Tag: نگراں وفاقی کابینہ

اسلام آباد : ڈاکٹر عامر بلال کو معاون خصوصی میڈیکل ایجوکیشن اینڈپیشنٹ کیئر تعینات کردیا گیا ، جس کے بعد نگراں کابینہ کی تعداد بڑھ کر 27 ہوگئی ہے۔

تفصیلات کے مطابق نگراں وفاقی کابینہ میں ایک اور رکن کا اضافہ ہوگیا، ڈاکٹرعامربلال کو معاون خصوصی تعینات کردیا گیا ہے۔

ڈاکٹرعامرکومعاون خصوصی میڈیکل ایجوکیشن اینڈپیشنٹ کیئرتعینات کیا گیا ہے، کابینہ ڈویژن نے نوٹی فکیشن جاری کر دیا جس کا اطلاق فوری ہوگا، نوٹی فکیشن میں کہا گیا کہ نئے معاون خصوصی کا عہدہ وزیر مملکت کے برابرہوگا۔

نئے معاون خصوصی کے بعد نگراں کابینہ کی تعداد بڑھ کر 27ہوگئی ، نگران کابینہ 18 وزرا، 3 مشیر اور 6 معاونین خصوصی پر مشتمل ہیں۔

لاہور : پیپلزپارٹی کی سینٹرل ایگزیکٹیوکمیٹی کے اجلاس میں ن لیگ کی حامی 4 شخصیات کی وفاقی کابینہ میں شمولیت پر رکان نے قیادت سے احتجاج کیا۔

تفصیلات کے مطابق لاہور میں پیپلزپارٹی کی سینٹرل ایگزیکٹیوکمیٹی کا اجلاس ہوا ، جس میں سی ای سی ارکان نے قیادت سے احتجاج کیا ، ن لیگ کےقریبی 4شخصیات وفاقی کابینہ میں وزیربن گئے ہیں ، نگراں کابینہ میں متنازع ارکان کی شمولیت پر پارٹی کیوں خاموش ہے۔

ارکان ذرائع نے کہا کہ قیادت نگراں حکومت میں ن لیگ کےقریبی شخصیات کیخلاف آوازاٹھائے، عمرچیمہ، فواد حسن فواد، عمر سیف، احد چیمہ کابینہ میں شامل ہوئے ، ایسےارکان کی شمولیت سےپنجاب میں واضح پیغام دیا جا رہا ہے۔

پی پی ارکان نے احتجاج کرتے ہوئے کہا کہ ن لیگی رہنماپی پی پرتنقید کررہےہیں الیکشن کامطالبہ نہیں کررہے، ن لیگ والےاپنےلوگ ایڈجسٹ کرارہےہیں، ن لیگ رہنمایہ تاثردےرہےہیں کہ اگلی حکومت ان کی ہے۔

اجلاس میں ارکان نے رائے دی کہ ن لیگ کواتنی سہولت کاری کیوں فراہم کی جارہی ہے، نگراں حکومت بنانے والوں سے بات کی جائے۔

اسلام آباد : نگراں وفاقی کابینہ کی تشکیل پر عوام نے اظہار خیال کرتے ہوئے کہا ہے کہ وفاقی کابینہ کی سیلیکشن بہت اچھی ہوئی ہے، توقع ہے کہ وہ بہتری لے کے آئیں گے۔

تفصیلات کے مطابق نگراں وفاقی کابینہ کی تشکیل پر عوام کی رائے سامنے آگئی ، عوام نے اظہار خیال کرتے ہوئے کہا کہ سب نئے لوگ ہیں اور وفاقی کابینہ کی سیلیکشن بہت اچھی ہوئی ہے، ہم امید رکھتے ہیں کہ نگراں حکومت پاکستان کے لیے اچھی ثابت ہوگی۔

عوامی رائے میں کہا گیا کہ نگراں کابینہ میں باصلاحیت لوگوں کا انتخاب کیا گیا ہے، اس بار اچھی شہرت کے لوگوں کو کابینہ میں لیا گیا ہے اور توقع ہے کہ وہ بہتری لے کے آئیں گے۔

عوام کا کہنا تھا کہ اگر کابینہ غیر جانبدار ہوگی تو حالات بہتری کی طرف جا سکتے ہیں ، کابینہ اچھے لوگوں پر مشتمل ہے ، کابینہ میں اچھے،محنتی اور تجربہ کار لوگ لیے گئے ہیں۔

نگراں حکومت مجرموں کو قرار واقعی سزا دے کرلاقانونیت کو ختم کرے گی، امید ہے کہ نگراں حکومت پاکستانی معیشت کوبہتربنانےمیں کارآمدثابت ہوگی۔

ایک شہری کا کہنا تھا کہ مجھے یقین ہے کہ نگراں حکومت محدود وسائل کو بروئے کار لاتے ہوئے بنیادی مسائل کوحل کرےگی۔

اسلام آباد : نگراں وفاقی کابینہ کی تقریب حلف برداری کی تیاریاں جاری ہے تاہم حلف برداری کے لئے کتنی کرسیاں لگائیں اس حوالے سے متعلقہ حکام تاحال لاعلم ہے۔

تفصیلات کے مطابق نگراں وفاقی کابینہ کی حلف برداری آج شام 5 بجے ہوگی ، جس میں صدر مملکت عارف علوی وزرا سے حلف لیں گے۔

حلف برداری کی تقریب کے لئے تیاری تو جاری ہیں، لیکن سب سے بڑا سوال یہ ہے کہ کتنی کرسیاں لگائیں حکام ابھی اس بات سے لاعلم ہیں، ذرائع کابینہ ڈویژن کا کہنا ہےکہ کابینہ ارکان کو ابھی حتمی شکل دی جارہی ہے۔

وقار مسعود، گوہر اعجاز، مرتضیٰ سولنگی، عمر سیف، سرفراز بگٹی، تابش گوہراور سید محمد علی مظفر رانجھا کی کابینہ میں شمولیت کا امکان ہے جبکہ مرتضیٰ سولنگی کو وزارت اطلاعات کی ذمہ داریاں سونپے جانے کا امکان ہے۔