Tag: نیب

کراچی: وفاقی وزیر برائے آبی وسائل فیصل واوڈا نے احسن اقبال کو نواز شریف سے بڑا ڈاکو قرار دے کر تین دن لٹکانے کا مطالبہ کردیا۔

تفصیلات کے مطابق سابق وزیر داخلہ و رہنما مسلم لیگ (ن) احسن اقبال کی گرفتاری پر ردعمل دیتے ہوئے فیصل واوڈا نے کہا کہ احسن اقبال عرف ارسطو نواز شریف سے بھی بڑا ڈاکو ہے، احسن اقبال کو پہلے پکڑنا چاہئے تھا مگر بہت بعد میں پکڑا گیا۔

احسن اقبال عرف ارسطو عرف منافق نواز شریف سے بھی بڑا ڈاکو ہے۔ اس کو سب سے پہلے پکڑنا چاہئے تھا لیکن بہت بعد میں پکڑا گیا۔ اس کی فرنٹ کمپنی اور رشتہ داروں کی فہرست جلد سامنے لاونگا۔ ان کی لوٹ مار نے ملک کو تباہی کے دہانے پر لا کھڑا کیا۔ ایسے لوگوں کو کم از کم 3 دن لٹکانا چاہئے

— Faisal Vawda Senator (Indep) (@FaisalVawdaPAK) December 23, 2019

اپنی ٹوئٹ میں وفاقی وزیر نے لکھا کہ احسن اقبال کی فرنٹ کمپنی اوررشتہ داروں کی فہرست جلدسامنےلاوں گا، احسن اقبال کی لوٹ مار نے ملک کو تباہی کے دہانے پر لا کھڑا کیا ہے ایسے لوگوں کو کم از کم 3 دن لٹکاناچاہئے۔

یہ بھی پڑھیں: نیب نے احسن اقبال کو گرفتار کر لیا

واضح رہے کہ نیب راولپنڈی نے احسن اقبال کو نارووال اسپورٹس سٹی کرپشن کیس میں تحقیقات کے لیے گرفتار کیا ہے۔

نیب کی جانب سے جاری اعلامیہ میں کہا گیا ہے کہ سابق وزیر داخلہ احسن اقبال کو گرفتار کر لیا گیا، ان کی گرفتاری نارووال اسپورٹس کمپلیکس کی تحقیقات کے لیے عمل میں لائی گئی۔

اعلامیہ کے مطابق احسن اقبال کو جسمانی ریمانڈ کے لیے کل احتساب عدالت پیش کیا جائے گا۔

لندن: صدر مسلم لیگ (ن) شہباز شریف نے احسن اقبال کی گرفتاری کی مزمت کرتے ہوئے کہا ہے کہ سابق وزیر داخلہ کی بلاجواز گرفتاری نیب نیازی گٹھ جوڑکا ثبوت ہے۔

نیب کی جانب سے احسن اقبال کو گرفتار کیے جانے پر ردعمل دیتے ہوئے شہباز شریف نے کہا کہ پاک چین دوستی اور سی پیک کو مضبوط بنانے والے کی گرفتاری قابل مذمت ہے، گرفتاری کا مقصد حکومت کی نااہلی کو عوام کے سامنے بے نقاب ہونے سے روکنا ہے۔

انہوں نے کہا کہ عمران نیازی حکومت سیاسی انتقام میں اندھی ہو چکی مگر نوازشریف کا ہر کارکن نیب نیازی گٹھ جوڑ سے نہیں گھبرائےگا۔

یہ بھی پڑھیں: نیب نے احسن اقبال کو گرفتار کر لیا

قبل ازیں میڈیا سے گفتگو میں ان کا کہنا تھا کہ مریم نواز کو باہر جانےکی اجازت نہ دینا حکومت کی بدترین فسطائیت ہے، مریم نواز کے معاملےپر لاہور ہائیکورٹ سےانصاف ملنے کی توقع ہے۔

انہوں نے کہا کہ بھارت کے موجودہ حالات مودی کی ذہنیت کی عکاس ہیں یہ وہ مودی ہے جس سے عمران خان دوستی کی پینگیں بڑھاتےتھے۔

اسلام آباد: جعلی اکاؤنٹس کیس میں پیروری کرنے والے نیب راولپنڈی کےاسپیشل پراسکیوٹر پر فائرنگ کی گئی تاہم وہ اس حملے میں محفوظ رہے۔

پولیس کے مطابق واقعہ وفاقی دارالحکومت کے علاقے نیو سوہان گارڈن کے قریب پیش آیا جہاں نامعلوم مسلح افراد نے نیب راولپنڈی کےاسپیشل پراسکیوٹر واصف خان کی گاڑی کو نشانہ بنایا۔

پولیس کا کہنا ہے کہ واصف خان کی گاڑی پر 2 فائر لگے اور خوش قسمتی سے وہ اس جان لیوا حملے میں محفوظ رہے۔

پولیس نے واقعے کی تحقیقات شروع کردی ہیں، جائے وقوعہ سے شواہد اکٹھے کر لیے گئے ہیں اور بیانات قلمبند کیے جارہے ہیں۔ مقامی پولیس نے واقعے سے متعلق شہریوں سے تفصیلات حاصل کی ہیں اور واصف خان کا بیان ریکارڈ کیا جارہا ہے۔

دوسری جانب واقعے پر نیب نے ردعمل دیتے ہوئے حملے کو ملزمان کی جانب سے تاخیری حربہ قرار دیا ہے، نیب ذرائع کا کہنا ہے کہ ملزمان چاہتےتھےکہ پراسکیوٹرکیس میں تاخیری حربےاستعمال کریں۔