ARYNews.tv | Urdu – Har Lamha Bakhabar

Tag: نگراں وزیراعلیٰ

  • مسلم لیگ ن کا نگراں وزیراعلیٰ کیلئے پرویزالہٰی سے مشاورت کا فیصلہ

    لاہور : مسلم لیگ ن نے نگراں وزیراعلیٰ کیلئے پرویزالہٰی سے مشاورت کا فیصلہ کرلیا، اس سلسلے میں حمزہ شہباز کا نمائندہ نگراں پرویزالہٰی سے ملاقات کرے گا۔

    تفصیلات کے مطابق وزیراعظم شہبازشریف کی رہائش گاہ ماڈل ٹاؤن میں پارٹی کا مشاورتی اجلاس ہوا ، جس میں وفاقی وزرا سمیت دیگر رہنماؤں شریک ہوئے۔

    اجلاس میں میں نگراں وزیراعلیٰ پنجاب کے ناموں پر مشاورت کی گئی اور نگراں وزیراعلیٰ کیلئے پرویزالہٰی سے مشاورت کا فیصلہ کر لیا۔

    ذرائع نے بتایا کہ ن لیگ نگراں وزیر اعلیٰ کی تعیناتی کیلئےمشاورتی عمل کا حصہ بنے گی اور حمزہ شہباز بیرون ملک ہونے کے باعث مشاورت کیلئے نمائندہ مقرر کیا جائے گا۔

    ذرائع نے کہا ہے کہ حمزہ شہباز کا نمائندہ نگراں وزیراعلیٰ کے نام پر اتفاق کیلئے پرویز الہٰی سے ملاقات کرے گا۔

    خیال رہے وزیراعلیٰ پنجاب پرویزالہٰی نے نگراں حکومت کیلئے گورنر پنجاب بلیغ الرحمان کو خط میں تین نام بھجوادیئے ہیں

    جس میں احمد نواز سکھیرا، ناصر محمود کھوسہ ، محمد نصیر خان کے نام شامل ہیں۔

  • پرویز الہٰی نے نگراں وزیراعلیٰ کیلئے گورنر پنجاب کو تین نام بھجوا دیئے

    لاہور : وزیراعلیٰ پنجاب پرویزالہٰی نے نگراں حکومت کیلئے تین نام گورنر پنجاب بلیغ الرحمان کو بھجوادیئے۔

    تفصیلات کے مطابق وزیراعلیٰ پنجاب پرویزالہٰی نے نگراں حکومت کیلئے گورنر پنجاب بلیغ الرحمان کو خط لکھا۔

    خط میں چوہدری پرویزالہٰی نے خط میں تین نام گورنرپنجاب کو بھجوادیئے ہیں ، جس میں احمد نواز سکھیرا، ناصر محمود کھوسہ ، محمد نصیر خان کے نام شامل ہیں۔

    اس حوالے سے مسلم لیگ ق کے رہنما مونس الہی نے سماجی رابطے کی ویب سائٹ ٹوئٹر پر اپنے بیان میں کہا کہ نگراں وزیراعلیٰ کیلئے نام ہدایت کے مطابق بھیج دیئے اور اعلان بھی کردیا۔

    یاد رہے وزیراعلیٰ پنجاب پرویزالہٰی نے بتایا تھا کہ عمران خان سے مشاورت کے بعد نگران وزیر اعلیٰ کیلئے 3 ناموں پر اتفاق کیا گیا ہے ، احمد نواز سکھیرا، نصیر احمد خان اور ناصر محمود کھوسہ کے ناموں پراتفاق ہوا، ہم یہ تینوں نام نگران وزیر اعلیٰ کیلئےگورنرکوبھجوا رہےہیں، اپوزیشن کھلے دل سے سوچے توان میں سےایک نام پراتفاق ہوتا نظر آرہا ہے۔

    وزیراعلیٰ پنجاب کا کہنا تھا کہ یہ ایسے نام ہیں جن پراپوزیشن کوبھی اعتراض نہیں ہوگا۔

  • وزیراعلیٰ اور اپوزیشن لیڈر مشاورت سے نگراں وزیراعلیٰ کا انتخاب کریں گے

    لاہور : وزیراعلیٰ پنجاب اور اپوزیشن لیڈر مشاورت سے نگراں وزیراعلیٰ کا انتخاب کریں گے ، 3دن میں مشاورت سے کوئی نام فائنل نہ ہوا تو معاملہ اسپیکرکمیٹی میں جائے گا۔

    تفصیلات کے مطابق نگراں وزیراعلیٰ کے تقرر کیلئے وزیراعلیٰ پنجاب اپوزیشن لیڈر کو خط لکھیں گے، جس کے بعد وزیراعلیٰ اور اپوزیشن لیڈر ملکر نگراں وزیراعلیٰ کےتقرر کیلئے مشاورت کریں گے اور نگراں وزیراعلیٰ کا انتخاب کریں گے۔

    مشاورت مکمل ہوگئی تو 3دن میں نگران وزیراعلیٰ کا تقرر ہوجائے گا اور اگر 3دن میں مشاورت سے کوئی نام فائنل نہ ہوا تو معاملہ اسپیکرکمیٹی میں جائے گا۔

    اسپیکر پنجاب اسمبلی 6 اراکین اسمبلی پرمشتمل کمیٹی تشکیل دیں گے، اسپیکرکی کمیٹی میں 3 حکومت اور 3 اپوزیشن اراکین سےہوں گے۔

    اسپیکر کی کمیٹی کو حکومت اور اپوزیشن نگراں وزیراعلیٰ کیلئے 2،2نام دے گی ، اتفاق رائے ہونے پر اسپیکر کی کمیٹی ایک نام فائنل کرے گی۔

    اگر 3 دن میں اتفاق رائے نہ ہونے پر معاملہ الیکشن کمیشن کے پاس جائے گا ، الیکشن کمیشن بھی اپوزیشن اور حکومت سے 2،2 نام مانگے گا اور الیکشن کمیشن 2 دن کے اندر نگران وزیر اعلیٰ کا تقرر کرے گا جو حتمی ہوگا۔

  • پنجاب کے نگراں وزیراعلیٰ کا فیصلہ آج پارلیمانی کمیٹی کرے گی

    پنجاب کے نگراں وزیراعلیٰ کا فیصلہ آج پارلیمانی کمیٹی کرے گی

    لاہور : پنجاب کے نگراں وزیر اعلیٰ کی تقرری کیلئے سیاسی جماعتیں کسی نتیجے پر نہ پہنچ سکیں، ن لیگ اور اپوزیشن کے درمیان ڈیڈ لاک تاحال برقرار ہے، فریقین نے معاملہ پارلیمانی کمیٹی کے سپرد کردیا۔

    تفصیلات کے مطابق نگراں وزیراعلیٰ پنجاب کے معاملے پر پارلیمانی کمیٹی کا اجلاس آج ہوگا، اس حوالے سے ذرائع کا کہنا ہے کہ پنجاب اسمبلی میں سابق اپوزیشن لیڈر میاں محمودالرشید اور سابق وزیر قانون رانا ثناءاللہ کے درمیان ٹیلی فونک رابطہ ہوا ہے جس میں متفقہ طور پر معاملہ پارلیمانی کمیٹی کے حوالے کرنے پر اتفاق ہوا۔

    اسپیکر پنجاب اسمبلی رانا اقبال خان کو تحریک انصاف نے پارلیمانی کمیٹی سے متعلق آگاہ کر دیا ہے، تحریک انصاف کی جانب سے میاں محمودالرشید کی سربراہی میں تین رکنی کمیٹی قائم کی گئی ہے جس میں سبطین خان اور شعیب صدیقی شامل ہونگے، جس کا نوٹیفکیشن کل ( پیر) کو جاری ہونے کا امکان ہے ۔

    اس کے بعد حکومت اور اپوزیشن کی پارلیمانی کمیٹی میں پہلا اجلاس ہوگا۔ اس کے علاوہ میاں شہبازشریف نے پارلیمانی کمیٹی کے ممبران کے ناموں کا اعلان کردیاہے، جس میں سابق صوبائی وزیر رانا ثناء اللہ خان ،خواجہ عمران نذیر اور ملک احمد خاں شامل ہیں۔

    نگراں وزیراعلیٰ کیلئے حکومت اور اپوزیشن نے چار چار نام دے دیئے ہیں، حکومت نے جسٹس (ر) ساحرعلی، طارق سلیم ڈوگر کے نام دیئے ہیں، سابق نیول چیف ذکاءاللہ، سابق آئی بی چیف آفتاب سلطان کے نام بھی شامل ہیں۔

    دوسری جانب اپوزیشن کی طرف سے حسن عسکری، ایازامیر کا نام دیا گیا ہے، اس کے علاوہ اوریا مقبول جان، یعقوب طاہر اظہار کا نام بھی شامل ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔