ARYNews.tv | Urdu – Har Lamha Bakhabar

Tag: نیشنل اسٹیڈیم

  • پرانا کراچی واپس آگیا،امید ہے پرانا پاکستان بھی واپس آئے گا‘ مراد علی شاہ

    پرانا کراچی واپس آگیا،امید ہے پرانا پاکستان بھی واپس آئے گا‘ مراد علی شاہ

    کراچی: وزیراعلیٰ سندھ مراد علی شاہ نے کہا کہ پی ایس ایل کے 8 میچوں کے بعد عالمی کرکٹ کی جانب دیکھ رہے ہیں۔

    تفصیلات کے مطابق وزیراعلیٰ سندھ مراد علی نے نیشنل اسٹیڈیم کے دوران پی سی بی حکام سے ملاقات کی اور سیکورٹی انتظامات کا بھی جائزہ لیا۔

    مراد علی شاہ نے میڈیا سے گفتگو کرتے ہوئے کہا کہ پی ایس ایل کے فائنل پربہت خوشی ہے، پرانا کراچی واپس آگیا ،امید ہے پرانا پاکستان بھی واپس آئے گا۔

    وزیراعلیٰ سندھ نے کہا کہ کراچی ہی نہیں ملک بھرسے لوگ آرہے ہیں، چاہتے ہیں شائقین کو کم سے کم تکلیف ہو۔

    مراد علی شاہ نے کہا کہ پی سی بی کی کوشش ہے عالمی کرکٹ بحال ہو، پی ایس ایل کے 8 میچوں کے بعدعالمی کرکٹ کی جانب دیکھ رہے ہیں۔

    واضح رہے کہ پاکستان سپرلیگ کے چوتھے ایڈیشن کے فائنل میں آج پشاور زلمی اور کوئٹہ گلیڈی ایٹرز کے درمیان ٹاکرا ہوگا۔

    پی ایس ایل فائنل سے قبل میوزیکل کنسرٹ ہوگا جس کے لیے 68 فٹ لمبا اسٹیج تیار کیا گیا ہے، کنسرٹ میں معروف فنکار اپنے فن کا مظاہرہ کریں گے۔

    ابرارالحق، آئمہ بیگ، فواد خان، شجاع حیدر اور جنون گروپ اسٹیج پرجلوہ گرہوں گے۔ ہسپانوی کھلاڑی اور بارسلونا کے سابق کپتان کارلس پیول بھی تقریب کا حصہ بنیں گے۔

  • پی ایس ایل 4 فائنل : ٹرافی پرقبضے کی جنگ آج ہوگی

    پی ایس ایل 4 فائنل : ٹرافی پرقبضے کی جنگ آج ہوگی

    کراچی: پاکستان سپرلیگ کے چوتھے ایڈیشن کے فائنل میں آج پشاور زلمی اور کوئٹہ گلیڈی ایٹرز کے درمیان ٹاکرا ہوگا۔

    تفصیلات کے مطابق پی ایس ایل 4 کی چمچماتی ٹرافی کس کی ہوگی؟ فیصلہ آج ہو جائےگا۔ ہائی وولٹیج مقابلے میں پشاور زلمی اور کوئٹہ گلیڈی ایٹرز آمنے سامنے ہوں گے۔

    پی ایس ایل فائنل سے قبل میوزیکل کنسرٹ ہوگا جس کے لیے 68 فٹ لمبا اسٹیج تیار کیا گیا ہے، کنسرٹ میں معروف فنکار اپنے فن کا مظاہرہ کریں گے۔

    ابرارالحق، آئمہ بیگ، فواد خان، شجاع حیدر اور جنون گروپ اسٹیج پرجلوہ گرہوں گے۔ ہسپانوی کھلاڑی اور بارسلونا کے سابق کپتان کارلس پیول بھی تقریب کا حصہ بنیں گے۔

    یاد رہے کہ گزشتہ روز نیشنل اسٹیڈیم کراچی میں پی ایس ایل 4 ٹرافی کی رونمائی کی گئی جس میں کپتان سرفراز احمد اور ڈیرن سیمی کا ٹرافی تھامے فوٹو سیشن بھی ہوا۔

    پشاور زلمی کے کپتان ڈیرن سیمی کا سرفراز احمد سے کہنا تھا کہ آج ٹرافی تم اٹھاؤ کل ہم اٹھائیں گے، کوئٹہ گلیڈی ایٹرز کے کپتان نے جواب دیا کہ ہم آج بھی اٹھائیں گے اور کل بھی۔

    ڈیرن سیمی اور سرفرازاحمد پی ایس ایل کی ٹرافی جیتنے کے لیے پرعزم

    ڈیرن سیمی کا کہنا تھا کہ ٹاس جیت کر پہلے بیٹنگ کرنے والی ٹیم کو یہاں فائدہ ہوگا، کوشش کریں گے پہلے بیٹنگ کریں تو بڑا اسکور بنائیں۔

    پشاور زلمی کے کپتان کا کہنا تھا کہ کوئٹہ اچھی ٹیم ہے لیکن ہمارے پاس بھی اچھے کھلاڑی ہیں، شین واٹسن ہمارے لیے پریشانی کا باعث نہیں بن سکتے۔

    سرفراز احمد کا کہنا تھا کہ پورے ایونٹ میں ہماری ٹیم اچھی کھیلی ہے اب ہم تیسری مرتبہ فائنل کھیلنے جا رہے ہیں اور کامیابی کے لیے پرامید ہیں۔

    کوئٹہ گلیڈی ایٹرز کے کپتان کا کہنا تھا کہ ٹاس میچ کے نتیجے پراثرانداز ہوگا جبکہ 190 رنز اسکور کرنے والی ٹیم کو برتری حاصل ہوسکتی ہے۔

  • انٹرنیشنل ٹیمیں پاکستان ضرور آئیں گی، اب کراچی میں پی ایس ایل کے میچزہوتے رہیں گے: مراد علی شاہ

    انٹرنیشنل ٹیمیں پاکستان ضرور آئیں گی، اب کراچی میں پی ایس ایل کے میچزہوتے رہیں گے: مراد علی شاہ

    کراچی: وزیراعلیٰ سندھ مراد علی شاہ نے کہا ہے کہ انشا اللہ انٹرنیشنل ٹیمیں پاکستان ضرور  آئیں گی.

    ان خیالات کا اظہار انھوں نے پی ایس ایل 4 کے نیشنل اسٹیڈیم میں‌ منعقدہ میچ سے متعلق گفتگو کرتے ہوئے کیا.

    [bs-quote quote=”سندھ کے مختلف شہروں میں بھی میچز کا انعقاد ہوگا” style=”style-8″ align=”left” author_name=”مراد علی شاہ”][/bs-quote]

    وزیراعلیٰ سندھ نے کہا کہ کراچی میں اب پی ایس ایل کے میچزہوتے رہیں گے، سندھ کے مختلف شہروں میں بھی میچز کا انعقاد ہوگا.

    وزیراعلیٰ مرا دعلی شاہ نے کہا ملتان، لاہور اور راولپنڈی میں بھی پی ایس ایل کو پھیلانا ہے، کرکٹ دیکھنے جو بھی آئے ٹکٹ ضرورخریدے.

    یاد رہے کہ ایک طویل انتطار کے بعد پی سی ایل کراچی آگیا ہے. آج اسلام آباد یونائیٹڈ اور لاہور قلندرز مدمقابل ہیں.

    سیکیورٹی کی صورت حال

    قبل ازیں‌ آئی سی سی سیکیورٹی کنسلٹنٹس کی ٹیم نیشنل اسٹیڈیم پہنچی،سیکڑ کمانڈربریگیڈیئرشفیق نے سیکیورٹی اقدامات پربریفنگ دی.

    آئی سی سی سیکیورٹی کنسلٹنٹس نے سیکیورٹی اقدامات پراطمینان کا اظہار کیا.

  • نیشنل اسٹیڈیم کراچی کی چھت نصب کرنے کا کام شروع

    نیشنل اسٹیڈیم کراچی کی چھت نصب کرنے کا کام شروع

    کراچی: پاکستان سپر لیگ سیزن فور کی تیاریاں عروج پر ہیں ، اسی سلسلے میں نیشنل اسٹیڈیم کراچی میں بھی اہم پیش رفت دیکھنے میں آئی ہے۔

    تفصیلات کے مطابق نیشنل اسٹیڈیم جو کہ گزشتہ سال بحالی کے مرحلے سےگزرا تھا اب اسکے دوسرے فیز میں انکلوژر کی چھت لگانے کے لیے غیر ملکی انجینئرز کی ٹیم نے اسٹیڈیم کا تفصیلی دورہ کیا ہے۔

    بتایا جارہاہے کہ ملائیشیا کی ملٹی میڈیا انجینئرنگ نامی کمپنی کے انجینئرز اس کام کو دو مرحلوں میں طے کریں گے، پہلے مرحلے میں جاوید میانداد انکلوژر سے لے کر نسیم الغنی انکلوژر تک کی چھت نصب کی جائے گی۔

    نصب کی جانے والی چھت کی تھری ڈی ڈرائینگ

    دوسرے مرحلے میں حنیف محمد انکلوژر سے لے کر اقبال قاسم انکلوژر تک کی چھت کی تنصیب کی جائے گی۔

    غیر ملکی انجینئرز کی ٹیم چار لاکھ اسکوائر میٹر ٹیفلون فیبرک کی چھت کی تنصیب کا کام ایک سے دو روز میں شروع کرے گی ، غیرملکی انجینئرنگ ٹیم کو میڈیا کوریج سے دور رکھا گیا ہے۔

    یاد رہے کہ پاکستان سپر لیگ سیزن فور کے پانچ میچز سات سے سترہ مارچ تک نیشنل اسٹیڈیم کراچی میں منعقد ہوں گے، شہر قائد اس میگا ایونٹ کے فائنل کی بھی میزبانی کرے گا۔

    گزشتہ سال پی ایس ایل سے قبل نیشنل اسٹیڈیم میں کئی طویل مدتی منصوبے مکمل کیے گئے تھے، جن میں انکلوژرزکی تزئین و آرائش، لفٹ کی تنصیب، سیوریج سسٹم کی بحالی، نشستوں کی مرمت اور تبدیلی شامل ہیں۔

  • بڑے نام نہیں جتواتے، ٹیم متحد ہو تو فتح مل سکتی ہے، شعیب ملک

    بڑے نام نہیں جتواتے، ٹیم متحد ہو تو فتح مل سکتی ہے، شعیب ملک

    کراچی : قومی کرکٹ ٹیم کے کھلاڑی شعیب ملک نے کہا ہے کہ بڑے نام کبھی نہیں جتواتے، ٹیم متحد ہو تو فتح مل سکتی ہے، پی ایس ایل سے پاکستان ٹیم کو بہت اچھا ٹیلنٹ ملا ہے۔

    یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی، شعیب ملک کا کہنا تھا کہ ویسٹ انڈیز ٹیم کے دورہ پاکستان پر سندھ حکومت اور پی سی بی مبارکباد کے مستحق ہیں، یہ بڑا ایونٹ ہے جس کا کراچی والوں کو ایک عرصے سے انتظار تھا، پاکستان کو ہوم کنڈیشن کا فائدہ ہوگا، مہمان ٹیم بھی اچھی ہے۔

    ایک سوال کے جواب میں شعیب ملک کا کہنا تھا کہ بڑے نام کبھی نہیں جتواتے،ٹیم متحد ہو تو فتح مل سکتی ہے نوجوان کھلاڑی چیمپئنز ٹرافی سےکافی محنت کرتے چلےآرہے ہیں، سینئرز سے کافی کچھ سیکھنے کو مل جاتا ہے۔

    انہوں نے مزید کہا کہ  میری پوری کوشش ہے تجربے کی بنیاد پر ذمہ داری نبھاؤں، پی ایس ایل سے بہت اچھا ٹیلنٹ پاکستان ٹیم کو ملا ہے، ہر شعبے میں پاکستان ٹیم کےلئے دستیاب ہوں۔

    واضح رہے کہ ویسٹ انڈیز کے خلاف سیریز کے لئے قومی ٹیم کی نیشنل اسٹیڈیم میں بھرپور تیاریاں جاری ہیں، ہیڈ کوچ مکی آرتھر کی زیر نگرانی کھلاڑیوں نے نیشنل اسٹیڈیم کراچی میں سیریز کی تیاریوں کے سلسلے میں بھرپور پریکٹس کی۔

    کالی آندھی سے نمٹنے کے لئے بیٹنگ، بولنگ اور فیلڈنگ میں کھلاڑیوں نے بھرپور مشقیں کیں، سیریز کا پہلا معرکہ یکم اپریل کو نیشنل اسٹیڈیم میں ہوگا۔

  • پاکستان کرکٹ کےلئے بہترین ملک ہے، زلمی کپتان ڈیرن سیمی

    پاکستان کرکٹ کےلئے بہترین ملک ہے، زلمی کپتان ڈیرن سیمی

    کراچی : پشاور  زلمی کے کپتان ڈیرن سیمی نے کہا ہے کہ ٹائٹل کا دفاع کرنے کی بھرپور کوشش کرینگے، شاہد آفرید ی کا متبادل نہیں ہوں وہ تو چمپئین ہیں، پاکستان کرکٹ کے لئے بہترین ملک ہے۔

    ان خیالات کا اظہار انہوں نے نیشنل اسٹیڈیم کراچی میں پریس کانفرنس سے خطاب کرتے ہوئے کیا،  ڈیرن سیمی نے کہا کہ سو فیصد فٹ نہیں ہوں البتہ جس طرح لاہور میں کھیلا ایسے ہی کل بھی گراؤنڈ میں اتروں گا، ٹائٹل کا دفاع کرنے کی بھرپور کوشش کرینگے۔

    پاکستان میں تماشائیوں کے جوش و خروش سے جذبہ ملتا ہے، کراچی میں پختون بہت ہیں، امید شاہد آفریدی تو چمپئین ہیں جن کو نہ صرف پاکستان بلکہ دنیا بھرمیں عزت ملتی ہے، ہم دونوں بھائیوں کی طرح ہیں۔

    ایک سوال کے جواب میں ان کا کہنا تھا کہ لیوک رونکی فارم میں ہے تو کامران اکمل بھی اپنی بہترین فارم میں ہیں، کامران اکمل پشاور زلمی کا مؤثر ہتھیار ہے، ہم نے کل کے لئے میچ پلان بنایا ہوا ہے امید ہے اس پر عمل کرکے میچ میں کامیابی حاصل کریں گے۔

    ڈیرن سیمی کا کہنا تھا کہ پاکستان میں انٹرنیشنل کرکٹ کی بحالی پرخوش ہوں یہ ملک کرکٹ کے لئے بہترین ہے، مجھے خوشی ہے کہ ہماری ٹیم دورہ کررہی ہے،امید ہے وہ میچز بھی اچھے ہوں گے۔

    ڈیرن سیمی کا اہلیان کراچی کیلئے اردو میں اظہار تشکر

    اس سے قبل ڈیرن سیمی نے سوشل میڈیا پر ایک ویڈیو شیئر کی جس میں وہ کراچی کے ایک ریستوران میں بیٹھے بریانی کھارہے ہیں، ویڈیو کی خاص بات یہ ہے کہ انہوں نے اردو زبان میں کراچی والوں کی محبت کا شکریہ ادا کیا ہے۔

    اپنے پیغام میں ڈیرین سیمی کا کہنا تھا کہ ’کراچی آپ سب کا بہت بہت شکریہ، کراچی کی بہترین بریانی کھائی اور مجھے بہت مزہ آیا ‘۔ اس سے قبل ڈیرن سیمی نے کراچی کے شائقین کرکٹ کو اسٹیڈیم میں پشاور زلمی کی شرٹ پہن کر آنے اور انہیں سپورٹ کرنے کا پیغام جاری کیا تھا جسے پورے ملک میں بے حد سراہا گیا۔

  • پی ایس ایل کا فائنل‘ ٹکٹوں کی فروخت کا آغاز

    پی ایس ایل کا فائنل‘ ٹکٹوں کی فروخت کا آغاز

    کراچی : پی ایس ایل کے فائنل کی ٹکٹس کی فروخت شروع ہوگئی ہے، دکانوں پر ٹکٹوں کی خریداری کے لیے شہریوں کی لمبی قطاریں لگ گئی ہیں۔

    تفصیلات کے مطابق نیشنل اسٹیڈیم کراچی میں 25 مارچ کو کھیلے جانے والے پاکستان سپرلیگ کے فائنل میچ کے ٹکٹس کی فروخت کا آغاز ہوگیا، فائنل کی ٹکٹس خریدنے کے لیے ٹی سی ایس کے سینٹرز کے باہر شائقین کرکٹ کی بڑی تعداد موجود ہے۔

    کراچی میں ٹی سی ایس کی مقرر کردہ 32 شاخوں پر پاکستان سپرلیگ کے ایک ہزار سے 12 ہزار روپے تک کے ٹکٹس دستیاب ہیں جبکہ شائقین کرکٹ ایک شناختی کارڈ پر5 ٹکٹ خرید سکتے ہیں۔

    شائقین کرکٹ نیشنل اسٹیڈیم کے 15 انکلوژرز کے لیے ٹکٹس خرید سکیں گے اور سب سے کم قیمت کا ٹکٹ جنرل انکلوژر کا ہے جو ایک ہزار روپے میں دستیاب ہوگا۔

    پی ایس ایل فائنل: وزیراعلیٰ سندھ نے شٹل سروس چلانے کا اعلان کردیا

    فرسٹ کلاس انکلوژر کے ٹکٹ کی قیمت 4 ہزار روپے، وی آئی پی انکلوژر کے ٹکٹ کی قیمت 8 ہزار روپے جبکہ وی وی آئی پی انکلوژر کے ٹکٹ کی قیمت 12 ہزار روپے ہے۔

    خیال رہے کہ گزشتہ ہفتے چیئرمین پاکستان کرکٹ بورڈ نجم سیٹھی کا کہنا تھا کہ مجھ سے کوئی بھی فری ٹکٹ کا مطالبہ نہ کرے، پی ایس ایل میچز کا مفت ٹکٹ نہیں ملے گا۔

    یاد رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ویسٹ انڈیزبورڈ آمادہ، تینوں ٹی ٹوئنٹی میچز کراچی میں ہوں گے، نجم سیٹھی

    ویسٹ انڈیزبورڈ آمادہ، تینوں ٹی ٹوئنٹی میچز کراچی میں ہوں گے، نجم سیٹھی

    لاہور : چیئرمین پی سی بی نجم سیٹھی نے کہا ہے کہ ویسٹ انڈیز کے قومی ٹیم کے ساتھ ہونے والے تینوں میچز کراچی میں کھیلے جائیں گے، ویسٹ انڈیز بورڈ نے کراچی میں کھیلنے پرآمادگی ظاہر کردی ہے۔

    تفصیلات کے مطابق چیئرمین پی سی بی نجم سیٹھی نے کراچی والوں کو بڑی خوشخبری سناتے ہوئے کہا ہے کہ ویسٹ انڈیز نے کراچی میں کھیلنے پرآمادگی کا اظہار کردیا ہے۔

    پاکستان آنے والی ویسٹ انڈیز ٹیم کے ساتھ تین ٹی ٹوئنٹی میچز لاہور کے بجائے کراچی میں منعقد ہوں گے۔ یہ بات انہوں نے سماجی رابطے کی ویب سائٹ ٹوئیٹر پر اپنے تازہ پیغام میں کہی۔

    انہوں نے کہا کہ مذکورہ میچز یکم، 2 اور4اپریل کوکراچی کھیلیں جائیں گے، ویسٹ انڈیزٹیم کی سیکیورٹی ہماری ذمےداری ہے، انہوں نے مزید کہا کہ پی سی بی کے اس اقدام کی وزیر اعلیٰ سندھ سید مراد علی شاہ نے مکمل حمایت کی ہے۔

    چیئرمین پی سی بی کا مزید کہنا تھا کہ ہماری پوری کوشش ہے کہ اگلی بار پی ایس ایل پاکستان لے جائیں، ملتان کے اسٹیڈیم تیار ہیں، کراچی اور راولپنڈی کو تیارکرنا ہے، کراچی نیشنل اسٹیڈیم میں بہت کام کیا جارہا ہے۔

    کراچی کا اسٹیڈیم تیارہے، فائنل وہیں ہوگا، پی ایس ایل کی ٹرافی 24مارچ کوکراچی پہنچےگی، مخالفین تنقید کا سلسلہ بند کرکے ہمیں سپورٹ کریں، انہوں نے بتایا کہ پاکستان ویسٹ انڈیز اور ممکن ہے کہ بنگلا دیش بھی امریکا میں سہ ملکی سیریز کھیلیں۔

    یاد رہے کہ ویسٹ انڈیز کی ٹیم نے رواں ماہ پاکستان کا دورہ کرنا تھا، جو پنجاب میں شدید دھند اور ویسٹ انڈیز کے کھلاڑیوں کی بنگلہ دیش پریمیئر (بی پی ایل) سے معاہدے کی وجہ سے منسوخ ہوگیا تھا۔

    ویسٹ انڈین کرکٹ بورڈ نے ٹیم کا نام تبدیل کر کے ونڈیز رکھ دیا 

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانےکے لیے سوشل میڈیا پر شیئر کریں۔

  • پی ایس ایل فائنل: شاہراہ فیصل کےاطراف میں شادی ہالز، ہوٹل اوردفاتربند رہیں گے

    پی ایس ایل فائنل: شاہراہ فیصل کےاطراف میں شادی ہالز، ہوٹل اوردفاتربند رہیں گے

    کراچی : پاکستان سپرلیگ کے فائنل کے موقع پرکراچی میں شاہراہ فیصل اور کارساز روڈ کے اطراف میں تمام عمارتیں، شادی ہالز، ہوٹل، کاروباری مراکز اوردیگر دفاتربند رہیں گے۔

    تفصیلات کے مطابق پاکستان سپر لیگ کے فائنل کے موقع پر سیکیو رٹی انتظامات کے لیے پولیس نے ہدایت نامہ جاری کردیا۔ نیشنل اسٹیڈیم میں میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    بہادرآباد پولیس اسٹیشن کی جانب سے جاری کردہ ہدایت نامے کے مطابق شاہراہ فیصل اور کارساز روڈ کے اطراف واقع تمام عمارتیں، شادی ہالز، ہوٹلزاور دفاتر 24 گھنٹے کے لیے 25 مارچ صبح 6 بجے سے 26 مارچ صبح 6 بجے تک بند رہیں گے۔

    پولیس کی جانب سے جاری ہدایت نامے کی خلاف ورزی کرنے کے خلاف سخت کارروائی کے بھی احکامات جاری کردیے گئے ہیں۔

    خیال رہے کہ گزشتہ روز کراچی میں صحافیوں سے گفتگو کرتے ہوئے پاکستان کرکٹ بورڈ کے چیئرمین نجم سیٹھی کا کہنا تھا کہ غیر ملکی کھلاڑی پاکستان آنے پرمطمئن ہیں، پاکستان سپر لیگ کا فائنل کراچی میں ہی ہوگا۔

    پی ایس ایل فائنل‘ کراچی میں فل ڈریس سیکیورٹی ریہرسل

    یاد رہے کہ گزشتہ ماہ 11 فروری کو کراچی میں پی ایس ایل فائنل کے سیکیورٹی انتظامات کی فل ڈریس ریہرسل کی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ورلڈ الیون : کراچی کو کلیئرنس نہیں ملی، میچز لاہور میں ہوں گے، شہریارخان

    ورلڈ الیون : کراچی کو کلیئرنس نہیں ملی، میچز لاہور میں ہوں گے، شہریارخان

    کراچی : پاکستان کرکٹ بورڈ کے چیئرمین شہریار خان نے کہا ہے کہ سیکیورٹی کلیئرنس نہ ملنے کے باعث ورلڈ الیون کے تمام میچز لاہورمیں ہوں گے، آئی سی سی نے سیکیورٹی وفد کراچی بھیجنے سے معذرت کی ہے۔

    یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی۔ چیئرمین پی سی بی نے کہا کہ رواں سال ستمبر میں پاکستان کا دورہ کرنے والی ورلڈ الیون اب کراچی نہیں آسکے گی۔

    ہمیں سیکیورٹی کلیئرنس نہیں ملی جس کے باعث ٹیم کراچی میں میچ نہیں کھیل سکے گی۔ آئی سی سی نے لاہور کو سکیورٹی کلیئرنس دے دی ہے جس کا سبب پاکستان سپر لیگ کے فائنل کا کامیابی سے انعقاد تھا۔

    اسپاٹ فکسنگ کے حوالے سے ان کا کہنا تھا کہ اس معاملے میں پی سی بی کا دہرا معیار نہیں ہے، جو بھی کھلاڑی ملوث ہوئے وہ سزا سے بچ نہیں سکتے۔

    ان کا کہنا تھا کہ کراچی کا نیشنل اسٹیڈیم بین الاقوامی میچوں کی میزبانی کے لئے موزوں نہیں ہے،اسٹیڈیم اس وقت بہت خراب حالت میں ہے، گراؤنڈ کی مرمت کے لئے کام بہت جلد شروع کیا جائے گا۔

    میڈیا سے گفتگو میں شہریار خان نے کہا کہ بنگلہ دیشی بورڈ سے مالی معاملات پر رابطہ کیا گیا ہے۔ ایک سوال کےجواب میں انہوں نے کہا کہ قومی ٹیسٹ ٹیم کا اگلا کپتان کون ہوگا، فیصلہ مشاورت سے کرینگے۔