Tag: نیب

احتساب عدالت نے شہبازشریف کے داماد کواشتہاری قراردے دیا

لاہور: سابق وزیراعلیٰ پنجاب شہبازشریف کے داماد عمران علی کو احتساب عدالت نے اشتہاری قرار دے دیا۔

تفصیلات کے مطابق احتساب عدالت کے جج سید نجم الحسن نے مسلم لیگ ن کے صدر اور سابق وزیراعلیٰ پنجاب کے داماد علی عمران کو اشتہاری قرار دے دیا۔

نیب پراسیکیوٹر نے عدالت کو بتایا کہ عمران علی کوپنجاب پاورکمپنی اسکینڈل میں بارہا طلب کیا لیکن وہ نیب کے سامنے پیش نہیں ہوئے۔

وارث علی نے احتساب عدالت کو آگاہ کیا کہ عمران علی یوسف بیرون ملک فرار ہوچکا ہے۔ نیب پراسیکیوٹرنے بتایا کہ چیئرمین نیب نےعمران علی یوسف کے وارنٹ گرفتاری بھی جاری کیے۔

قومی احتساب بیورو (نیب) لاہورنے احتساب عدالت میں علی عمران کو اشہتاری قرار دینے کی درخواست دی تھی۔

خیال رہے کہ سابق وزیراعلیٰ پنجاب کے داماد عمران علی کو پہلے بھی متعدد بار طلب کیا گیا تاہم وہ ملک سے فرار ہوگئے۔

عمران علی پرملزم اکرام نوید سے 13 کروڑ سے زائد رقم غیرقانونی طور پروصول کرنے کا الزام ہے۔

قومی احتساب بیورو (نیب) نے عمران علی کو ملک میں واپس لانے کے لیے نیب وزارت داخلہ کو مراسلہ بھی لکھ چکا ہے۔

پنجاب کمپنیزاسکینڈل: نیب نے شہباز شریف کو پھر طلب کرلیا

واضح رہے کہ پنجاب کمپنیز اسکینڈل میں سابق وزیراعلیٰ پنجاب شہباز شریف کو رواں ماہ 20 اگست کو طلب کیا گیا ہے۔

اگست 7, 2018
ہیلی کاپٹرکیس: عمران خان نیب پشاورکےدفتر پہنچ گئے

پشاور: پاکستان تحریک انصاف کے سربراہ عمران خان ہیلی کاپٹرکیس میں قومی احتساب بیورو (نیب) کے پشاور آفس میں پیش ہوگئے۔

تفصیلات کے مطابق چیئرمین پی ٹی آئی عمران خان ہیلی کاپٹر کیس میں قومی احتساب بیورو کے پشاور آفس میں پیش ہوگئے۔

ذرائع کے مطابق عمران خان کو نیب کی جانب سے 15 سوالات پرمشتمل پرایک سوالنامہ دیا جائے گا۔

نیب خیبرپختونخواہ نے پاکستان تحریک انصاف کے سربراہ عمران خان کو سرکاری ہیلی کاپٹراستعمال کرنے کے کیس میں آج طلب کیا تھا۔

سرکاری ہیلی کاپٹرکے کیس میں سابق وزیراعلیٰ خیبرپختونخواہ پرویز خٹک سمیت دیگر افسران پہلے ہی اپنے بیانات ریکارڈ کروا چکے ہیں۔

خیال رہے کہ اس سے قبل گزشتہ ماہ نیب نے سربراہ تحریک انصاف عمران خان کو سرکاری ہیلی کاپٹر کے استعمال کے کیس میں طلب کیا تھا تاہم وہ پیش نہیں ہوئے تھے۔

عمران خان کے وکیل بابراعوان کی جانب سے نیب کو مراسلے کے ذریعے جواب بھجوایا گیا تھا جس میں کہا گیا تھا کہ عمران خان پارٹی کی انتخابی مہم کی قیادت کررہے ہیں اس لیے 18 جولائی کو وہ نیب میں پیش نہیں ہوسکتے۔

مراسلے میں کہا گیا تھا کہ انتخابات کے فوری بعد عمران خان نیب کے سامنے پیش ہوں گے انہوں نے نیب سے درخواست کی تھی کہ قومی احتساب بیورو مناسب سمجھے تو آئندہ سماعت کے لیے 7 اگست کی تاریخ مقررکرلے۔

عمران خان کے سرکاری ہیلی کاپٹراستعمال کرنے پرنیب کا نوٹس

واضح رہے کہ رواں سال 2 فروری کو چیئرمین پی ٹی آئی عمران خان کے سرکاری ہیلی کاپٹراستعمال کرنے پر نیب کے سربراہ نے نوٹس لیتے ہوئے ڈی جی نیب خیبرپختونخوا کوانکوائری کاحکم دیا تھا۔

اگست 7, 2018
نیب نے 2200 ملین روپے بدعنوان عناصرسے لے کرمتاثرین کو واپس کیے

لاہور: چیئرمین نیب جسٹس (ر) جاویداقبال نے نیب لاہور کے دفتر کا دورہ کیا، جہاں ڈی جی نیب کی جانب سے میگا کرپشن کیسزپر انھیں بریفنگ دی گئی.

تفصیلات کے مطابق چیئرمین نیب کو میگاکرپشن کیسز پر بریفنگ دی گئی، جس میں انھیں 56 کمپنیز کیس، ایزگارڈ نائن سمیت اہم کیسز سے آگاہ کیا گیا.

چیئرمین نیب کو بریفنگ دی گئی کہ 2200 ملین روپے بدعنوان عناصرسے لے کرمتاثرین کو واپس کئے ہیں، ساتھ ہی 300 بدعنوان عناصرکو گرفتار کیا گیا.

ساتھ ہی اورنج لائن اور 56 کمپنیوں میں مبینہ کرپشن کی تحقیقات میں پیش رفت پربریفنگ دی گئی.

نیب کا15 لاکھ یا اس سے زائد تنخواہ لینے والے سرکاری افسروں کے گرد گھیرا تنگ

اس موقع پر چیئرمین نیب نے کہا کہ مقدمات مقررہ مدت میں مکمل کئے جائیں،اس ضمن میں کسی قسم کی کوتاہی برداشت نہیں کی جائے گی.

چیئرمین نیب کی جانب سے نیب بیوروکی کارکردگی کو سراہا گیا.

یاد رہے کہ نیب نے لاکھوں روپے تنخواہ لینے والے سرکاری افسران کے گرد گھیراتنگ کردیا ہے اور سرکاری افسروں کے خلاف تحقیقات کے لئے ریجنل آفسز کو خط لکھا ہے۔

اگست 6, 2018
نیب کا15 لاکھ یا اس سے زائد تنخواہ لینے والے سرکاری افسروں کے گرد گھیرا تنگ

اسلام آباد : نیب نے لاکھوں روپے تنخواہ لینے والے سرکاری افسران کے گرد گھیراتنگ کردیا اور سرکاری افسروں کے خلاف تحقیقات کے لئے ریجنل آفسز کو خط لکھ دیا ہے۔

تفصیلات کے مطابق ڈی جی پی ایس او کی 37 لاکھ روپے ماہانہ تنخواہ کے انکشاف کے بعد نیب نے پندرہ لاکھ یا اس سے زائد تنخواہ لینے والے سرکاری افسروں کے خلاف تحقیقات کا آغاز کردیا۔

نیب ہیڈکواٹرز نے تمام ریجنل آفسز کو خط لکھ دیا، جس میں پوچھا گیا ہے کہ لاکھوں روپے تنخواہ لینے والے سرکاری افسران کی تعیناتی کیسے ہوئیں؟ تحقیقات ہوں گی۔

نیب نے ڈی جی پی ایس او سمیت دیگر افسران کی تنخواہوں اور تعیناتی کا ریکارڈ بھی طلب کرلیا۔

نیب ذرائع کے مطابق تفصیلات تمام متعلقہ اداروں کے ساتھ اے جی پی آر اور اسٹبلشمنٹ سے بھی مانگی ہیں۔

یاد رہے چند روز قبل قومی احتساب بیورو کے چیئرمین جسٹس (ر) جاوید اقبال کا کہنا تھا کہ بڑی مچھلیوں پر قانون کے مطابق ہی ہاتھ ڈالا جائے گا، کسی کے ساتھ امتیاز نہیں برتا جائے گا۔

نیب چیئرمین کا کہنا تھا کہ نیب کی تحقیقات سائنسی ہوتی ہیں، وہ ملزم سے سائنسی بنیادوں پر تحقیقات کرتا ہے اور کرپشن کے ثبوت حاصل کرتا ہے۔

اگست 6, 2018
آشیانہ اقبال اسکینڈل کیس: احد چیمہ کےجوڈیشل ریمانڈ میں 14روزکی توسیع

لاہور: احتساب عدالت نے آشیانہ اقبال اسکینڈل میں ملوث احمد چیمہ کے جوڈیشل ریمانڈ میں 14 روز کی توسیع کردی۔

تفصیلات کے مطابق سابق ڈی جی ایل ڈی اے احمد چیمہ سمیت دیگر ملزمان کے خلاف آشیانہ اقبال اسکینڈل کیس کی سماعت احتساب عدالت میں ہوئی۔

احتساب عدالت میں ملزم احد چیمہ سمیت دیگرملزمان کو ریفرنس کی نقول فراہم کی گئیں۔

عدالت نے سابق ڈی جی ایل ڈی اے احمد چیمہ اور شاہد شفیق سمیت ملزمان کو 20 اگست کوپیش کرنے کا حکم دیتے ہوئے آئندہ سماعت پرگواہان کوشہادتوں کے لیے طلب کرلیا۔

احد چیمہ کیس میں اہم پیش رفت، ایک کروڑ 45 لاکھ کی رقم برآمد

خیال رہے کہ 13 جولائی کو احتساب عدالت نے آشیانہ اقبال اسکینڈل میں ملوث احد چیمہ سمیت دیگر ملزمان کے جوڈیشل ریمانڈ میں 14 روز کی توسیع کی تھی۔

آشیانہ اقبال اسکینڈل کے حوالے سے احد چیمہ سمیت دیگرملزمان پرالزام ہے کہ انہوں نے کروڑوں روپے کی کرپشن کرکے ملکی خزانے کونقصان پہنچایا ہے۔

آشیانہ ہاؤسنگ اسکیم میں بدعنوانی : سابق ڈی جی ایل ڈی اے گرفتار

واضح رہے کہ رواں سال 21 فروری کو قومی احتساب بیورو نے سابق ڈی جی ایل ڈی اے احد چیمہ کو آشیانہ اقبال ہاؤسنگ سوسائٹی کی 32 کنال اراضی غیرقانونی طورپرالاٹ کرنے اور اختیارات کے ناجائز استعمال کے الزام میں گرفتار کیا تھا۔

اگست 6, 2018
علیم خان نے تمام سوالوں کے جواب نیب میں جمع کرا دیے

لاہور: تحریکِ انصاف کے سینئر رہنما علیم خان نے قومی احتساب بیورو کی طرف سے انھیں جاری کیے گئے سوال نامے کے جواب نیب لاہور میں جمع کرا دیے۔

تفصیلات کے مطابق نیب کی طرف سے گزشتہ دنوں پی ٹی آئی رہنما کو سوال نامہ دیا گیا تھا، نیب ذرائع کا کہنا ہے کہ جمع کرائے گئے جوابات کا جائزہ لیا جائے گا۔

ذرائع کے مطابق نیب پی ٹی آئی لیڈر کے جوابات کا جائزہ لے رہی ہے، اگر علیم خان کے جوابات سے مطمئن نہیں ہوئی تو آئندہ کے لائحہ عمل کا فیصلہ کیا جائے گا۔

واضح رہے کہ قومی احتساب بیورو تحریک انصاف کے رہنما علیم خان سے آف شور کمپنیوں سے متعلق تحقیقات کر رہی ہے، اس سلسلے میں انھیں تین بار طلب بھی کیا جا چکا ہے۔

نیب کوشواہد فراہم کر چکا ہوں، ایسی کوئی جائیداد نہیں، جو ڈکلیئر نہ کی ہو: علیم خان

علیم خان دو دن قبل کہہ چکے ہیں کہ وہ نیب میں تین بار پیش ہوئے ہیں اور تمام ثبوت بھی فراہم کر دیے ہیں، ان کا کہنا تھا کہ ان کا کیس سپریم کورٹ میں ہے اور فیصلہ بھی سپریم کورٹ نے کرنا ہے، بیرون ملک اثاثوں اور چاروں فلیٹس کے دستاویزات نیب کو دیے جاچکے ہیں۔

آف شورکمپنیوں کی تحقیقات : قومی احتساب بیورو نے علیم خان کو طلب کرلیا

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اگست 5, 2018
نیب نے اسحاق ڈاراور انوشہ رحمان کے خلاف انکوائری کی منظوری دے دی

اسلام آباد: چیئرمین نیب جسٹس (ر) جاوید اقبال کا کہنا ہے کہ بدعنوانی کینسر ہے، جسے جڑ سےاکھاڑ پھینکنا ضروری ہے۔

چیئرمین نیب کے مطابق ادارہ یکساں احتساب کی پالیسی پر سختی سےعمل پیرا ہے، بلا تفریق احتساب کررہے ہیں۔

ان کا کہنا تھا کہ فرائض کی انجام دہی میں کوئی کوتاہی برداشت نہیں کی جائے گی۔ کرپشن فری پاکستان کے لئے بھرپور کاوشیں جاری ہیں۔

قبل ازیں چیئرمین نیب جاوید اقبال کی زیرصدارت ایگزیکٹو بورڈ کا اجلاس ہوا، جس میں بیرون ملک غیرقانونی طریقے سے رقوم منتقل کرنے کی انکوائری کی منظوری دی گئی.

اس اہم اجلاس میں‌اسحاق ڈار، انوشہ رحمان، سابق سیکریٹری اسماعیل شاہ کے خلاف انکوائری کی منظوری دی گئی۔ ملزمان پرفور جی ٹیکنالوجی کا ٹھیکا غیر قانونی طو رپر دینےکاالزام ہے۔

اجلاس میں 1.1 کھرب اثاثوں کےالزام پرپاکستانی سرمایہ کاروں کے خلاف انکوائری کی بھی منظوری دی گئی، ساتھ ہی قواعد وضوابط کے برعکس 480 ارب کی ادائیگی پرحکومتی عہدے داروں کے خلاف تحقیقات کا فیصلہ کیا گیا۔

نیب نے میسرز ایز گارڈ نائن لمیٹڈ ایگری ٹیک کے خلاف انکوائری کی بھی منظوری دی۔ انکوائری کی منظوری مبینہ بدعنوانی کی شکایت پر دی گئی۔

چیئرمین نیب کے زیر صدارت ہونے والے اجلاس میں‌ ایم ڈی پنجاب پروونشل کوآپریٹوبینک لیاقت درانی و دیگر کے خلاف انکوائری کی منظوری دی گئی، ملزمان پر مبینہ طور پر100 ملین کی غیرقانونی سرمایہ کاری کا الزام ہے.

نیب افسران 2اور اہلکار ایک دن کی تنخواہ ڈیمز فنڈ میں عطیہ دیں گے

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کری

اگست 3, 2018
نیب کوشواہد فراہم کر چکا ہوں، ایسی کوئی جائیداد نہیں، جو ڈکلیئر نہ کی ہو: علیم خان

اسلام آباد: پی ٹی آئی کے سینئر رہنما علیم خان نے کہا ہے کہ نیب میں تین بار پیش ہوچکا ہوں، تمام ثبوت فراہم کیے.

ان خیالات کا اظہار انھوں نے بنی گالا کے باہر پریس کانفرنس کرتے ہوئے کیا. ان کا کہنا تھا کہ میرا کیس سپریم کورٹ میں ہے، انھیں ہی فیصلہ کرنا ہے.

ان کا کہنا تھا کہ عمران خان کے ساتھ مل کرتبدیلی کی جنگ لڑرہا تھا، میں بیرون ملک اثاثوں کی منی ٹریل دی، اپنے چاروں فلیٹس کے دستاویزات دیے.

عمران خان کا کہنا تھا کہ خیبرپختونخواہ حکومت سے کوئی مفاد نہیں لیا، سپریم کورٹ جو بھی فیصلہ کرے گا، قبول کروں گا، دنیا میں میری ایک جائیداد بتا دیں، جومیں نے ڈکلیئرنہیں کی.

علیم خان کا کہنا تھا کہ میرے پاس 11 سال سے کوئی سرکاری عہدہ نہیں تھا، جب میں حکومت میں ہی نہیں تو کرپشن کیسے کر سکتا ہوں.

انھوں نے کہا کہ نیب میں تین بار پیش ہو چکا ہوں، تمام ثبوت فراہم کیے، نیب جب بھی بلائے گا، ضرور پیش ہوں گا.

انھوں نے مخالفین پر تنقید کرتے ہوئے کہا کہ میاں صاحبان کو خواب میں بھی میرا چہرہ نظرآتا تھا، تین دن پہلے نیب کے نوٹس کی ٹائمنگ بہت اہمیت کی حامل ہے. اپنے آپ کو احتساب کے لئے سب سے پہلے پیش کیا ہے.

علیم خان نے کہا کہ کسی خاص شخصیت کو ٹارگٹ کرکے احتساب نہ کیا جائے، پاناما لیکس کمپنیوں میں میرا نام نہیں ہے، پاناما میں نام نہ ہونے کے باوجود انکوائری کیوں ہو رہی ہے، یہ نہیں جانتا.

آف شورکمپنیوں کی تحقیقات : قومی احتساب بیورو نے علیم خان کو طلب کرلیا

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اگست 2, 2018
آمدن سےزائد اثاثوں کا الزام : امیرمقام نیب کے سامنے پیش

پشاور: مسلم لیگ ن کے صوبائی صدر امیر مقام آمدن سے زائد اثاثے بنانے کے الزام میں آج نیب خیبرپختونخوا کے سامنے پیش ہوئے۔

تفصیلات کے مطابق مسلم لیگ ن کے صوبائی صدرامیرمقام آمدن سے زائد اثاثے بنانے کے الزام میں آج پشاور میں نیب کے دفتر پہنچے جہاں ان سے پوچھ گچھ کی گئی۔

مسلم لیگ ن کے رہنما نے نیب حکام کو بتایا کہ وہ انتخابات کے باعث مصروف تھے جس کی وجہ سے پیش نہیں ہوسکے۔

امیر مقام نے نیب میں پیشی کے بعد میڈیا سے گفتگو کرتے ہوئے کہا کہ نیب نے ایک فارم دیا ہے جس میں اثاثوں کی تفصیل بتانی ہے۔

انہوں نے کہا کہ نیب کو مذکورہ کیس میں مکمل تعاون کی یقین دہانی کرائی ہے اور پوری تفصیل دی جائے گی کہ ہمارا تعمیرات کا کاروبار ہے اور اس پیشے سے 1989 سے وابستہ ہیں۔

مسلم لیگ ن کے رہنما نے اپنے اثاثوں سے متعلق بات کرتے ہوئے کہا کہ میرے اثاثوں کی مالیت اربوں روپے ہے جو کسی سے ڈھکی چھپی نہیں ہے۔

امیرمقام نے کہا آمدن سے زائد اثاثوں سے متعلق نیب کی تحقیقات جاری ہے اور انہیں امید ہے کہ وہ اس کیس میں بری ہوجائیں گے۔

آمدنی سے زائد اثاثے: نیب کا امیرمقام و دیگرکے خلاف کارروائی کا فیصلہ

واضح رہے کہ رواں سال اپریل میں نیب نے خیبرپختونخواہ میں مسلم لیگ ن کے صدر امیرمقام کے خلاف آمدن سے زائد اثاثے بنانے سے متعلق تحقیقات کرنے کا فیصلہ کیا تھا

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

اگست 2, 2018
پاورڈولپمنٹ کمپنی کیس: نیب نے شہبازشریف کو ایک بار پھر طلب کرلیا

لاہور : نیب نے مسلم لیگ (ن) کے صدر شہبازشریف کو ایک بار پھر طلب کرلیا، قومی احتساب بیورو نے پنجاب پاور ڈولپمنٹ کمپنی کیس میں سابق وزیر اعلیٰ پنجاب کو 20اگست کو بلا لیا ہے۔

تفصیلات کے مطابق مسلم لیگ (ن) کے صدرشہبازشریف کو نیب لاہور نے پاور ڈولپمنٹ کمپنی کیس میں تحقیقات کیلیے 20 اگست کوطلب کرلیا ہے جب کہ آشیانہ اقبال ہاؤسنگ کیس میں بھی شہبازشریف کو20 اگست کوطلب کررکھا ہے۔

نیب لاہورنے شہبازشریف کی طلبی کا نوٹس ان کی رہائش گاہ پربھجوادیا ہے۔ اس کے علاوہ نیب پشاور نے امیر مقام کو آج طلب کرلیا ہے۔ لیگی رہنما پر آمدن سے زائد اثاثے بنانےکا الزام ہے۔

علاوہ ازیں چیئرمین نیب نے سابق وزیراعظم یوسف رضا گیلانی کیخلاف ریفرنس دائر کرنے کی منظوری دے دی۔ سابق وزیر بلدیات سندھ اویس مظفر کیخلاف بھی انکوائری ہوگی۔واضح رہے کہ نیب نے گزشتہ ماہ جولائی میں

مزید پڑھیں: پنجاب پاور کمپنی اسکینڈل، شہبازشریف نے نیب میں طلبی کا نوٹس ہوا میں اڑا دیا

شہبازشریف کو پنجاب پاور کمپنی اسکینڈل سے متعلق پوچھ گچھ کیلئے طلب کیا تھا، جس کے احکامات سابق وزیر اعلیٰ پنجاب نے ہوا میں اڑا دیئے تھے، سابق وزیر اعلیٰ پر بے ضابطگیوں اور میرٹ کے بغیر بھرتیوں کا الزام ہے۔

اس سے قبل پنجاب کمپنیز اسکینڈل میں چار جولائی کو بھی شہبازشریف نیب لاہور آفس میں پیشی بھگت چکے ہیں، دو گھنٹے کے سوال جواب کے باوجود نیب کو مطمئن نہیں کر سکے تھے۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اگست 2, 2018