ARYNews.tv | Urdu – Har Lamha Bakhabar

Tag: نیب لاہور

  • آئینی و قانونی معاملات میں غنڈہ گردی کے ذریعے مداخلت کی گئی، نیب نے اعلامیہ جاری کر دیا

    آئینی و قانونی معاملات میں غنڈہ گردی کے ذریعے مداخلت کی گئی، نیب نے اعلامیہ جاری کر دیا

    لاہور: قومی احتساب بیورو (نیب) نے مریم نواز کی پیشی کے موقع پر ن لیگی کارکنوں کی جانب سے ہنگامہ آرائی پر اعلامیہ جاری کرتے ہوئے کہا ہے کہ آج مریم نواز کو ذاتی حیثیت میں مؤقف دینے کے لیے طلب کیا گیا تھا، لیکن لیگی کارکنوں نے منظم انداز میں غنڈہ گردی کی۔

    اے آر وائی نیوز کے مطابق نیب نے اعلامیے میں ن لیگی کارکنوں کی غنڈہ گردی کو آئینی و قانونی معاملات میں مداخلت قرار دیتے ہوئے کہا ہے کہ نیب دفتر کے باہرغنڈہ گردی کر کے پتھراؤ اور بد نظمی کی گئی، شرپسند عناصر کے پتھراؤ سے نیب عمارت کو بھی نقصان پہنچا، اور کار سرکار میں مداخلت کی گئی۔

    اعلامیے کے مطابق چیئرمین نیب نے لیگی رہنما اور کارکنوں کے خلاف مقدمے کی منظوری دے دی، لیگی کارکنان کے خلاف غیر قانونی اقدام، کارسرکار میں مداخلت کا مقدمہ درج ہوگا۔

    نیب نے کہا ہے کہ 20 سالہ دور میں پہلی بار نیب کے ساتھ یہ برتاؤ کیا گیا، عمارت پر پتھراؤ کیا گیا اور شیشے توڑے گئے، پتھراؤ سے نیب ملازمین بھی زخمی ہوئے۔

    آج نیب لاہور آفس کے باہر کیا ہوا؟ تفصیل یہاں

    قبل ازیں، نیب دفتر کے باہر ہنگامہ آرائی کے بعد نیب نے ہنگامی اجلاس طلب کیا، جس میں ڈی جی نیب نے ہنگامہ آرائی پر پراسکیوشن ونگ سے قانونی رائے مانگی، پراسیکوشن ونگ نے بتایا کہ ملوث افراد کے خلاف کار سرکار میں مداخلت کا مقدمہ درج ہو سکتا ہے، جس پر ڈی جی نیب نے پراسیکوشن ونگ کو درخواست تیار کرنے کی ہدایت کی۔

    نیب ذرایع کا کہنا ہے کہ اجلاس میں مریم نواز کی دوبارہ طلبی پر غور کیا گیا، اب انھیں آئندہ ہفتے دوبارہ طلب کیے جانے کا نوٹس جاری ہوگا۔

  • مریم نواز کا نیب کے سامنے پیش ہونے کا فیصلہ

    مریم نواز کا نیب کے سامنے پیش ہونے کا فیصلہ

    لاہور: پاکستان مسلم لیگ ن کی رہنما مریم نواز نے نیب کے سامنے پیش ہونے کا فیصلہ کر لیا ہے۔

    اے آر وائی نیوز کے مطابق مسلم لیگ ن کے ذرایع نے بتایا کہ مریم نواز نیب کے سامنے پیش ہوں گی، نیب کے سامنے پیشی کا فیصلہ وکلا، اہل خانہ اور پارٹی رہنماؤں سے مشاورت کے بعد کیا گیا ہے۔

    پارٹی ذرایع کے مطابق مریم نواز قافلے کی صورت جاتی امرا سے نیب آفس ٹھوکر نیاز بیگ پہنچیں گی، اس سلسلے میں لیگی کارکنوں کو منگل کی صبح 9 بجے جاتی امرا پہنچنے کی ہدایت کی جائے گی، لیگی رہنما اور کارکنان گاڑیوں کے قافلے میں مریم نواز کے ہمراہ نیب دفتر جائیں گے۔

    واضح رہے کہ قومی احتساب بیورو نے مریم نواز کو 11 اگست کو دن 11 بجے طلب کیا ہے، نیب لاہور مریم نواز کی 200 ایکڑ اراضی کے حوالے سے تحقیقات کر رہا ہے۔

    اس سلسلے میں نیب کی جانب سے ایک سوال نامہ بھی تیار کیا گیا ہے، جس میں سابق وزیر اعظم نواز شریف کی صاحب زادی سے کہا گیا ہے کہ زمین کی خرید و فروخت کی تمام تفصیلات نیب کو فراہم کی جائیں۔

    مریم نواز کی نیب میں طلبی، سوال نامہ تیار

    نیب نے سوال کیا ہے کہ زمین کی خریداری کے لیے فنڈز کب اور کہاں سے مینج ہوئے، مذکورہ اراضی کی خریداری کے لیے ڈیوٹی، ٹیکس کی تفصیلات دی جائیں، سوال نامے کے مطابق اراضی میں سے کوئی حصہ فروخت کیا گیا ہو تو اس کی بھی تفصیلات مانگی گئی ہیں، نیب نے کہا ہے کہ اراضی اگر ایگریکلچر یا کمرشل استعمال میں آئی ہے تو اس کی بھی تفصیلات دی جائیں۔

    یاد رہے کہ نیب نے مریم نواز کو رائے ونڈ جاتی عمرہ کے علاقے میں 200 ایکڑ اراضی غیر قانونی طور پر اپنے نام منتقل کرنے کے الزام میں طلب کیا ہے، ذرایع کے مطابق 2014 میں رائے ونڈ میں مریم نواز کے نام 2 سو ایکڑ زمین منتقل کی گئی۔

  • شہباز شریف کا آج نیب میں پیش ہونے کا فیصلہ، کارکنوں کو پہنچنے کی ہدایت

    شہباز شریف کا آج نیب میں پیش ہونے کا فیصلہ، کارکنوں کو پہنچنے کی ہدایت

    لاہور: آمدن سے زائد اثاثوں اور مبینہ منی لانڈرنگ کیس میں اپوزیشن لیڈر شہباز شریف کی آج نیب میں پیشی ہے۔

    اے آر وائی نیوز کے مطابق شہباز شریف نے آج آمدن سے زائد اثاثہ جات اور منی لانڈرنگ کیس میں نیب کے سامنے پیش ہونے کا فیصلہ کر لیا ہے۔

    پارٹی ذرایع کا کہنا ہے کہ شہباز شریف کی پیشی پر کارکنوں کو نیب آفس پہنچنے کی ہدایت کی گئی ہے۔ دوسری طرف شہباز شریف کی نیب دفتر میں طلبی کے سلسلے میں دفتر کے باہر بڑی تعداد میں پولیس اہل کار تعینات کر دیے گئے ہیں۔

    نیب دفتر کے باہر رکاوٹیں بھی کھڑی کر دی گئیں، پولیس کی گاڑیاں اور پریزن وین بھی منگوا لی گئی۔

    یاد رہے کہ شہباز شریف نے دو دن قبل قانونی ٹیم سے مشاورت کے بعد نیب کے سامنے پیش ہونے کا فیصلہ کیا تھا، اپوزیشن لیڈر نے امجد پرویز ایڈووکیٹ اور اعظم نذیر تارڑ سے مشاورت کی تھی۔

    نیب نے شہباز شریف کو آمدن سے زائد اثاثہ جات اور منی لانڈرنگ کیس میں 9 جون کو طلب کیا تھا، عدالت نے اس کیس میں شہباز شریف کی درخواست ضمانت قبل از گرفتاری بھی منظور کرتے ہوئے نیب کو 17 جون تک انہیں گرفتار کرنے سے روک رکھا ہے۔

    اس سے قبل قومی احتساب بیورو (نیب) نے مسلم لیگ ن کے صدر اور قومی اسمبلی میں قائد حزب اختلاف شہباز شریف کو 2 جون کو طلب کیا تھا، نیب کی جانب سے شہباز شریف کو مفصل سوال نامہ بھی فراہم کیا گیا تھا اور جوابات کے لیے مناسب وقت بھی دیا گیا تھا۔ اپوزیشن لیڈر کی خواہش پر انھیں مزید وقت فراہم کیا گیا تھا، تاکہ بیرون ملک سے مطلوبہ ریکارڈ حاصل کر سکیں۔

  • نیب کا شہباز شریف کو عدالت جانے سے قبل گرفتار کرنے کا فیصلہ

    نیب کا شہباز شریف کو عدالت جانے سے قبل گرفتار کرنے کا فیصلہ

    لاہور: قومی احتساب بیورو (نیب) نے اپوزیشن لیڈر شہباز شریف کو عدالت جانے سے قبل گرفتار کرنے کا فیصلہ کر لیا ہے۔

    اے آر وائی نیوز کے مطابق نیب کی ٹیمیں شہباز شریف کی گرفتاری کے لیے متحرک ہو چکی ہیں، اپوزیشن لیڈر کو آج عدالت جانے سے قبل گرفتار کیا جائے گا۔

    ذرایع کا کہنا ہے کہ نیب نے شہباز شریف کی گرفتاری کے لیے مختلف مقامات پر چھاپے مارے ہیں، گزشتہ روز بھی نیب نے ان کی گرفتاری کے لیے چھاپے مارے تھے۔

    ذرایع کے مطابق شہباز شریف کی گرفتاری کے لیے لاہور ہائی کورٹ کے باہر پولیس اور اینٹی رائٹ فورس تعینات کر دی گئی ہے، اس دوران نیب ٹیمیں لاہور ہائی کورٹ کے اندر اور اطراف میں موجود رہیں گی۔

    شہباز شریف کی گرفتاری کے لیے نیب اور پولیس کا ’جلو‘ کے علاقے میں چھاپہ

    واضح رہے کہ منی لانڈرنگ اور اثاثہ جات کیس میں میاں شہباز شریف کی عبوری ضمانت کی درخواست پر آج سماعت ہوگی، جسٹس طارق عباسی کی سربراہی میں 2 رکنی بینچ اس درخواست کی سماعت کرے گا، درخواست پر ہائی کورٹ کے اعتراض کی وجہ سے گزشتہ روز کیس کی سماعت نہیں ہو سکی تھی۔

    شہباز شریف ضمانت پر ہائی کورٹ میں پیش ہوں گے، انھوں نے ممکنہ گرفتاری سے بچنے کے لیے ہائی کورٹ سے رجوع کیا تھا۔

    گزشتہ روز شہباز شریف کی گرفتاری کے لیے نیب اور پولیس نے جلو کے علاقے میں چھاپا مارا تھا لیکن ان کی گرفتاری عمل میں نہیں آ سکی تھی، نیب نے ن لیگ کے ایم پی اے سہیل شوکت بٹ کے گھر پر بھی چھاپا مارا تھا۔ نیب کو جلو کے علاقے میں شہباز شریف کی موجودگی کی اطلاع ملی تھی، جس پر سرچ آپریشن کیا گیا، اس سے قبل نیب ٹیم نے لاہور میں شہباز شریف کی رہائش گاہ پر بھی چھاپا مارا تھا تاہم وہ گھر پر موجود نہیں تھے۔

  • نیب نے رانا ثنا اللہ کی اہلیہ، بیٹی اور داماد سے تفتیش کا فیصلہ کر لیا

    نیب نے رانا ثنا اللہ کی اہلیہ، بیٹی اور داماد سے تفتیش کا فیصلہ کر لیا

    لاہور: رانا ثنا اللہ کے خلاف آمدن سے زائد اثاثہ جات کیس کی تحقیقات میں پیش رفت ہوئی ہے، نیب لاہور نے ان کی اہلیہ، بیٹی اور داماد کو بھی شامل تفتیش کر لیا ہے۔

    تفصیلات کے مطابق ذرایع نے کہا ہے کہ نیب نے رانا ثنا اللہ کی اہلیہ، داماد اور بیٹی کو اثاثہ جات فارم جاری کرنے کا فیصلہ کیا ہے، نیب نے اس سے قبل رانا ثنا سے تینوں سے متعلق بھی سوال کیے تھے۔

    اے آر وائی نیوز کے مطابق داماد رانا شہریار کا ذریعہ آمدن اور بیٹی کے نام پر اثاثوں سے متعلق رانا ثنا سے پوچھا گیا تھا، جواب میں انھوں نے کہا تھا کہ بیٹی اور داماد کے اثاثوں کا سب ریکارڈ موجود ہے۔

    نیب ذرایع کے مطابق نیب نے رانا شہریار کے اثاثوں کی چھان بین بھی شروع کر دی ہے، رانا ثنا اللہ نے اپنے اثاثے دیگر اہل خانہ کے نام پر بنا رکھے ہیں، اور رانا شہریار سابق وزیر قانون کے بینفشری ہیں۔ دریں اثنا رانا شہریار کے اثاثوں کی چھان بین پر اداروں سے ریکارڈ بھی مانگ لیا گیا ہے۔

    ہیروئن کا کچھ نہ بنا تو اثاثوں کا ریفرنس بنایا جا رہا ہے، رانا ثنا اللہ

    یاد رہے کہ گزشتہ روز رانا ثنا اللہ نے کہا تھا کہ جب ہیروئن کا کچھ نہیں بنا تو اب مجھ پر اثاثوں کا ریفرنس بنایا جا رہا ہے، ریاست گودام سے ہیروئن نکال کر شہریوں پر ڈالے تو کیا ہوگا، مجھے کس کھاتے میں 4 ماہ جیل میں رکھا گیا، یہ کھلا سیاسی انتقام ہے۔

    گزشتہ ماہ 26 دسمبر کو منشیات برآمدگی کیس میں لاہور ہائی کورٹ نے لیگی رہنما کی ضمانت کا تحریری فیصلہ جاری کیا تھا جس کے بعد ان کو رہا کر دیا گیا تھا۔

  • نیب لاہور نے ایک سال کے دوران 29 ارب 93 کروڑ کی ریکوری کی

    نیب لاہور نے ایک سال کے دوران 29 ارب 93 کروڑ کی ریکوری کی

    لاہور: قومی احتساب بیورو (نیب) لاہور نے ایک سال کے دوران 29 ارب 93 کروڑ کی ریکوری کی، کرپشن وبدعنوانی، خزانے کو نقصان پہنچانے والے 138ملزمان گرفتار کیے۔

    تفصیلات کے مطابق نیب لاہور نے 2019 میں کرپشن، بدعنوانی اور بدعنوانی اور قومی خزانے کو نقصان پہنچانے میں ملوث 138 ملزمان گرفتار کیے جبکہ رواں سال کے دوران 100 نئی انکوائریوں کا آغاز کیا گیا۔

    نیب لاہور کے مطابق اس سال نئی شروع ہونے والی انویسٹی گیشنزکی تعداد 36 رہی، 2019 میں مجموعی طور پر55 ریفرنسز احتساب عدالتوں میں دائر کیے، کرپشن کیسز میں تحقیقات مکمل کرتے ہوئے 25 کرپشن ریفرنسزعدالتوں میں داخل کیے۔

    قومی احتساب بیورو لاہورکی جانب سے پلی بارگین کے 30 ریفرنس عدالتوں میں داخل کیے گئے، کم وبیش 3 ارب روپے کیش کی صورت میں متاثرین کو واپس لوٹائے، 27 ارب سے زائد مالیت کے مکانات و پلاٹ متاثرین کے حوالے کیے۔ ماضی میں نیب لاہور کو اوسط سالانہ 4 ہزار شکایات موصول ہوتی رہیں، 2019میں نیب لاہور کو 13ہزار سے زائد شکایات موصول ہوئیں۔

    ڈی جی نیب لاہور نے کہا کہ نیب احتساب سب کے لیے کی پالیسی پر سختی سے گامزن ہے، چیئرمین نیب کی اختیار کردہ پالیسی کے مثبت نتائج برآمد ہو رہے ہیں، بدعنوانی کا خاتمہ اور کرپشن فری ماحول کا قیام نیب کی اولین ترجیح ہے۔

  • نیب کے خلاف پروپیگنڈے پر ڈاکٹر عدنان کو جاری انتباہی لیٹر منظر عام پر

    نیب کے خلاف پروپیگنڈے پر ڈاکٹر عدنان کو جاری انتباہی لیٹر منظر عام پر

    لاہور: میاں نواز شریف کے ذاتی معالج ڈاکٹر عدنان کی جانب سے نیب کے خلاف منفی پروپیگنڈا کرنے اور غلط معلومات دینے پر نیب لاہور کی طرف سے جاری کردہ تنبیہی خط منظر عام پر آ گیا۔

    اے آر وائی نیوز کے نمایندے مظہر اقبال کے مطابق نیب لاہور کی جانب سے 25 اکتوبر کو ڈاکٹر عدنان کو مخاطب کرتے ہوئے خط ارسال کیا گیا جس میں مختلف حقائق پر توجہ دلائی گئی ہے۔

    خط میں کہا گیا ہے کہ ڈاکٹر عدنان کی جانب سے نیب کو ارسال خط میں کیے گئے دعوے حقائق کے منافی اور ہرزہ سرائی کے علاوہ کچھ نہیں، نیب لاہور نے باور کرایا کہ نیب سے آپ کو ہمیشہ میاں نواز شریف کے معائنے کی اجازت ملتی رہی جس کا مکمل ریکارڈ بھی دستیاب ہے۔

    تازہ ترین:  العزیزیہ ریفرنس : نواز شریف کی ضمانت منظور، سزا 8 ہفتے کیلئے معطل

    خط میں کہا گیا کہ نیب لاہور کی جانب سے نواز شریف کو نیب میں بہترین میڈیکل سہولیات فراہم رہیں، جن میں کارڈیک ایمبولینس، ماہر ڈاکٹروں کی ٹیم اور میڈیکل سے متعلقہ دیگر سہولیات شامل ہیں۔ ریکارڈ کے مطابق آپ نے 11، 19 اور 21 اکتوبر کو نواز شریف کا لاہور آفس میں بہ ذاتِ خود مکمل معائنہ کیا، روزانہ کی بنیاد پر دوائیں آپ خود فراہم کرتے رہے۔

    خط کے مطابق ڈاکٹر عدنان کو نواز شریف کے خون کے نمونے اور دیگر ٹیسٹ کروانے کی سہولت منشا کے مطابق میسر رہی، جس پر عمل درآمد بھی ہوتا رہا، نواز شریف کو گھر سے من پسند کھانا منگوانے کی فراخ دلانہ اجازت بھی دی گئی جس سے 11 اکتوبر سے 21 اکتوبر تک فائدہ اٹھایا گیا۔

  • مریم نواز کی مشکلات میں اضافہ، ایک بار پھر نیب طلب

    مریم نواز کی مشکلات میں اضافہ، ایک بار پھر نیب طلب

    لاہور: مسلم لیگ ن کی نائب صدر مریم نواز ایک بار پھر نیب میں طلب کرلی گئیں، چوہدری شوگر ملز کیس میں شریف خاندان نیب ریڈار پر آگیا ہے۔

    تفصیلات کے مطابق قومی احتساب بیورو (نیب) نے مریم نواز کو ایک بار پھر طلب کرلیا، شوگر ملز کیس میں شریف خاندان کی مشکلات بڑھ گئی ہیں۔

    نیب لاہور نے کوٹ لکھپت جیل میں قید نواز شریف کے بچوں مریم نواز، حسن نواز، حسین نواز کو 31 جولائی کو طلب کیا ہے۔

    نیب لاہور میں طلب کیے گئے تمام افراد چوہدری شوگر ملز میں کروڑوں روپے کے شیئر ہولڈرز ہیں، اس کیس میں ان کے بھتیجے عبدالعزیز کو بھی طلبی کا نوٹس جاری کیا گیا ہے۔

    مزید پڑھیں: بغیراجازت ریلی نکالنے پر مریم نواز سمیت لیگی قیادت کے خلاف 4مقدمات

    واضح رہے کہ گزشتہ روز انتظامیہ کی بغیر اجازت ریلی نکالنے پر لیگی قیادت کے خلاف چار مقدمات درج کیے گئے تھے، مقدمات میں مریم نواز، کیپٹن (ر) صفدر، رانا ثنا اللہ کی اہلیہ اور داماد کو نامزد کیا گیا تھا۔

    پولیس کا کہنا تھا کہ سابق گورنرسندھ محمد زبیر، مصدق ملک ، جاوید لطیف، عائشہ رجب، عظمیٰ بخاری بھی ملزمان میں شامل ہیں جبکہ طلال چوہدری، سٹی صدر ن لیگ شیخ اعجاز اور سابق میئررزاق ملک کو بھی نامزد کیا گیا ہے۔

    پولیس کے مطابق مقدمات تھانہ نشاط آباد، سرگودھاروڈ، فیکٹری ایریا اور سمن آباد میں درج کیےگئے، مقدمات میں 14 مختلف دفعات شامل کی گئی ہیں، جن میں حکومت مخالف تقریر، حکومت کے خلاف اکسانے اور لاؤڈاسپیکر کے استعمال کی دفعات شامل ہیں۔

  • حمزہ شہباز کی بیوی ہونے کی دعویدار عائشہ احد نے اپنا بیان نیب میں جمع کرادیا

    حمزہ شہباز کی بیوی ہونے کی دعویدار عائشہ احد نے اپنا بیان نیب میں جمع کرادیا

    لاہور : عائشہ احد ملک نے نیب لاہور میں حمزہ شہباز شریف کے خلاف کیس میں اپنا بیان نیب میں جمع کرا دیا، جس میں کہا نیب نے ماڈل ٹاون میں موجود جس پلاٹ سے متعلق جواب طلب کیا ہے اس کا کوئی ریکارڈ موجود نہیں۔

    تفصیلات کے مطابق حمزہ شہباز شریف کے خلاف نیب میں زیر تفتیش کیس میں اہم پیش رفت ہوئی، عائشہ احد ملک نے نیب لاہور میں حمزہ شہباز شریف کے خلاف کیس میں اپنا بیان نیب میں جمع کرا دیا۔

    عائشہ احد ملک نے اپنے وکیل کے ذریعے تحریری جواب نیب لاہور میں جمع کرایا۔

    عائشہ احد نے اپنے بیان میں کہا نیب لاہور نے ماڈل ٹاون میں موجود جس پلاٹ سے متعلق جواب طلب کیا ہے اس کا کوئی ریکارڈ موجود نہیں۔

    نیب نے عائشہ احد سے سوال کیا تھا کہ عائشہ احد کے والد ملک عبد الاحد نے ماڈل ٹاون سوسائٹی میں موجود پلاٹ نمبر نائن بی 2014 میں محمود الحسن بٹ کو منتقل کیا۔

    عائشہ احد سے پوچھا گیا نیب لاہور حمزہ شہباز شریف کے خلاف اینٹی منی لانڈرنگ کے کیس کی تحقیقات کر رہا ہے شک ہے کہ ماڈل ٹاون کا پلاٹ بھی منی لانڈرنگ سے خریدا گیا، ماڈل ٹاون سوسائٹی سے متعدد بار پلاٹ کا پلاٹ فراہم کرنے کے لئے رابطہ کیا گیا لیکن سوسائٹی انتظامیہ تعاون نہیں کر رہی۔

    ائشہ احد نے نیب کو جواب دیا کہ نیب لاہور کے پاس اختیار موجود ہے، جس کا استعمال کرتے ہوئے وہ سوسائٹی سے ریکارڈ حاصل کرے اور ہمیں بھی ریکارڈ کی تفصیل مہیا کیا جائے۔

  • لاہور، نیب نے شہباز شریف کو 12 جولائی کو پھر طلب کرلیا

    لاہور، نیب نے شہباز شریف کو 12 جولائی کو پھر طلب کرلیا

    لاہور: نیب نے اپوزیشن لیڈر شہباز شریف کو 12 جولائی کو پھر طلب کرلیا، شہباز شریف کو آمدن سے زائد اثاثہ جات کیس میں طلب کیا گیا ہے۔

    تفصیلات کے مطابق سابق وزیراعلیٰ پنجاب اور اپوزیشن لیڈر شہباز شریف کو نیب نے 12 جولائی کو پھر طلب کرلیا، شہباز شریف کو لاہور ویسٹ مینجمنٹ کمپنی کیس میں بھی طلب کیا گیا۔

    نیب کی جانب سے شہباز شریف کو 12 جولائی کو دوپہر 2 بجے پیش ہونے کی ہدایت کی گئی ہے۔

    دوسری جانب ذرائع کا کہنا ہے کہ نیب لاہور نے شہباز شریف کے خلاف چوہدری شوگر ملز کیس بھی کھول دیا ہے، نیب نے شہباز شریف کو اس کیس میں بھی 12 جولائی کو طلب کیا ہے۔

    مزید پڑھیں: آمدن سےزائداثاثہ جات کیس: شہبازشریف نےنیب کومطلوبہ دستاویزات جمع کرادیں

    نیب ذرائع کے مطابق چوہدری شوگر ملز کے اکاؤنٹس کے ذریعے بھی رقم منتقلی کے شواہد ملے ہیں، رقم مبینہ طور پر غیرقانونی طریقے سے بیرون ملک منتقل کی گئی۔

    واضح رہے کہ آمدن سے زائد اثاثہ جات اور منی لانڈرنگ کیس میں اپوزیشن لیڈر شہباز شریف نے آج نیب میں پیش ہوکر مطلوبہ دستاویزات جمع کرائی تھیں۔

    یاد رہے کہ شہباز شریف اور ان کے صاحب زادوں حمزہ اور سلمان کے آمدن سے زائد اثاثوں کے کیس میں اہم پیش رفت ہوئی ہے، زیر حراست ملزم شاہد شفیق کے انکشافات پر مبینہ منی لانڈرنگ میں ملوث ملزم آفتاب محمود کو گرفتار کیا گیا ہے، ملزم پر شریف فیملی کے لیے مبینہ منی لانڈرنگ کا الزام ہے۔

    خیال رہے شہباز شریف نیب میں پہلے بھی متعدد مرتبہ پیش ہو چکے ہیں۔