لاس اینجلس: ہالی ووڈ کی مشہور فلم گارڈینز آف گلیکسی کے سیکوئل کا آفیشل پوسٹر اور نیا ٹریلر جاری کردیا گیا جس نے آتے ہی انٹرنیٹ صارفین کو اپنی گرفت میں لے لیا، مارویل کے ان سپر ہیروز کی فلم 25 اپریل 2017ء میں ریلیز ہوگی۔
مارویل کے سپر ہیروز ایک بار پھر اپنی مافوق الفطرت قوتوں کے ذریعے تہلکہ مچانے کے لیے تیار ہیں، فلم کے آفیشل پوسٹر اور نئے ٹریلر نے فلموں کے شائقین کو انہیں دیکھنے پر مجبور کردیا۔
فلم کا پوسٹر اور ٹیزر ٹریلر انٹرنیٹ پر انتہائی سرعت سے مقبولیت حاصل کررہا ہے جس سے اندازہ ہورہا ہے کہ لوگوں کو اس فلم کے سیکوئل میں کتنی دلچسپی ہے اور انہیں اس فلم کی آمد کا کتنی بے چینی سے انتظار ہے۔
فلم کی کہانی سپر ہیروز کی زندگی کے گرد گھومتی ہے جو اپنی بقا کے لیے سر دھڑ کی بازی لگادیتے ہیں اور اپنی طاقتوں کے ذریعے دشمن قوتوں کے منصوبوں کو ناکام بنانے کی کوششوں میں مصروف نظر آتے ہیں۔
گارڈینز آف گیلکسی پارٹ ٹو امریکن سپر ہیروز پر مبنی فلم ہے جو مارویل کے کامک سپر ہیروز ٹیم پر مبنی ہے، اسے ڈائریکٹ مارویل اسٹوڈیو کررہا ہے جب کہ تقسیم کار والٹ ڈزنی اسٹوڈیو اور موشن پکچرز ہیں۔
فلم کے ڈائریکٹر اور اسکرپٹ رائٹر جیم گنز ہیں اور اس کا میوزک ٹیلر بیٹس نے ترتیب دیا ہے۔فلم کی کاسٹ میں ون ڈیزل(بے بی گروٹ)، کرس پریٹ(اسٹار لارڈ)، زوئی سلڈانا(زوئی سلڈانا)، بریڈلے کوپر(راکٹ) ڈیوبوٹسٹا(ڈریکس)اور دیگر شامل ہیں۔
ایکشن اور ویژول افکیٹس سے بھرپور یہ فلم اگلے برس 25 اپریل کو ریلیز ہوگی۔
