ARYNews.tv | Urdu – Har Lamha Bakhabar

Tag: نیوزی لینڈ

  • یاسر شاہ کی ایک اننگز میں آٹھ وکٹیں، عمران خان اور سکندر بخت کی صف میں جگہ بنا لی

    یاسر شاہ کی ایک اننگز میں آٹھ وکٹیں، عمران خان اور سکندر بخت کی صف میں جگہ بنا لی

    دبئی: شاہینوں نے کیویز کے پر کتر دیے، یاسر شاہ کی گھومتی گیندوں کےسامنے بلیک کیپس چکراگئے.

    تفصیلات کے مطابق پاکستان کے اسٹار لیگ اسپینر کی شان دار بالنگ کے باعث دبئی ٹیسٹ میں نیوزی لینڈ کو اس وقت فالو آن کا سامنا ہے، پہلی اننگز میں‌ یاسر شاہ نے 41 رنز کے عوض 8 وکٹیں اپنے نام کیں، کوئی بلے باز ان کے سامنے ٹک کر نہ کھیل سکا.

    [bs-quote quote=” لیگ اسپینر ٹیسٹ کرکٹ کی ایک اننگز میں 8 وکٹیں لینے والے تیسرے پاکستانی بولر بن گئے” style=”style-7″ align=”left”][/bs-quote]

    پاکستان کی شان دار پرفارمینس کے طفیل شاہینوں نے تین سو اٹھائیس رنز کی برتری حاصل کی، لیگ اسپینر نے کئی ریکارڈ پاش پاش کر دیے. وہ ایک اننگز میں آٹھ وکٹیں لینے والے تیسرے پاکستانی بولر بن گئے۔ انھوں نے متحدہ عرب امارات میں وکٹوں کی سینچری بھی مکمل کر لی۔

    یاسر شاہ اب تک 31 ٹیسٹ میچز میں 181 وکٹیں حاصل کرچکے ہیں، انھوں نے دو بار  ٹیسٹ میچز میں 10،10 وکٹیں حاصل کرنے کا کارنامہ انجام دیا۔

    مزید پڑھیں: دبئی ٹیسٹ: نیوزی لینڈ کی ٹیم 90 رنزبنا کرآؤٹ

    یاد رہے کہ قادر خان نے 1987 میں انگلینڈ کے خلاف لاہور ٹیسٹ میں 56 رنز کے عوض  9 وکٹیں حاصل کی تھیں، سرفراز نواز بھی آسٹریلیا کے خلاف 1979 میں 86 رنز کے عوض 9 وکٹیں حاصل کرچکے ہیں۔

    سابق کپتان عمران خان نے ٹیسٹ کرکٹ کی ایک اننگز میں 8 وکٹیں حاصل کرنے کا کارنامہ دو بار انجام دیا، سکندر بخت نے بھی اننگز میں آٹھ وکٹیں حاصل کیں، البتہ یاسر شاہ نے ان سے کم رنز کے عوض آٹھ وکٹیں اپنے نام کیں۔ 

  • دبئی ٹیسٹ: نیوزی لینڈ کی ٹیم 90 رنزبنا کرآؤٹ

    دبئی ٹیسٹ: نیوزی لینڈ کی ٹیم 90 رنزبنا کرآؤٹ

    دبئی : پاکستان اور نیوزی لینڈ کے درمیان دبئی ٹیسٹ میچ کے تیسرے روز مہمان ٹیم 90 رنز بنا کر آؤٹ ہوگئی۔

    تفصیلات کے مطابق دبئی انٹرنیشنل اسٹیڈیم میں پاکستان اور نیوزی لینڈ کے درمیان ٹیسٹ میچ کے تیسرے روز کا کھیل بارش کے باعث ایک گھنٹہ تاخیر سے 12 بجے شروع ہوا۔

    نیوزی لینڈ نے 24 کے مجموعی اسکور سے اننگز کا آغاز کیا تو جیت راول 30 رنز اور ٹام لیتھم نے 50 رنز کا آغاز فراہم کیا۔

    یاسر شاہ نے 31 رنز پرآؤٹ کیا اور پھر اگلے ہی اوور میں نیوزی لینڈ کے 3 کھلاڑیوں کو پویلین بھیج کر نیوزی لینڈ کے ٹاپ آرڈر کی کمرتوڑ دی۔

    لیگ اسپنریاسر شاہ نے تباہ کن باؤلنگ کرتے ہوئے 41 رنز دے کر 8 وکٹیں حاصل کیں جس کے بعد پاکستان کو پہلی اننگز میں نیوزی لینڈ پر 328 رنز کی سبقت حاصل ہوگئی۔

    اس سے قبل گزشتہ روز پاکستان نے ٹیسٹ میچ کے دوسرے روز اپنی پہلی اننگز 418 رنز 5 کھلاڑی آؤٹ پر ڈکلیئر کردی تھی، قومی ٹیم کی جانب سے حارث سہیل نے 147 اور بابراعظم نے 127 رنز بنائے تھے۔

    دبئی ٹیسٹ: پاکستان نے اپنی پہلی اننگز 418 رنز پر ڈکلیئر کردی

    پاکستان کی جانب سے اننگز ڈکلیئر کرنے کے بعد نیوزی لینڈ کے اوپننگ بلے باز جیت راول اور ٹام لیتھم نے محتاط انداز سے کھیلتے ہوئے 24 رنز بنائے تھے۔

    ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    یاد رہے کہ 19 نومبر کو نیوزی لینڈ کے خلاف پہلے ٹیسٹ میچ میں پاکستان کو 4 رنز سے شکست ہوگئی تھی۔ قومی ٹیم آسان ہدف کے تعاقب میں 171 رنز پر آؤٹ ہوگئی تھی۔

  • ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    ابو ظہبی: پاکستان اور نیوزی لینڈ کے درمیان جاری پہلے ٹیسٹ میچ میں پاکستان کو 4 رنز سے شکست ہوگئی۔ قومی ٹیم آسان ہدف کے تعاقب میں 171 رنز پر آؤٹ ہوگئی۔

    تفصیلات کے مطابق ابو ظہبی ٹیسٹ میچ کے چوتھے روز پاکستانی بولرز نے آسان ہدف کو مشکل ترین بنا لیا۔ چوتھے روز پاکستان کی ایک کے بعد ایک وکٹ تیزی سے گرتی چلی گئی۔ پہلی وکٹ 40، دوسری 44، تیسری 48 اور چوتھی وکٹ 130 رنز پر گری۔

    پانچویں وکٹ 147 پر گری، بابر اعظم 13 رنز بنا کر رن آٹ ہوئے، چھٹی اور ساتویں وکٹ 154رنز پر گری، سرفراز احمد نے 3 رنز بنائے جبکہ بلال آصف صفر پر آؤٹ ہوئے۔

    اگلی وکٹ بھی 155 رنز پر گری، یاسر شاہ بھی صفر پر پویلین لوٹ گئے۔ نویں وکٹ 164 رنز پر حسن علی کی گری۔

    گزشتہ روز تیسرے روز کے اختتام تک پاکستان نے بغیر کسی نقصان کے 37 رنز بنائے تھے۔

    نیوزی لینڈ کی ٹیم اپنی دوسری اننگز میں 249 رنز پر آؤٹ ہوگئی تھی اور سرفراز الیون کو جیت کے لیے 176 رنز کا ہدف دیا تھا۔ بی جے واٹلنگ 59 اور ہنری نکولز نے 55 رنز کی اننگز کھیلی۔

    دوسری اننگز میں قومی بولرز نے شاندار بولنگ کی تھی اور نیوزی لینڈ کی 6 وکٹیں حاصل کیں۔ گرینڈ ہوم 3 رنز بنا کر پویلین روانہ ہوئے، سودھی 18 رنز بنا کر آؤٹ ہوئے، ویگنر اور ٹرینٹ بولٹ بغیر کوئی رن بنائے پویلین لوٹ گئے۔

    پاکستان کی جانب سے حسن علی اور یاسر شاہ نے شاندار بولنگ کرتے ہوئے 5، 5 وکٹیں حاصل کیں۔

    نیوزی لینڈ نے پاکستان کے خلاف اپنی دوسری اننگز کا آغاز 56 رنز پر ایک کھلاڑی آؤٹ سے کیا تھا۔

    کپتان کین ولیمسن اور جیت راول نے ٹیم کے اسکور میں اضافہ کیا تاہم 86 رنز کے مجموعی اسکور پر کین ولیمسن 37 رنز بنا کر یاسر شاہ کا شکار بنے۔

    اس سے قبل نیوزی لینڈ کی ٹیم پہلی اننگز میں 153 رنز پر ڈھیر ہوگئی تھی، پہلی اننگز میں قومی ٹیم نے نیوزی لینڈ کو 153 رنز پر آؤٹ کرکے نیا ریکارڈ قائم کیا تھا۔

    پاکستانی ٹیم اپنی پہلی اننگز میں 227 رنز ہی بنا سکی تھی۔

    خیال رہے کہ نیوزی لینڈ کا 153 رنز کا اسکور ابو ظہبی میں اب تک کھیلے گئے ٹیسٹ میچ میں کسی بھی ٹیم کا پہلی اننگز میں سب سے کم اسکور تھا، اس سے قبل یہ ریکارڈ سری لنکا کے پاس تھا جو پاکستان ہی کے خلاف 197 رنز پر آؤٹ ہوگئی تھی۔

  • ابوظہبی ٹیسٹ : پاکستان نے6 وکٹوں کے نقصان پر184 رنز بنالیے

    ابوظہبی ٹیسٹ : پاکستان نے6 وکٹوں کے نقصان پر184 رنز بنالیے

    ابوظہبی : ابوظہبی ٹیسٹ میچ کے دوسرے روز پاکستان کی مہمان ٹیم نیوزی لینڈ کے خلاف بیٹنگ جاری ہے۔

    تفصیلات کے مطابق ابوظہبی کے شیخ زید کرکٹ اسٹیڈیم میں آج پاکستان نے ٹیسٹ میچ کے دوسرے دن اپنی اننگز کا آغاز 59 رنز پر دو کھلاڑی آؤٹ سے کیا۔

    اظہرعلی نے 10 اور حارث سہیل نے 22 رنز سے اپنی اننگز کا آغاز کیا تو دونوں کھلاڑی زیادہ دیر تک کریز پرٹک نہ سکے اور 91 کے مجموعی اسکور پر اظہرعلی 22 اور حارث سہیل 38 رنز بنا کر پویلین لوٹ گئے۔

    پاکستان کی جانب سے اسد شفیق 26 اور نوجوان بلے باز بابراعظم 28 رنز بنا کر اس وقت کریز پر موجود ہیں۔

    ابوظہبی ٹیسٹ، پہلے روز کا کھیل ختم، پاکستان نے 2 وکٹ پر 59 رنز بنالیے

    یاد رہے کہ گزشتہ روز مہمان ٹیم نیوزی لینڈ پاکستان کے خلاف پہلے ٹیسٹ میچ میں ٹاس جیت کر بیٹنگ کرتے ہوئے 153 رنز بنا کر آؤٹ ہوگئی تھی۔

    پاکستان نے نیوزی لینڈ کے خلاف ٹیسٹ میچ کے پہلے روز دو وکٹوں کے نقصان پر 59 رنز بنائے تھے۔

    قومی کرکٹ ٹیم کی جانب سے یاسرشاہ نے 3 جبکہ محمد عباس، حسن علی اور حارث سہیل نے دو، دو وکٹیں حاصل کی تھیں۔ بلال آصف نے ایک کھلاڑی کو آؤٹ کیا تھا۔

  • شاہد آفریدی کی نیوزی لینڈ کیخلاف شاندار فتح پر قومی ٹیم کو مبارکباد

    شاہد آفریدی کی نیوزی لینڈ کیخلاف شاندار فتح پر قومی ٹیم کو مبارکباد

    کراچی : پاکستان کے سابق کپتان شاہد آفریدی نے نیوزی لینڈ کیخلاف شاندار فتح پر قومی ٹیم کو مبارکباد پیش کرتے ہوئے کہا کہ ٹیم نے آل راؤنڈ پرفارمنس دکھائی ہے۔

    سماجی رابطے کی ویب سائٹ ٹوئٹر پر اپنے پیغام میں آفریدی نے کہا کہ قومی ٹیم نے نیوزی لینڈ کیخلاف آل راؤنڈ پرفارمنس دکھائی۔ فخر زمان کو اسکورکرتا دیکھ کر بہت خوشی ہوئی۔

    شاہین آفریدی نے ایک بار پھرزبردست کارکردگی کا مظاہرہ کیا۔ شاہد آفریدی کا کہنا تھا کہ امام الحق فائٹر ہے، امید ہے جلد صحت یاب ہوجائیں گے۔

    مزید پڑھیں: دوسرا ون ڈے، پاکستان نے نیوزی لینڈ کو 6 وکٹوں سے شکست دے دی

    یاد رہے کہ چند روز قبل شاہد خان آفریدی نے کہا تھا کہ مجھے لگتا ہے پاکستان ایشیا کپ جیت جائے گا، دباؤ کے باوجود سرفراز احمد ٹیم کو بہت اچھا لے کر چل رہے ہیں، لاہور میں میڈیا سے گفتگو کرتے ہوئے ان کا کہنا تھا کہ ایشیا کپ سے پہلے پاکستان کی پرفارمنس بہت اچھی رہی۔

  • دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    ابوظبی: پاکستان نے نیوزی لینڈ کو دوسرے ون ڈے میچ میں 6 وکٹوں سے شکست دے دی، تین میچوں کی سیریز 1-1 سے برابر ہوگئی، شاہین شاہ آفریدی کو میچ کا بہترین کھلاڑی قرار دیا گیا۔

    تفصیلات کے مطابق پاکستان نے نیوزی لینڈ کو دوسرے ون ڈے میچ میں باآسانی 6 وکٹوں سے شکست دے کر سیریز 1-1 سے برابر کردی، فخر زمان نے شاندار 88 رنز کی اننگز کھیلی، شاہین آفریدی میچ کے بہترین کھلاڑی قرار پائے۔

    نیوزی لینڈ کی جانب سے دئیے جانے والا 210 رنز کا ہدف قومی ٹیم نے 40.3 اوورز میں‌ پورا کرلیا، گرین شرٹس نے محتاط انداز میں بیٹنگ کی، اوپنر امام الحق13 ویں اوور مییں فرگیوسن کی پہلی باؤنسر کھیلنے کی کوشش میں زخمی ہوگئے انہیں نے 16 رنز بنائے تھے، ڈاکٹر نے اوپنر بلے باز کو 72 گھنٹے آرام کا مشورہ دیا ہے۔

    امام الحق کے جانے کے بعد بابر اعظم نے فخر زمان کے ساتھ ذمہ دارانہ بیٹنگ کی اور فخر زمان 88 رنز بنا کر آؤٹ ہوئے جبکہ بابر اعظم نے 46 رنز کی شاندار اننگز کھیلی، شعیب ملک 10 اور سرفراز احمد 13 رنز بنا کر آؤٹ ہوئے۔

    محمد حفیظ نے 27رنز کی ناقابل شکست اننگز کھیلی، شاداب خان نے 2رنز بنائے، نیوزی لینڈ کی جانب سے فاسٹ بولر فرگیوسن نے تین کھلاڑیوں کو پویلین کی راہ دکھائی، اسپنر سودھی نے ایک وکٹ حاصل کی۔

    ہدف کے تعاقب میں نیوزی لینڈ کے خلاف پاکستان کی بیٹنگ جاری ہے، اوپنر امام الحق کیوی بولر فرگوسن کا خطرناک باؤنسر ہیلمٹ پر لگا جس کے باعث وہ ریٹائر ہرٹ ہوکر گراؤنڈ سے باہر چلے گئے، بال ہیلمٹ پر لگتے ہی امام الحق وکٹ پر گر گئے تھے۔

     ابوظبی میں کھیلے جانے والے دوسرے ون ڈے میچ میں کیویز نے گرین شرٹس کو جیت کے لیے 210 رنز کا ہدف دے دیا، نیوزی لینڈ نے مقررہ اوورز میں 209 رنز نو وکٹوں کے نقصان پر بنائے، روس ٹیلر نے نصف سنچری اسکور کی، شاہین شاہ آفریدی نے چار کھلاڑیوں کو آؤٹ کیا۔

    نیوزی لینڈ کے کپتان کین ولیم سن نے ٹاس جیت کر پہلے بیٹنگ کا فیصلہ کیا تو 14 رنز کے مجموعی اسکور پر کولن منرو 13 رنز بنا کر پویلین لوٹ گئے، 25 رنز پر کیم ولیم سن بھی آؤٹ ہوگئے، نیوزی لینڈ کی تیسری وکٹ 74 رنز پر گری۔

    لیتھم 1 رنز بنا کر آؤٹ ہوئے، گرینڈ ہوم نے تین، ساؤتھی اور سودھی نے 13، 13 رنز کی اننگز کھیلی، نکولس نے راس ٹیلر کے ساتھ شراکت قائم کی اور ٹیم کے اسکور میں اضافہ کیا۔

    نکولس کو 33 رنز پر حسن علی نے کلین بولڈ کیا، ایک اینڈ پر راس ٹیلر ڈٹے رہے انہوں نے  86 رنز کی شاندار اننگز کھیلی۔

    پاکستان کی جانب سے شاہین شاہ آفریدی نے چار وکٹیں حاصل کیں، حسن علی نے دو کھلاڑیوں کو آؤٹ کیا جبکہ محمد حفیط اور شاداب خان کے حصے میں ایک، ایک وکٹ آئی۔

    قبل ازیں ابو ظہبی کے شیخ زید اسٹیڈیم میں جاری دوسرے ون ڈے میچ میں نیوزی لینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔ پچھلے ون ڈے کی شکست خوردہ قومی ٹیم بھرپور تیاری کے ساتھ میدان میں اتری۔

    پاکستان اور نیوزی لینڈ کے درمیان 3 روزہ ون ڈے میچوں کی سیریز کے پہلے میچ میں پاکستان کو 47 رنز سے شکست ہوچکی ہے۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    سیریز جیتنے کے لیے قومی ٹیم کو آج اور پرسوں بروز اتوار کو ہونے والے ون ڈے میچز میں فتح حاصل کرنی ہوگی۔

  • پہلا ون ڈے، نیوزی لینڈ نے پاکستان کو 47 رنز سے ہرادیا

    پہلا ون ڈے، نیوزی لینڈ نے پاکستان کو 47 رنز سے ہرادیا

    ابوظبی: پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، عماد وسیم اور سرفراز احمد کی نصف سنچریاں بھی کام نہ آسکیں، ٹرینٹ بولٹ نے ہیٹ ٹرک کی۔

    تفصیلات کے مطابق ابوظبی کے شیخ زید اسٹیڈیم میں جاری پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، قومی ٹیم 47.2 اوورز میں 219 رنز پر ڈھیر ہوگئی، سرفراز احمد اور عماد وسیم کی سنچریاں بھی کام نہ آسکیں۔

    نیوزی لینڈ کو تین میچوں کی سیریز میں ایک صفر کی برتری حاصل ہوگئی، نیوزی لینڈ کی جانب سے فاسٹ بولر ٹرینٹ بولٹ نے ہیٹ ٹرک کی، فرگیوسن نے تین کھلاڑیوں کی پویلین کی راہ دکھائی، گرینڈ ہوم کے دو وکٹیں حاصل کیں۔

    پاکستان نے 267 رنز ہدف کا تعاقب کیا تو 8 رنز پر تین کھلاڑی پویلین لوٹ گئے، فخر زمان ایک رن، محمد حفیظ اور بابر اعظم بغیر کوئی رن بنائے پویلین لوٹ گئے، شعیب ملک 30 رنز بنائے۔

    عماد وسیم اور کپتان سرفراز احمد نے ٹیم کو سہارا دیا دونوں کھلاڑیوں نے نصف سنچریاں اسکور کیں تاہم ان کی نصف سنچریاں بھی ٹیم کے کام نہ آسکیں اور پوری ٹیم 219 رنز پر ڈھیر ہوگئی۔

    قبل ازیں ابوظبی کے شیخ زید اسٹیڈیم میں کھیلے جانے پہلے ایک روزہ میچ میں نیوزی لینڈ نے قومی ٹیم کو جیت کے لیے 267 رنز کا ہدف دے دیا، روس ٹیلر نے 80 رنز کی شاندار اننگز کھیلی، شاداب خان نے تین وکٹیں حاصل کیں۔

    نیوزی لینڈ نے ٹاس جیت کر پہلے بیٹنگ کا آغاز کیا تو 13 رنز پر پہلا نقصان اُٹھانا پڑا جب جی ایچ ورکر 1 رنز بنا کر شاہین آفریدی کی گیند پر سرفراز احمد کو کیچ دے بیٹھے، کیویز کی دوسری وکٹ 36 رنز پر گری کولن منرو 29 رنز بنا کر شاہین آفریدی کی گیند پر ایل بی ڈبلیو ہوگئے۔

    کیویز کی تیسری وکٹ 78 رنز پر گری جب کپتان ولیم سن 27 رنز بنا کر آؤٹ ہوگئے، لیتھم اور راس ٹیلر کے درمیان 130 رنز کی شراکت قائم ہوئی، راس ٹیلر نے 80 اور لیتھم نے 68 رنز کی اننگز کھیلی۔

    لیگ اسپنر شاداب خان نے چار گیندوں پر تین وکٹیں حاصل کرکے نیوزی لینڈ کی شراکت کا خاتمہ کیا، اس کے بعد عماد وسیم نے راس ٹیلر کو 80 رنز پر پویلین پہنچایا، نیوزی لینڈ کے دو کھلاڑی گرینڈ ہوم اور نکولس کھاتا کھولے بغیر پویلین روانہ ہوئے۔

    پاکستان کی جانب سے شاداب خان نے چار کھلاڑیوں کی پویلین کی راہ دکھائی، فاسٹ بولر شاہین شاہ آفریدی نے چار وکٹیں حاصل کیں، عماد وسیم کے حصے میں ایک وکٹ آسکی، فاسٹ بولر حسن علی کے اوورز میں 62 رنز بنے اور وہ کوئی وکٹ حاصل نہ کرسکے۔

    قومی ٹیم کے کپتان سرفراز احمد کا کہناتھا کہ اگر ٹاس جیت جاتے تو پہلے بیٹنگ کرتے۔ ٹیم میں خاص تبدیلی نہیں، امام الحق کی واپسی ہوئی ہے۔

    دوسری جانب نیوزی لینڈ کے کپتان کین ولیمسن کا کہنا تھا کہ نیوزی لینڈ پاکستان کو بڑا ٹارگٹ دینے کی کوشش کرےگا۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    اگر گرین شرٹس نے سیریز 0-3 سے جیت لی تو ون ڈے رینکنگ میں پاکستان کی پوزیشن پانچویں سے چوتھی ہوجائے گی۔

    اس سے قبل دبئی میں آسٹریلیا سے کھیلی جانے والی 3 میچز کی ٹی 20 سیریز بھی پاکستان نے 0-3 سے اپنے نام کرلی تھی۔

  • ڈومیسٹک کرکٹ، ایک اوور میں 43 رنز کا عالمی ریکارڈ بن گیا

    ڈومیسٹک کرکٹ، ایک اوور میں 43 رنز کا عالمی ریکارڈ بن گیا

    آکلینڈ: نیوزی لینڈ کی ڈومیسٹک کرکٹ کے میچ  میں ایک اوور میں 43 رنز  دینے کا عالمی ریکارڈ بن گیا۔

    تفصیلات کے مطابق نیوزی لینڈ کی ڈومیسٹک کرکٹ کے میچ میں ایک اوور میں 43 رنز کا عالمی ریکارڈ بن گیا، بولر نے دو نو بالز سمیت 8 گیندوں کا اوور کیا، کیوی بلے بازوں نے چھ چھکے، ایک چوکا اور ایک سنگل رن بنایا۔

    میچ نیوزی لینڈ کے شہر ہملٹن میں کھیلا جارہا تھا، فورڈ ٹرافی کے لسٹ اے کے اس میچ میں ناردرن ڈسٹرکٹس کی ٹیم کے بلے باز جو کارٹر اور بریٹ ہیمپٹن نے سینٹرل ڈسٹرکٹس کے خلاف کھیلتے ہوئے ولیم لٹک کے ایک اوور میں 43 رنز بنائے۔

    حیران کن بات یہ ہے کہ میچ میں جن دو کھلاڑیوں نے بیٹنگ کی ان میں سے ایک جو کارٹر تو اپنا صرف پانچواں لسٹ اے میچ کھیل رہے تھے۔

    ولیم لٹک نے 9 اوور میں 42 رنز دئیے تھے جب ان کے دس اوورز پورے ہوئے تھے، ایک اوور میں 43 رنز دینے کے بعد وہ 10 اوور میں 85 رنز دینے والے بولر بن چکے تھے۔

    اس سے قبل فرسٹ کلاس کرکٹ میں ایک اوور میں زیادہ رنز بنانے کا ریکارڈ بنگلہ دیشی کرکٹر علاؤ الدین بابو نے 2013 میں بنایا تھا جب انہوں نے ڈھاکا پریمیئر لیگ کے ایک مقابلے میں ایک اوور میں 39 رنز بنائے تھے، بولنگ زمبابوے کرکٹ ٹیم کے کپتان ایلٹن چگمبورا کررہے تھے۔

    خیال رہے کہ جنوبی افریقہ کے سابق اوپننگ بلے باز ہرشل گبز نے 2007 کے ورلڈ کپ میچ میں نیدرلینڈ کے لیگ اسپنر ڈین وین کے ایک اوور میں 6 چھکے لگا کر 36 رنز بنائے تھے۔

  • نیوزی لینڈ کے خلاف ون ڈے سیریز کے لیے قومی ٹیم کا اعلان، عماد اور حفیظ کی واپسی

    نیوزی لینڈ کے خلاف ون ڈے سیریز کے لیے قومی ٹیم کا اعلان، عماد اور حفیظ کی واپسی

    لاہور: پی سی بی نے نیوزی لینڈ کے خلاف ون ڈے سیریز کے لیے قومی ٹیم کا اعلان کردیا ہے، آل راؤنڈر عماد وسیم اور محمد حفیظ کی ٹیم میں واپسی ہوئی ہے۔

    تفصیلات کے مطابق پی سی بی نے نیوزی کے خلاف ون ڈے سیریز کے لیے 15 رکنی قومی ٹیم کا اعلان کردیا ہے، محمد حفیظ اور عماد وسیم کی ٹیم میں واپسی ہوئی ہے جبکہ فاسٹ بولر محمد عامر ٹیم میں جگہ نہ بناسکے۔

    قومی ٹیم کی قیادت سرفراز احمد کریں گے، دیگر کھلاڑیوں میں اوپنر فخر زمان، امام الحق، محمد حفیظ، بابراعظم، شعیب ملک، آصف علی، حارث سہیل، شاداب خان، عماد وسیم، فہیم اشرف، حسن علی، جنید خان، شاہین آفریدی اور عثمان شنواری شامل ہیں۔

    تین ون ڈے میچز کی سیریز کا پہلا میچ 7 نومبر کو کھیلا جائے گا۔

    مزید پڑھیں: پہلا ٹی ٹوینٹی: پاکستان نے نیوزی لینڈ کو 2 رنز سے شکست دے دی

    واضح رہے کہ پاکستان نے پہلے ٹی ٹوینٹی میچ میں نیوزی لینڈ کو سنسنی خیز مقابلے کے بعد 2 رنز سے شکست دی تھی، ٹی ٹوینٹی سیریز کا دوسرا میچ آج رات 9 بجے کھیلا جائے گا۔

  • نیوزی لینڈ میں اسٹرابیریز میں سے نکلتی سوئیاں

    نیوزی لینڈ میں اسٹرابیریز میں سے نکلتی سوئیاں

    آکلینڈ: نیوزی لینڈ کی ایک سپرمارکیٹ میں آسٹریلیا سے آنے والی اسٹرابیری کی ٹوکری میں سے سوئیاں برآمد ہونے کے بعد ملک بھرمیں آسٹریلوی ساختہ پھلوں کی واپسی کا سلسلہ جاری ہے۔

    تفصیلات کے مطابق یہ واقعہ ایک مشہورِزمانہ سپرمارکیٹ میں پیش آیا جس کے بعد مارکیٹ نے صارفین کی حفاظت کو مدنظر رکھتے ہوئے اپنے فروٹ شیلف سے آسٹریلیا سے آنے والی اسٹرابیریز ہٹالیں۔

    تاہم صورت حال اس وقت عجیب ہوگئی جب سوشل میڈیا پرسو سے زائد لوگوں نے آسٹریلیا سے آنے والے پھلوں سے سویاں نکلنا رپورٹ کرنا شروع کردیا۔ ماہرین کا خیال ہے کہ یہ افراد محض مذاق کررہے ہیں ۔

    تاہم سپر مارکیٹ انتظامیہ نے صارفین کے مذاق کو بھی سنجیدگی سے لیا ہے اور کہا ہے کہ وہ غذائی اشیا ء کی سیفٹی کو انتہائی سنجیدگی سے لیتے ہیں۔ انہوں نے اعلان کیا ہے کہ صارفین کسی بھی برانڈ کی اسٹرابیریز واپس کرکے اپنی مکمل رقم واپس لے سکتے ہیں۔

    انتظامیہ نے اپنے بیان میں یہ بھی کہا کہ ابھی تک کسی بھی گاہک کی طرف سے بیمار یا زخمی ہونے کی شکایت موصول نہیں ہوئی ہے تاہم وہ اپنے گاہکوں سے گزارش کرتے ہیں کہ اسٹرابیری استعمال کرنے سے پہلے ایک بار اسے بیچ سے کاٹ کردیکھ لیں۔

    یاد رہے کہ یہ اسٹرابیری آسٹریلیا سے لائی گئی تھیں جہاں حکومت نے ایک ہفتہ قبل ہی فروٹس کی ساخت میں رد و بدل کرنے پر 10 سے 15 سال سزا کا قانون منظور کیا ہے جبکہ اس بارے اطلاع دینے والے کو ایک لاکھ امریکی ڈالر کی انعامی رقم کا بھی اعلان کیا ہے۔