اسلام آباد: نیشنل کمانڈ اینڈ آپریشن سینٹر کے سربراہ اسد عمر نے خطرے کی گھنٹی بجاتے ہوئے کہا کورونا کی وجہ سے صورتحال سنگین ہے ، مزید پابندیاں لگاناپڑیں گی۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے ملک میں کورونا صورتحال سے متعلق میڈیا بریفنگ دیتے ہوئے کہا کہ کورونا کی صورتحال انتہائی سنگین ہے، کراچی اور حیدرآباد میں کورونا مثبت کیسز کی شرح ڈبل ہوگئی ہے، عوام کو ذمہ داری کیساتھ ایس اوپیز پر عملدرآمدکرناچاہیے۔
اسدعمر کاکہنا تھا کہ 600سےزائد مریض روزانہ اسپتال پہنچتے ہیں ،اسپتال پہنچنے والے چند مریضوں کو آکسیجن لگاناپڑتاہے، اسپتالوں میں 4500 سے زائد مریض اسوقت آکسیجن کا استعمال کر رہے ہیں۔
این سی اوسی کے سربراہ نے مزید کہا ہے کہ کورونا کے مثبت کیسز کے باعث اسپتالوں میں دباؤ بڑھ رہاہے، رواں ہفتے میں کورونا کی وجہ سے سب سے زیادہ اموات ہوئیں ہیں،اسدعمر
ان کاکہنا تھاکہ کورونا کے کیسز کی تعداد میں مسلسل تیزی سے اضافہ ہورہا ہے ، بڑے شہروں میں کورونا کی صورتحال تشویشناک ہورہی ہے، سندھ میں کورونا کا پھیلاؤ بڑھ رہاہے۔
ہمسائے ممالک کے حوالے سے اسد عمر نے بتایا کہ ایران میں کل 25ہزار سے زائد کیسز رپورٹ ہوئے ہیں، ایران میں کورونا سے کل 395اموات ہوئی ہیں ،اسی طرح بھارت میں کوروناکی وجہ سے ایران سے زیادہ خطرناک صورتحال ہے، کل بھارت میں پونے تین لاکھ کیسز ایک دن میں رپورٹ ہوئے۔
سربراہ این سی او سی کا کہنا تھا کہ پاکستان میں کل کورونا سے اموات کی تعداد136تک پہنچ گئی ہے، کل بھارت میں کورونا سے اموات کی تعداد 2ہزار سے تجاوز کر گئی۔
انھوں نے مزید کہا کوروناکی وجہ سے صورتحال سنگین ہے ،انتہائی سنجیدگی کی ضرورت ہے، این سی اوسی کو ملک میں مزید بندشیں بڑھانی پڑیں گے، این سی اوسی نے تجاویز شیئر کی ہیں ،جمعہ کو اعلان کیا جائے گا۔
اسد عمر کاکہنا تھا کہ بڑے شہر ابھی بند نہیں کررہےمگر چند دن کامارجن رہ گیاہے، اللہ سے دعا ہے کہ ہمیں بڑے قدم نہ اٹھاناپڑیں، وفاق صوبوں سے مکمل تعاون کرنے کیلئے تیار ہے، جو تشویشناک صورتحال چل رہی ہے اس میں مزید پابندیاں لگاناپڑیں گی۔
