ARYNews.tv | Urdu – Har Lamha Bakhabar

Tag: نیشنل کمانڈ اینڈ آپریشن سینٹر

  • این سی او سی کا بہترین ویکسین شدہ شہروں میں معاملات زندگی معمول پر لانے کا فیصلہ

    این سی او سی کا بہترین ویکسین شدہ شہروں میں معاملات زندگی معمول پر لانے کا فیصلہ

    اسلام آباد : نیشنل کمانڈ اینڈ آپریشن سینٹر نے اسلام آباد ،منڈی بہاؤ الدین گلگت ،میرپور کو بہترین ویکسین شدہ شہر قرار دیتے ہوئے شہروں میں معاملات زندگی معمول پر لانے کا فیصلہ کرلیا ۔

    تفصیلات کے مطابق وفاقی وزیر اسدعمرکی زیرصدارت این سی او سی کا اجلاس ہوا ، اجلاس میں کوروناوائرس اور مختلف شہروں کی ویکسی نیشن کی صورتحال کا تفصیلی جائزہ لیا گیا‌۔

    این سی او سی نے اسلام آباد ،منڈی بہاؤ الدین گلگت ،میرپور کو بہترین ویکسین شدہ شہر قرار دیتے ہوئے کہا ان شہروں میں60 فیصد آبادی کی ویکسی نیشن کرلی گئی ہے۔

    نیشنل کمانڈ اینڈ آپریشن سینٹر نے اعلیٰ کارکردگی پرشہروں میں معاملات زندگی درجہ بدرجہ معمول پر لانے کا فیصلہ کیا۔

    این سی او سی نے 40 سے 60 فیصدآبادی کو ویکسین لگا کر راولپنڈی ، جہلم سمیت پشاور، غذر،کرمنگ، اسکردو، ہنزہ، باغ اوربھمبر کو  اچھے  ویکسین شدہ شہر  قرار  دیا۔

    این سی اوسی کا کہنا تھا کہ بہترین ویکسین شدہ شہروں میں نافذ اضافی پابندیاں ہٹادی گئیں ہیں اور ان شہروں میں سفرمیں مسافروں کی تعداد کو 100 فیصد کردیا گیا ہے۔

    نیشنل کمانڈ ایںڈ آپریشن سینٹر کے مطابق اچھےاور کم ویکسین شدہ شہروں میں مسافروں کی تعداد کو 80 فیصد تک رکھاگیاہےاور ان شہروں میں پابندیاں 15 نومبر تک برقراررکھنے کا فیصلہ کیا یے۔

    اچھے اورکم ویکسین شدہ شہروں میں اجتماعات میں 500 اور 300افراد کی حد برقرار رہے گی تاہم سہولیات کا تسلسل مکمل ویکسین لگوانے اور ماسک کے لازمی استعمال سے مشروط ہے۔

    اجلاس میں کہا گیا کہ 16 نومبر کو این سی او سی اپنےاجلاس میں ان فیصلوں پرنظر ثانی کرےگا ، اس ضمن میں تمام صوبوں کوتفصیلی ہدایات ارسال کر دی گئی ہیں۔

    این سی او سی وبا کا مستقل جائزہ لیتا رہے گا اور ضرورت پرمطلوبہ پابندیوں کےنفاذ سےمتعلق احکامات جاری کرے گا۔

  • تعلیمی اداروں میں گرمیوں کی چھٹیاں کب سے؟ این سی او سی نے تجویز دے دی

    تعلیمی اداروں میں گرمیوں کی چھٹیاں کب سے؟ این سی او سی نے تجویز دے دی

    اسلام آباد : نیشنل کمانڈ اینڈ آپریشن سینٹر نے تعلیمی اداروں میں گرمیوں کی چھٹیاں 18جولائی سےیکم اگست تک دینے کی تجویز دے دی تاہم فیصلہ کل اجلاس میں کیا جائے گا۔

    تفصیلات کے مطابق پنجاب بھر کے تعلیمی اداروں میں گرمیوں کی چھٹیوں کے معاملے پر نیشنل کمانڈ اینڈ آپریشن سینٹر نے 18جولائی سےیکم اگست تک گرمیوں کی چھٹیاں دینے کی تجویز دے دی جبکہ وزیرتعلیم پنجاب 2جولائی سے 2 اگست تک چھٹیاں دینے کے لیے بضد ہے۔

    اس حوالے سے این سی او سی کی زیر صدارت تعلیمی کانفرنس کل ہوگی ، جس میں وفاقی وزیر تعلیم شفقت محمود اور تمام صوبائی وزیر تعلیم شرکت کریں گے۔

    اجلاس میں آئندہ امتحانات اور موسم گرما کی تعطیلات سے متعلق فیصلے کا امکان ہے۔

    خیال رہے پاکستان میں کورونا صورتحال میں بہتری کے بعد تعلیمی اداروں میں تدریسی عمل جاری ہے جبکہ امتحانات کا شیڈول بھی جاری کردیا گیا ہے جبکہ 10ویں اور 12ویں جماعت کے امتحانات جولائی میں ہوں گے ، امتحانات منتخب مضامین میں لیے جائیں گے۔

    واضح رہے ملک میں کورونا کیسز اور اموات میں مسلسل کمی کا سلسلہ جاری ہے ، 24 گھنٹوں کے دوران 20 اموات ریکارڈ کی گئی جبکہ 901 کیسز سامنے آئے۔

  • کورونا پابندیوں میں نرمی ، 11جون سے 18سال سے زائدعمر والوں کی واک ان ویکسینیشن کا اعلان

    کورونا پابندیوں میں نرمی ، 11جون سے 18سال سے زائدعمر والوں کی واک ان ویکسینیشن کا اعلان

    اسلام آباد : نیشنل کمانڈ اینڈ آپریشن سینٹر نے 11جون سے 18سال سےزائدعمرکے افراد کی واک ان ویکسی نیشن کا فیصلہ کرتے ہوئے کہا  ہفتہ وار دو چھٹیاں ختم کردیں۔

    تفصیلات کے مطابق وفاقی اسد عمر اور لیفٹیننٹ جنرل حمودالزمان کی زیرصدارت این سی اوسی کا اجلاس ہوا ، جس میں کوروناویکسی نیشن سمیت ایس اوپیز پر عملدرآمد کی صورتحال پرغور کیا گیا۔

    اجلاس میں فیصلہ کیا گیا کہ 11جون سے 18سال سےزائدعمرکے افراد کی واک ان ویکسی نیشن ہوگی جبکہ این سی اوسی نے ہفتہ وار دو کے بجائے ایک چھٹی کی منظوری دیتے ہوئے کہا ایک دن کی چھٹی کا فیصلہ صوبےاپنی مرضی سے کریں گے۔

    نیشنل کمانڈ اینڈ آپریشن سینٹر نے کہا کہ مزارات اور سیمیناز پر پابندی برقرار رہے گی، دفاتر میں 100فیصد حاضری کی اجازت دیدی گئی جبکہ بین الصوبائی ٹرانسپورٹ ہفتے میں 2دن بند رکھنے کی پابندی بھی ختم کردی گئی ہے تاہم پبلک ٹرانسپورٹ میں 50کےبجائے اب 70فیصد مسافروں کو بٹھانے کی اجازت ہوگی۔

    این سی اوسی کے مطابق 30جون تک پبلک سیکٹر تمام ملازمین کو ویکسی نیشن کے پابند ہوں گے اور اجلاس کے فیصلوں پر 15جون سے اطلاق شروع ہوگا۔

    نیشنل ماس ویکسی نیشن مہم 3نکاتی اسٹریٹیجی کے تحت چلائی جائے گی

    اجلاس میں کہا گیا کہ نیشنل ماس ویکسی نیشن مہم 3نکاتی اسٹریٹیجی کے تحت چلائی جائے گی، شہریوں کی رضاکارانہ بنیاد پر کورونا ویکسی نیشن ہو گی جبکہ سرکاری اور نجی ملازمین کیلئے کورونا ویکسی نیشن لازمی ہو گی۔

    سرکاری ملازمین کی ویکسی نیشن 30جون تک مکمل کی جائے گی

    این سی او سی نے کہا سرکاری ملازمین کی ویکسی نیشن 30جون تک مکمل کی جائے گی اور کوروناویکسی نیشن کیلئے شہریوں کی حوصلہ افزائی کی جائے گی ، ویکسی نیشن کی حوصلہ افزائی کیلئےمختلف مراعات متعارف کرائی جائیں گی۔

    کوروناویکسی نیشن سینٹرزکےاوقات کارتبدیل

    این سی او سی نے ملک بھر کے کوروناویکسی نیشن سینٹرزکےاوقات کارتبدیل کر دیئے گئے ہیں ، 11جون سے ویکسی نیشن سینٹرصبح 8تا رات 10تک کھلے رہیں گے جبکہ ملک بھر کے ویکسی نیشن سینٹرز کی ہفتہ وار تعطیل اتوار کو ہوگی۔

    ویکسی نیشن سرٹیفکیٹ کاتصدیقی آئی ٹی نظام متعارف کرایاجائےگا

    این سی اوسی کا کہنا تھا کہ ویکسی نیشن سرٹیفکیٹ کاتصدیقی آئی ٹی نظام متعارف کرایاجائےگا، سرٹیفکیٹ کا تصدیقی نظام رواں ماہ متعارف کرایاجائے گا۔

  • پاکستان میں کورونا کیسز اور اموات میں اضافہ، مزید 104 اموات ، 3200 سے زائد کیسز رپورٹ

    پاکستان میں کورونا کیسز اور اموات میں اضافہ، مزید 104 اموات ، 3200 سے زائد کیسز رپورٹ

    اسلام آباد : پاکستان میں کورونا کیسز اور اموات میں اضافہ جاری ہے ، ایک دن میں مزید 104 اموات ریکارڈ کی گئی اور 3200 سے زائد کیسز سامنے آئے۔

    تفصیلات کے مطابق نیشنل کمانڈ اینڈ آپریشن سینٹر (این سی او سی) کے اعداد و شمار نے ملک میں کورونا صورتحال کے حوالے سے تازہ اعدادو شمار جاری کردیئے ہیں ، جس میں بتایا گیا ہے کہ پاکستان میں کورونا کی تیسری لہر میں گزشتہ 24 گھنٹوں میں مزید 104 مریض انتقال کرگئے ، جس کے بعد کورونا سے اموات کی مجموعی تعداد 19ہزار856تک پہنچ گئی۔

    این سی او سی کے مطابق 24گھنٹوں میں کورونا کے 41ہزار771 ٹیسٹ کئے گئے ، جن میں سے 3ہزار256 افراد میں کورونا کی تصدیق ہوئی اور ملک بھر میں مثبت کیسز کی شرح تقریبا 7.79 فی صد رہی۔

    ملک بھر میں کورونا کے فعال کیسز کی تعداد 66ہزار377 ہے جبکہ کورونا سے متاثر ہونے والوں کی مجموعی تعداد آٹھ لاکھ 80 ہزار 362ہو چکی ہے اور گزشتہ 24 گھنٹے میں4 ہزار440کورونا مریض صحتیاب ہوئے، جس کے بعد 7 لاکھ 99 ہزار 951 افراد کورونا سے صحت یاب ہوچکے ہیں۔

    اعدادو شمار کے مطابق سندھ میں کورونا سے متاثرہ ہونے والوں کی تعداد 3 لاکھ ایک ہزار 247،، پنجاب میں 3 لاکھ 29 ہزار 913 ، خیبرپختونخوا میں ایک لاکھ 27 ہزار 609، بلوچستان 24 ہزار 64 جبکہ وفاقی دارالحکومت اسلام آباد میں کورونا کے 79 ہزار 552 کیسز ، گلگت بلتستان میں5 ہزار 439 کورونا کیسز سامنے آئے۔

  • ملک بھر کے ویکسی نیشن سینٹر اتوار اور عام تعطیل والے دن بند رکھنے کا اعلان

    ملک بھر کے ویکسی نیشن سینٹر اتوار اور عام تعطیل والے دن بند رکھنے کا اعلان

    اسلام آباد : نیشنل کمانڈ اینڈ آپریشن سینٹر نے ملک بھر کے ویکسی نیشن سینٹر اتوار اور عام تعطیل والے دن بند رکھنے کا اعلان کردیا۔

    تفصیلات کے مطابق نیشنل کمانڈ اینڈ آپریشن سینٹر کی جانب سے بیان میں کہا گیا ہے کہ ملک بھرکےویکسی نیشن سینٹراتواراورعام تعطیل والےدن بندرہیں گے، شہری اتواراورعام تعطیل والے دن ویکسی نیشن کے لیے نہ آئیں۔

    این سی اوسی کا کہنا تھا کہ فیصلہ ویکسین ایڈمنسٹریٹرزاورہیلتھ کیئرورکرزکوریلیف دینےکےلیےکیاگیا، ویکسین ایڈمنسٹریٹر اور ہیلتھ کیئرورکرزقوم کی خدمت میں مسلسل مصروف ہیں۔

    نیشنل کمانڈ اینڈ آپریشن سینٹر نے کہا وسیع پیمانے پر ویکسی نیشن کے لیے وفاقی اکائیوں کے انتظام کو سراہتے ہیں، کورونا اور خصوصاً ویکسی نیشن میں مصروف عملےکی خدمات کو بھی سراہتے ہیں۔

    یاد رہے ملک بھر میں ساٹھ سال یا اس سے زائد عمر کے شہریوں کی ملک بھر میں ویکسی نیشن کا عمل جاری ہے ، رجسٹریشن کے لیے اپنے بزرگ کا شناختی کارڈ نمبر 1166 پر ایس ایم ایس کریں ، جس کے بعد ویکسی نیشن کیلئے آپ کوپن کوڈ کیساتھ جوابی ایس ایم ایس آئے گا، جس میں ویکیسن دستیاب ہوتے ہی آپ کو مقام اور تاریخ سے آگاہ کر دیا جائے گا۔

    خیال رہے یاد رہے ملک میں کوروناکیسزکی شرح تیزی سے اضافہ ہورہا ہے ، چوبیس گھنٹے میں کیسز مثبت آنے کی شرح9 فیصد سے بھی تجاوز کرگئی۔

  • حکومت کی مثبت حکمتِ عملی کے اثرات ، کورونا کیسز اور اموات میں مسلسل کمی

    حکومت کی مثبت حکمتِ عملی کے اثرات ، کورونا کیسز اور اموات میں مسلسل کمی

    اسلام آباد : ملک میں کورونا سے اموات اور کیسزمیں کمی کا سلسلہ برقرار ہے ، چوبیس گھنٹے میں پانچ مریض جان سے گئے ، اموات کی کل تعداد 6370 ہوگئی۔

    تفصیلات کے مطابق پاکستان میں کورونا کے یومیہ رپورٹ ہونے والے کیسز اور اموات میں بتدریج کمی کا سلسلہ جاری ہے ، نیشنل کمانڈ اینڈ آپریشن سینٹر نے ملک میں کورونا صورتحال کے تازہ اعداو شمار جاری کردیئے ہیں۔

    نیشنل کمانڈ اینڈ آپریشن سینٹر کا کہنا ہے کہ 24 گھنٹےمیں5مریض کوروناوائرس سےجاں بحق ہوئے ، جس کے بعد ملک بھرمیں کوروناسے اموات کی تعداد 6370 ہوگئی۔

    این سی او سی کے مطابق 24 گھنٹےمیں صرف 548 افرادمیں کوروناکی تصدیق ہوئی ، ملک میں کورونا کے ایکٹو کیسزکی تعداد 5795 جبکہ 3لاکھ 371 مصدقہ کورونا کیس سامنے آچکے ہیں۔

    اعداد و شمار کے مطابق سندھ میں کورونا کے 1 لاکھ 31ہزار 404 کیسز سامنے آ چکے ہیں جبکہ پنجاب میں 97533، خیبرپختونخوا36823 ، اسلام آبادمیں 15832 ، گلگت بلتستان3131، بلوچستان میں13282 ، آزادکشمیرمیں 2366 کوروناکے کیس رپورٹ ہوئے۔

    این سی او سی کا کہنا ہے کہ سندھ میں کورونا کے 2439 ،پنجاب میں2214 ، خیبرپختونخوا1256،اسلام آبادمیں 178 ، بلوچستان145، گلگت بلتستان میں 73 مریض ، آزادکشمیرمیں کوروناوائرس سے65مریض جاں بحق ہوچکےہیں

    ملک بھرمیں کورونا کے2 لاکھ 88ہزار 206 مریض صحتیاب ہو چکے ہیں جبکہ 24 گھنٹےمیں ملک بھر میں 29534کوروناٹیسٹ کئے گئے اور مجموعی طور پر 28 لاکھ 79 ہزار 655 کورونا ٹیسٹ کئے جاچکے ہیں۔

    نیشنل کمانڈ اینڈ آپریشن سینٹر  نے بتایا کہ ملک بھرکے 735 اسپتالوں میں کورونا کے 1021 مریض زیرعلاج ہے جبکہ کورونا کے 93 مریض وینٹی لیٹرپر ہیں۔

  • ملک میں کرونا وائرس سے اموات کم ترین سطح پر آ گئیں

    ملک میں کرونا وائرس سے اموات کم ترین سطح پر آ گئیں

    اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 4 مریض انتقال کر گئے جبکہ 591 نئے کیسز کی تصدیق ہوئی ہے۔

    تفصیلات کے مطابق ملک میں کرونا وائرس سے اموات کم ترین سطح پر آ گئیں، گزشتہ 24 گھنٹوں کے دوران کے پی میں 2 اور سندھ،گلگت بلتستان میں ایک ایک مریض کا انتقال ہوا جس کے بعد کرونا سے ہلاکتوں کی مجموعی تعداد 6 ہزار 235 ہوچکی ہے۔

    نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹے میں ملک میں کرونا وائرس کے 591 نئے کیسز رپورٹ ہوئے ہیں جس کے بعد ملک میں کرونا وائرس کے مجموعی کیسز کی تعداد 2 لاکھ 92 ہزار 765 ہوگئی ہے۔

    این سی او سی کے مطابق ملک میں کرونا وائرس کے فعال کیسز کی تعداد 10 ہزار 694 ہے، اب تک 2 لاکھ 75 ہزار 836 کرونا وائرس مریض صحت یاب ہو چکے ہیں۔

    ملک میں گزشتہ 24 گھنٹے کے دوران 24 ہزار 956 کرونا وائرس کے ٹیسٹ کیے گئے، ملک بھر میں کیے گئے مجموعی ٹیسٹس کی تعداد 24 لاکھ 39 ہزار 8582 ہوچکی ہے۔

    نیشنل کمانڈ اینڈ آپریشن سینٹر کے مطابق ملک بھر میں کرونا کے 121 مریض وینٹی لیٹر پر زیر علاج ہیں۔

  • عید پر تفریحی مقامات کا رخ نہ کریں اور اجتماعات سے گریز کریں: اسد عمر

    عید پر تفریحی مقامات کا رخ نہ کریں اور اجتماعات سے گریز کریں: اسد عمر

    اسلام آباد: وفاقی وزیر اسد عمر کا کہنا ہے کہ وزیر اعظم کی ہدایت کے مطابق عید سادگی سے منانی چاہیئے، عید پر تفریحی مقامات کا رخ نہ کریں اور اجتماعات سے گریز کریں۔

    تفصیلات کے مطابق وفاقی وزیر برائے منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر (این سی او سی) کا اجلاس ہوا، اجلاس میں مویشی منڈیوں میں حفاظتی تدابیر کے حوالے سے بریفنگ دی گئی۔

    بریفنگ میں بتایا گیا کہ مختلف صوبوں میں حفاظتی تدابیر کی خلاف ورزیاں دیکھنے میں آئی ہیں، ملک میں غیر قانونی مویشی منڈیوں کو بند اور جرمانے کیے گئے۔

    اجلاس میں ڈیجیٹل ٹیکنالوجی کے ذریعے مختلف خلاف ورزیوں کے مشاہدے پر بھی بریفنگ دی گئی۔

    وفاقی وزیر اسد عمر کا کہنا تھا کہ وزیر اعظم کی ہدایت کے مطابق عید سادگی سے منانی چاہیئے، عید پر تفریحی مقامات کا رخ نہ کریں، اجتماعات سے گریز کریں۔

    انہوں نے کہا کہ نماز میں سماجی فاصلوں اور دی گئی ہدایات پر عمل سے وبا کو پھیلنے سے روکا جا سکتا ہے، مویشی منڈیوں میں حفاظتی تدابیر کو ہر ممکن یقینی بنایا جائے گا۔

    خیال رہے کہ ملک بھر میں کرونا وائرس کیسز اور اس سے ہونے والی اموات میں بتدریج کمی واقع ہورہی ہے، گزشتہ 24 گھنٹوں کے دوران کرونا وائرس کے 24 مریض جاں بحق ہوئے جس کے بعد مجموعی اموات کی تعداد 5 ہزار 787 ہوگئی۔

    گزشتہ 24 گھنٹے کے دوران 14 سو 87 نئے کیسز سامنے آئے جس کے بعد مجموعی کیسز کی تعداد 2 لاکھ 71 ہزار 887 ہوگئی ہے۔

    ملک میں کرونا وائرس کے فعال کیسز کی تعداد 29 ہزار 504 ہے جبکہ 1 لاکھ 36 ہزار 596 مریض صحتیاب ہوچکے ہیں۔

  • ملک بھر میں ایس او پیز کی خلاف ورزیاں جاری

    ملک بھر میں ایس او پیز کی خلاف ورزیاں جاری

    اسلام آباد: نیشنل کمانڈ اینڈ آپریشن سینٹر کا کہنا ہے کہ ملک میں 24 گھنٹے میں ایس او پیز کی 10 ہزار 439 خلاف ورزیاں رپورٹ ہوئیں، 24 گھنٹے میں 937 مارکیٹس، دکانیں اور 22 انڈسٹریز سیل کی گئیں اور ان پر جرمانے عائد کیے گئے۔

    تفصیلات کے مطابق نیشنل کمانڈ اینڈ آپریشن سینٹر کو صوبوں کی جانب سے ایس او پیز کی خلاف ورزیوں پر بریفنگ دی گئی، بریفنگ میں بتایا گیا کہ وزیر اعظم کی ہدایات کے مطابق مخصوص مقامات پر اسمارٹ لاک ڈاؤن جاری ہیں۔

    بریفنگ میں کہا گیا کہ ملک میں 24 گھنٹے میں ایس او پیز کی 10 ہزار 439 خلاف ورزیاں رپورٹ ہوئیں، 24 گھنٹے میں 937 مارکیٹس، دکانیں اور 22 انڈسٹریز سیل کیے گئے اور ان پر جرمانے عائد کیے گئے۔ گزشتہ 24 گھنٹے میں ملک بھر میں 11 سو 17 ٹرانسپورٹرز کو جرمانے عائد کیے گئے۔

    اجلاس میں بتایا گیا کہ پنجاب میں 249 اسمارٹ لاک ڈاؤن سے 78 ہزار آبادی کو کنٹرول کیا گیا، سندھ میں 28 اسمارٹ لاک ڈاؤن سے 17 لاکھ آبادی کو کنٹرول کیا گیا، پختونخواہ میں 601 لاک ڈاؤن سے 1 لاکھ 97 ہزار آبادی کو کنٹرول کیا گیا۔

    بریفنگ میں بتایا گیا کہ اسلام آباد میں 10 لاک ڈاؤن سے 90 ہزار اور گلگت بلتستان میں 14 لاک ڈاؤن سے 15 ہزار آبادی کو کنٹرول کیا گیا۔

    اجلاس میں بتایا گیا کہ گزشتہ 24 گھنٹے میں آزاد کشمیر میں ایس او پیز کی 804 خلاف ورزیاں رپورٹ ہوئیں، آزاد کشمیر میں 134 دکانیں سیل اور 254 گاڑیوں کو جرمانے کیے گئے۔

    اسی طرح 24 گھنٹے میں گلگت بلتستان میں ایس او پیز کی 185 خلاف ورزیاں رپورٹ ہوئیں، گلگت بلتستان میں 42 دکانیں اور ایک انڈسٹری سیل کی گئی جبکہ 27 ٹرانسپورٹرز کو جرمانے کیے گئے۔

    بریفنگ کے مطابق گزشتہ 24 گھنٹے میں پختونخواہ میں ایس او پیز کی 5 ہزار 326 خلاف ورزیاں رپورٹ ہوئیں جس کے بعد 178 دکانوں کو سیل کیا گیا جبکہ 105 ٹرانسپورٹرز کو جرمانے کیے گئے۔

  • ایس او پیز کی خلاف ورزی: اسلام آباد میں ہوٹل اور ورکشاپس، بلوچستان میں کارخانہ سیل

    ایس او پیز کی خلاف ورزی: اسلام آباد میں ہوٹل اور ورکشاپس، بلوچستان میں کارخانہ سیل

    اسلام آباد: نیشنل کمانڈ اینڈ آپریشن سینٹر کے اجلاس میں بتایا گیا کہ ملک بھر میں ایس او پیز کی خلاف ورزی پر متعدد دکانیں سیل اور جرمانے عائد کیے گئے۔

    تفصیلات کے مطابق وفاقی وزیر برائے منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر کا اجلاس ہوا، اجلاس میں ملک میں کرونا وائرس کی صورتحال اور ایس او پیز پر عمل درآمد کے حوالے سے جائزہ لیا گیا۔

    اجلاس میں بتایا گیا کہ مختلف شہروں میں ہیلتھ گائیڈ لائنز پر عمل یقینی بنانے کے لیے کارروائیاں جاری ہیں، 3 لاکھ 86 ہزار کی آبادی کے لیے 12 سو 92 مقامات پر اسمارٹ لاک ڈاؤن کیا گیا۔

    اجلاس میں ملک میں جاری ایس او پیز کی خلاف ورزیوں پر کارروائیوں کے حوالے سے بھی بریفنگ دی گئی۔ این سی او سی کے مطابق اسلام آباد میں ہوٹل، کارخانے، ورکشاپس، گاڑیاں اور دکانیں سیل کیے گئے جبکہ جرمانے بھی عائد کیے گئے۔

    بریفنگ میں بتایا گیا کہ آزاد کشمیر میں 1 ہزار 37 خلاف ورزیوں پر جرمانے اور دکانیں سیل کیے گئے، گلگت بلتستان میں ایس او پیز کی 231 خلاف ورزیاں کی گئیں۔

    این سی او سی کے مطابق خیبر پختونخواہ میں 5 ہزار 798 خلاف ورزیاں ریکارڈ ہوئیں جس کے بعد 239 دکانیں سیل کی گئیں، پنجاب میں 3 ہزار 753 خلاف ورزیوں پر متعدد دکانیں سیل اور جرمانے عائد کیے گئے۔

    بریفنگ میں بتایا گیا کہ سندھ میں 13 سو 6 خلاف ورزیوں پر ایکشن لیا گیا جبکہ بلوچستان میں ایک کارخانہ اور 81 دکانیں سیل اور جرمانے کیے گئے۔