Tag: نگراں وزیرخزانہ شمشاد اختر

اسلام آباد : نگراں وزیرخزانہ شمشاد اختر کا کہنا ہے کہ ملکی معیشت کی ترقی کیلئے مخلصانہ کوششیں کررہے ہیں، ہمیں امپورٹ پر پابندیوں کوختم کرنا ہوگا۔

تفصیلات کے مطابق اسلام آباد میں نگراں وزیرخزانہ شمشاداختر نے وزرا کے ساتھ پریس کانفرنس کرتے ہوئے کہا کہ تمام نگراں وزرا ایک ٹیم بن کرکام کر رہے ہیں، ہم سب ملکی معیشت کی ترقی کیلئے مخلصانہ کوششیں کررہے ہیں اور ملکی معیشت کی ترقی کیلئے ہم مختلف امور کا جائزہ لے رہے ہیں۔

شمشاد اختر کا کہنا تھا کہ معیشت کی بحالی کیلئےاصلاحات ناگزیرہیں، عام شہری کومعاشی طور پر خود مختار بنانا ہماری ترجیح ہے۔

نگراں وزیرخزانہ نے کہا کہ کابینہ کی کمیٹیاں فعال ہوگئی ہیں، پرائیویٹائزیشن پرکام کررہےہیں،اسٹیٹ انٹر پرائزز پالیسی بنارہےہیں، اس وقت قرضوں کا بوجھ بینکوں پرہے، بینکوں پر قرضوں کو بوجھ کیپٹل مارکیٹ میں شفٹ کریں گے۔

پاکستانی روپے کی گرتی ہوئی قدر کے حوالے سے ان کا کہنا تھا کہ روپے کی قدرمیں کمی غیرمتوقع نہیں، آئی ایم ایف کانومبرمیں ریویوآئےگا،اگلامرحلہ پیسوں کےاجرا کاہوگا۔

شمشاد اختر نے بتایا کہ ورلڈبینک کے بھی قرضوں پر فاسٹ ٹریک لے لیں تو وصولی ممکن ہے، توقع ہے 6 ارب ڈالرکازرمبادلہ ملک میں آئےگا، ہمیں امپورٹ پرپابندیوں کوختم کرناہوگا۔

اسلام آباد: نگراں وزیرخزانہ شمشاد اختر نے عہدہ کیوں قبول کرنے سے متعلق بیان کی وضاحت جاری کرتے ہوئے کہا بیان سیاق و سباق سے ہٹ کر پیش کیا گیا۔

تفصیلات کے مطابق نگراں وزیرخزانہ شمشاد اختر نے سینیٹ قائمہ کمیٹی برائےخزانہ میں اپنے بیان کے چند گھنٹوں بعد ہی وضاحتی بیان بھی جاری کردیا۔

شمشاد اختر نے کہا کہ میرا بیان سیاق و سباق سے ہٹ کر پیش کیاگیا، مجھ سے کمیٹی میں سوال کیا گیا تھا، اس کا جواب دیا تھا۔

نگراں وزیرخزانہ کا کہنا تھا کہ میرے لیے اعزازکی بات ہے کہ اپنے ملک کی خدمت کروں، مشکل حالات میں ملک کی خدمت کرنے کا چیلنج قبول کیا ہے۔

یاد رہے نگران وفاقی وزیر خزانہ ڈاکٹر شمشاد اختر نے سینیٹ کی قائمہ کمیٹی برائے خزانہ کے اجلاس میں کمیٹی کو معاشی صورتحال پر بریفنگ دیتے ہوئے کہا تھا کہ ملک کی معاشی صورت حال اندازے سے کہیں زیادہ خراب ہے، بدقسمتی سے معیشت کو تباہ کرنے کیلئے کوئی کسر نہیں چھوڑی گئی، ہمارے پاس سبسڈی دینے کیلئے مالی گنجائش نہیں ہے۔

ڈاکٹر شمشاد اختر کا کہنا تھا کہ سوچتی ہوں میں نے یہ عہدہ کیوں قبول کیا، آئی ایم ایف معاہدہ ورثے میں ملا ہے ،دوبارہ بات چیت ممکن نہیں،آئی ایم ایف پروگرام کے ساتھ دوسرے قرضےبھی جڑے ہیں۔