Tag: نیوزی لینڈ

نیوزی لینڈ نے ٹی ٹوئنٹی سیریز کے دوسرے اور آخری میچ میں ویسٹ انڈیز کو چار وکٹوں سے شکست دے دی ، سیریز دو صفر سے نیوزی لینڈ کے نام رہی۔

ویلنگٹن میں کھیلے گئے ٹی ٹوئنٹی سیریز کے آخری میچ میں نیوزی لینڈ کیخلاف ویسٹ انڈیز نے پہلے کھیلتے ہوئے پانچ وکٹوں پر ایک سو انسٹھ رنز بنائے۔ ایندرے فلنچر چالیس اور دنیش رامدین پچپن رنز بناکر ٹاپ اسکورر رہے۔

مطلوبہ ہدف کے تعاقب میں نیوزی لینڈ کی ٹیم کو مشکلات درپیش رہیں، چھ وکٹوں کے نقصان پر کیوی ٹیم نے ہدف حاصل کرلیا۔ راس ٹیلر نے انتالیس رنز بنائے، لیوک رانچی نے اکیاون رنز کی اننگز کھیلی۔ جیسن ہولڈ،سنیل نرائن اور اندرے رسل نے دو،دو وکٹیں حاصل کیں۔

نیوزی لینڈ نے ویسٹ انڈیز کو پہلے ٹی ٹوئنٹی میں اکیاسی رنز سے شکست دے کر دومیچوں کی سیریز میں ایک صفر کی برتری حاصل کرلی۔ آکلینڈ میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔

کیوی بیٹسمینوں نے کھیل کا عمدہ آغاز کیا جس کے بعد میککلم نے دھواں دھار بیٹنگ کرتے ہوئے اسکور مقررہ اوورز میں پانچ وکٹوں پر ایک سو نواسی رنز تک پہنچادیا۔ میکلم نے ساٹھ اور لیوک رانچھی نے اڑتالیس رنز کی ناقابل شکست اننگز کھیلی۔ جواب میں ویسٹ انڈیز کی ٹیم مقررہ اوورز میں آٹھ وکٹوں پر ایک سو آٹھ رنز ہی بناسکی۔

ویسٹ انڈیز نے ون ڈے سیریز کے آخری اور فیصلہ کن میچ میں نیوزی لینڈ کو دو سو تین رنز کے بھاری مارجن سے شکست دے دی ہے۔ سیریز دو دو سے برابر رہی۔

ہملٹن میں کھیلے گئے ون ڈے سیریز کے آخری اور فیصلہ کن مقابلہ میں نیوزی لینڈ ٹیم کے کپتان  نے ٹاس  جیت کر پہلے فیلڈنگ کا فیصلہ کیا، بدقسمتی سے یہ فیصلہ میزبان ٹیم کیلئے اچھا ثابت نہ ہوسکا، ویسٹ انڈین ٹیم کے بیٹسمینوں نے فیصلہ کن معرکے میں جم کر کیوی بولرز کو دھویا۔

چار وکٹوں کے نقصان پر کیریبین ٹیم نے تین سو تریسٹھ رنز بنائے۔کرک ایڈورڈز نے ایک سو تئیس،کپتان ڈوین براؤو نے ایک سو چھ اور کیران پاؤل نے تہتر رنز کی شاندار اننگز کھیلی، مطلوبہ ہدف کے تعاقب میں ناقص کارکردگی دکھاتے ہوئے نیوزی لینڈر جلد ہی ہمت ہار گئے۔ کیوی سائیڈ ایک سو ساٹھ رنز پر ڈھیر ہوگئی۔

ویسٹ انڈیز دو سو تین رنز سے کامیاب رہی، نیکیتا ملر نے چار،جیسن ہولڈر اورآندرے رسل نے دو ، دو وکٹیں حاصل کیں، ویسٹ انڈیز کے کپتان ڈوین براؤو پلیئر آف دی میچ قرار پائے، ون ڈے سیریز دو دو سے برابر رہی ۔

نیوزی لینڈ نے ویسٹ انڈیز کو چوتھے ون ڈے میں ڈک ورتھ لوئس قانون کے تحت اٹھاون رنز سے شکست دے کر پانچ میچز کی سیریز میں دو ایک کی برتری حاصل کرلی۔ نیلسن میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔

کیوی ٹاپ آرڈر نے عمدہ بیٹنگ کرتے ہوئے اسکور مقررہ اوورز میں چھ وکٹوں پر دو سو پچیاسی رنز تک پہنچادیا۔ مارٹن گپتل نے اکیاسی رنز کی شاندار اننگز کھیلی۔ جیسے رائڈر اور ولیمسن نے سینتالیس سینتالیس رنز اسکور کئے۔

ہدف کے تعاقب میں ویسٹ انڈیز کا آغاز مایوس کن رہا۔ اوپنرز کھاتا کھولے بغیر ہی پویلین لوٹ گئے۔ ویسٹ انڈیز نے تینتیس اعشاریہ چار اوورز میں پانچ وکٹوں پر ایک سو چونتیس رنزبنائے تھے کہ میچ بارش کے سبب روک دیا گیا۔ کھیل دوبارہ شروع نہ ہوا اور نیوزی لینڈ کو ڈک ورتھ لوئس قانون کے تحت اٹھاون رنز سے فاتح قرار دے دیا گیا۔

پاکستان کے شاہد آفریدی ون ڈے میں تیز ترین سینچری کے ریکارڈ سے محروم ہوگئے، نیوزی لینڈ کے کورے اینڈرسن نے ویسٹ انڈیز کے خلاف ون ڈے کی تیز ترین سینچری کا نیا عالمی ریکارڈ بنا ڈالا۔

شاہد آفریدی کی وہ دھواں دھار اننگز جس نے دنیائے کرکٹ میں ان کی منفرد پہنچان بنائی اور وہ بوم بوم کے نام سے مشہور ہوگئے لیکن شاہد آفریدی کا یہ ریکارڈ اب نیوزی لینڈ کے کھلاڑی نے توڑ دیا ہے۔ 

سال دو ہزار چودہ کا پہلا دن اور پہلا نیا عالمی ریکارڈ قائم ہوگیا، نیوزی لینڈ کے کورے اینڈرسن نے سترہ سال بعد ون ڈے کی تیز ترین سینچری کا نیا ریکارڈ بنا ڈالا۔

اینڈرسن نے ویسٹ انڈیز کے خلاف کوئنز ٹاؤن میں کھیلے جانے والے ون ڈے میں چھتیس گیندوں پر سینچری بنائی، اینڈرسن نے چھتیسویں گیند پر چھکا لگا کر شاہد آفریدی کی تیز ترین سینچری کا ریکارڈ توڑا۔

اینڈریسن کی شاندار سینچری بارہ چھکوں اور چار چوکوں سے سجی تھی، شاہد آفریدی نے انیس سو چھیانوے میں نیروبی کے میدان میں سینتیس گیندوں پر ایک روزہ کرکٹ کی تیز ترین سینچری بنائی تھی، آفریدی کی سینچری میں گیارہ چھکے اور چھ چوکے شامل تھے۔
       

ہیملٹن ٹیسٹ میں ویسٹ انڈیز نے نیوزی لینڈ کے خلاف پہلی اننگز میں چھ وکٹوں پر دو سو نواسی رنزبنالئے۔
ہیملٹن میں کھیلے جانے والے میچ کا ٹاس نیوزی لینڈ نے جیت کر پہلے فیلڈنگ کا فیصلہ کیا۔ اوپننگ جوڑی نے ٹیم کو اکتالیس رنز کا آغاز فراہم کیا۔

بریتھ ویٹ پینتالیس رنز بناکر آؤٹ ہوئے۔ چندرپال اور دنیش رام دین نے ٹیم کی پوزیشن بہتر کی۔ دنیش رام دین نے سینچری بنائی۔ وہ ایک سو سات رنزبناکر آؤٹ ہوئے۔ پہلے روز کھیل کے اختتام تک ویسٹ انڈیز نے چھ وکٹوں پر دو سو نواسی رنزبنالئے ہیں۔ چندرپال چورانوے رنز کے ساتھ وکٹ پر موجود ہیں۔