی اورنقصان بھی برداشت کرنےکوتیارہیں۔

انھوں نے بتایا کہ کل تک ناموں کومزیدفائنل کرکےوزیراعظم کوارسال کردیں گے۔

اسلام آباد : وزیراعظم شہباز شریف نے آصف زرداری اور نواز شریف سے رابطہ کرکے نگراں سیٹ اپ سےمتعلق مشاورت کی۔

تفصیلات کے مطابق نگراں وزیراعظم کیلئے مشاورت تیز کردی گئی ، وزیراعظم شہباز شریف نے سابق صدر آصف زرداری اور مسلم لیگ ن کے قائد نواز شریف سے رابطہ کیا۔

تینوں رہنماؤں نے نگراں وزیراعظم کے تقرر سے متعلق ناموں پر مشاورت کی اور آئین وقانون کےمطابق نگراں وزیراعظم کے تقرر کا عمل مکمل کرنے پر اتفاق کرلیا۔

ذرائع نے کہا کہ نوازشریف اور آصف زرداری کی تمام نام آج اتحادیوں کے سامنے پیش کرنےکی ہدایت کردی ، حکمران اتحاد میں شامل جماعتوں کا آج مشاورت کا امکان ہے۔

ذرائع کا کہنا ہے کہ اپوزیشن لیڈر راجہ ریاض کی صدارت میں اپوزیشن اراکین پارلیمنٹ کا اجلاس بھی ہوگا۔

اسلام آباد : حکومتی اتحاد کی نگران وزیراعظم کے لئے 5 ناموں پر مشاورت جاری ہے، مجوزہ پانچ افراد میں صرف ایک سیاستدان ہیں۔

تفصیلات کے مطابق حکومتی اتحاد کے درمیان نگران وزیراعظم کیلئے 5 ناموں پر مشاورت جاری ہے ، ذرائع نے بتایا کہ پیپلزپارٹی اور ن لیگ کی طےہوئےناموں پراتحادیوں سے مشاورت کی جارہی ہے۔

ذرائع کا کہنا ہے کہ نگران وزیراعظم کیلئے اتحادیوں نے مزید غور کامشورہ دے دیا اور نگران وزیراعظم کے لئے 3 حتمی ناموں کا معاملہ قیادت پر چھوڑنے کی تجویزدی گئی ہے کہ وزیراعظم شہبازشریف، بلاول بھٹو اور مولانا فضل الرحمان باقی قیادت سے بات کرکے فیصلہ کرلیں۔

ذرائع نے کہا کہ حکومت اتحاد کے زیر غور 5 نام چاروں صوبوں سے تعلق رکھتےہیں، پنجاب 2، سندھ، بلوچستان اورکے پی سے ایک، ایک نام شامل ہے۔

مجوزہ ناموں میں صرف ایک سیاستدان کا نام شامل ہے تاہم کسی ریٹائرڈ جج،جرنیل یا بیوروکریٹ کانام شامل نہیں۔

ذرائع کے مطابق بزنس کمیونٹی،سول سوسائٹی سے تعلق رکھنےوالےغیر جانبدار ناموں پر 2 بڑی جماعتوں کا اتفاق ہوگیا ہے۔

ذرائع نے بتایا ہے کہ حکومتی ٹیم نےاتحادی جماعتوں سےمشاورت تیزکردی ہے ، حکومتی ٹیم کے سربراہ ایاز صادق نے جے یو آئی ف اور جمہوری وطن پارٹی کے سامنےنام رکھ دیئے، اتحادیوں کے سامنے وہ 5 نام رکھے گئے جن پر ن لیگ اورپیپلزپارٹی پہلےہی اتفاق کرچکے ہیں۔

اسلام آباد : پاکستان تحریک انصاف نے اسحاق ڈار کو نگراں وزیراعظم نامزد کئے جانے پر مطالبہ کیا ہے کہ شفاف انتخابات کیلئے غیر جانبدار شخص کو نگراں وزیراعظم بنایا جائے۔

تفصیلات کے مطابق پاکستان تحریک انصاف کے رہنما احمد اویس نے اے آر وائی نیوز کے پروگرام ‘پروگرام سوال یہ ہے’ میں گفتگو کرتے ہوئے کہا ن لیگ کا اسحاق ڈارکونگراں وزیراعظم نامزد کرنا اچھنبے کی بات نہیں، ن لیگ کی جانب سےایسےہی شخص کونگراں وزیراعظم نامزد کرنا تھا۔

احمد اویس کا کہنا تھا کہ اسحاق ڈارنوازشریف کےسمدھی ہیں،نگراں وزیراعظم بنانااچھنبےکی بات نہیں، ہونا تو یہ چاہیے تھا کہ ایسا نگراں وزیراعظم لاتے جس پرکوئی اعتراض نہ کرسکے۔

رہنما پی ٹی آئی نے مطالبہ کیا کہ شفاف انتخابات کیلئے غیر جانبدار شخص کو نگراں وزیراعظم بنایا جائے۔

خیال رہے مسلم لیگ ن اسحاق ڈار کو اہم منصب سونپنے کیلئے سرگرم ہے اور پیپلزپارٹی کو راضی کرنے کے لیے کوششیں تیز کردیں۔۔

پیپلزپارٹی نے اسحاق ڈار کے نام پر اتفاق کی تردید کی جبکہ جے یو آئی ف نے بھی مخالفت کردی ہے۔