Tag: نیا پاکستان ہاؤسنگ پراجیکٹ

اسلام آباد: وزیر اعظم عمران خان نے نیا پاکستان ہاؤسنگ پراجیکٹ سے تمام تر رکاوٹیں دور کرنے کی ہدایت کر دی.

تفصیلات کے مطابق آج وزیراعظم کی زیر صدارت نیا پاکستان ہاؤسنگ پراجیکٹ کا جائزہ اجلاس ہوا.

اجلاس میں وفاقی وزیرہاؤسنگ طارق بشیرچیمہ، معاون خصوصی نعیم الحق شریک، چیئرمین نادرا عثمان مبین اور دیگر حکام شریک ہوئے.

اس موقع پر وزیراعظم نے منصوبے کومکمل کرنے کے لئےعملی اقدامات تیزکرنے کی ہدایت جاری کی.

وزیر اعظم عمران خان کا کہنا تھا کہ ہاؤسنگ پراجیکٹ موجودہ حکومت کااہم منصوبہ ہے، منصوبےکی تکمیل میں رکاوٹوں کوجلد دور کیا جائے.

مزید پڑھیں: مریم اورنگزیب کی نیا پاکستان ہاؤسنگ اسکیم اور وزیر اعظم پر الزامات کی بارش

یاد رہے کہ 8 مئی 2019 کو وزارت ہاؤسنگ نے اپنے ایک بیان میں کہا تھا کہ نیا پاکستان منصوبہ بنیادی طور پر کچی آبادیوں اور کم آمدنی والوں کے لیے ہے۔ نیا پاکستان ہاؤسنگ اسکیم کے تحت ایک گھر کی قیمت 30 لاکھ روپے تک ہوگی۔ 27 لاکھ روپے بینک قرضہ دے گا جو سود سے پاک ہوگا۔

خیال رہے کہ  اپوزیشن کی جانب سے   ہاؤسنگ اسکیم کو شدید تنقید کا نشانہ بنایا گیا ہے۔ مریم اورنگزیب نے اپنے ایک بیان میں کہا تھا کہ یہ منصوبہ وزیراعظم ہاؤس یونیورسٹی  کا ایکشن ری پلے ہے.