ہالی ووڈ: دوسری جنگ عظیم کے سچے واقعات پر مبنی برٹش ڈرامہ فلم دی امیٹیشن گیم کا نیا ٹریلر ریلیز کردیا گیا ہے
ایکشن اور سنسنی سے بھرپور فلم کی کہانی دوسری جنگ عظیم کے اہم کردار اور بابائے کمپیوٹر سائنس کا اعزاز حاصل کرنے والے سائنسدان ایلن ماتھیسن کے گرد گھومتی ہے، جنہوں نے نازی پارٹی کے خلاف بننے والے اتحاد کو فنی مدد فراہم کی ۔نورا گراس مین کی پروڈکشن میں بننے والی فلم کی تشہیری کیلئے سات ملین ڈالر خرچ کئے گئے ہیں ۔
ایکشن سے بھرپور فلم اکیس نومبر کو سنیما گھروں میں نمائش کیلئے پیش کی جائے گی۔
ہالی ووڈ: دنیا کی سب سے بڑی جیل گونتانا موبے میں آئی نئی آفسر پر مبنی فلم کیمپ ایکسرے کا نیا ٹریلر ریلیز کردیا گیا ہے۔
ہالی وڈ کی نئی سنسنی سے بھرپور فلم کیمپ ایکسرے گونتانامو بے میں قیدی اور آرمی آفسر کے درمیان محبت کی داستان ہے، فلم کی کہانی ایک ایسی آفسر کے گرد گھومتی ہے، جو گونتاناموبے میں موجود خطرناک قیدی سے غیرمعمولی حد تک دوستی بڑھا لیتی ہے، جس کے بعد اسے کئی مشکلات کا سامنا کرنا پڑتا ہے۔
فلم میں مرکزی کردار ہالی ووڈ کی صفِ اول کی ہیروئن کرسٹین اسٹیورٹ نبھا رہی ہیں، دس لاکھ ڈالر کے بجٹ سے بنائی گئی ڈرامہ سے بھرپور فلم کیمپ ایکسرے آئی سترہ اکتوبرکو امریکی سینما گھروں میں ریلیز کی جائے گی۔
ہالی وڈ : بگ ہیرو ایک بار پھر سنیما گھروں میں دھوم مچانےکیلئے آرہا ہے، ہالی وڈ کی تھری ڈی انیمٹڈ فلم بگ ہیرو سکس کا نیا ٹریلر ریلیز کردیا گیا ہے۔
بگ ہیرو جرائم کا خاتمہ کرے گا اور اپنی طاقت اور ہمت سے ہردشمن کا سامنا کرے گا، ہالی وڈ کی تھری ڈی اینیمیٹڈ سپر ہیرو فلم”بگ ہیرو سکس کے نئے ٹریلر نے دھوم مچادی ۔
ہدایتکار ڈون ہِل اور کرس ولیمز کی اس فلم کی کہانی فکشنل کامک بک سپر ہیروز پر مبنی ہے، جسمیں نوجوان کرائم کے خاتمے کیلئے دیو ہیکل ربوٹ تیار کرتا ہے، جو طاقت اور ہوشیاری سے ہر مشکل کا سامنا کرتا ہے، روئے کونلی کی پروڈیوس کردہ اس فلم میں مختلف اینیمیٹڈ کرداروں کیلئے ہالی ووڈ کے کئی صفِ اول کے اداکاروں کی آوازیں ریکارڈ کرائی گئی ہے ۔
کامیڈی اور ایڈونچر سے بھرپور اینیمیٹڈ فلم سات نومبر کو سینما گھروں میں ریلیز کی جائیگی۔
