ڈاکٹرعمر سیف نے کہا ہے کہ 60 روز میں آئی ٹی ایکسپورٹ میں مجموعی طورپر32 فیصد کا ریکارڈ اضافہ ہوا ہے۔
تفصیلات کے مطابق آئی ٹی ایکسپورٹ میں کارکردگی دکھانے والی 550 کمپنیوں میں نقد انعامات اور ایوارڈز تقسیم کرنے کی تقریب منعقد ہوئی۔ نگراں وزیر آئی ٹی ڈاکٹرعمرسیف کا کہنا تھا کہ معاشی استحکام میں کردار ادا کرنے پر آئی ٹی انڈسٹری سہولتوں اورانعامات کی مستحق ہیں۔
ڈاکٹر عمر سیف نے کہا کہ معیشت میں بنیادی اہمیت کی حامل آئی ٹی انڈسٹری مراعات کی بھی مستحق ہیں۔ دو ماہ کے دوران آئی ٹی ایکسپورٹ میں مجموعی طورپر32 فیصدکاریکارڈاضافہ ہوا۔
انھوں نے کہا کہ ڈیجیٹل صلاحیتوں کی خدمات کے عوض بھاری زرمبادلہ مل رہا ہے۔ 10 ارب ڈالرز آئی ٹی ایکسپورٹ کا ہدف بھی حاصل کرلیں گے۔
نگراں وزیر آئی ٹی ڈاکٹر عمر سیف کا کہنا تھا کہ خصوصی سرمایہ کاری سہولت کونسل کے فیصلوں کے ثمرات آرہے ہیں۔
