Tag: نیرج چوپڑا

سلور میڈلسٹ نیرج چوپڑا اور برانز میڈلسٹ مانو بھاکر نے کامیابی کے جھنڈے گاڑنا شروع کردیئے، دونوں پر قسمت کی دیوی مہربان ہوگئی، کمائی میں بھارتی کرکٹرز کو پیچھے چھوڑدیا۔

بھارتی میڈیا رپورٹس کے مطابق سلور میڈلسٹ نیرج چوپڑا اور برانز میڈلسٹ مانو بھاکر معاہدوں میں بھارتی کرکٹرز سے بھی آگے نکل گئے۔

پیرس اولمپکس میں 2 بار کی برانز میڈلسٹ مانو بھاکر سے بڑی کمپنیاں معاہدے کرنے کی خواہش رکھتی ہیں۔

بھارتی میڈیا کا کہنا ہے کہ مانو بھاکر اور نیرج کی برانڈ ویلیو میں غیر معمولی اضافہ دیکھنے کو ملا ہے، نیرج کی برانڈ ویلیو تقریباً بھارتی 330 کروڑ روپے تک پہنچ گئی ہے۔

نیرج چوپڑا کی برانڈ ویلیو اولمپکس سے قبل بھارتی آل راؤنڈر ہاردیک پانڈیا کے برابر تھی جبکہ اب ان کی برانڈ ویلیو ہاردیک پانڈیا سے بہت زیادہ بڑھنے کا امکان ہے۔

بھارتی میڈیا کے مطابق مانو بھاکر نے غیر معمولی تیزی سے کمپنیوں کی توجہ حاصل کرنا شروع کردی ہے، انہوں نے مشروب ساز کمپنی سے حال ہی میں بھارتی ڈیڑھ کروڑ روپے میں ایمبیسیڈر کا معاہدہ کیا ہے۔

مانو بھاکر کے معاہدے کی سال کی فیس پیرس اولمپکس سے قبل 25 لاکھ روپے تھی جبکہ مانو بھاکر کی مینجمنٹ کمپنی نے 40 برانڈز کے برانز میڈلسٹ کے ساتھ معاہدے کی خواہش کا انکشاف کیا ہے۔

بھارتی میڈیا کا کہنا ہے کہ میڈل نہ جیتنے کے باوجود ریسلر ونیش پھوگت کی برانڈ ویلیو میں بھی اضافہ ہورہا ہے، ان کی سالانہ فیس اب 25 لاکھ سے بڑھ کر 1 کروڑ روپے تک جا پہنچی ہے۔

پیرس اولمپک میں شریک بھارتی ٹریک اینڈ فیلڈ ایتھلیٹ نیرج چوپڑا جو کہ جولین تھرو مقابلے میں شریک تھے کہ حوالے سے وائرل ویڈیو پر بھارتی اسپورٹ شوٹر اور اولمپک میڈلسٹ منو بھاکر نے حقائق سے پردہ اُٹھادیا۔

بھارتی اسپورٹ شوٹر اور اولمپک میڈلسٹ منو بھاکر کا اس حوالے سے کہنا تھا کہ جو کچھ افواہیں پھیلائی گئی ہیں ان میں کوئی حقیقت نہیں ہے۔

22 سالہ منو بھاکر جن کا تعلق ہریانہ سے ہے، پیرس اولمپک 2024 میں کھیل کے ایک ایڈیشن میں دو میڈلز جیتنے میں کامیاب ہوئیں۔

وہ پہلی بھارتی ہیں جنہوں نے 1947 کے بعد یہ اعزاز حاصل کیا۔ اولمپکس 2024 میں بھارت نے کل چھ میڈلز جیتے جن میں سے دو منو بھاکر نے جیتے ہیں۔

منو بھاکر نے بھارتی میڈیا سے بات کرتے ہوئے کہا کہ مجھے اس بارے میں نہیں معلوم، میں وہاں نہیں تھی جب یہ ہوا لیکن 2018 سے کھیلوں کے مقابلے کے دوران نیرج چوپڑا سے ملاقات ہوتی رہی ہے۔ اسکے علاوہ ہماری کوئی ملاقات نہیں ہوتی۔

اُنہوں نے کہا کہ کھیلوں کے مقابلے کے دوران ہماری بات چیت ہوتی ہے، لیکن ایک وائرل ویڈیو کے حوالے سے جو افواہ ہے وہ بالکل غلط اور جھوٹی ہے۔

واضح رہے کہ منو کے والد رام کشن نے بھی ان افواہوں کو غلط قرار دیتے ہوئے کہا تھا کہ انکی بیٹی ابھی اتنی بڑی نہیں کہ اسکی زندگی میں یہ لمحہ آئے، وہ ابھی بہت کم عمر ہے، لہٰذا اتنی کم عمری میں اسکی شادی کا سوچا بھی نہیں جاسکتا۔

پانڈیا کی جیسمین والیہ سے ڈیٹنگ، تصاویر سامنے آگئیں

واضح رہے کہ سوشل میڈیا پر ایک صارف کی جانب سے نیرچ چوپڑا کی منوبھاکر اور انکی والدہ کے ساتھ بات چیت کرنے کی علیحدہ علیحدہ ویڈیوز کو شیئر کیا گیا تھا، جس کے بعد دونوں کی شادی کی افواہیں پھیل گئی تھیں۔