Tag: نیا پاکستان ہاؤسنگ اسکیم

اسلام آباد : وزیراعظم عمران خان کی ہدایت پر نیا پاکستان ہاؤسنگ اسکیم کے تحت قرضوں کی حد میں 100 فیصد اضافہ کردیا گیا، گھر ، فلیٹس،پلاٹ یا تعمیر کیلئے آسان قسطوں پر قرضے دیئے جائیں گے۔

تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا نیا پاکستان ہاؤسنگ اسکیم مین قرضوں کی حد میں 100فیصد اضافہ اور رعایتی مارک اپ ریٹ کم کرکے 3فیصداور 5فیصد کر دیا گیا ہے ، 10،5مرلہ گھر ، فلیٹس،پلاٹ یا تعمیر کیلئے آسان قسطوں پر قرضے دیئے جائیں گے ، قرضوں کی حد بڑھا کر ایک کروڑ کر دی گئی ہے۔

وزیراعظم عمران خان کی ہدایت پر نیا پاکستان ہاؤسنگ اسکیم: قرضوں کی حد میں%100 اضافہ-رعایتی مارک اپ ریٹ کم کرکے %3 اور %5 کر دیا گیا ہے – 5 اور 10 مرلہ کے گھر٫ فلیٹس، پلاٹ یا پہلے سے اپنے پلاٹ پر گھر کی تعمیر کے لیے آسان قسطوں پر قرضے- قرضوں کی حد بڑھا کر 1 کروڑ کر دی گئی ہے

— Faisal Javed Khan (@FaisalJavedKhan) March 26, 2021

فیصل جاوید کا کہنا تھا کہ پروگرام کی نگرانی وزیراعظم عمران خان خود کر رہے ہیں ، خوابوں کی تعبیر اور گھروں کی تقسیم شروع ہوگئی ہے ، اب کرایہ نہیں ، نہایت کم قسط دےکرآپ گھر کےمالک بن سکتے ہیں ، یہ ایک انقلابی اقدام ہے ، اب ہوگا آپکا اپنا گھر ، قرضوں کے حصول،معلومات کیلئےبینکوں سے رابطہ کریں۔

اس پروگرام کی نگرانی وزیراعظم عمران خان خود کر رہے ہیں – خوابوں کی تعبیر شروع گھروں کی تقسیم شروع – اب کرایا نہیں – نہایت کم قسط دے کر آپ گھر کے مالک بن سکتے ہیں – یہ ایک انقلابی اقدام ہے – اب ہوگا آپکا اپنا گھر – قرضوں کے حصول اور معلومات کے لیے بینکوں سے رابطہ کریں

— Faisal Javed Khan (@FaisalJavedKhan) March 26, 2021

اسلام آباد: وزیر اعظم عمران خان نے کہا ہے کہ غریب لوگوں کے لیے 10 ہزار گھروں کی قرعہ اندازی کریں گے، ان کو ڈیڑھ سال میں گھر بنا کر دیے جائیں گے۔

تفصیلات کے مطابق وزیر اعظم عمران خان نیا پاکستان ہاؤسنگ رجسٹریشن کے آغاز کی تقریب سے خطاب کر رہے تھے، انھوں نے کہا کہ پاکستان میں ہاؤسنگ شعبہ پیچھے رہ گیا ہے۔

وزیر اعظم کا کہنا تھا کہ غریب طبقہ کم آمدنی کی وجہ سے گھر نہیں بنا سکا، پاکستان میں ایک کروڑ سے زیادہ لوگ گھر بنانا چاہتے ہیں، کابینہ ہاؤسنگ سے متعلق کل نئے ضوابط منظور کرے گی۔

وزیر اعظم نے کہا کہ پہلی بار ایسا ہوگا کہ نچلے طبقے کے لیے لوگ گھر بنانے کے لیے آ رہے ہیں، ماضی میں پیسے والے لوگوں کے لیے ہاؤسنگ اسکیمیں آتی تھیں، گھروں کی تعمیر سے 40 انڈسٹریز کا پہیا چلنا شروع ہو جائے گا۔

عمران خان نے مزید کہا کہ لوگ رجسٹریشن کرائیں، ڈیٹا سے پتا چلے گا کتنے لوگ گھر بنانا چاہتے ہیں، کوئٹہ، گوادر اور لاہور میں بھی گھروں کی اسکیم شروع کی جائے گی۔

خیال رہے کہ وزیر اعظم عمران خان نے پچاس لاکھ گھروں کی تعمیر سے متعلق آج رجسٹریشن کے آغاز کا افتتاح کر دیا ہے، اسکیم کے سلسلے میں ہر خاندان سے ایک ہی فرد کی رجسٹریشن قبول کی جائے گی، رجسٹریشن فارم نادرا کی ویب سائٹ سے ڈاؤن لوڈ کیا جا سکتا ہے۔

نیا پاکستان ہاؤسنگ پروگرام کے تحت متوسط طبقے کو انتہائی آسان اقساط پر گھر دیے جائیں گے، ہاؤسنگ اسکیمز میں اسکول، مساجد، کمیونٹی سینٹر، اور میڈیکل سینٹرز کی سہولت بھی دستیاب ہوگی۔

اسلام آباد: وزیر اعظم عمران خان نے کہا ہے کہ نیا پاکستان ہاؤسنگ اسکیم میں سمندر پار پاکستانیوں کی شرکت یقینی بنانے کے اقدامات کر رہے ہیں۔

تفصیلات کے مطابق وزیر اعظم عمران خان کی زیر صدارت نیا پاکستان ہاؤسنگ پروگرام پر جائزہ اجلاس منعقد ہوا جس میں ہاؤسنگ اسکیم پر عمل درآمد سے متعلق قانونی اور انتظامی معاملات کا جائزہ لیا گیا۔

وزیر اعظم عمران خان نے کہا کہ منصوبے میں سمندر پار پاکستانیوں کی شرکت یقینی بنانے کے اقدامات کر رہے ہیں، اوورسیز پاکستانی بھی ملکی ترقی میں بھرپور طریقے سے حصہ لے سکیں گے۔

وزیر اعظم کا کہنا تھا کہ حکومت کا نیا پاکستان ہاؤسنگ منصوبہ سب سے اہم پروگرام ہے، اس منصوبے سے گھروں کی کمی کو پورا کرنے میں مدد ملے گی، منصوبے سے معاشی عمل تیز، ہنر مندوں اور نوجوانوں کو روزگار بھی ملے گا۔

یہ بھی پڑھیں:  اسٹیٹ بینک پالیسی کے تحت کم لاگت گھروں کی تعمیر کے لیے قرضے دے گا: گورنر اسٹیٹ بینک

انھوں نے اجلاس میں کہا کہ ہاؤسنگ پروگرام کے تحت کم آمدن افراد اور غریب خاندانوں کا ذاتی رہایش کا خواب پورا ہوگا۔

اجلاس میں ہاؤسنگ منصوبے میں غیر ملکی سرمایہ کاروں کی دل چسپی پر بھی تفصیلی بریفنگ دی گئی۔

خیال رہے کہ اوورسیز پاکستانیوں کے لیے خصوصی اسکیم ’پاکستان بناؤ سرٹیفکیٹس‘ کا بھی اجرا کیا جا چکا ہے، ان سرٹیفکیٹس کے ذریعے بیرون ملک مقیم پاکستانی ملکی معیشت میں بہتری کے لیے سرمایہ کاری کر سکیں گے۔