نیشنل ٹی ٹوئنٹی کپ میں کھیلنے والے پلیئرز کو یومیہ الاؤنس نہیں مل رہا جس کی وجہ سے ان میں مایوسی پائی جاتی ہے۔
تفصیلات کے مطابق ڈومیسٹک سیزن کھیلنے والے کھلاڑیوں کو کوئی کنٹریکٹ نہیں ملا۔ قومی ٹی ٹوئنٹی کپ میں کھلاڑی مایوسی کا شکار ہیں، کھلاڑیوں کو یومیہ الاؤنس بھی نہیں مل رہا۔
ذرائع کا کہنا ہے کرکٹرز نے شکوہ کیا ہے کہ 5 ماہ سے کوئی ادائیگی نہیں ہوئی۔ ڈائریکٹرڈومیسٹک کرکٹ کا کہنا ہے کہ قومی سیزن کے کنٹریکٹ جلد دیے جائیں گے۔
ندیم خان نے کہا کہ تاخیرکی وجہ یہ ہے کہ کنٹریکٹ 192 سے بڑھ کر360 ہو گئے ہیں۔ ریجنز کی درخواست پرکنٹریکٹ کارکردگی کی بنیاد پر دیےجائیں گے۔
انھوں نے کہا کہ ٹی ٹوئنٹی کی یومیہ فیس منیجرز کو دی ہیں جن کو نہیں ملی وہ منیجرسے رابطہ کریں۔ نیشنل ٹی ٹوئنٹی کی بقیہ فیس بھی جلد ادا کر دی جائے گی۔
