ARYNews.tv | Urdu – Har Lamha Bakhabar

Tag: نیشنل اسٹیڈیم

  • اپنا موازنہ کسی سے نہیں کرتا، فاسٹ بالرمحمد عامر

    اپنا موازنہ کسی سے نہیں کرتا، فاسٹ بالرمحمد عامر

    کراچی : کرکٹر محمد عامر کا کہنا ہے کہ وہ کسی سے اپنا موازنہ نہیں کرتے ہیں،تمام تر توجہ ڈومیسٹک کرکٹ پر مرکوز کی ہوئی ہے۔

    پیٹرنز ٹرافی گریڈ ٹو کرکٹ ٹورنامنٹ کا فائنل اتوار کو کے پی ٹی اور عمر ایسوسی ایٹس کے درمیان نیشنل اسٹیڈیم کراچی میں کھیلا جائیگا۔

    عمر ایسوسی ایٹس کے اہم کھلاڑی محمدعامر کا کہنا ہےکہ انکی تمام تر توجہ فی الحال ڈومیسٹک کرکٹ پر مرکوز ہے۔ محمد عامر نے کہا کہ فٹنس اور کارکردگی کو بہتر بنانے کیلئے وہ این سی اے میں سخت ٹریننگ کرتے ہیں۔

    فاسٹ بولر کے مطابق قومی ٹیم میں بائیں ہاتھ کے بولرزسے انھیں کوئی پریشانی نہیں، محمد عامر پر سے آئی سی سی کی عائد کردہ پابندی ستمبر میں ختم ہوجائیگی۔

    فاسٹ بولر کا مقصد اہداف کو حاصل کرتے ہوئےایک مرتبہ پھر قومی ٹیم کی نمائندگی کرنا ہے۔

  • پاک بھارت کرکٹ سیریز: بھارت ایم او یو معاہدے پر برقرار

    پاک بھارت کرکٹ سیریز: بھارت ایم او یو معاہدے پر برقرار

    لاہور: پاک بھارت کرکٹ روابط کی بحالی پر بی جے پی کے سائے منڈلانے لگے، بھارت نے واضح کیا ہے کہ ایم او یو برقرار ہے، لیکن کلیرنس بھارتی حکومت سے مشروط ہے۔

    پاک بھارت کرکٹ روابط ایک بار پھر کھٹائی میں پڑتے نظر آرہے ہیں، بھارتی بورڈ نے بھی گیند کو مودی سرکارکی کورٹ میں پھینک دیا ہے۔

    پاکستان کرکٹ ٹیم کے چیئرمین شہریارخان کا کہنا تھا کہ بھارت ایم او یو پر برقرار ہے، لیکن کرکٹ روابط کی بحالی کیلئے حکومتی اجازت بھی مشروط ہے۔

    شہریار خان نے کہا کہ ایم او یو پر دستخط گذشتہ حکومت کے ساتھ کیے،اب وقت اور حالات بدل چکے ہیں۔امید ہے مودی سرکار معاہدے کی پاسداری کرے گی۔

    پاکستان اور بھارت کے درمیان ہونے والے ایم او یو میں دونوں ممالک آئندہ آٹھ سالوں میں چھ سیریز کھیلی جائیں گی، چار میچز کی میزبانی پاکستان اور دو میچ کی بھارت کرے گا۔

  • پریذیڈنٹ گولڈ کپ: اسٹیٹ بینک نے ون ڈے ٹورنامنٹ جیت لیا

    پریذیڈنٹ گولڈ کپ: اسٹیٹ بینک نے ون ڈے ٹورنامنٹ جیت لیا

    کراچی : پریذیڈنٹ گولڈ کپ ون ڈے ٹورنامنٹ اسٹیٹ بینک کے نام رہا، اسٹیٹ بینک نے نیشنل بینک کو سنسنی خیز مقابلے کے بعد دو وکٹوں سے شکست دیکر پریذیڈنٹ گولڈ کپ ون ڈےٹورنامنٹ کی ٹرافی جیت لی ہے۔

    تفصیلات کے مطابق نیشنل اسٹیڈیم کراچی میں کھیلے گئے پریذیڈنٹ گولڈ کپ ون ڈے ٹورنامنٹ کے فائنل میں نیشنل بینک نے پہلے کھیلتے ہوئے چھ وکٹوں پر دو سو اناسی رنز بنائے۔

    محمد نواز نے ترانوے رنز کی اننگز کھیلی،قیصرعباس چھیالیس،ناصرجمشید سینتیس اور کامران اکمل نے چونتیس رنز اسکور کیے۔

    اسٹیٹ بینک نے مطلوبہ ہدف سنسنی خیز مقابلے کے بعد آخری اوور میں آٹھ وکٹوں کے نقصان پر پورا کرلیا۔مختار احمد ساٹھ،نوید یٰسین بیالیس رنز بناکر نمایاں رہے۔نیشنل بینک کی جانب سےمحمد اصغر نے تین وکٹیں حاصل کیں۔

  • انضمام الحق جیسی کارکردگی دکھانے کا خواہش مند ہوں، صہیب مقصود

    انضمام الحق جیسی کارکردگی دکھانے کا خواہش مند ہوں، صہیب مقصود

    کراچی : ورلڈ کپ میں پاکستانی اسکواڈ کا حصہ بننے والے کرکٹر صہیب مقصود کا کہنا ہے کہ وہ مکمل فٹ ہیں اوراپنے آئیڈیل بیٹسمین انضمام الحق کی طرح کارکردگی دکھانے کے خواہش مند ہیں۔

    نیشنل اسٹیڈیم کراچی میں میڈیا سے بات چیت کرتے ہوئے کرکٹر صہیب مقصود نے کہا کہ وہ انضمام الحق سے بیٹنگ میں بہتری لانے کیلئے مشورے کرتے رہے ہیں۔

    صہیب مقصود کا کہنا تھا کہ پاکستان ورلڈ کپ میں پہلا میچ بھارت کیخلاف کھیلے گا،دباؤ میں آئے بغیر کھیلنے سے میچ کا نتیجہ مثبت آسکتا ہے۔

    صہیب مقصود کے مطابق وہ آسٹریلین وکٹوں پر کبھی نہیں کھیلے، وکٹ باونسی ضرور ہیں لیکن بیٹسمینوں کو سپورٹ کرینگی،ان کا کہنا تھا کہ میگا ایونٹ سے پہلے دورہ نیوزی لینڈ تیاری میں فائدہ مند ثابت ہوگا۔

  • ورلڈ کپ کیلئے قومی ٹیم کا اعلان آج کیا جائے گا

    ورلڈ کپ کیلئے قومی ٹیم کا اعلان آج کیا جائے گا

    کراچی : کرکٹ ورلڈ کپ کے لئے پاکستانی ٹیم کا اعلان آج کیا جائے گا۔ بائیں ہاتھ کے بیٹسمین ناصر جمشید کے نام پر سلیکشن کمیٹی اڑگئی۔

    اسپنر رضا حسن بھی امیدواروں کی دوڑ میں شامل ہوگئے۔فیصلے کی گھڑی قریب آگئی۔ کرکٹ ورلڈ کپ کے لئے کن کھلاڑیوں کے نام کا قرا نکلتا ہے۔

    پندرہ رکنی ٹیم کے لئے سلیکٹرز نے کوچ وقار یونس اور کپتان مصباح الحق سے نیشنل اسٹیڈیم کراچی میں طویل مشاورت کی۔ کچھ کھلاڑیوں پر بحث جاری رہی۔

    اوپننگ بیٹسمین ناصر جمشید کے نام پر سلیکشن کمیٹی اڑگئی۔ کپتان نے شامل کرنے پر اصرار کیا۔ اجلاس کے بعد وقار اور مصباح الحق میڈیا سے بات کئے بغیر لاہور روانہ ہوگئے۔

    پینٹینگولر کپ میں ہیٹ ٹرک کرنے والے رضا حسن بھی امیدواروں کی دوڑ میں شامل ہوگئے ہیں۔ لیگ اسپنر یاسر شاہ بھی میگا ایونٹ کے لئے اڑان بھرسکتے ہیں۔

    احمد شہزاد کے ساتھ سرفراز احمد سے اوپننگ کرائے جانے کا امکان ہے۔ حفیظ بولنگ ایکشن میں کلئیر نہ ہوئے تو بطور بیٹسمین کھیلیں گے۔

    ٹیم کی قیادت مصباح الحق کریں گے۔ یونس خان، حارث سہیل، شاہد آفریدی ، محمد عرفان اور جنید خان مضبوط امیدوار ہیں۔

    مڈل آرڈر بیٹسمین عمر اکمل، بلاول بھٹی، انور علی اور احسان عادل ٹیم کا حصہ ہوسکتے ہیں۔ وہاب ریاض اور سہیل تنویرمیں سے کسی ایک کو ٹیم میں شامل کئے جانے کا امکان ہے۔ سابق کپتان شعیب ملک کی واپسی کے آثار بھی نہیں۔

  • تمام توجہ کارکردگی بہتر کرنے پر ہے، شعیب ملک

    تمام توجہ کارکردگی بہتر کرنے پر ہے، شعیب ملک

    کراچی: آل راؤنڈر شعیب ملک کا کہنا ہے کہ وہ تمام تر توجہ کارکردگی بہتر بنانے پر مرکوز کیے ہوئے ہیں۔ ورلڈکپ اسکواڈ میں شامل کرنے کا فیصلہ سیلکٹرز نے کرنا ہے۔

    نیشنل اسٹیڈیم کراچی میں میڈیا سے گفتگو کرتے ہوئے آل راؤنڈر شعیب ملک نے کہا کہ وہ ہر ایونٹ میں اچھی کارکردگی دکھانے کی کوشش کرتے ہیں۔

    شعیب ملک کا کہنا تھا کہ خیبرپختونخواہ فائٹرز اسٹار کھلاڑیوں سے محروم ہونے کے باوجود متحد ہوکر کھیلتے ہیں ، آل راؤنڈر شعیب ملک بگ بیش کھیلنے کیلئے آسٹریلیا چلے گئے ہیں لیکن انھیں یقین ہے کہ پینٹاگولر کپ کا ٹائٹل ان کی ٹیم کے پی کے فائٹرز ضرور جیتے گی۔

  • پینٹنگولر کپ کرکٹ ٹورنامنٹ آج سے نیشنل اسٹیڈیم میں ہوگا

    پینٹنگولر کپ کرکٹ ٹورنامنٹ آج سے نیشنل اسٹیڈیم میں ہوگا

    کراچی : پینٹنگولر کپ ون ڈے کرکٹ ٹورنامنٹ کا آغاز آج نیشنل اسٹیڈیم کراچی میں ہورہا ہے۔ افتتاحی میچ سندھ نائٹس اور خیبر پختنوخوا فائٹر کے درمیان ہوگا۔

    تفصیلات کے مطابق پنٹینگولر کپ ون ڈے کرکٹ ٹورنامنٹ سپرز اسٹارز کے بغیر آج کراچی میں شروع ہورہا ہے۔ انجریز سے بچانے کے لئے یونس خان ,شاہد آفریدی اور سرفراز احمد سمیت دیگر ٹاپ کھلاڑیوں کو آرام دیا گیا ہے۔

    مصباح الحق انجری کے سبب ایونٹ میں شرکت نہیں کر رہے ہیں، جبکہ محمد حفیظ بولنگ ایکشن ٹیسٹ کے لئے ملک سے باہر ہیں۔ ایونٹ کا افتتاحی میچ سندھ نائٹس اور خیبر پختونخوا فائٹر کے درمیان کھیلا جائے گا۔

    میچ دوپہر ایک بجے شروع ہوگا۔ ایونٹ میں چاروں صوبوں کے علاوہ فیڈرل کپیٹل کی ٹیم شرکت کر رہی ہے۔ سنگل لیگ بنیاد پر کھیلے جانے والے اس ایونٹ کی ٹاپ دو ٹیمیں فائنل کھیلیں گی۔

    میچ جیتنے والی ٹیم کو دو پوائنٹس جبکہ بے نتیجہ رہنے کی صورت میں دونوں ٹیموں کو ایک ایک پوائنٹ دیاجائے گا۔ ایونٹ کی مجموعی انعامی رقم چالیس لاکھ روپے ہے۔

  • پینٹینگولرکپ کرکٹ ٹورنامنٹ کل سے کراچی میں ہوگا

    پینٹینگولرکپ کرکٹ ٹورنامنٹ کل سے کراچی میں ہوگا

    کراچی : پینٹینگولر کپ کرکٹ ٹورنامنٹ کل سے کراچی میں شروع ہوگا۔ قومی کرکٹرز ایکشن میں دکھائی دیں گے۔پینٹینگولر کپ کرکٹ ٹورنامنٹ خراب موسم اور دھند کے باعث ملتان سے کراچی منتقل کردیا گیا تھا۔

    ایونٹ کا آغاز بدھ سے نیشنل اسٹیڈیم میں ہوگا۔ پی سی بی نے ٹورنامنٹ کے لئے ٹیمز اور آفیشلز کا اعلان کردیا ہے۔ایونٹ میں ملک بھر سے پانچ ٹیمیں شرکت کریں گی۔

    پاکستان کرکٹ بور ڈ نے پنٹنگولر ون ڈے کرکٹ ٹورنامنٹ کی ٹیموں اور آفیشلز کا اعلان کردیا ہے۔ پی سی بی نے پنٹینگولر کرکٹ ٹورنامنٹ کے لئے ٹیموں کا اعلان کردیاہے۔

    فواد عالم سندھ نائٹس کی ٹیم کے کپتان ہوں گے جبکہ انور علی نائب کپتانی کریں گے۔ لاہوربادشاہ کی قیادت حارث سہیل کریں گے،عمراکمل نائب کپتان ہوں گے۔

    بلوچستان وارئیرز کی کپتانی اظہر علی کریں گے۔ بسمہ اللہ خان ان کے نائب ہوں گے۔فیڈرل یونائیٹڈ کی قیادت عمر امین کو دی گئی ہے۔ زوہیب احمد نائب کپتان ہوں گے۔

    خیبر پختونخواہ کی کپتانی جنید خان کریں گے عمران خان ان کے نائب ہوں گے۔ پنٹنگولر کپ ون ڈے کرکٹ ٹورنامنٹ اکتیس دسمبر سے کراچی میں شروع ہوگا،اوردس جنوری تک جاری رہے گا۔

  • نیشنل ٹی ٹوئنٹی کپ:پشاورپینتھرزکی فائنل میں شاندارفتح

    نیشنل ٹی ٹوئنٹی کپ:پشاورپینتھرزکی فائنل میں شاندارفتح

    کراچی: پشاور پینتھرزنے پہلی بار نیشنل ٹی ٹونٹی کپ کا ٹائٹل اپنے نام کرلیا، فائنل میں پشاور پینتھرزنےلاہورلائنزکوسات وکٹ سےشکست دی۔ کراچی کے نیشنل اسٹیڈیم میں کھیلے گئے فائنل میں لاہورلائنزنے ٹاس جیت کر پہلے بیٹنگ کافیصلہ کیا۔

    لیکن پشاور کے بولرز کی نپی تلی بولنگ کے آگے لائنز کے بیٹسمین جم کر نہ کھیل سکے، صرف امام الحق باون رنز ہی کچھ مزاحمت کرسکے، تاج ولی نے تین اورعمران خان نے دو وکٹیں لیں۔

    جواب میں پشاور پینتھرز کے اوپنرز نے اچھا آغاز فراہم کیا پھر افتخار احمد پچاس رنز ناٹ آؤٹ نے عادل امین تینتیس رنز کے ساتھ مل کر اپنی ٹیم کو سات وکٹ سے فتح دلوادی۔ پشاور پینتھرز کی ٹیم پہلی بار قومی ٹی ٹوئنٹی کپ کا ایونٹ جیتنے میں کامیاب ہوئی ہے۔

  • ہم جیسے کھلاڑیوں کو خود کشی کرلینی چاہیئے،یونس خان

    ہم جیسے کھلاڑیوں کو خود کشی کرلینی چاہیئے،یونس خان

    کراچی: قومی ٹیم کے سابق کپتان یونس خان آسٹریلیا کے خلاف سیریز سے باہر ہونے پر دلبرداشتہ ہوگئے، کہتے ہیں کہ پاکستان میں سینئر کھلاڑیوں کے ساتھ مذاق کیا جاتا ہے۔ ہم جیسے کھلاڑیوں کو خود کو گولی مارلینی چاہئیے۔

    وہ نیشنل اسٹیڈیم کراچی میں صحافیوں سے گفتگو کررہے تھے ،یونس خان میڈیا کے سامنے سینٹرل کانٹریکٹ کو بھی خاطر میں نہ لائے اور بس بولتے ہی چلے گئے۔

    انہوں نے کہا کہ میں  نے کرکٹ عزت سے کھیلی ہے اس طرح کی بے عزتی برداشت نہیں کرسکتا ,انہیں خود پر ہنسی آتی ہے۔ اس ملک میں سینئیرز کے ساتھ مذاق ہوتا ہے۔ یونس خان نے کہا کہ کرکٹ سے بھاگوں گا نہیں اور نہ ہی ریٹائر ہوں گا۔ اگرٹیم میں منتخب نہیں کیا جارہا تو کیا خود کو گولی مارلوں۔

    سابق کپتان نے کہا کہ کیا میرا قصور یہ ہے کہ میں سلیکٹرز کو فون نہیں کرتا، کیا میرا قصور یہ ہے کہ میں نے پاکستان کو ورلڈ ٹی ٹوئنٹی جتوایا۔ یونس خان  نے کہا کہ اگر سلیکٹرزیہ کہتے کہ پہلا ون ڈے کھیل کر ریٹائر ہوجاؤ تو ٹیم کی خاطر ایسا کرلیتا، اگر ورلڈ کپ تک ٹیم بن گئی تو کرکٹ چھوڑ دوں گا۔