Tag: نگراں وزیر آئی ٹی

نگراں وزیر آئی ٹی کا کہنا ہے کہ پاکستان میں موبائل فون کی مینوفیکچرنگ شروع ہوچکی ہے، موبائل فون مینوفیکچرنگ انڈسٹری کو پروموٹ کریں گے۔

تفصیلات کے مطابق نگراں وزیر آئی ٹی کے منصب پر فائز عمرسیف نے کہا ہے کہ موبائل فون فنانسنگ کی سہولت لانے کے لیے اقدامات کر رہے ہیں، موبائل فون مینوفیکچرنگ انڈسٹری کو پروموٹ کرنے کے حوالے سے بھی کام جاری ہے۔

عمرسیف نے کہا کہ آئی ٹی شعبے کی وجہ سے کرپشن میں کمی اور لوگوں کو بھی سہولت ملتی ہے، ڈیجیٹلائزیشن کے باعث بہت سے مسائل حل ہوسکتے ہیں، وفاق کی سطح پرٹیکس کے نظام کو ڈیجیٹلائز کرنے کے لیے اقدامات کر رہے ہیں۔

انھوں نے کہا کہ کیش کے نظام کو بھی ڈیجیٹلائزیشن کی طرف لے کر جا رہے ہیں، ڈیجیٹل پیمنٹ کے حوالے سے کلیدی اقدامات کرنے کی ضرورت ہے۔

معیشت کی بہتری کے سلسلے میں آئی ٹی کا بہت بڑا کردار ہو سکتا ہے، منصوبہ بنایا گیا ہے کہ 2 لاکھ نوجوانوں کو آئی ٹی کے شعبے میں مزید تربیت دی جائے، ٹیلی کام شعبے میں تیزی سے چلا جائے تو آئندہ 10 ماہ میں فائیوجی لایا جائے۔

عمرسیف نے کہا کہ پاکستان بھر میں 5 لاکھ نوجوانوں کے لیے فری لانسنگ کی سہولت پیدا کی جائےگی۔ مخصوص جگہ پر کمپیوٹرز لگے ہوں گے اور فری لانسنگ والے کام کرسکیں گے، فری لانسرز کے ذریعے پاکستان میں 3ارب ڈالرز لائے جاسکتے ہیں۔