ARYNews.tv | Urdu – Har Lamha Bakhabar

Tag: نیب

  • اسحاق ڈار کے خلاف آمدن سےزائد اثاثہ جات ریفرنس کی سماعت کل تک ملتوی

    اسحاق ڈار کے خلاف آمدن سےزائد اثاثہ جات ریفرنس کی سماعت کل تک ملتوی

    اسلام آباد : احتساب عدالت نے سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس کی سماعت کل تک ملتوی کردی۔

    تفصیلات کے مطابق وفاقی دارالحکومت اسلام آباد میں احتساب عدالت کے جج محمد بشیر نے سابق وزیرخزانہ اسحاق ڈار کے خلاف آمدن سے زائد اثاثوں سے متعلق ریفرنس پرسماعت کی۔

    ملزم سعید احمد خان کے وکیل نے سماعت کے آغاز پر کہا کہ احتساب عدالت کے فیصلے کے خلاف درخواست دائر کی تھی، فیصلہ نہیں ہوا، ویب سائٹ پر کیس نمٹانے کا لکھا ہے۔

    نیب پراسیکیوٹر نے کہا کہ ہماری اطلاع کے مطابق حکم امتناع نہیں ملا، عدالت درخواست خارج کرچکی ہے جبکہ ہائی کورٹ نے آج کی کاروائی روکنے کا حکم نہیں دیا۔

    احتساب عدالت کے جج محمد بشیر نے کہا کہ ہائی کورٹ کے فیصلے کی نقول آج ہی پیش کریں، آج 11 بجے تک فیصلے کی کاپی جمع کرائیں، فیصلہ نہ ملنے کی صورت میں گیارہ بجے آگاہ کر دیں۔

    بعدازاں احتساب عدالت نے سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس کی سماعت کل تک ملتوی کردی۔

    اسحاق ڈارکی درخواست خارج، احتساب عدالت کا حکم برقرار

    خیال رہے کہ گزشتہ روز آمدن سے زائد اثاثے بنانے کے ریفرنس میں عدالت نے اسحاق ڈار کی درخواست ناقابل سماعت قرار دے کر خارج کردی تھی، اسلام آباد ہائی کورٹ نے احتساب عدالت کا حکم برقراررکھا تھا۔

    صدرنیشنل بینک کی ضمنی ریفرنس خارج کرنے کی درخواست مسترد

    یاد رہے کہ 20 مارچ کو سابق وزیرخزانہ اسحاق ڈار کے خلاف اثاثہ جات ریفرنس میں ملزم سعید احمد کی ضمنی ریفرنس خارج کرنے کی درخواست عدالت نے مسترد کردی تھی۔

    واضح رہے کہ گزشتہ ماہ 26 فروری کو نیب نے اسحاق ڈار کے خلاف آمدن سے زائد اثاثے بنانے کا ضمنی ریفرنس دائر کیا تھا جس میں نیشنل بینک کے سابق صدر سعید احمد خان سمیت 3 ملزمان کو نامزد کیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • صدرنیشنل بینک کی ضمنی ریفرنس خارج کرنے کی درخواست مسترد

    صدرنیشنل بینک کی ضمنی ریفرنس خارج کرنے کی درخواست مسترد

    اسلام آباد : سابق وزیرخزانہ اسحاق ڈار کے خلاف اثاثہ جات ریفرنس میں ملزم سعید احمد کی ضمنی ریفرنس خارج کرنے کی درخواست عدالت نے مسترد کردی۔

    تفصیلات کے مطابق احتساب عدالت میں سابق وزیرخزانہ اسحاق ڈار کے خلاف اثاثہ جات ریفرنس کی سماعت کے دوران صدر نیشنل بینک سعید احمد کی جانب سے ضمنی ریفرنس خارج کرنے کی درخواست پیش کی گئی۔

    احتساب عدالت کے جج محمد بشیر نے درخواست مسترد کرتے ہوئے کہا کہ درخواست خارج کرنے کا تفصیلی فیصلہ بعد میں جاری کیا جائے گا۔

    ملزم سعید احمد کے وکیل کا کہنا ہے کہ تحریری فیصلہ ملنے کے بعد ہائی کورٹ میں اپیل دائر کریں گے، بعدازاں عدالت نے ریفرنس کی سماعت 27 مارچ تک ملتوی کردی۔

    خیال رہے کہ عدالت نے 5 مارچ کو سماعت کے دوران ضمنی ریفرنس میں نامزد ملزمان سعید احمد، نعیم محمود اور منصور رضوی پرفرد جرم عائد کرنے کے لیے 12 مارچ کی تاریخ مقرر کی تھی۔

    ریفرنس میں نامزد ملزمان نے فرد جرم عائد نہ کرنے کی جبکہ سعید احمد نے ریفرنس خارج کرنے کی درخواست کرتے ہوئے موقف اختیار کیا تھا کہ ان کے خلاف کیس بنتا ہی نہیں ہے۔

    اسحاق ڈار کےخلاف ضمنی ریفرنس سماعت کے لیے منظور

    یاد رہے کہ نیب کی جانب سے 26 فروری کو دائر کیے گئے اثاثہ جات ضمنی ریفرنس میں سعید احمد سمیت 3 افراد کو بطور ملزم نامزد کیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لوگ کہتے ہیں کرپشن دیمک ہے‘ لیکن مسئلہ اب آگے نکل گیا ہے‘ چیئرمین نیب

    لوگ کہتے ہیں کرپشن دیمک ہے‘ لیکن مسئلہ اب آگے نکل گیا ہے‘ چیئرمین نیب

    لاہور: چیئرمین نیب جسٹس ریٹائرڈ جاوید اقبال کا کہنا ہے کہ ہمارے ملک میں کرپشن کی دیمک کینسر بن گئی ہے، ملک سے کرپشن کے خاتمے کے لیے کام کررہے ہیں۔

    تفصیلات کے مطابق چیئرمین نیب جسٹس ریٹائرڈ جاوید اقبال نے لاہور میں تقریب سے خطاب کرتے ہوئے کہا کہ معاشرے سے برائیوں کا خاتمہ صرف نیب کی ذمے داری نہیں، ہم سب کو مل کر برائیوں کے خاتمے کے لیے کام کرنا چاہیے۔

    چیئرمین نیب نے کہا کہ کرپشن نے اس ملک کی بنیاد کوکمزورکرنا شروع کردیا ہے، لوگ کہتے ہیں کرپشن دیمک ہے لیکن مسئلہ اب آگے نکل گیا ہے۔

    انہوں نے تقریب سے خطاب کے دوران کہا کہ پروردگار کی امانت میں خیانت نہیں ہونی چاہیے، انصاف دینا صرف جج کا کام نہیں یا میرا کام نہیں ہے، آپ سب لوگ محنت پاکستان اور ملکی مستقبل کے لیے کررہے ہیں۔

    جسٹس ریٹائرڈ جاوید اقبال نے کہا کہ ہمارے ملک میں کرپشن کی دیمک کینسر بن گئی ہے، ملک سے کرپشن کے خاتمے کے لیے کام کررہے ہیں۔

    کسی کیس کو درگزر نہیں کریں گے‘ چیئرمین نیب

    خیال رہے کہ گزشتہ ماہ 8 فروری کو چیئرمین نیب جسٹس ریٹائرڈ جاوید اقبال کا کہنا تھا کہ ہم سب قانون کے پابند ہیں، میرٹ پر کوئی بھی کیس درگزر نہیں کروں گا۔ نیب کا کسی سیاسی جماعت سے کوئی تعلق نہیں ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بدعنوانی کے الزامات میں گرفتار احد چیمہ کو پنجاب حکومت نے معطل کر دیا

    بدعنوانی کے الزامات میں گرفتار احد چیمہ کو پنجاب حکومت نے معطل کر دیا

    لاہو : پنجاب حکومت نے آشیانہ اقبال ہاؤسنگ اسکیم کرپشن کیس میں گرفتاراحد چیمہ کو معطل کر کے انکوائری شروع کر دی۔

    تفصیلات کے مطابق کرپشن کے الزامات میں گرفتار احد چیمہ کی مشکلات میں‌ مزید اضافہ ہوگیا، ab پنجاب حکومت نے بھی احد چیمہ کو معطل کرکے دیا ہے.

    چیف سیکریٹری پنجاب نے چند روز قبل احد چیمہ کی معطلی کی سفارش کی تھی، جس کے بعد پنجاب حکومت نے احد چیمہ کو عہدے معطل کرکے  محکمانہ انکوائری کا آغاز کر دیا.

    یاد رہے کہ احد چیمہ قائد اعظم تھرمل پاور پراجیکٹ کمپنی پنجاب کے چیف ایگزیکٹو تھے، انھیں قوانین کے خلاف جاتے ہوئے 20 ویں گریڈ میں ترقی دی گئی تھی.

    یاد رہے کہ 21 جنوری کو قومی احتساب بیورو نے سابق ڈی جی ایل ڈی اے احد چیمہ کو بدعنوانی کے الزام میں گرفتار کیا تھا، قومی احتساب بیورو کا موقف تھا کہ احد چیمہ کو قانون کے مطابق گرفتار کیا گیا، ان کے خلاف نیب کے پاس ٹھوس شواہد موجود ہیں۔

    نیب کا احد خان چیمہ کی اہلیہ کے خلاف بھی انکوائری کا آغاز

    احد چیمہ پنجاب حکومت کے طاقتور افسر شمار کیے جاتے ہیں، وہ اس وقت ڈی جی ایل ڈی اے تھے، جب آشیانہ اقبال ہاؤسنگ اسکیم میں پڑے پییمانے پر اربوں روپے کی مبینہ کرپشن کی گئی۔

    احد چیمہ کی گرفتاری کے بعد ایک جانب پنجاب بیورو کریسی احتجاج کیا، تو دوسری جانب چھاپوں کا سلسلہ بھی جاری رہا۔ نیب اہل کاروں نے احد چیمہ کے قریبی عزیز شاہد شفیق کو گرفتار کیا، گرفتار ملزم شاہد شفیق پیرا گون سوسائٹی کے چیف ایگزیکٹو کا قریبی ساتھی ہے، جسے نیب نے احد چیمہ کے انکشاف پر گرفتار کیا گیا۔

    واضح رہے کہ نیب حراست میں موجود احد چیمہ کی اہلیہ صائمہ احد بھی نیب کے شکنجے میں آ گئی ہیں، صائمہ احد سے بھی اثاثوں کی تفصیلات طلب کر لی گئی ہیں۔

    احد چیمہ کے بیان پر پنجاب لینڈ ڈویلپمنٹ کے چارافسران گرفتار

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کرپشن کے الزامات، نیب نے امریکا کے لیے نامزد سفیر علی جہانگیرصدیقی کو طلب کرلیا

    کرپشن کے الزامات، نیب نے امریکا کے لیے نامزد سفیر علی جہانگیرصدیقی کو طلب کرلیا

    لاہور : نیب نے امریکا میں نامزد پاکستانی سفیر علی جہانگیر صدیقی کو کرپشن کے الزامات پر پوچھ گچھ کے لیے بائیس مارچ کو طلب کر لیا ہے، نیب ذرائع کے مطابق علی جہانگیر صدیقی کو کرپشن کے الزامات پر پوچھ گچھ کے لیے بلایا گیا ہے۔

    تفصیلات کے مطابق قومی احتساب بیورو لاہور نے پاکستان کی جانب سے امریکہ کے لئے نامزد سفیرعلی جہانگیر صدیقی کو 22مارچ طلب کرلیا ہے، نیب ذرائع کا کہنا ہے کہ علی جہانگیرصدیقی کو کرپشن کے الزامات پر پوچھ گچھ کے لیے بلایا گیا ہے۔

    نیب نےعلی جہانگیرصدیقی کواسٹاک ایکسچینج میں لسٹڈ کمپنیوں ایز گارڈ نائن اور ایگری ٹیک کے ڈائریکٹر کی حیثیت میں ریکارڈ سمیت طلب کیا ہے۔

    نیب ذرائع کے مطابق علی جہانگیر صدیقی پر الزام ہے کہ انہوں نے اپنی کمپنیوں کے حصص کی خرید و فروخت میں بے ضابطگی کی، ایزگارڈ نائن میں منی لانڈرنگ اور انسائڈر ٹریڈنگ کا الزام ہے جبکہ ایگری ٹیک شیئرز میں بھی انسائڈرٹریڈنگ کی انکوائری ہو رہی ہے۔

    نیب نے پاکستان اسٹاک ایکسچینج کوخط لکھ کرانکوائری سے آگاہ کردیا ہے۔

    واضح رہے چندروز قبل حکومت پاکستان نے پاکستان میں امریکہ کے سفیر اعزاز چوہدری کی مدت ملازمت ختم ہونے کے بعد علی جہانگیرصدیقی کوسفیر نامزد کیا تھا۔

    سابق سفیروں نے علی جہانگیر صدیقی کی بطور سفیرِ امریکہ نامزدگی کی مخالفت کی تھی  جبکہ سیاسی جماعتوں کے رہنماؤں کی جانب سے بھی کڑی تنقید کی گئی۔

    خیال رہے کہلی جہانگیر صدیقی ملک کے معروف کاروباری گروپ جے ایس گروپ کے مالک جہانگیر صدیقی کے صاحبزادے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نیب کا احد خان چیمہ کی اہلیہ کے خلاف بھی انکوائری کا آغاز

    نیب کا احد خان چیمہ کی اہلیہ کے خلاف بھی انکوائری کا آغاز

    لاہور : نیب حراست میں موجود سابق ڈی جی ایل ڈی اے احد خان چیمہ کی اہلیہ صائمہ احد بھی نیب کے شکنجے میں آ گئیں اور صائمہ احد سے اثاثوں کی تفصیلات طلب کر لی گئیں۔

    تفصیلات کے مطابق نیب لاہور نے سابق ڈی جی ایل ڈی اے احد خان چیمہ کی اہلیہ کے خلاف بھی انکوائری کا آغاز کر دیا اور اثاثوں کی تفصیلات طلب کر لی گئیں ہیں، احد خان چیمہ کی اہلیہ سرکاری آفیسر ہیں۔

    سابق ڈی جی ایل ڈی اے احد خان چیمہ کی اہلیہ کو اپنی صفائی پیش کرنے کے لئے طلب کیا گیا ہے۔

    نیب ذرائع کے مطابق احد چیمہ سے تفتیش کے دوران ایسے شواہد ملے ہیں، جس میں ان کی اہلیہ کے نام بہت سے اثاثے ہیں، جس کی تحقیق کے لئے صائمہ احد کو طلب کیا گیا ہے۔

    احد چیمہ کی اہلیہ صائمہ احد چیمہ ڈی ایم جی گروپ سے تعلق رکھتی ہیں ، صائمہ چیمہ کچھ ہفتے قبل ڈی سی اوکاڑہ تھیں، انہیں وہاں سے ہٹاکر محکمہ صحت پنجاب میں تعینات کیا گیا تھا۔

    مزید پڑھیں : آشیانہ ہاؤسنگ اسکیم میں بدعنوانی : سابق ڈی جی ایل ڈی اے گرفتار

    یاد رہے کہ گزشتہ ماہ 21 جنوری کو قومی احتساب بیورو نے سابق ڈی جی ایل ڈی اے احد چیمہ کو بدعنوانی کے الزام میں گرفتار کیا تھا، قومی احتساب بیورو کے ترجمان نے کہنا تھا  کہ احد چیمہ کو قانون کے مطابق گرفتار کیا گیا، ان کے خلاف نیب کے پاس ٹھوس شواہد موجود ہیں۔

    احد چیمہ پنجاب حکومت کے طاقتور افسر شمار کیے جاتے ہیں، یہ اس وقت ڈی جی ایل ڈی اے تھے جب آشیانہ اقبال ہاؤسنگ اسکیم میں پڑے پییمانے پر اربوں روپے کی کرپشن کی گئی، جس کی نیب تحقیقات کر رہا ہے۔

    احد چیمہ کی گرفتاری کے بعد ایک جانب پنجاب بیورو کریسی احتجاج کیا تو دوسری جانب چھاپوں کا سلسلہ بھی جاری ہے، نیب اہلکاروں نے احد کے قریبی عزیز شاہد شفیق کو گرفتار کر لیا تھا، گرفتار ملزم شاہد شفیق پیرا گون سوسائٹی کے چیف ایگزیکٹو کا قریبی ساتھی ہے، جسے نیب نے احد چیمہ کے انکشاف پر گرفتار کیا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • احد چیمہ اورشاہد شفیق 15 روزہ جسمانی ریمانڈ پرنیب کےحوالے

    احد چیمہ اورشاہد شفیق 15 روزہ جسمانی ریمانڈ پرنیب کےحوالے

    لاہور: احتساب عدالت نے آشیانہ ہاؤسنگ اسکیم اسکینڈل میں گرفتار ملزم سابق ڈی جی ایل ڈی اے احد چیمہ اور شاہد شفیق کو15 روزہ جسمانی ریمانڈ پرنیب کےحوالے کردیا۔

    تفصیلات کے مطابق لاہورکی احتساب عدالت میں آشیانہ اقبال ہاوسنگ اسکیم ریفرنس پرسماعت ہوئی جہاں آشیانہ ہاؤسنگ اسکیم اسکینڈل میں گرفتار ملزم سابق ڈی جی ایل ڈی اے احد چیمہ اور شاہد شفیق کو پیش کیا گیا۔

    عدالت میں نیب کے وکیل نے دلائل دیتے ہوئے کہا کہ احد چیمہ اورخاندان نے 32 کنال اراضی اپنے نام منتقل کرائی، کروڑوں کی زمین کے عوض احد چیمہ نے 25 لاکھ ادا کیے، باقی رقم پیراگون سٹی کے اکاؤنٹ سے ٹرانسفر کی گئی۔

    نیب کے وکیل نے کہا کہ ساڑھے 19 کنال مزید زمین بہن اورکزن کے نام منتقل ہوئی، 3 بار نوٹس دیے، احد چیمہ کی بہن اوردیگر افراد شامل تفتیش نہیں ہورہے، آشیانہ اقبال پیراگون سٹی سےملحق سوسائٹی ہے۔

    قومی احتساب بیورو کے وکیل نے کہا کہ تفتیش جاری ہے کہیں پیراگون سٹی نے بھی فائلیں فروخت نہ کی ہوں، پی ایل ڈی سی کے 3 سال میں 17 چیف ایگزیکٹو تبدیل کیے گئے، تمام سی ای اوز کو صرف ٹھیکا چلتا رہنےکے لیےتبدیل کیا گیا۔

    نیب کے وکیل نے کہا کہ احد چیمہ کے 2 موبائل، لیپ ٹاپ اور دیگر فائلیں تحویل میں لے لی ہیں، ملزم شاہد شفیق نےجعلی دستاویزات پرٹھیکا حاصل کیا، ٹھیکا لیتے وقت اسپارکو کو مرکزی کمپنی ظاہر کیا گیا۔

    قومی احتساب بیورو کے وکیل نے کہا کہ ٹھیکا لیتے وقت تینوں کمپنیوں کا حصہ ظاہر نہیں کیا گیا، بعد میں شاہد شفیق نے خود کو90 اوردیگر2 کمپنیوں کو10 فیصد کاحصہ دیا۔

    نیب کے وکیل کی جانب سے آشیانہ ہاؤسنگ اسکیم اسکینڈل میں گرفتار ملزم سابق ڈی جی ایل ڈی اے احد چیمہ اور شاہد شفیق کے جسمانی ریمانڈ میں توسیع کی درخواست پرعدالت نے فیصلہ محفوظ سناتے ہوئے دونوں ملزمان کو 15 روزہ ریمانڈ پر نیب کے حوالے کردیا۔

    آشیانہ ہاؤسنگ اسکیم میں بدعنوانی : سابق ڈی جی ایل ڈی اے گرفتار

    یاد رہے کہ گزشتہ ماہ 21 جنوری کو قومی احتساب بیورو نے سابق ڈی جی ایل ڈی اے احد چیمہ کو بدعنوانی کے الزام میں گرفتار کیا تھا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آشیانہ ہاؤسنگ اسکیم اسکینڈل: ملزم شاہد شفیق کا 7 روزہ جسمانی ریمانڈ منظور

    آشیانہ ہاؤسنگ اسکیم اسکینڈل: ملزم شاہد شفیق کا 7 روزہ جسمانی ریمانڈ منظور

    لاہور: آشیانہ ہاؤسنگ اسکیم اسکینڈل میں گرفتار ملزم شاہد شفیق کو 7 روزہ جسمانی ریمانڈ پر نیب کے حوالے کردیا گیا۔

    تفصیلات کے مطابق آشیانہ ہاؤسنگ اسکیم کیس میں گرفتارملزم بسم اللہ انجینئرنگ کے چیف ایگزیکٹو شاہد شفیق کو ایک روزہ جسمانی ریمانڈ کے بعد آج سخت سیکورٹی میں احتساب عدالت میں پیش کیا گیا۔

    نیب نے احتساب عدالت سے ملزم کے جسمانی ریمانڈ کی درخواست کی جسے عدالت نے منظور کرتے ہوئے ملزم کو 7 روزہ جسمانی ریمانڈ پرنیب کے حوالے کردیا۔

    عدالت نے ملزم شاہد شفیق کو 5 مارچ کو ریمانڈ مکمل ہونے پر دوبارہ پیش کرنے کا حکم دیا۔

    شاہد شفیق جسمانی ریمانڈ پرنیب کےحوالے

    خیال رہے کہ گزشتہ روز آشیانہ ہاؤسنگ کرپشن میں گرفتارملزم بسم اللہ کنسٹرکشن کے چیف ایگزیکٹو شاہد شفیق کو ضلع کچہری میں جوڈیشل مجسٹریٹ کے سامنے پیش کیا گیا تھا۔

    مجسٹریٹ نے ملزم شاہد شفیق کا ایک روزہ جسمانی ریمانڈ منظور کرتے ہوئے اسے نیب کے حوالے کردیا تھا۔

    یاد رہے کہ دو روز نیب نے ملزم شاہد شفیق کو حراست میں لیا تھا، ملزم پر ایل ڈی اے اہلکاروں کی ملی بھگت سے 14 ارب روپے کا ٹھیکہ جعلی کاغذات پرحاصل کرنے کا الزام ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نیب نےتحریک انصاف کےرہنماعلیم خان کوآج دوبارہ طلب کرلیا

    نیب نےتحریک انصاف کےرہنماعلیم خان کوآج دوبارہ طلب کرلیا

    لاہور: قومی احتساب بیورو(نیب) نے پاکستان تحریک انصاف کے رہنما علیم خان کو آج دوبارہ طلب کرلیا۔

    تفصیلات کے مطابق نیب کا کہنا ہے کہ پاکستان تحریک انصاف کے رہنما علیم خان نے اپنی آف شورکمپنی ہیگزم سے متعلق درست ریکارڈ جمع نہیں کرایا۔

    ذرائع کے مطابق علیم خان کی جانب سے پیش کیے گئے ریکارڈ سے نیب حکام مطمئن نہیں ہوئے اسی لیے دوبارہ طلب کیا گیا ہے۔

    نیب کی جانب سے پاکستان تحریک انصاف کو گزشتہ ماہ 23 جنوری کوپوچھ گچھ کے لیے طلب کیا تھا۔

    خیال رہے کہ نیب لاہورعلیم خان کے خلاف ہاؤسنگ منصوبوں کے حوالے سے بھی تحقیقات کررہی ہے۔

    پاکستان تحریک انصاف کے رہنما علیم خان کا کہنا تھا کہ 2010 میں ایل ڈی اے سے پہلے منظور شدہ ہاؤسنگ سوسائٹی خریدی لیکن میری سوسائٹی کا این او سی منسوخ کرکے اسے غیرقانونی قرار دیا جا رہا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • احد چیمہ کی گرفتاری: نیب نےپنجاب حکومت کےموقف کی پھرتردید کردی

    احد چیمہ کی گرفتاری: نیب نےپنجاب حکومت کےموقف کی پھرتردید کردی

    لاہور: نیب نے سابق ڈی جی ایل ڈی اے احد چیمہ کی گرفتاری کے بعد حکومت پنجاب کے موقف کی تردید کرتے ہوئے حقائق بیان کردیے۔

    تفصیلات کے مطابق نیب کی جانب سے جاری اعلامیے میں حکومت پنجاب کے موقف کی تردید کرتے ہوئے کہا گیا ہے کہ پی ایل ڈی سی سےآشیانہ اقبال پراجیکٹ ایل ڈی اے کو دیا گیا، پنجاب حکومت نے 20 جنوری 2015 کو اقدام کیا۔

    نیب ترجمان کے مطابق سابق ڈی جی ایل ڈی اے احد چیمہ نے اختیارات کا ناجائز استعمال کیا، بطور جوائنٹ وینچر ٹھیکا کاسا ڈویلپرزکودیا گیا۔

    نیب اعلامیے کے مطابق جوائنٹ وینچرکے تحت اسپارکو کنسٹرکشن کے9 فیصد شیئرزتھے، اسپارکوکنسٹرکشن کو کاسا ڈویلپرزکی فرنٹ کمپنی ظاہر کرنا غیرقانونی تھا۔

    ترجمان نیب کے مطابق 90 فیصد شیئرز بسم اللہ انجینئرنگ کی ملکیت تھے، بسم اللہ انجینئرنگ کو14 ارب کا ٹھیکا دیا گیا، احد چیمہ نے پرپوزل ریکویسٹ تیار کیں بلکہ منظوربھی کرائیں۔

    نیب اعلامیے میں کہا گیا ہے کہ کاسا ڈویلپرزکو14ارب کا ٹھیکا اختیارات کا ناجائزاستعمال کرتے ہوئے دیا، ملی بھگت سے مارچ 2015 میں ٹھیکا پبلک پرائیویٹ پارٹنرشپ کے تحت دیا۔

    ترجمان نیب کے مطابق اصل لیڈ کمپنی بسم اللہ انجینئرنگ خود بڑا پراجیکٹ لینے کے لیے نااہل تھی، ٹھیکے کے لیے ایکٹ کے تحت شیئرہولڈرزکی تفصیلات حاصل کرنا لازم ہے۔

    نیب کی جانب سے جاری اعلامیے میں کہا گیا ہے کہ احد چیمہ نے جے وی ممبران کی ملی بھگت سےایم اویو منظورکیا، ایم او یوکے تحت شیئر ہولڈرز کی تفصیلات کو پوشیدہ رکھا گیا۔

    احد چیمہ کے خلاف نیب کے پاس ٹھوس شواہد موجود ہیں‘ نیب

    یاد رہے کہ گزشتہ روزقومی احتساب بیورو کے ترجمان نے کہا تھا کہ احد چیمہ کو قانون کے مطابق گرفتار کیا گیا، ان کے خلاف نیب کے پاس ٹھوس شواہد موجود ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔