Tag: نیب

سابق صدر آصف زرداری کی نیب عدالت میں حاضری سے استثنیٰ کی درخواست پر فیصلہ تین فروری کو سنایا جائے گا، وکیل فاروق ایچ نائیک کا کہنا ہے کہ پانچوں ریفرنسز میں بریت کی استدعا کی ہے۔

سابق صدر آصف زرداری ریفرنس کیس کی سماعت نیب عدالت میں ہوئی، عدالت نے سابق صدر زرداری کی حاضری سے استثنی کی درخواست پر فیصلہ تین فروری تک محفوظ کرلیا۔

آصف زرداری کے وکیل فاروق ایچ نائیک نے میڈیا سے گفتگو میں کہا کہ عدالت سے استدعا کی ہے آصف زرداری کو بری کیا جائے، انھوں نے کہا کہ سیکیورٹی خدشات کے پیش نظراستثنٰی کی درخواست کی ہے، عدالت جب بھی حکم دے گی، آصف زرداری پیش ہوں گے۔

کیس کی سماعت کے دوران فاروق ایچ نائیک نے عدالت میں سابق صدر کی مقدمات میں بریت کی درخواست دائر کی، جس میں موقف اختیار کیا گیا تھا کہ سترہ سال سے آصف زرداری کے خلاف کچھ ثابت نہیں ہوسکا، انھیں بری کیا جائے۔

نیب کے وکیل اکبر تارڑ نے کہا کہ ہم درخواستوں کی مخالفت نہیں کرتے، اس کا فیصلہ عدالت کو کرنا ہے کہ بریت کی درخواستوں کا اثر مقدمے پر ہوگا یا نہیں۔

سابق صدر آصف زرداری اسلام آباد پہنچ گئے کل وہ نیب کی عدالت میں پیش ہوں گے،حفاظتی انتظامات کرلئے گئے، اعتزاز کہتے ہیں سیاستدان عدالت کا سامنا کرتے ہیں اور جرنیل بیمار پڑجاتے ہیں،رحمان ملک کا کہناہے کہ ہتھکڑیاں،جیلیں،عدالتیں پیپلزپارٹی کیلئے نئی بات نہیں۔

سابق صدر آصف زرداری نیب میں پیشی کیلئے اسلام آباد پہنچ گئے،کارکنوں کی بڑی تعداد نے سابق صدر کا استقبال کیا۔اے آر وائی نیوز سے گفتگو میں آصف زرداری کے وکیل اور سینیٹر اعتزاز احسن کا کہناہے کہ سابق صدر پھر قوم کو بتائیں گے کہ جرنیل اور سیاست دان میں کیا فرق ہے۔ سیاستدان عدالت کا سامنا کرتے ہیں جبکہ جرنیل بیمار پڑ جاتے ہیں،سابق صدرآصف زرداری کی اسلام آباد آمد پر سابق وزیر داخلہ رحمان ملک کا کہناتھا کہ حکومت نے شروعات کردی ہیں، ہتھکڑیاں ،جیلیں اور عدالتیں پیپلزپارٹی والوں کیلئے نئی بات نہیں۔

آصف زرداری کی نیب عدالت میں متوقع آمدکا سیکیورٹی پلان بھی تیار کر لیا گیا ،فول پروف سیکیورٹی فراہم کی جائے گی۔ زرداری ہاؤس اورنیب عدالت کے باہر اضافی نفری تعینات کی جائے گی ،حفاظتی انتظامات کی نگرانی ایس پی،ڈی ایس پی اور دو انسپکٹر کریں گے،سیکیورٹی کے لئے ساٹھ سے زائد پولیس اہلکار بھی تعینات ہوں گے ۔
   

نیب نے اپنے چیئرمین قمرالزمان کو این آئی سی ایل کیس میں کلئیر قرار دے دیا، جس کے بعد اُنھوں نے دوبارہ اپنے عہدے کا چارج سنبھال لیا۔

چیئرمین نیب قمرالزمان چوہدری نے عہدے کا دوبارہ چارج سنبھال لیا، چئیرمین نیب پر بحیثیت وفاقی سیکریٹری داخلہ این آئی سی ایل اسکینڈل میں رکاوٹ ڈالنے کا الزام تھا۔

ذرائع کے مطابق اسلام آباد میں نیب کے ایگزیکٹو بورڈ کا اجلاس ہوا، جس میں قمرالزمان کو کلئیر قرار دیا گیا، ذرائع کے مطابق چیئرمین نیب این آئی سی ایل کیس کی تفتیش کے دوران چھٹی پر چلے گئے تھے۔

چیئرمین نیب اور سابق سیکریٹری داخلہ قمر الزمان سے این آئی سی ایل کیس کے متعلق نیب افسران کی مشترکہ ٹیم نے تحقیقات کی، جس کے بعد انھوں نے اپنے چیئرمین کو بری الذمہ قراردے دیا۔

چیئرمین نیب نے چارج سنبھالنے کے بعد تمام کیسز کی تفصیلات بھی طلب کر لی ہیں، جو ابھی تک زیر التوا ہیں۔