Tag: نیا فارمولا

چیمپئنز ٹرافی 2025 پر پاک بھارت ڈیڈ لاک ختم کرنے اور ٹورنامنٹ کے بروقت انعقاد کے لیے نیا فارمولا زیر غور ہے۔

آئی سی سی چیمپئنز ٹرافی 19 فروری سے 9 مارچ تک شیڈول ہے۔ پاکستان اس ایونٹ کا میزبان ہونے کے ساتھ دفاعی چیمپئن بھی ہے۔ تاہم بھارت کے پاکستان آنے سے انکار کے باعث انٹرنیشنل کرکٹ کونسل تاحال شیڈول جاری نہیں کر سکی ہے اور ٹورنامنٹ کے حوالے سے ڈیڈ لاک برقرار ہے۔

پاکستان اپنے اصولی موقف پر قائم ہے کہ وہ میزبان ہونے کی حیثیت سے پورا ٹورنامنٹ اپنے ہی ملک میں کرانا چاہتا ہے جب کہ بھارت جو ایک بار پھر کھیل میں سیاست کو لے آیا ہے وہ اپنے میچز یو اے ای میں ہائبرڈ ماڈل کے تحت کھیلنا چاہتا ہے۔

ذرائع نے بتایا ہے کہ چیمپئنز ٹرافی کے معاملے پر ڈیڈ لاکھ ختم کرنے کے لیے برابری کی بنیاد پر اب نیا فارمولا زیر غور ہے اور پاکستان چاہتا ہے کہ اگر نئے فارمولے پر عملدرآمد ہو تو اس کا اطلاق تین سال تک تمام آئی سی سی ایونٹس پر لاگو کیا جائے۔

اس فارمولے کے تحت اگلے تین سال تک جتنے بھی آئی سی سی ایونٹس ہوں گے اس میں پاکستان اور بھارت اپنے باہمی میچز یو اے ای میں کھیلیں گے۔

ذرائع نے بتایا کہ پی سی بی نے برابری کی سطح پر یہ فارمولا آئی سی سی اور بھارت دونوں کو پیش کر دیا ہے اور منظوری کی صورت میں ڈیڈ لاک ختم ہو سکتا ہے۔

ذرائع نے بتایا کہ اگر فریقین اس فارمولے پر رضامند ہو جاتے ہیں تو چیمپئنز ٹرافی کا ڈیڈ لاک ختم اور وینیوز کا معاملہ اگلے 48 گھنٹے میں حل ہونے کا امکان ہے۔

واضح رہے کہ چیمپئنز ٹرافی کے معاملے پر ڈیڈ لاک کو ختم کرنے کے لیے گزشتہ جمعہ کو ہونے والی آئی سی سی بورڈ میٹنگ بھی بغیر کسی نتیجے پر پہنچے شروع ہونے کے فوری بعد ختم کر دی گئی تھی۔

https://urdu.arynews.tv/decision-should-equal-pakistan-honor-most-important-pcb-chief/

آئی سی سی نے چیمپئنز ٹرافی کے انعقاد کو شیڈول کے مطابق یقینی بنانے کے لیے نیا فارمولا تیار کیا ہے جو کل میٹنگ میں پی سی بی کے سامنے رکھا جائے گا۔

کرکٹ ویب سائٹ کرک بز کے مطابق انٹرنیشنل کرکٹ کونسل نے آئندہ برس 19 فروری سے 9 مارچ تک پاکستان میں شیڈول چیمپئنز ٹرافی کے انعقاد کو مقررہ وقت پر یقینی بنانے کے لیے نیا فارمولا تیار کر لیا ہے۔

رپورٹ کے مطابق آئی سی سی چیمپئنز ٹرافی کے لیے ہائبرڈ فارمولے کے تحت ٹورنامنٹ کے 15 میں سے 10 میچز پاکستان میں کرانے کی پیشکش کرے گا جب کہ ایونٹ کے بقیہ میچز یو اے ای میں کرائے جا سکتے ہیں۔

نئے مجوزہ شیڈول میں پاکستان میں ایک سیمی فائنل اور گروپ راؤنڈ کے 9 میچز کرائے جائیں گے جب کہ فائنل اور ایک سیمی فائنل سمیت بھارت کے تینوں گروپ میچز یو اے ای میں ہی کھیلے جانے کی تجویز دی گئی ہے۔

رپورٹ میں بتایا گیا ہے کہ اگر بھارت سیمی فائنل یا فائنل تک رسائی حاصل نہیں کر پاتا تو پاکستان ان میچز کی بھی میزبان کر سکتا ہے۔

رپورٹ میں کہا گیا ہے کہ پی سی بی کو ہائبرڈ پر ماننے کی صورت میں رعایت اور اضافی رقم بھی دی جا سکتی ہے۔ تاہم اس صورت میں براڈ کاسٹرز کو سنگین آپریشنل اور لاجسٹک چیلنجز کا سامنا کرنا پڑے گا۔

دوسری جانب بھارتی ویب سائٹ نے یہ بھی دعویٰ کیا کہ چیمپئنز ٹرافی کے پانچ میچز یو اے ای میں کرائے جا سکتے ہیں تاہم آئی سی سی نے اب تک وینیو فائنل نہیں کیا ہے۔

تاہم اگر پاکستان ہائبرڈ ماڈل پر رضامند نہیں ہوتا ہے تو پھر ٹورنامنٹ کا فیصلہ کرنے کے لیے تمام 14 بورڈ ممبران سے بھی ووٹ لیا جا سکتا ہے۔

اجلاس میں فیصلہ اگر ووٹنگ کی بنیاد پر ہوتا ہے کہ میچز ہائبرڈ ماڈل کے تحت کروائے جائیں تو یہ پہلی بار ہوگا ایونٹ کے میزبان سے محض ایک ٹیم کے شرکت نہ کرنے پر ٹورنامنٹ کو کہیں اور منتقل کیا گیا ہو، ماضی میں ایسی کوئی مثال نہیں ہے۔

واضح رہے کہ چیئرمین پی سی بی محسن نقوی واضح طور پر ہائبرڈ ماڈل کو مسترد کر چکے ہیں اور کئی بار دوٹوک موقف اختیار کرتے ہوئے کہا ہے کہ پاکستان ٹورنامنٹ کا میزبان ہے اور مکمل ایونٹ اپنے ہی ملک میں کرائے گا۔

اس حوالے سے چیئرمین پی سی بی نے آئی سی سی کو خط بھی لکھا تھا، جس میں بھارتی ٹیم کی عدم شرکت کی تحریری وجوہات مانگی گئی تھیں۔ تاہم دو ہفتے گزر جانے کے باوجود اب تک انٹرنیشنل کرکٹ کونسل نے اس کا جواب بھی نہیں دیا ہے۔

اس خط میں یہ بھی واضح طور پر کہا گیا تھا کہ اگر بھارت کی ٹیم پاکستان آکر چیمپئنز ٹرافی نہیں کھیلتی تو پھر پاکستان کسی بھی ٹورنامنٹ میں بھارت سے نہیں کھیلے گا۔

اس تمام صورتحال کے تناظر میں اگر آئی سی سی چیمپئنز ٹرافی اس فیصلے کے بعد پاکستان ممکنہ طور پر بھارت میں منعقد ہونے والے ٹورنامنٹس سے دستبردار ہوسکتا ہے، جس میں اگلے سال ویمنز ورلڈک پ اور مینز ایشیا کپ کے علاوہ 2026 میں ٹی 20 ورلڈ کپ بھی شامل ہے۔

https://urdu.arynews.tv/india-refused-to-play-in-pakistan/