Tag: نیب

اسلام آباد: قومی احتساب بیورو (نیب) نے مسلم لیگ ن کے رہنما اور سابق وزیر داخلہ احسن اقبال کی ضمانت کی مخالفت کر دی۔

تفصیلات کے مطابق اسلام آباد ہائی کورٹ میں نارووال اسپورٹس کمپلیکس اسکینڈل کی سماعت ہوئی جس میں نیب نے احسن اقبال کی ضمانت کی مخالفت کر دی۔

قومی احتساب بیورو نے احسن اقبال کی ضمانت پر جواب ہائی کورٹ میں جمع کروا دیا، نیب نے جواب میں موقف اپنایا کہ احسن اقبال کی درخواست قابل سماعت نہیں، خارج کی جائے، احسن اقبال نے قومی خزانے کو نقصان پہنچایا۔

نیب کے مطابق درخواست گزار غیر معمولی حالات، یارڈشپ نہیں ثابت کرسکے۔ احسن اقبال کی ضمانت پر نیب کا جواب 2 صفحات پر مشتمل ہے۔

یاد رہے کہ 30 جنوری کو مسلم لیگ ن کے رہنما نے اسلام ہائی کورٹ میں ضمانت کے لیے درخواست دائر کی تھی جس میں موقف اختیار کیا گیا تھا کہ احسن اقبال نے کبھی نیب میں پیش ہونے سے انکار نہیں کیا۔

نیب نے احسن اقبال کو گرفتار کر لیا

واضح رہے کہ 23 دسمبر کو قومی احتساب بیورو ( نیب) نے سابق وزیر داخلہ و مسلم لیگ (ن) کے مرکزی رہنما احسن اقبال کو گرفتار کیا تھا۔

اسلام آباد: چیئرمین نیب جسٹس (ر) جاوید اقبال نے افسران کی کارکردگی سے متعلق بڑا قدم اٹھا لیا، نیب پراسیکیوٹرز اور تفتیشی افسران کی کارکردگی کو بہتر بنانے کا فیصلہ کر لیا گیا۔

اے آر وائی نیوز کے مطابق نیب کی جانب سے جاری اعلامیے میں کہا گیا ہے کہ نیب پراسیکیوٹرز اور تفتیشی افسران کی کارکردگی میں مزید بہتری لائی جا رہی ہے، اس سلسلے میں افسران کو سخت ہدایات جاری کر دی گئیں۔

اعلامیے میں چیئرمین نیب کی جانب سے ہدایت کی گئی ہے کہ پراسیکیوٹرز اور آئی اوز جامع تیاری سے عدالتوں میں پیش ہوں، بغیر تیاری پیش ہونے والے افسران کے خلاف کارروائی کی جائے گی، نیب پراسیکیوٹرز کے دلائل کا بھی اب قانون کے مطابق جائزہ لیا جائے گا۔

نیب راولپنڈی کی ایک سالہ کارکردگی رپورٹ، 94 ارب روپے وصول

یاد رہے کہ گزشتہ برس شریف خاندان اور سہولت کاروں سمیت بڑی مچھلیوں کے گرد گھیرا تنگ کرنے کے لیے، اور نیب لاہور میں کام کا دباؤ بڑھنے کے باعث پراسیکیوٹرز کی باقاعدہ تربیت کا عمل شروع کیا گیا تھا، جس کے لیے ماسٹر ٹرینرز نے نیب ہیڈ کوارٹرز اسلام آباد میں اہل کاروں کو تربیت دی۔

گزشتہ برس دسمبر کے اختتام پر قومی احتساب بیورو راولپنڈی نے سال 2019 کی کارکردگی رپورٹ میں بتایا تھا کہ ایک سال کے دوران 94 ارب روپے سے زائد کی ریکوری کی گئی جب کہ متعدد اہم سیاسی شخصیات کو مختلف بدعنوانی کے مقدمات اور ریفرنسز دائر ہونے پر گرفتار بھی کیا گیا۔

لاہور: سابق وزیر قانون پنجاب اور مسلم لیگ ن کے رہنما رانا ثنا اللہ کو نیب نے اثاثہ جات کیس میں 3 فروری کو طلب کر لیا۔

تفصیلات کے مطابق مسلم لیگ ن کے رکن قومی اسمبلی رانا ثنا اللہ کو نیب نے اثاثہ جات کیس میں 3 فروری کو طلب کیا ہے۔ذرائع کا کہنا ہے کہ لیگی رہنما کو زمینوں اور فارم ہاؤس کی دستاویزات لے کر پیش ہونے کی ہدایت کی گئی ہے۔

سابق وزیر قانون پنجاب اور مسلم لیگ ن کے رہنما راناثنا اللہ کو 3 فروری کو صبح11 بجے پیش ہونے کی ہدایت کی گئی ہے۔

مسلم لیگ ن کے رہنما رانا ثنا اللہ نیب کے سامنے پیش

اس سے قبل گزشتہ ماہ 2 جنوری کو سابق صوبائی وزیر قانون رانا ثنا اللہ آمدن سے زائد اثاثہ جات کیس میں نیب لاہور کے آفس میں پیش ہوئے تھے۔ نیب نے رانا ثنااللہ سے 14 سوالات کے جوابا ت مانگے تھے۔

نیب میں پیشی سے قبل مسلم لیگ ن کے رہنما رانا ثنا اللہ نے غیر رسمی گفتگو کرتے ہوئے کہا تھا کہ مجھ پر ایک الزام پہلے بھی لگایا گیا، مگر ثابت نہیں ہوا، اب ایک اور کیس میں طلبی کی گئی، کچھ ثابت نہیں ہوگا۔

سابق صوبائی وزیر قانون کا کہنا تھا کہ آمدن سے زائد اثاثوں کی تحقیقات میں بھی کچھ ثابت نہیں ہوگا۔

اسلام آباد: چیئرمین نیب جسٹس (ر) جاوید اقبال کا کہنا ہے کہ نیب تفتیشی افسران، پراسیکیوٹرز کی جدید خطوط پر تربیت کو اہمیت دیتا ہے۔

تفصیلات کے مطابق چیئرمین نیب جاوید اقبال نے نیب ہیڈ کوارٹرز میں ٹریننگ، آپریشن اورپراسیکیوشن ڈویژن کارکردگی پر اجلاس سے خطاب کرتے ہوئے کہا کہ نیب انسانی وسائل کی ترقی کو انتہائی اہمیت دیتا ہے۔

انہوں نے کہا کہ نیب تفتیشی افسران، پراسیکیوٹرز کی جدید خطوط پر تربیت کو اہمیت دیتا ہے، نیب افسر، پراسیکیوٹرز کی پیشہ ورانہ بہتری کے لیے تربیتی پلان تشکیل دیا ہے۔

چیئرمین نیب کا کہنا تھا کہ نیب کے علاقائی بیوروزمیں ٹریننگ سینٹرز قائم کیے گئے ہیں، بیوروز متعلقہ علاقوں میں مجوزہ سرگرمیوں پرعملدرآمد کے ذمہ دار ہیں۔

جسٹس (ر) جاوید اقبال کے مطابق ریفریشر، کیپسٹی بلڈنگ کورسز وضع کیے گئے تا کہ معیار یقینی بنایا جا سکے،تفتیشی افسران،پراسیکیوٹرز کے معیار میں بہتری کے لیے تربیت کا اہم کردار ہے۔

چیئرمین نیب نے کہا کہ نیب اعلیٰ ادارہ ہے جسے بدعنوانی کے خاتمے کی ذمہ داری دی گئی ہے، نیب انسانی وسائل کی ترقی کو انتہائی اہمیت دیتا ہے انہوں نے مزید کہا کہ نیب ہیڈ کوارٹرز میں بھی ٹریننگ آف ٹرینرز بھی منعقد کیے جائیں گے۔

لاہور: قومی احتساب بیورو (نیب) نے مسلم لیگ ن کے رہنما جاوید لطیف کو 4 فروری کو دوبارہ طلب کرلیا، لیگی رہنما کو والدہ کے اثاثوں کی تفصیلات بھی جمع کرانے کی ہدایت کی گئی ہے۔

تفصیلات کے مطابق مسلم لیگ ن کے رہنما جاوید لطیف کو نیب لاہور نے ایک بار پھر طلب کر لیا، لیگی رہنما کو والدہ کے اثاثوں کی تفصیلات لے کر 4 فروری کو پیش ہونے کی ہدایت کی گئی ہے۔

ذرائع کے مطابق مسلم لیگ ن کے رکن قومی اسمبلی جاوید لطیف سے والدہ کے سورس آف انکم، سرمائے سے متعلق پوچھا گیا تھا۔

جاوید لطیف نے جواب جمع کرانے کے لیے ایک ماہ کی مہلت مانگی تھی۔ مسلم لیگ ن کے رہنما کا کہنا تھا کہ والدہ کے نام اثاثوں سمیت طلب ریکارڈ کے لیے وقت درکار ہے، والدہ کی عمر زیادہ ہو چکی، تمام ریکارڈ جمع کرنے میں وقت لگے گ

جاوید لطیف کا نام ای سی ایل میں ڈال دیا گیا

اس سے قبل 14 جنوری کو مسلم لیگ ن کے رہنما اور رکن قومی اسمبلی میاں جاوید لطیف کا نام ایگزٹ کنٹرول لسٹ (ای سی ایل) میں ڈال دیا گیا تھا۔

یاد رہے کہ گزشتہ ماہ 26 دسمبر کو لاہو ہائی کورٹ نے نیب کو حکم دیا تھا کہ جاوید لطیف کی گرفتاری سے قبل انہیں آگاہ کیا جائے۔

اسلام آباد: اسلام آباد ہائی کورٹ نے نیب کو سابق وزیر خزانہ اسحاق ڈار کے لاہور میں موجود گھر کی نیلامی سے روکتے ہوئے نوٹس جاری کر دیا۔

تفصیلات کے مطابق سابق وزیرخزانہ اسحاق ڈار کے گھر کی نیلامی آج ممکن نہ ہوسکی، اسحاق ڈار کی اہلیہ نے ضلعی انتظامیہ کو نیلامی کے خلاف حکم امتناع تھما دیا، ضلعی انتظامیہ کی ٹیم آدھے گھنٹے بعد واپس روانہ ہوگئی ۔

چیف جسٹس اسلام آباد ہائی کورٹ کی سربراہی میں دو رکنی بینچ نے اسحاق ڈار کی اہلیہ کی جانب سے احتساب عدالت کے فیصلے کے خلاف دائر درخواست پر سماعت کی۔

درخواست گزار کے وکیل کا کہنا تھا کہ لاہور کے علاقے گلبرگ میں موجود گھر 14 فروری 1989 کو اسحاق ڈار نے حق مہر کے عوض اپنی اہلیہ کو دیا تھا وکیل کا کہنا تھا کہ احتساب عدالت نے تبسم اسحاق کی جانب سے نیب کے اقدام کے خلاف دائر دخواست 7 نومبر 2019 کو خارج کر دی تھی۔

اسلام آباد ہائی کورٹ نے دلائل سننے کے بعد احتساب عدالت کے فیصلے پر حکم امتناع جاری کر دیا، عدالت نے 7 نومبر کے احتساب عدالت کے فیصلے کو معطل کرتے ہوئے نیب کو نیب کو نوٹس جاری کر کے 13 فروری کو جواب طلب کر لیا۔

اسلام آباد:اسلام آباد ہائی کورٹ نے پیپلزپارٹی کے رہنما شرجیل میمن کی ضمانت میں 11 فروری تک توسیع کرتے ہوئے کیس کی سماعت ملتوی کر دی۔

تفصیلات کے مطابق اسلام آباد ہائی کورٹ میں سندھ روشن پروگرام میں کرپشن پر نیب تحقیقات سے متعلق سماعت کے دوران چیف جسٹس اطہر من اللہ نے استفسار کیا کہ نیب نے انکوائری کب شروع کی؟ جس پر نیب افسر نے جواب دیا کہ 4 فروری 2019 سے انکوائری شروع کی۔

چیف جسٹس اسلام آباد ہائی کورٹ نے ریمارکس دیے کہ ابھی تک انکوائری کسی نتیجے تک کیوں نہیں پہنچی، انکوائری میں جو سامنے آیا عدالت کو بتایا جائے، نیب نےانکوائری کر دی اب تحقیقات جاری ہیں۔

چیف جسٹس نے استفسار کیا کہ کیا نیب شرجیل میمن کو ٹارچر دینا یا مارنا چاہتا ہے؟ جس پر نیب افسر نے جواب دیا نہیں صرف قانونی تقاضے پورے کرنے ہیں۔

چیف جسٹس اسلام آباد ہائی کورٹ نے شرجیل میمن کو گرفتار کر کے بنیادی حقوق سلب نہیں کیے جاسکتے، شرجیل میمن بھاگ نہیں رہا، نیب صرف نیب آرڈیننس کو مدنظر رکھتے ہوئے فیصلہ کرے۔

انہوں نے ریمارکس دیے کہ تفتیشی افسر آئندہ سماعت تک کیس تیار کر کے معاونت کریں، اگر کسی پر الزام ہے تو عدالت نے جرم کے حوالے سے فیصلہ کرنا ہے۔

بعدازاں اسلام آباد ہائی کورٹ نے پیپلزپارٹی کے رہنما شرجیل میمن کی ضمانت میں 11 فروری تک توسیع کرتے ہوئے کیس کی سماعت ملتوی کر دی۔