اسلام آباد: قومی احتساب بیورو (نیب) کے چیئرمین جاوید اقبال نے کہا ہے کہ نیب چہرہ نہیں بلکہ کیس دیکھتا ہے۔
تفصیلات کے مطابق نیب کے چیئرمین نے صحافیوں سے گفتگو کرتے ہوئے کہا کہ نیب کی وابستگی صرف پاکستان اور اس کے مفادات کا تحفظ ہے۔
جاوید اقبال نے پٹ فیڈر کینال کیس کے سلسلے میں بات چیت کرتے ہوئے کہا کہ اس کے ذمہ داران کا تعین کر کے قوم کی رقم برآمد کریں گے۔
ان کا کہنا تھا کہ بلوچستان کی ترقی کے معیشت پر اچھے اثرات مرتب ہوں گے، ہم کرپشن کے خاتمے کے لیے قانون کے مطابق فرائض سر انجام دے رہے ہیں۔
خیال رہے کہ اس وقت کوئٹہ کی 80 فی صد آبادی پانی کی قلت کا شکار ہے اور مکمل طور پر ٹینکر مافیا کے رحم وکرم پر ہے جب کہ انتظامیہ اس معاملے پہ مکمل طور پر خاموش تماشائی بنی ہوئی ہے۔
پانی کا بحران شدید: تربیلا ڈیم میں پانی کی سطح ڈیڈ لیول پر برقرار
دو ماہ قبل سابق وزیراعلیٰ بلوچستان نواب ثناءاللہ زہری نے سپریم کورٹ کو بتایا تھا کہ کوئٹہ میں پانی کا مسئلہ حل کرنے کے لیے ’پٹ فیڈر کینال‘ سے فراہمی آب کے منصوبے پر کام شروع کیا گیا ہے جس کا مقصد شہر کو 54 بلین گیلن پانی یومیہ فراہم کرنا تھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
