Tag: نیوزی لینڈ

چیمپئنز ٹرافی میں چیمپئن بننے کا دن آن پہنچا آج دبئی میں کھیلے جانے والے فائنل میں بھارت اور نیوزی لینڈ کی ٹیمیں ٹکرائیں گی۔

آئی سی سی چیمپئنز ٹرافی کا تین ہفتوں پر مشتمل میلہ آج فائنل کے ساتھ اختتام پذیر ہوگا۔ چیمپئن بننے کی جنگ لڑنے کے لیے دبئی کرکٹ اسٹیڈیم میں نیوزی لینڈ اور بھارت کی ٹیمیں دوپہر دو بجے میدان میں اتریں گے۔

ٹائٹل کے لیے بھارت کو فیورٹ قرار دیا جا رہا ہے لیکن نیوزی لینڈ کا بھی بلیو شرٹس کے خلاف ناک آوٹ میچز میں ٹریک ریکارڈ اچھا ہے۔ ٹائٹل کی جنگ کے لیے دونوں ٹیمیں تیار ہیں اور ماہرین آج کانٹے کا مقابلہ توقع کر رہے ہیں۔

رواں ایونٹ میں تاحال نا قابل شکست بھارت اب تک دو بار چیمپئنز ٹرافی کی ٹرافی اٹھا چکا ہے جب کہ نیوزی لینڈ نے 25 سال قبل سن 2000 میں بھارت کو فائنل میں شکست دے کر پہلی اور آخری بار ٹرافی جیتی تھی۔

بھارتی کپتان روہت شرما نے مسٹری اسپنر ورون کو اہم ہتھیار قرار دیا ہے جب کہ کیوی کپتان مچل سینٹنر بھی 25 سال پرانی تاریخ دہرانے کے لیے پُرعزم ہیں اور انہیں اپنے بلتے بازوں پر پورا بھروسہ ہے جنہوں نے رواں ایونٹ میں پانچ سنچریاں اسکور کی ہیں۔ ان کا کہنا ہے کہ کوشش ہوگی عام میچ کی طرح کھیل کر بھارت کو شکست دیں۔

ٹورنامنٹ کے ٹاپ پرفارمر بھی ان ہی ٹاپ 2 ٹیموں میں شامل۔ میٹ ہنری 10 وکٹ کے ساتھ بولرز میں ٹاپ پر، شامی کا دوسرا نمبر، بیٹرز میں نیوزی لینڈ کے رچن رویندرا آگے اور بھارتی اسٹار ویرات کوہلی ان کے پیچھے ہیں اور دنوں شاندار فارم میں ہیں۔

آئی سی سی ناک آوٹ میں کیویز اور سورما جب بھی ٹکراتے ہیں، تو میچ سنسنی خیز بناتے ہیں۔ 2019 میں کیویز نے ہرایا۔ 2023 میں بھارت نے آؤٹ کلاس کیا۔

بھارتی ٹیم لگاتار تیسرا آئی سی سی ایونٹ کا فائنل کھیل رہی ہے تو دوسری جانب کیویز بھی کسی سے پیچھے نہیں۔ وہ آخری پانچ ایونٹس میں سے چار سیمی فائنلز کھیل چکے ہیں۔

دبئی کی کنڈیشنز میں بھارتی اسپنرز نے ٹیم کا پلڑا بھاری کر دیا ہے، مگر مچل سینٹنر اور بریسویل بھی بھارت کے لیے بڑا خطرہ بن سکتے ہیں۔

بہرحال ٹورنامنٹ کی 2 سب سے بہترین ٹیمیں آج فائنل میچ میں آمنے سامنے ہوں گی۔ اس میچ میں جو ٹیم بھی دباؤ جھیل لے گی، وہ ٹرافی لے اڑے گی۔

https://urdu.arynews.tv/ravi-shastri-champions-trophy-final-indvnz/

چیمپئنز ٹرافی کا دوسرا سیمی فائنل آج جنوبی افریقہ اور نیوزی لینڈ کے درمیان کھیلا جائے گا فاتح ٹیم 9 مارچ کو فائنل میں بھارت سے ٹکرائے گی۔

پاکستان کی میزبانی میں جاری آئی سی سی چیمپئنز ٹرافی کا دوسرا سیمی فائنل آج جنوبی افریقہ اور نیوزی لینڈ کے درمیان قذافی اسٹیڈیم لاہور میں کھیلا جائے گا۔ فاتح ٹیم 9 مارچ کو دبئی میں کھیلے جانے والے فائنل میں بھارت سے ٹکرائے گی۔

کیویز اور پروٹیز دونوں آج ایک دوسرے کو زیر کر کے فائنل کھیلنے کے لیے جان توڑ کوشش کریں گے۔ تاہم رواں ایونٹ میں جنوبی افریقہ اپنے گروپ میں ناقابل شکست رہی جب کہ نیوزی لینڈ نے ایک میچ بھارت سے ہارا ہے۔

تاہم کیوی کپتان مچل سینٹنر میچ کے حوالے سے پر امید ہیں اور ان کا کہنا ہے کہ دبئی کی کنڈیشن مختلف تھیں۔ لاہور کی پچ کا اندازہ ہے اور یہاں سہ فریقی سیریز کے میچ کھیل چکے ہیں۔

باہمی میچوں میں دونوں ٹیموں کا تقابل کریں تو جنوبی افریقہ کا پلڑا بھاری نظر آتا ہے۔ اب تک کھیلے گئے 73 میچوں میں 42 میں پروٹیز کامیاب رہے۔ 26 میں نیوزی لینڈ کو فتح نصیب ہوئی جب کہ پانچ بے نتیجہ رہے۔

واضح رہے کہ گزشتہ روز دبئی میں کھیلے گئے پہلے سیمی فائنل میں بھارت نے آسٹریلیا کو 4 وکٹوں سے شکست دی تھی۔

آئی سی سی چیمپئنز ٹرافی میں بھارت اپنے میچز ہائبرڈ ماڈل کے تحت کھیل رہی ہے اور فائنل میں بلیو شرٹس کے کوالیفائی کرنے کے باعث اب یہ بڑا میچ 9 مارچ کو دبئی میں ہی کھیلا جائے گا۔

https://urdu.arynews.tv/champions-trophy-2025-first-semi-final-aus-vs-india/

چیمپئنز ٹرافی میں اگلا میچ کھیلنے کے لیے نیوزی لینڈ کی ٹیم اسلام آباد سے دبئی روانہ ہو گئی ہے جہاں وہ بھارت سے مقابلہ کرے گی۔

آئی سی سی چیمپئنز ٹرافی کے مقابلے پاکستان کی میزبان میں جاری ہیں۔ نیوزی لینڈ کرکٹ ٹیم نے نے اگلے میچ کے لیے اسلام آباد سے دبئی کے لیے پرواز بھر لی ہے، جہاں وہ اگلے میچ میں بھارت کے مدمقابل ہوگی۔

نیوزی لینڈ کے کھلاڑیوں اور اسٹاف سمیت 22 رکنی وفد آج دبئی کے لیے روانہ ہوا۔ کیوی ٹیم اتوار 2 مارچ کو بلیو شرٹس کے خلاف میچ کھیلے گی۔

دونوں ٹیمیں میگا ایونٹ کے سیمی فائنل کے لیے کوالیفائی کر چکی ہیں اور یہ میچ صرف ایک رسمی کارروائی ہوگا۔

گروپ ون میں میزبان اور دفاعی چیمپئن پاکستان پہلے نیوزی لینڈ اور پھر بھارت سے شکست کھا کر میگا ایونٹ سے باہر ہو چکا ہے جب کہ بنگلہ دیش بھی مذکورہ ٹیموں سے ہارنے کے بعد خالی ہاتھ وطن واپس لوٹے کی۔

تاہم اس سے قبل 27 فروری کو پاکستان اور بنگلہ دیش کا میچ لاہور کے قذافی اسٹیڈیم میں کھیلا جائے گا جس کو جیت کر قومی ٹیم اپنی ساکھ بحال کرنے کی کوشش کر سکتی ہے۔

https://urdu.arynews.tv/champions-trophy-2025-aus-vs-sa-match-will-be-affect-by-rain/

چیمپئنز ٹرافی کا پہلا مقابلہ پاکستان اور نیوزی لینڈ کے درمیان آج ہو رہا ہے بابر اعظم اور نسیم شاہ نے حریف ٹیم سے متعلق رائے ظاہر کی ہے۔

پاکستان کے اسٹار بیٹر بابر اعظم کا کہنا ہے کہ نیوزی لینڈ کی بیٹنگ لائن کافی مضبوط ہے۔ ان کے اوپنرز بہت اچھے ہیں لیکن جو سب سےاہم کھلاڑی ہیں وہ مچل اور کین ولیمسن ہیں۔

بابر اعظم نے کہا کہ مچل گیم کو چلاتا اور پوری ذمہ داری لیتے ہوئے صورتحال کو دیکھ کر میچ کھیلتے ہیں جب کہ ولیمسن کافی کول رہتے ہوئے کھیل کا آغاز کرتے اور پھر جارحانہ انداز اختیار کر کے گیم چینج کر دیتے ہیں۔

نسیم شاہ نے کہا ہے کہ نیوزی لینڈ کی ٹیم مضبوط ہے، صرف ایک پلیئر کو ہدف نہیں بنا سکتے، نیوزی لینڈ کے کئی پلیئرز اس وقت اچھی فارم میں ہیں۔

نسیم شاہ نے کہا ہے کہ کین ولیمسن، ڈیرل مچل اور گلین فلپس اچھا کھیل رہے ہیں ان کی وکٹ اہم ہو گی، اگر ہم اہم موقع پر وکٹ لیں تو ٹیم کو فائدہ مل سکتا ہے۔ جو اس وقت اچھا کھیلے گا وہ جیتے گا۔

View this post on Instagram

A post shared by ICC (@icc)

واضح رہے کہ چیمپئنز ٹرافی کا افتتاحی میچ آج پاکستان اور نیوزی لینڈ کے درمیان پاکستان کے معیاری وقت کے مطابق دوپہر 2 بجے کھیلا جائے گا۔

https://urdu.arynews.tv/champions-trophy-27-years-history-and-records/

چیمپئنز ٹرافی سے قبل نیوزی لینڈ ٹیم کو بڑا جھٹکا لگا ہے اور بین سیئرز کے بعد ایک اور اہم فاسٹ بولر زخمی ہوکر ٹورنامنٹ سے باہر ہو گیا ہے۔

آئی سی سی چیمپئنز ٹرافی کا کل سے آغاز ہو رہا ہے اور افتتاحی میچ دفاعی چیمپئن پاکستان اور نیوزی لینڈ کے درمیان کھیلا جائے گا۔ تاہم اس اہم اور بڑے مقابلے سے قبل کیویز کو بڑا جھٹکا فاسٹ بولر لوکی فرگوسن کے زخمی ہونے سے لگا ہے۔

لوکی فرگوسن اتوار کو کراچی کے نیشنل اسٹیڈیم میں کھیلے گئے وارم اَپ میچ کے دوران پاؤں میں چوٹ لگنے کے باعث چیمپئینز ٹرافی 2025 سے باہر ہو گئے ہیں۔

نیوزی لینڈ کے فاسٹ بولر لوکی فرگوسن کو بالنگ اسپیل کے دوران دائیں پاؤں میں درد ہوا، جس کے بعد وہ میدان سے باہر چلے گئے تھے۔

نیوزی لینڈ کرکٹ کرکٹ بورڈ نے تصدیق کرتے ہوئے کہا ہے کہ میڈیکل پینل نے طے کیا ہے کہ فرگوسن چیمپئنز ٹرافی کے لیے فٹ نہیں ہو پائیں گے۔

نیوزی لینڈ کے ہیڈ کوچ گیری اسٹیڈ نے لوکی فرگوسن کے عین چیمپئنز ٹرافی سے قبل زخمی ہوکر ٹورنامنٹ سے باہر ہونے پر مایوسی کا اظہار کرتے ہوئے کہا ہے کہ وہ ہماری بولنگ لائن کا اہم حصہ تھے۔ ان کے باہر ہونے سے ٹیم کو نقصان ہو سکتا ہے۔

دوسری جانب نیوزی لینڈ کرکٹ بورڈ نے فرگوسن کی انجری کے باعث فاسٹ بولر کائل جیمیسن کو کیوی اسکواڈ میں شامل کر لیا ہے۔ کائل کمر میں فریکچر کے باعث 10 ماہ سے کرکٹ سے دور رہے۔

واضح رہے کہ کچھ روز قبل نیوزی لینڈ کے فاسٹ بولر بین سیئرز آئی سی سی چیمپئنز ٹرافی ٹورنامنٹ سے باہر ہو گئے تھے۔

چیمپئنز ٹرافی میں اب تک شریک ٹیموں کے کئی اہم کھلاڑی زخمی ہوکر میگا ایونٹ سے باہر ہو چکے ہیں۔ ان میں پاکستان کے صائم ایوب، بھارت کے جسپرت بمراہ، آسٹریلیا کے کپتان پیٹ کمنز سمیت 4 کینگرو کھلاڑی ودیگر شامل ہیں۔

https://urdu.arynews.tv/champions-trophy-2025-icc-released-new-animated-promo/

چیمپئنز ٹرافی کا کل پاکستان اور نیوزی لینڈ کے میچ سے آغاز ہو رہا ہے دفاعی چیمپئن کو جیت کے لیے کیا کرنا چاہیے سابق کرکٹرز نے مشورے دیے ہیں۔

آئی سی سی چیمپئنز ٹرافی کا کل سے آغاز ہو رہا ہے۔ افتتاحی میچ میزبان اور دفاعی چیمپئن پاکستان اور نیوزی لینڈ کے مابین نیشنل اسٹیڈیم کراچی میں کھیلا جائے گا۔ اس میچ میں پاکستان کو جیت کے لیے کیا کرنا چاہیے۔ یہ گُر سابق کرکٹرز اور تجزیہ کاروں نے بتائے ہیں۔

اے آر وائی نیوز کے چیمپئنز ٹرافی کے حوالے سے خصوصی پروگرام ہر لمحہ پرجوش میں گفتگو کرتے ہوئے سابق قومی وکٹ کیپر بیٹر کامران اکمل نے کہا کہ پاکستان کے 15 رکنی دستے پر تحفظات ہیں، مگر اب کوئی تبدیلی نہیں ہو سکتی۔

انہوں نے کہا کہ کپتان کو چاہیے کہ ان 15 میں سے بیسٹ الیون بنائیں اور مکمل بولرز کے ساتھ جائیں۔ ٹرائی نیشن سیریز میں ہم ایک بولر کم اور سات بلے بازوں کے ساتھ گئے اور نتیجہ دیکھ لیا۔ جب چھ بلے باز کچھ نہیں کرسکتے تو ساتواں کیا کرلے گا۔ اس لیے اب مکمل پانچ بولرز کے ساتھ ہی جانا ہوگا۔

کامران اکمل نے مشورہ دیا کہ شاہین شاہ آفریدی، نسیم شاہ، حارث رؤف کے ساتھ بولنگ میں خوشدل کی جگہ فہیم اشرف کو شامل کریں اور ابرار اسپنر ہوگا۔

انہوں نے کہا کہ مجبوری ہے کہ اوپننگ ہمیں فخر اور بابر سے ہی کرانا ہوگی۔ بہتر ہوتا کہ شان مسعود، امام الحق یا شاہ میر میں سے کسی ایک کو بطور اوپنر رکھا جاتا مگر اب کچھ نہیں کیا جا سکتا۔

سابق ٹیسٹ کرکٹر باسط علی نے کہا کہ بابر تین نمبر پر بہترین کھلاڑی اور 60 کی اوسط سے رنز کر رہا تھا۔ اس سے اوپن کرانے کا مقصد اس کو ضائع کرنا ہے۔ میری نظر میں وہ ون ڈے کا اوپنر ہے ہی نہیں۔ بہرحال جو ہو گیا سو ہو گیا اب اسی اسکواڈ میں سے بہترین گیارہ پلیئرز کو کھلایا جائے۔

سینئر اسپورٹس صحافی شاہد ہاشمی کے مطابق پاکستان کا اسکواڈ بیلنس نہیں۔ ایک اوپنر اور ایک اسپنر کی کمی ہے۔ صائم ایوب کی جگہ امام الحق کو نہ لینا زیادتی ہے۔ دیگر ممالک نے اپنی ٹیمیں عرصہ قبل اناؤنس کردی تھیں اور ہم فون کا ہی انتظار کرتے رہے کہ کن ایک دو کھلاڑیوں کو ٹیم میں شامل کرنا ہے۔ اب یہ رضوان کی ذمہ داری ہے کہ وہ اس میں سے بہترین 11 کھلاڑی کیسے نکالتا ہے۔

چیمپئنز ٹرافی 2017 کے فاتح کپتان سرفراز احمد نے کہا کہ اب کچھ نہیں ہوسکتا۔ ہمیں اسی ٹیم کو سپورٹ کرنا ہوگا۔ رضوان پر ذمہ داری آ گئی ہے کہ وہ بیسٹ 11 کھلائیں اور ہم دعا کریں گے اچھی کارکردگی ہو۔ کھلاڑی بھی ماضی میں جو ہوا اس کو نہ دیکھیں بلکہ پورے اعتماد کے ساتھ کھیلیں۔

اسپورٹس تجزیہ کار نجیب الحسنین نے کہا کہ مجھے تو اب تک پاکستانی اسکواڈ کی سمجھ نہیں آ رہی۔ آسٹریلیا اور جنوبی افریقہ میں اچھی پرفارمنس کے باوجود چیمپئنز ٹرافی کے لیے اتنی بڑی تبدیلیاں اور کئی سال سے ٹیم سے باہر کھلاڑیوں کی اچانک شمولیت سے دھچکا لگا۔ ہماری ٹیم میں ہمیشہ بڑے ایونٹ پر کچھ کھلاڑی پیراشوٹ سے اچانک اترتے ہیں۔ اگر کچھ تجربے کرنے تھے تو پہلے کرتے عین چیمپئنز ٹرافی کے امتحان پر کون سے تجربے ہو رہے ہیں۔

https://urdu.arynews.tv/champions-trophy-2025-hasan-ali-talk-about-pakistan-team-problems/

قومی کپتان محمد رضوان نے کہا ہے کہ ہم چیمپئنز ٹرافی میں کامیابی کے لیے پر امید ہیں اور ضروری نہیں کہ نیوزی لینڈ کیخلاف بابر ہی اوپن کریں۔

اے آر وائی نیوز کے مطابق پاکستان کرکٹ ٹیم کے کپتان محمد رضوان نے نیشنل اسٹیڈیم کراچی میں پریس کانفرنس کرتے ہوئے کہا ہے کہ چیمپئنز ٹرافی میں کامیابی کے لیے پر امید ہیں۔ اوپنگ کیلیے بابراعظم سب سے مضبوط کھلاڑی اور وہی اننگ کا آغاز کریں گے، تاہم ضروری نہیں کہ وہ نیوزی لینڈ کے خلاف اوپن کریں۔

قومی کپتان نے سہ فریقی سیریز میں زخمی ہونے والے فاسٹ بولر حارث رؤف سے متعلق کہا کہ حارث مکمل توانائی کے ساتھ بولنگ پریکٹس کر رہے ہیں اور انہوں نے اپنی ٹیم کے لیے دستیابی ظاہر کرتے ہوئے کہا ہے کہ انہیں بولنگ میں کوئی تکلیف نہیں ہو رہی۔

محمد رضوان نے کہا کہ ہم ایک ٹیم کی طرح کھیل رہے ہیں اور تمام 15 کھلاڑی میرے لیے کپتان ہیں۔ تاہم سینئر کھلاڑیوں پر پرفارمنس کی ذمہ داری زیادہ ہوتی ہے۔ ہمارے پاس آپشنز ہیں، کنڈیشن دیکھ کر فیصلے کرتے ہیں۔ ہم اپنی غلطیوں کو ٹھیک کرنے کی کوشش کر رہے ہیں۔

ان کا کہنا تھا کہ 29 سال بعد پاکستان کسی آئی سی سی ایونٹ کی میزبانی کر رہا ہے۔ اس طویل عرصے میں پاکستان کو کامیابیاں بھی ملی ہیں۔ ہم نے چیمپئنز ٹرافی جیتی، ٹیسٹ کی نمبر ون ٹیم بنے ہیں۔ ہماری صلاحیتوں پر شک نہیں کرنا چاہیے۔ پوری قوم چیمپئنز ٹرافی کو انجوائے کرے۔

قومی کپتان کا کہنا تھا کہ میچ ڈے پر کمی بیشی دور کرنے پر ہم کام کر رہے ہیں۔ ہم سیکھنے کے موڈ میں ہیں اور پلیئنگ الیون ہوم کنڈیشنز کے مطابق ہی ہوگی۔

انہوں نے سہ فریقی سیریز کے فائنل میں پہلے بیٹنگ کرنے کا جواز پیش کرتے ہوئے کہا کہ فائنل میں پہلے بیٹنگ اس لیے کی تاکہ ہمیں اپنی خامیوں کا پتہ چل سکے۔ اس میچ میں اپنی کمزوریوں کو ٹارگیٹ کیا ہے اور امید ہے کہ کل وہ غلطیاں نہیں ہوں گی۔ آئندہ میچز میں ہمیں اپنی بہترین کرکٹ کھیلنا ہوگی۔

محمد رضوان نے کہا کہ کہیں نہ کہیں ہمیں پروفیشنلزم میں بہتری لانی ہے۔ مستقبل میں فل ٹائم اوپنر چاہیے۔ پاکستان میں ایسے پلیئر ہیں جن سے توقعات وابستہ رہتی ہیں۔

ان کا کہنا تھا کہ کوئی بھی کھلاڑی پرفیکٹ نہیں ہو سکتا۔ کل کے میچ میں کوئی مختلف چیزیں کرنے کا ارادہ نہیں رکھتے ہیں۔

واضح رہے کہ پاکستان کو سہ فریقی سیریز میں نیوزی لینڈ سے فائنل سمیت دو میچوں میں شکست ہوئی جب کہ چیمپئنز ٹرافی کا پہلا مقابلہ بھی کل شاہینوں اور کیویز کے درمیان ہے۔