ARYNews.tv | Urdu – Har Lamha Bakhabar

Tag: نیب

  • نیب نے شریف خاندان اوراسحاق ڈار کے خلاف ریفرنسز دائر کردیے

    نیب نے شریف خاندان اوراسحاق ڈار کے خلاف ریفرنسز دائر کردیے

    اسلام آباد: قومی احتساب بیور نے نااہل سابق وزیراعظم نوازشریف اور ان کے بچوں اور اسحاق ڈار کے خلاف احتساب عدالت میں ریفرنسز دائر کردیے۔

    تفصیلات کے مطابق سپریم کورٹ کے فیصلے کے بعد ڈپٹی پراسیکیوٹرجنرل نیب کی سربراہی میں نیب پراسیکیوشن ونگ نے سابق وزیراعظم نوازشریف اور ان کے بچوں ، داماد اور اسحاق ڈار کے خلاف احتساب عدالت میں ریفرنسزدائرکیے۔

    قومی احتساب بیورو کی ٹیم نے شریف خاندان کے خلاف 3 اور وزیرخزانہ اسحاق ڈار کے خلاف 1 ریفرنس دائر کیا۔

    ذرائع کے مطابق نوازشریف کے خلاف 3 ریفرنسز میں نیب کی سیکشن 9 اے لگائی گئی ہے۔ نیب سیکشن 9 اے غیر قانونی رقوم، تحائف کی ترسیل سے متعلق ہے۔

    نیب راولپنڈی نے 9 اے کی تمام 14 ذیلی دفعات کو شامل کیا ہے اور سیکشن 9 اے کی دفعات کی سزا 14 سال قید مقرر ہے۔

    وزیرخزانہ اسحاق ڈار کے خلاف سیکشن 14 سی لگائی گئی ہے جو آمدن سے زائد اثاثے رکھنے سے متعلق ہے۔ نیب کی دفعہ 14 سی کی سزا 14 سال مقرر ہے۔

    ذرائع کا کہنا ہے کہ عوامی نمائندوں کے لیےسزا کےبعد عمربھرکی نا اہلی ہوتی ہے۔ مریم نوازپرجعلی دستاویزات دینے پرالگ سے شیڈول 2 کاحوالہ دیا گیا ہے۔

    نوازشریف کی صاحبزادی کے خلاف تحقیقات کونقصان پہنچانے کی دفعہ31 اے بھی شامل ہے اور ان کے خلاف الزام کے جرم میں 3 سال قید کی سزا ہے۔

    قانونی طور پر ریفرنس فائل ہونے کے بعد ملزم کو کم از کم ایک بار احتساب عدالت کے جج کے روبرو پیش ہونا لازم ہے، جس کے بعد وہ ذاتی طور پر پیش ہونے سے استثنیٰ کی درخواست کرسکتا ہے۔

    نیب لاہور کی شریف فیملی کا نام ای سی ایل میں ڈالنے اور اثاثے منجمد کرنے کی سفارش

    خیال رہے کہ گزشتہ دنوں نیب لاہور نے شریف خاندان کے خلاف ریفرنس نیب ہیڈ کوارٹرز بھجوایا تھا، ریفرنس میں نوازشریف اوران کے بچوں کے اثاثے ضبط کرنے اور ان کے نام ای سی ایل میں ڈالنے کی سفارش بھی کی گئی تھی۔

    پاناما کیس: وزیراعظم نوازشریف نا اہل قرار

    یاد رہے کہ 28 جولائی کوسپریم کورٹ کے پانچ رکنی بینچ نے پاناما کیس کے فیصلے میں سابق وزیراعظم نوازشریف کو نااہل قرار دیتے ہوئے ان کے اور ان کے خاندان کے افراد کے خلاف نیب میں ریفرنس دائر کرنے کا حکم دیا تھا۔

    واضح رہے کہ سپریم کورٹ نے نیب کو حکم دیا تھا کہ وہ 6 ہفتے کے اندر نوازشریف اور ان کے بچوں مریم نواز، حسین نواز، حسن نواز اور اسحاق ڈار کے خلاف ریفرنس دائر کرے اور 6 ماہ میں ان پر کارروائی مکمل کی جائے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • نیب نے جے آئی ٹی ارکان کو طلب کرلیا

    نیب نے جے آئی ٹی ارکان کو طلب کرلیا

    اسلام آباد: سابق وزیر اعظم نواز شریف اور ان کے خاندان کے خلاف ریفرنس میں نیب انویسٹی گیشن ٹیم نے مشترکہ تحقیقاتی ٹیم (جے آئی ٹی) ارکان کو بیان کے لیے طلب کرلیا۔

    تفصیلات کے مطابق نیب کی انویسٹی گیشن ٹیم نے اسلام آباد میں جے آئی ٹی کے ارکان کو 30 اگست کو طلب کیا گیا ہے۔

    ذرائع کا کہنا ہے کہ انویسٹی گیشن ٹیم جے آئی ٹی ارکان کے بیانات قلمبند کرے گی۔ جے آئی ٹی ممبران کے بیانات بطور سرکاری گواہ ریکارڈ کیے جائیں گے۔

    سپریم کورٹ پہلے ہی جےآئی ٹی کے بیانات ریکارڈ کرنے کی اجازت دے چکی ہے۔

    دوسری جانب چیئرمین نیب قمر الزماں چوہدری کہتے ہیں کہ پاناما کیس میں سپریم کورٹ کے حکم پر مکمل عمل ہوگا۔

  • بھارت سی پیک کو اپنے لیے خطرہ سمجھتا ہے‘ شیخ رشید

    بھارت سی پیک کو اپنے لیے خطرہ سمجھتا ہے‘ شیخ رشید

    اسلام آباد : عوامی مسلم لیگ کے سربراہ شیخ رشید احمد کا کہنا ہے کہ ’بھارتی آرمی چیف نے پاک چین اقتصادی راہداری منصوبے کو اپنی سالیمت کے لیے خطرہ قرار دیا ہے‘۔

    تفصیلات کے مطابق اسلام آباد میں سپریم کورٹ کے باہر میڈیا سے گفتگو کرتے ہوئے شیخ رشید احمد نے کہا کہ نیب نے 7 روز میں سپریم کورٹ میں اپیل دائر کرنے کا کہنا تھا۔

    عوامی مسلم لیگ کے سربراہ کا کہنا تھا کہ سپریم کورٹ کے فیصلے پر عملدرآمد کے لیے پٹیشن دائرکی ہے۔ انہوں نے کہا کہ نیب سے استدعا کی ہے کہ اپنے فیصلے پرعمل کریں۔

    شیخ رشید کا کہنا تھا کہ افواہیں گردش کررہی ہیں کہ این آراو پر کام ہورہا ہے اور اپنی جائیدادیں بچانے کی کوششیں کی جارہی ہیں۔

    انہوں نے کہا کہ فیصلہ دینےوالے5 ججز کے بینچ میں نظرثانی اپیل کی ہے نیب نے عملدرآمد نہ کیا تو توہین عدالت کی درخواست دائرکریں گے۔

    عوامی مسلم لیگ کے سربراہ کا کہنا تھا کہ آرٹیکل 63،62 پر کیس صرف نوازشریف کے خلاف کیا تھا۔

    حدیبیہ پیپرملز ریفرنس دائر کرنے میں تاخیر، شیخ رشید نے سپریم کورٹ سے رجوع کرلیا

    ایل این جی ٹرمینل کےحوالے سے شیخ رشید احمد کا کہنا تھا کہ وزیراعظم شاہد خاقان عباسی نے ایل این جی ٹرمینل کا افتتاح کیا اس میں ان کی پارٹنرشپ ہے۔ انہوں نے کہا کہ ایل این جی کا کیس سب سے بڑی کرپشن پر مبنی ہے۔

    شیخ رشید احمد کا کہنا تھا کہ نوازدور میں جتنے لوگ وزارت خارجہ میں لگائے گئے وہ میرٹ پر نہیں جبکہ افغان پالیس سے متعلق انہوں نے کہا کہ امریکہ کو اپنے فیصلے پر نظرثانی کرنا ہوگی۔

    انہوں نے کہا کہ امریکہ کے معاملے پر پوری قوم ایک ہے جبکہ چین اور روس نے بھی پاکستان کی حمایت کی ہے۔

    عوامی مسلم لیگ کے سربراہ کا کہنا تھا کہ ڈونلڈ ٹرمپ کی مقبولیت47 فیصد کم ہوئی ہےجبکہ نوازشریف اور ڈونلڈ ٹرمپ کی مقبولیت ایک جیسی ہے۔

    واضح رہے کہ شیخ رشید احمد کا کہنا تھا کہ جب تک یہ اسمبلی موجود ہے 63،62 زندہ رہے گا۔ انہوں نے کہا کہ مولانا فضل الرحمان نے بھی مجھے کہا کہ آرٹیکل 63،62 کےخلاف نہیں ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاناما جے آئی ٹی کو نیب میں بیان ریکارڈ کرانے کی ہدایت

    پاناما جے آئی ٹی کو نیب میں بیان ریکارڈ کرانے کی ہدایت

    اسلام آباد: سپریم کورٹ نے نیب کی درخواست منظور کرتے ہوئے پاناما کیس کی جے آئی ٹی کو نیب میں بیانات ریکارڈ کرانے کی اجازت دیے دی۔

    تفصیلات کے مطابق سابق وزیر اعظم نواز شریف کے خلاف دائر نیب ریفرنس میں نیب حکام نے سپریم کورٹ میں درخواست دائر کی تھی کہ جے آئی ٹی کے ممبران کا بیان ریکارڈ کرنے کی اجازت دی جائے۔

    آج سپریم کورٹ نے یہ درخواست منظور کرتے ہوئے نیب کو اجازت دے دی کہ وہ جے آئی ٹی کے ممبران کا بیان ریکارڈ کرلے۔

    اے آر وائی نیوز کے نمائندے راشد حبیب نے بتایا کہ نیب چاہتی ہے کہ جے آئی ٹی ممبران کا بطور استغاثہ بیان ریکارڈ کرلیا جائے جس کے انہوں نے واجد ضیا سے رابطہ کیا تاہم انہوں نے عدالت کی اجازت کے بغیر نیب کو بیان ریکارڈ کرانے سے انکار کردیا۔

    نیب نے اس مد میں سپریم کورٹ کو درخواست لکھی جس پر نیب کے نگراں جج جسٹس اعجاز الاحسن نے جے آئی ٹی ممبران کو بیان ریکارڈ کرانے کی اجازت دیتے ہوئے نیب کو ہدایت دی ہے کہ وہ سپریم کورٹ کی جانب سے متعین کردہ حدود سے باہر نہ نکلے اور فیصلے کے دائرے میں رہتے ہوئے جے آئی ٹی ممبران کا بیان ریکارڈ کرے تاکہ تحقیقات کا دائرہ کار آگے بڑھایا جاسکے۔


    انہوں نے واجد ضیا کو ہدایت کی ہے کہ وہ نیب سے تعاون کریں اور اپنا بیان ریکارڈ کرائیں۔

  • نیب میں پیش نہ ہونے کے بعد اسحٰق ڈار کا معاملہ نگران جج کے سپرد کرنے کا امکان

    نیب میں پیش نہ ہونے کے بعد اسحٰق ڈار کا معاملہ نگران جج کے سپرد کرنے کا امکان

    لاہور: وزیر خزانہ اسحٰق ڈار آج بھی نیب حکام کے سامنے پیش نہیں ہوئے، وہ وزیر اعظم خاقان عباسی کے ہمراہ سعودی عرب روانہ ہوگئے۔ نیب حکام ممکنہ طور پر مزید سمن جاری کرنے کے بجائے معاملہ نگرانی پر معمور جج کے سپرد کریں گے۔

    تفصیلات کے مطابق نیب کی جانب سے وفاقی وزیر خزانہ اسحٰق ڈار کے طلبی کے 3 نوٹسز پر پیش نہ ہونے کے باوجود انہیں چوتھا سمن بھی جاری کیا گیا، لیکن وہ آج بھی نیب میں پیش نہیں ہوئے۔

    نیب حکام نے آج چوتھا سمن جاری کرتے ہوئے اسحٰق ڈار اور سابق وزیر اعظم نواز شریف کے کزن طارق شفیع کو بلایا تھا لیکن اسحٰق ڈار وزیر اعظم شاہد خاقان عباسی کے ساتھ سعودی عرب چلے گئے۔

    اسحٰق ڈار کے نیب میں پیش نہ ہونے کے بعد ذرائع کے مطابق نیب اب وزیر خزانہ کو پیشی کا سمن جاری کیے جانے کے بجائے تحقیقات کی نگرانی کے لیے مقرر جج جسٹس اعجاز الاحسن کو رپورٹ کرے گا۔

    ایس ای سی پی کی جانب سے ریکارڈ کی فراہمی

    دوسری جانب سیکیورٹیز اینڈ ایکسچینج کمیشن (ایس ای سی پی) نے وزیر خزانہ اسحٰق ڈار کی کمپنیز کا ریکارڈ نیب لاہور میں جمع کروا دیا۔

    نیب کی تحقیقاتی ٹیم نے آج ایس ای سی پی افسران کو طلب کیا تھا جس کے بعد افسران نے پیش ہو کر اسحٰق ڈار کی کمپنیوں کا ریکارڈ جمع کرایا۔

    ذرائع کے مطابق ایس ای سی پی نے اسحٰق ڈار کی 7 کمپنیوں سی این جی پاکستان لمیٹڈ، گلف انشورنس، اسپینسر ڈسٹری بیوشن لمیٹڈ، ہجویری مضاربہ مینجمنٹ، ہجویری ہولڈنگز اور ایچ ایس ڈی سیکیورٹیز کا ریکارڈ فراہم کیا ہے۔

    یاد رہے کہ اس سے قبل نیب نے اسحٰق ڈار، ان کی اہلیہ، ان کے بیٹوں، علی، مجتبیٰ اور بہو اسما ڈار کے اکاؤنٹس کی تفصیلات بینکوں سے طلب کی تھیں۔

    مزید پڑھیں: اسحٰق ڈار اور ان کے اہلخانہ کے اکاؤنٹس کی تفصیلات طلب

    گزشتہ ہفتے نیب حکام کی جانب سے اسحٰق ڈار کی اہلیہ کے اکاؤنٹس کی مکمل معلومات کا مطالبہ کیا گیا تھا۔ نیب کا کہنا ہے کہ تمام افراد کے لاکرز کی تفصیلات بھی فراہم کی جائیں۔

    اس سلسلے میں نیب نے مختلف بینکوں اور ایس ای سی پی کو خط لکھا تھا جس کے جواب میں آج ایس ای سی پی نے مطلوبہ دستاویزات جمع کروا دی ہیں۔

  • تفتیش کے لیے پیش نہیں ہوں گے: نواز شریف کا نیب کو تحریری جواب

    تفتیش کے لیے پیش نہیں ہوں گے: نواز شریف کا نیب کو تحریری جواب

    اسلام آباد: سابق وزیر اعظم نواز شریف نے نیب میں اپنا تحریری جواب جمع کروا دیا جس میں انہوں نے کہا ہے کہ وہ پیش نہیں ہوں گے۔

    تفصیلات کے مطابق آج نیب میں طلب کیے جانے کے بعد سابق وزیر اعظم نواز شریف تو پیش نہ ہوئے تاہم ان کے وکیل نے نیب میں ان کا تحریری جواب جمع کروا دیا۔

    نواز شریف اور ان کے خاندان کے ساتھ وفاقی وزیر اسحٰق ڈار کے وکلا بھی نیب میں پیش ہوئے اور نواز شریف، مریم، حسین، حسن اور اسحٰق ڈار کا جواب جمع کروا دیا گیا۔

    مزید پڑھیں: شریف خاندان نے نیب میں طلبی کا تیسرا نوٹس بھی نظر انداز کردیا

    وکلا کی جانب سے جمع کروائے گئے جواب میں کہا گیا کہ نیب جس قانون کے تحت کارروائی کر رہا ہے، وہ خلاف ضابطہ ہے۔ قانون کی کھلم کھلا خلاف ورزی تحقیقات نہیں دھوکہ ہے۔

    جواب میں کہا گیا کہ ریفرنس کی تیاری اور انکوائری کا اختیار چیئرمین نیب کے پاس ہے۔

    نواز شریف کی جانب سے کہا گیا کہ وہ نیب میں پیش نہیں ہوں گے۔

    یاد رہے کہ نواز شریف، ان کے بچوں اور وفاقی وزیر اسحٰق ڈار کو نیب کی جانب سے 3 بار طلبی کا نوٹس جاری کیا جا چکا ہے تاہم ابھی تک کوئی بھی نیب میں پیش نہیں ہوا۔

    شریف خاندان کی جانب سے نیب کو ایک نوٹس بھی بھیجا جا چکا ہے جس میں کہا گیا تھا کہ ابھی پاناما کیس پر نظر ثانی کی اپیل جاری ہے لہٰذا ان کے خاندان کا کوئی بھی فرد نیب میں پیش نہیں ہوسکتا۔

  • شریف خاندان نے نیب میں طلبی کا تیسرا نوٹس بھی نظر انداز کردیا

    شریف خاندان نے نیب میں طلبی کا تیسرا نوٹس بھی نظر انداز کردیا

    لاہور: پہلے اور دوسرے نوٹس کے بعد نیب کا تیسرا نوٹس بھی بے کار گیا، شریف خاندان کا کوئی فرد آج بھی نیب میں پیش نہیں ہوا۔

    تفصیلات کے مطابق سابق وزیر اعظم نواز شریف اور ان کے صاحبزادوں حسن اور حسین نواز نے یکے بعد دیگرے نیب کا تیسرا نوٹس بھی ہوا میں اڑا دیا اور آج بھی پیشی کے لیے حاضر نہ ہوئے۔

    نیب نے آج شریف خاندان کو لندن فلیٹس اور عزیزیہ اسٹیل ملز کی تحقیقات کے لیے طلب کیا تھا۔

    نیب اس سے قبل نواز شریف، ان کے بچوں حسین نواز، حسن نواز، مریم نواز اور داماد کیپٹن ریٹائرڈ صفدر کو 3 بار تفتیش کے لیے طلب کر چکا ہے لیکن شریف خاندان کے کسی فرد نے حاضر ہونے کی زحمت گوارا نہ کی۔

    شریف خاندان کی جانب سے نیب کو ایک نوٹس بھی بھیجا جا چکا ہے جس میں کہا گیا تھا کہ ابھی پاناما کیس پر نظر ثانی کی اپیل جاری ہے لہٰذا ان کے خاندان کا کوئی بھی فرد نیب میں پیش نہیں ہوسکتا۔

    نیب نے واضح کیا ہے کہ اگر شریف خاندان پیش نہ ہوا تو سمجھا جائے گا کہ ان کے پاس دفاع میں کہنے کے لیے کچھ نہیں۔

    اسحٰق ڈار بھی حاضر نہ ہوئے

    دوسری جانب وفاقی وزیر خزانہ اسحٰق ڈار بھی نیب میں پیش نہیں ہوئے۔ انہیں بھی نیب کی جانب سے 3 نوٹسز جاری کیے جاچکے ہیں۔

    نیب کی تحقیقاتی ٹیم نے وزیر خزانہ اسحاق ڈار کو صبح 10 بجے پیش ہونے کا نوٹس دیا تھا مگر وہ نہیں آئے۔

    پیشی کے وقت اسحٰق ڈار لاہور میں موجود تھے، انہوں نے سابق وزیر اعظم نواز شریف کی رہائش گاہ پر ہونے والے اہم اجلاس میں شرکت کی جہاں وزیر اعظم شاہد خاقان عباسی بھی موجود تھے۔

    دوسری جانب نیب کی تحقیقاتی ٹیم اور ڈی جی نیب میجر شہزاد سلیم دن بھر ان کا انتظار کرتے رہے۔

    قانونی ماہرین کے مطابق اسحٰق ڈار نیب کے تیسری بار بلانے پر بھی پیش نہ ہوئے تو عدالت انہیں گرفتار کر کے پیش کرنے کا حکم دے سکتی ہے۔

  • نیب نےآج نوازشریف ‘ اہل ِ خانہ اوراسحاق ڈارکوطلب کرلیا

    نیب نےآج نوازشریف ‘ اہل ِ خانہ اوراسحاق ڈارکوطلب کرلیا

    لاہور: نیب نے ایون فیلڈ لندن فلیٹس کی تفتیش کے کیس میں نواز شریف، مریم نواز، حسن نواز اور حسین نواز،کیپٹن صفدر جبکہ اسحاق ڈار کو آمدن سے زائد اثاثوں کے حوالے سے تفتیش کے لیے آج طلب کرلیا۔

    تفصیلات کے مطابق قومی احتساب بیورو(نیب) نے ایون فیلڈ لندن فلیٹس کی تفتیش کے سلسلے میں سابق وزیراعظم نوازشریف مریم نواز، کیپٹن صفدر، حسن نواز اور حسین نواز کو آج طلب کرلیا۔

    اسحاق ڈار کو نیب میں طلبی کا تیسرا سمن جاری

    دوسری جانب وزیر خزانہ اسحاق ڈار کو نیب نےآمدن سے زائد اثاثوں سے متعلق تفتیش کے لیے آج طلب کررکھا ہے۔

    پاناما کیس : نوازشریف اوران کے بچے دوسری پیشی پر بھی نہ آئے

    نیب نے 20 اگست کو سابق وزیراعظم اور ان کے بچوں حسن نواز، حسین نواز، مریم نواز، اور داماد کیپٹن صفدرکو ایون فیلڈ فلیٹس کیس کی تفیتیش کے لیے طلب کیا تھا لیکن شریف خاندان کی جانب سے کوئی بھی فرد پیش نہیں ہوا تھا۔

    نظر ثانی کی اپیل پر فیصلے تک شریف خاندان کا نیب میں پیش نہ ہونے کا فیصلہ

    خیال رہے کہ گزشتہ دنوں نیب کو شریف حاندان کی جانب سے نوٹس موصول ہوا تھا کی ابھی پاناما کیس نظر ثانی کی اپیل جاری ہے لہذا ان کے خاندان کا کوئی بھی فرد پیش نیب میں پیش نہیں ہوسکتا۔

    پاناما کیس کا فیصلہ،اسحاق ڈار نے نظر ثانی درخواست دائر کردی

    یاد رہے کہ گزشتہ روزسابق وزیراعظم نواز شریف کے بعد وفاقی وزیرخزانہ اسحاق ڈارنے پاناما کیس میں سپریم کورٹ کے فیصلے کے خلاف نظرثانی کی درخواست دائر کی تھی۔

    نوازشریف نے نااہلی کے خلاف نظرثانی کی درخواستیں دائر کردیں

    اس سے قبل 15 اگست کو سابق وزیر اعظم نوازشریف نے پانامہ کیس میں نااہلی کے خلاف سپریم کورٹ سے رجوع کیا تھا، نواز شریف کی جانب سے فیصلے پر نظرثانی کی تین درخواستیں دائر کی گئی تھیں۔

    پاناما کیس: وزیراعظم نوازشریف نا اہل قرار

    واضح رہے کہ سپریم کورٹ نے 28 جولائی کے فیصلے میں نواز شریف کو وزارت عظمیٰ کے لیے نا اہل قرار دیتے ہوئے شریف خاندان اور وزیر خزانہ اسحاق ڈار کے خلاف 6 ہفتوں میں نیب ریفرنسز دائر کرنے کا حکم دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔ 

  • اسحٰق ڈار کو نیب میں طلبی کا تیسرا سمن جاری

    اسحٰق ڈار کو نیب میں طلبی کا تیسرا سمن جاری

    اسلام آباد: نیب نے وزیر خزانہ اسحٰق ڈار کو تیسرا سمن جاری کر دیا۔ وزیر خزانہ اس سے قبل پیشی کے 2 سمن نظر انداز کر چکے ہیں۔ تیسرا بھی نظر انداز کیا گیا تو انہیں گرفتار کیا جا سکتا ہے۔

    تفصیلات کے مطابق سپریم کورٹ کے حکم پر پاناما لیکس کی تحقیقات میں مصروف نیب نے اسحٰق ڈار کو ایون فیلڈ اپارٹمنٹس کیس میں منگل کے دن پیشی کے لیے تیسرا سمن جاری کر دیا۔

    اسحٰق ڈار پہلے ہی نیب کے 2 سمن نظر انداز کر چکے ہیں۔ تیسرے بلاوے پر بھی پیش نہ ہوئے تو عدالت گرفتار کر کے پیش کرنے کاحکم دے سکتی ہے۔

    اس سے قبل سابق وزیر اعظم نواز شریف اور ان کے صاحبزادے حسن اور حسین نواز بھی نیب کی جانب سے 2 بار طلب کیے گئے تاہم دونوں بار شریف خاندان کے افراد نے نیب کے سامنے پیش ہونا گوارا نہیں کیا۔

    یاد رہے کہ اس سے قبل نیب نے اسحٰق ڈار، ان کی اہلیہ، ان کے بیٹوں، علی، مجتبیٰ اور بہو اسما ڈار کے اکاؤنٹس کی تفصیلات بینکوں سے طلب کی تھیں۔

    مزید پڑھیں: اسحٰق ڈار اور ان کے اہلخانہ کے اکاؤنٹس کی تفصیلات طلب

    گزشتہ ہفتے نیب حکام کی جانب سے اسحٰق ڈار کی اہلیہ کے اکاؤنٹس کی مکمل معلومات کا مطالبہ کیا گیا تھا۔ نیب کا کہنا ہے کہ تمام افراد کے لاکرز کی تفصیلات بھی فراہم کی جائیں۔

    اس سلسلے میں نیب نے مختلف بینکوں اور ایس ای سی پی کو خط لکھا ہے۔

    ایس ای سی پی کو لکھے گئے خط میں ڈار خاندان کی 8 کمپنیوں سے متعلق معلومات طلب کی گئی ہیں جن میں سی این جی پاکستان لمیٹڈ، اسپینسر ڈسٹری بیوشن لمیٹڈ، ہجویری ہولڈنگز، گلف انشورنس، ایچ ایس ڈی سیکیورٹیز، اسپینسر فارمیسی اور ہجویری مضاربہ مینجمنٹ کمپنی شامل ہیں۔

    یاد رہے کہ سپریم کورٹ نے 28 جولائی کے فیصلے میں نواز شریف کو وزارت عظمیٰ کے لیے نا اہل قرار دیتے ہوئے شریف خاندان اور وزیر خزانہ اسحٰق ڈار کے خلاف نیب ریفرنسز دائر کرنے کا حکم دیا تھا۔

     

  • پاکستان عوامی تحریک کے سربراہ طاہرالقادری لندن روانہ

    پاکستان عوامی تحریک کے سربراہ طاہرالقادری لندن روانہ

    لاہور: پاکستان عوامی تحریک کے سربراہ ڈاکٹر طاہرالقادری کا کہنا ہے کہ قومی احتساب بیورو(نیب) کو اپنی ساکھ بحال کرنے کا موقع ملا ہے۔

    تفصیلات کے مطابق پاکستان عوامی تحریک کے سربراہ ڈاکٹر طاہرالقادری غیر ملکی پرواز سے لندن روانہ ہوگئے۔ ترجمان عوامی تحریک کا کہنا ہے کہ طاہرالقادری لندن ،مانچسٹر میں بین الاقوامی کانفرنس سےخطاب کریں گے۔

    ڈاکٹر طاہرالقادری کی واپسی سے متعلق ترجمان عوامی تحریک کا کہنا تھا کہ طاہرالقادری 31اگست کووطن واپس پہنچیں گے۔

    لندن روانگی سے قبل لاہورایئرپورٹ پر میڈیا سے گفتگو کرتےہوئے ڈاکٹر طاہرالقادری کا کہنا تھا کہ عدالت نے نوازشریف کو 3 بار بے گناہی ثابت کرنےکا موقع دیا۔

    انہوں نے کہا کہ جے آئی ٹی نے تین ماہ نوازشریف کو مہلت دی جبکہ شریف خاندان کو تیسری بار نیب نے موقع دیا ہے۔

    پاکستان عوامی تحریک کے سربراہ کا کہنا تھا کہ نوازشریف پیش نہ ہوئے تونیب کو گرفتارکرنےکا اختیار ہے جبکہ نوازشریف کسی بھی وقت گرفتار ہوسکتے ہیں۔

    پاناما کیس : نوازشریف اوران کے بچے دوسری پیشی پر بھی نہ آئے

    طاہرالقادری کا کہنا تھا کہ سانحہ ماڈل ٹاؤن کےلواحقین کو انشا اللہ انصاف ملے گا۔ انہوں نے کہا کہ جسٹس باقر نجفی کی رپورٹ ہر صورت منظرعام پر آئے گی۔

    پاکستان عوامی تحریک کے سربراہ کا کہنا تھا کہ امید ہے نیب چور پکڑنے میں اپنا کردار اداکرے گی۔ انہوں نے کہا کہ مسلم لیگ ن آئین میں ترمیم نہیں کرسکے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔