ARYNews.tv | Urdu – Har Lamha Bakhabar

Tag: نیا ریکارڈ

  • کراچی کنگز کے خوشدل شاہ نے پی ایس ایل کی تاریخ کا نیا ریکارڈ بنا لیا

    کراچی کنگز کے خوشدل شاہ نے پی ایس ایل کی تاریخ کا نیا ریکارڈ بنا لیا

    پی ایس ایل کی سب سے مقبول ٹیم کراچی کنگز کے نوجوان مڈل آرڈر خوشدل شاہ نے لیگ کی 10 سالہ تاریخ کا نیا ریکارڈ اپنے نام کر لیا۔

    پاکستان سپر لیگ 10 میں کراچی کنگز اور ملتان سلطانز کے درمیان گزشتہ روز کھیلے گئے میچ میں کراچی کنگز نے صرف فتح ہی نہیں سمیٹی بلکہ اس ٹیم کے نوجوان آل راؤنڈر خوشدل شاہ نے پی ایس ایل کی دس سالہ تاریخ کا نیا ریکارڈ بنا ڈالا۔

    خوشدل شاہ ایسی مشکل صورتحال میں بیٹنگ کے لیے چھٹے نمبر پر بیٹنگ کے لیے آئے جب کہ ملتان سلطانز کی جانب سے جیت کے لیے دیے گئے 235 رنز کے ہدف کے تعاقب میں کراچی کنگز کے چار کھلاڑی صرف 79 رنز پر پویلین لوٹ چکے تھے۔

    اس موقع پر خوشدل شاہ نے جیمز ونس کے ساتھ مل کر پانچویں وکٹ کے لیے 142 قیمتی رنز جوڑے۔میچ میں جہاں جیمز ونس نے 43 گیندوں پر 101 رنز کی فتح گر اننگ کھیلی، وہیں خوشدل نے 37 گیندوں پر 60 رنز کی برق رفتار اننگ کھیل کر ٹیم کی جیت میں اپنا حصہ ڈالا۔ اس اننگ میں چار چھکے اور پانچ چوکے شامل تھے۔

     

    View this post on Instagram

     

    A post shared by Karachi Kings (@karachikingsary)

    خوشدل شاہ یہ اننگ کھیلنے کے ساتھ ہی پی ایس ایل کی 10 سالہ تاریخ میں ہدف کے تعاقب میں چھٹے نمبر پر بیٹنگ کرتے ہوئے سب سے بڑی اننگ کھیلنے کا اعزاز اپنے نام کر لیا۔

     

    اس سے پہلے یہ اعزاز دو کھلاڑیوں شرفین ردر فورڈ اور کیرون پولارڈ کے پاس مشترکہ طور پر تھا، انہوں نے پی ایس ایل 9 میں اپنی اپنی ٹیموں کی جانب سے چھ یا اس سے نیچے نمبر پر بیٹنگ کرتے ہوئے 58، 58 رنز اسکور کیے تھے۔

    https://urdu.arynews.tv/psl-10-multan-sultans-owner-ali-tareen-trolled-his-captain-muhammad-rizwan/

  • افغان اسپنر راشد خان نے ٹی20 کرکٹ میں نیا ریکارڈ اپنے نام کرلیا

    افغان اسپنر راشد خان نے ٹی20 کرکٹ میں نیا ریکارڈ اپنے نام کرلیا

    افغانستان کرکٹ ٹیم کے مایہ ناز بالر راشد خان نے ٹی 20 کرکٹ میں ڈی جے براوو کا ریکارڈ توڑ کر بڑا اعزاز حاصل کرلیا۔

    افغانستان کے اسپنر راشد خان ٹی ٹوئنٹی میچوں میں سب سے زیادہ وکٹیں لینے والے بولر بن گئے۔

    جنوبی افریقا کے خلاف آج کھیلے جانے والے ٹی ٹوئنٹی میچ میں افغان اسپبر  نے اپنے کیریئر کی 632ویں شاندار وکٹ حاصل کی اور 631 وکٹیں حاصل کرنے والے ڈوائن براوو کو پیچھے چھوڑ دیا۔

    ڈے جے براوو نے 546 اننگز میں 11183 گیندیں پھینک کر 631 وکٹیں لی تھیں جبکہ راشد نے 457 اننگز میں 10552 گیندیں کرا کر مجموعی طور پر ڈی جے براوو سے زیادہ وکٹیں حاصل کی ہیں۔

    مزید پڑھیں : راشد خان نے سالگرہ کے دن منفرد اعزاز حاصل کرلیا

    واضح رہے کہ اس سے قبل گزشتہ سال ستمبر میں افغانستان کرکٹ ٹیم کے کپتان راشد خان نے جنوبی افریقہ کے خلاف تاریخی ون ڈے سیریز جیتنے کے بعد منفرد اعزاز بھی اپنے نام کیا تھا۔

    شارجہ میں کھیلے گئے میچ میں افغانستان کی جانب سے دیے گئے 312 رنز کے تعاقب میں جنوبی افریقہ کی ٹیم 34.2 اوورز میں 134 رنز پر ڈھیر ہوگئی تھی، افغان اسپبر کو پانچ وکٹیں حاصل کرنے پر میچ کا بہترین کھلاڑی قرار دیا گیا۔

    اس میچ کی خاص بات افغانستان کے کپتان راشد خان کی اپنی سالگرہ والے دن تباہ کن بولنگ تھی جنہوں نے صرف 19 رنز دیکر 5 کھلاڑیوں کو آؤٹ کیا اور اپنی ٹیم کی جیت میں اہم کردار ادا کیا۔

  • فلم ’پشپا 2‘ باکس آفس پر نیا ریکارڈ قائم کرنے جارہی ہے؟

    فلم ’پشپا 2‘ باکس آفس پر نیا ریکارڈ قائم کرنے جارہی ہے؟

    ممبئی : ساؤتھ انڈین اداکار اللو ارجن اور اداکارہ رشمیکا مندانا کی فلم ’پشپا 2‘کامیابی کے روز نئے ریکارڈ قائم  کررہی ہے، اور اب وہ 1700کروڑ روپے کا ہدف بھی پورا کرتی نظر آرہی ہے۔

    اللو ارجن کی اس فلم کے ریلیز سے قبل ہی مداحوں میں جس طرح کا جوش و خروش پایا گیا تھا اس سے صاف ظاہر تھا اور یہ توقع کی جارہی تھی کہ فلم آنے والے وقتوں میں باکس آفس کے پچھلے تمام ریکارڈ توڑ سکتی ہے۔

    بھارتی میڈیا رپورٹ کے مطابق ’پشپا 2‘ روز بروز نئے ریکارڈ قائم کر رہی ہے اور اب وہ اپنی ریلیز کے 32 ویں روز باکس آفس پر 1700 کروڑ روپے کا ہدف عبور کرنے کے لیے تیار ہے۔

    Pushpa 2

    مذکورہ بلاک بسٹر فلم پانچویں ہفتے تک 800 کروڑ کلب میں شامل ہونے کے قریب ہے جو ایک اور نیا سنگ میل ہوگا۔ ہفتے کے آخری روز بھی باکس آفس کلیکشن میں زبردست اضافہ سامنے آیا ہے۔

    31ویں روز کا کلیکشن

    رپورٹ کے مطابق پشپا 2 نے ریلیز کے 31ویں دن (ہفتہ) کو عالمی باکس آفس پر تقریباً 8 کروڑ روپے کا اضافہ کیا جب تک فلم کی عالمی سطح پر کلیکشن 1698 کروڑ روپے تھی جبکہ بیرون ملک کلیکشن 268.50 کروڑ روپے تک پہنچ چکی ہے۔

    32ویں دن کی پیشگوئی

    فلم نے 28ویں روز بدھ کو اپنی آمدنی میں 16 کروڑ روپے کا اضافہ کیا تھا مگر 29ویں دن جمعرات کو زبردست کمی دیکھنے میں آئی اور صرف 6 کروڑ روپے کا کلیکشن کیا۔

    اس کے بعد 30ویں دن یہ رقم مزید کم ہو کر 5 کروڑ روپے رہ گئی لیکن ہفتے کے اختتام پر فلم نے حیرت انگیز طور پر اپنے بزنس میں 8 کروڑ روپے کا ریکارڈ اضافہ کیا۔

    توقع ہے کہ پشپا 2 32ویں دن بروز اتوار کو 6سے 9 کروڑ روپے کے درمیان بزنس کرے گی، جس سے کل کلیکشن 1704-1707 کروڑ روپے تک پہنچ جائے گی۔ تاہم ابھی حتمی رپورٹ کا انتظار کیا جا رہا ہے۔

    32ویں دن کی جزوی کلیکشن

    ابتدائی رپورٹ کے مطابق پشپا 2 نے پانچویں اتوار (4 بجے شام تک) 3.2 کروڑ روپے کمائے تھے، اب تک فلم کی مجموعی کلیکشن 1202.2 کروڑ روپے ہے۔ امید ہے کہ 32 ویں دن کے اختتام تک فلم 6-8 کروڑ روپے کے درمیان مزید کمائی کرلے گی۔

    مزید پڑھیں : ’پشپا 2‘ نے صرف 6 دن میں کمائی کا نیا ریکارڈ بنا ڈالا

    یاد رہے کہ پشپا 2 کے مرکزی کرداروں میں اللّو ارجن، رشمیکا مندنا، فہد فاضل، جگدیش پرتھاپ بنداری، سنیل ورما، انسویا بھارتیواج، راؤ رمیش اور اجے گھوش شامل ہیں۔

  • پوری ٹیم صرف ’’7‘‘ رنز پر آؤٹ، ٹی 20 انٹرنیشنل میں نیا ریکارڈ

    پوری ٹیم صرف ’’7‘‘ رنز پر آؤٹ، ٹی 20 انٹرنیشنل میں نیا ریکارڈ

    ٹی 20 کرکٹ کو تیز رفتار اور چوکوں چھکوں کا کھیل مانا جاتا ہے لیکن ایک ٹیم صرف 7 رنز کے مجموعے پر آؤٹ ہو گئی۔

    ٹی 20 انٹرنیشنل کرکٹ میں کم ترین اسکور پر پوری ٹیم کے ڈھیر ہونے کی یہ انہونی آئی سی سی ٹی 20 ورلڈ کپ 2026 کے لیے سب ریجنل افریقا کوالیفائر گروپ سی کے ایک میچ میں ہوئی جس میں نائیجریا کے خلاف آئیوری کوسٹ کی پوری ٹیم صرف 7 رنز پر ہی پویلین لوٹ گئی۔

    اتوار کو لاگوس میں ہونے والے اس میچ میں نائیجریا نے پہلے بیٹنگ کرتے ہوئے حریف ٹیم کو جیت کے لیے 272 رنز کا بڑا ہدف دیا جس کے تعاقب میں آئیوری کوسٹ کی پوری ٹیم 7.3 اوورز میں صرف 7 رنز پر ہی ڈھیر ہوگئی۔

    اس سے قبل میچ میں پہلے بیٹنگ کرتے ہوئے نائیجریا نے 20 اوورز میں 4 وکٹوں کے نقصان پر 271 رنز بنائے۔ نائیجریا کے سیلم سلاو 53 گیندوں پر 112 رنز بناکر ریٹائرڈ آؤٹ ہوئے جبکہ سلیمان رنسیوے 50 اور آئزک اوکپے 65 رنز کے ساتھ نمایاں رہے۔

    ٹی 20 کرکٹ میں یہ پہلی بار ہے کہ کوئی ٹیم سنگل ڈیجیٹ فیگر میں آل آؤٹ ہوئی ہو۔ اس سے قبل کم ترین ٹوٹل 10 رنز پر آل آؤٹ کا تھا جو دو بار بنا تھا۔

    اس کے ساتھ ہی نائیجریا کی ٹیم آئیوری کوسٹ کو 264 رنز سے شکست دے کر بڑے مارجن سے ٹی 20 انٹرنیشنل میچ جیتنے والی تیسری ٹیم بھی بن گئی ہے۔

    بڑے مارجن سے فتوحات کی فہرست میں زمبابوے ٹاپ پر ہے جس نے گزشتہ ماہ گیمبیا کو 290 رنز سے شکست دی تھی جبکہ نیپال نے ستمبر 2023 میں ہانگزو میں ہونے والے ایشین گیمز میں منگولیا کو 273 رنز سے شکست دی تھی۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    اس خبر کے بارے میں آپ کی کیا رائے ہے؟ برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کرسٹیانو رونالڈو ایک اور نیا ریکارڈ بنانے کے بالکل قریب

    کرسٹیانو رونالڈو ایک اور نیا ریکارڈ بنانے کے بالکل قریب

    پرتگال کے معروف فٹبالر کرسٹیانو رونالڈو کا حال ہی میں بنایا گیا یوٹیوب چینل ریکارڈ پر ریکارڈ مرتب کررہا ہے، گینیز ورلڈ ریکارڈ نے بھی اس کی حیثیت کو تسلیم کرلیا۔

    سعودی فٹبال کلب النصر سے منسلک کرسٹیانو رونالڈو نے ویڈیو شیئرنگ پلیٹ فارم یوٹیوب پر گزشتہ ماہ کئی ریکارڈز توڑ دیے تھے اور یہ سلسلہ ابھی رکا نہیں۔

    غیر ملکی خبر رساں ادارے کی رپورٹ کے مطابق فٹبال اسٹار کا یوٹیوب چینل تیز ترین سبسکرپشن کے بعد اب  یوٹیوب کے ٹاپ چینلز کی فہرست میں نمایاں مقام حاصل کرنے والا ہے جو اب یوٹیوب کی ٹاپ 50 فہرست میں شامل ہونے کے قریب ہے۔

    ۔ویڈیو آئی کیو کے مطابق اب رونالڈو یہ چینل پانچ کروڑ 20 لاکھ سبسکرائبرز کے ساتھ دنیا میں 55ویں نمبر تک پہنچ گیا ہے۔

    واضح رہے کہ رونالڈو کو فیس بک پر 17 کروڑ صارفین، انسٹاگرام پر 63 کروڑ 60 لاکھ افراد اور ایکس (سابقہ ٹوئٹر) پر 11 کروڑ 26 لاکھ لوگ فالو کرتے ہیں، ان کے نام سے مختلف میڈیا اداروں نے واٹس ایپ پر بھی چینل بنائے ہوئے ہیں جہاں لاکھوں افراد موجود ہیں۔

    کرسٹیانو رونالڈو جنوبی یورپ کے ملک پرتگال سے تعلق رکھتے ہیں اور وہ قومی ٹیم کے اسٹار ہیں، وہ اسپین کے فٹ بال کلب ریال میڈرڈ اور برطانیہ کے فٹ بال کلب مانچسٹر یونائیٹڈ کے لیے بھی کھیلتے رہے ہیں۔ اس وقت وہ سعودی فٹ بال کلب النصر سے وابستہ ہیں جسے انہوں نے دسمبر 2022 میں جوائن کیا تھا۔

    مزید پڑھیں : رونالڈو کو یوٹیوب سے 3 روز میں حیران کن آمدنی

    النصر فٹ بال کلب نے پرتگال کے کپتان اور پانچ مرتبہ بیلن ڈی اور ایوارڈ جیتنے والے کھلاڑی سے ڈھائی سال کے لیے معاہدہ کیا تھا جس کی مد میں رونالڈو کو ایک اندازے کے مطابق سالانہ 17 کروڑ 50 لاکھ یوروز ادا کیے جائیں گے جو کسی بھی اسپورٹس میں کسی بھی کھلاڑی کا سب سے بڑا معاہدہ قرار دیا جاتا ہے۔

  • بابراعظم اور امام الحق نے نیا ریکارڈ بنا ڈالا

    بابراعظم اور امام الحق نے نیا ریکارڈ بنا ڈالا

    قومی ٹیم کے کپتان اور دنیا کے نمبر ون بیٹر بابراعظم اور اوپننگ بیٹسمین امام الحق نے ون ڈے کرکٹ میں پاکستان کے لیے شراکت داری کا نیا ریکارڈ بنا دیا۔

    پاکستان کرکٹ ٹیم کے کپتان بابر اعظم اور  اوپنر امام الحق کے درمیان ون ڈے کرکٹ میں گزشتہ برسوں سے شاندار کارکردگی کا مظاہرہ دکھا رہے ہیں، دونوں کھلاڑیوں نے ایک ساتھ بہت زیادہ رنز بنائے ہیں۔

    اب بابر اعظم اور امام الحق نے پاکستان کے دو عظیم سابق بلے باز محمد یوسف اور یونس خان کی شراکت کے ریکارڈ کو پیچھے چھوڑ دیا ہے۔

    بابر اعظم نے میچ میں فتح کا سہرا کس کے سر باندھا؟

    بابر اور امام نے یہ کارنامہ ہمبنٹوٹا میں افغانستان کے خلاف دوسرے ون ڈے کے دوران انجام دیا، اننگز کے آغاز میں فخر زمان کی وکٹ گرنے کے بعد دونوں نے 108 رنز کی پاٹنرشپ قائم کی۔

    بابر اعظم اور امام الحق نے ون ڈے فارمیٹ میں پاکستان کے لیے دسوں مرتبہ 100 رنز کی پاٹنر شپ مکمل کی ہے، جس کے بعد دونوں نے محمد یوسف اور یونس خان کے ریکارڈ کو بھی پیچھے چھوڑ دیا ہے، جنہوں نے نو بار 100 رنز کی شراکت داری کی تھی۔

    واضح رہے کہ ہمبنٹوٹا میں کھیلے گئے دوسرے ون ڈے میچ میں افغانستان کی جانب سے دیا گیا 301 رنز کا ہدف پاکستان نے 49.5 اوورز میں 9 وکٹوں پر حاصل کی۔

    اس میچ میں قومی کرکٹ ٹیم کے اوپنر امام الحق 91 اور کپتان بابر اعظم نے 53 رنز کی اننگز کھیلی۔

  • کراچی اسٹاک مارکیٹ میں تیزی کا رجحان تاریخ کی بلندترین سطح پر

    کراچی اسٹاک مارکیٹ میں تیزی کا رجحان تاریخ کی بلندترین سطح پر

    کراچی اسٹاک مارکیٹ میں نیا ریکارڈ قائم ۔تیزی کا رجحان دوسرے روز بھی برقراررہا۔ مارکیٹ تاریخ کی نئی بلندترین سطح پر پہنچ گئی۔

    مارکیٹ سرمایہ کاروں کے مطابق سیمنٹ کی قیمتوں میں اضافے پر سیمنٹ کمپنیوں کے شئیرز میں خریداری نے مارکیٹ میں تیزی کا رجحان پیدا کیا۔ ٹیکسٹائل،ٹیلی کام اور بینکنگ کمپنیوں کے شئیرز میں خریداری نے تیزی کو مزید بڑھاوا دیا۔

    تاہم آئل اینڈ گیس کمپنیوں کےشئیرز میں فروخت کےدباؤ نے تیزی کےرجحان کو محدودکردیا۔ ریڈی مارکیٹ میں ساڑھےدس ارب روپے مالیت کے چھبیس کروڑ شئیرز کے نمایاں سودے ہوئے۔ کاروبار کے اختتام پر بینچ مارک ہنڈریڈ انڈیکس باون پوائنٹس بڑھکر 25350 پوائنٹس کی نئی ریکارڈ سطح پر بند ہوا۔