Tag: نیول چیف

اسلام آباد: نیول چیف ایڈمرل ظفر محمود عباسی نے کہا ہے کہ مشترکہ فوجی حکمت عملی آج کے دور کی اہم ضرورت ہے۔

تفصیلات کے مطابق نیول چیف ایڈمرل ظفر محمود عباسی نے نیشنل ڈیفنس یونیورسٹی اسلام آباد کا دورہ کیا۔نیشنل ڈیفنس یونیورسٹی کے صدر لیفٹیننٹ جنرل محمد سعید نے نیول چیف کا استقبال کیا۔

نیول چیف نے نیشنل ڈیفنس یونیورسٹی میں زیر تربیت افسران سے خطاب کے دوران مسلح افواج کی قربانیوں کو خراج تحسین پیش کرتے ہوئے کہا کہ خطے میں دفاعی صورت حال کو مدنظر رکھتے ہوئے ہمہ وقت تیار رہنا چاہیے۔

ایڈمرل ظفر محمود عباسی کا کہنا تھا کہ عسکری طاقت کے ساتھ ایمان کی مضبوطی اورکردار کی پختگی انتہائی ضروری ہے،مشترکہ فوجی حکمت عملی آج کے دور کی اہم ضرورت ہے۔

افسران سے خطاب کے دوران نیول چیف نے کہا کہ پاک بحریہ کسی بھی چیلنج سے نمٹنے کے لیے ہمہ وقت تیار ہے۔پاک بحریہ کے سربراہ کا مزید کہنا تھا کہ مستقبل کے چیلنجز سے روشناس کرانے کے لیے نیشنل ڈیفنس یونیورسٹی کا کردار اہم ہے۔

آرمی چیف جنرل قمر جاوید باجوہ کا نیوی وار کالج لاہور کا دورہ

اس سے قبل گزشتہ روز پاک فوج کے سربراہ جنرل قمر جاوید باجوہ نے نیوی وار کالج لاہور کا دورہ کیا تھا۔

اس موقع پر جنرل قمر جاوید باجوہ کا کہنا تھا کہ پاک بحریہ کی تاریخ جرات،بہادری اور قربانیوں سے بھری پڑی ہے،جب بھی دشمن کا سامنا ہوا تو پاک بحریہ قوم کی توقعات پر پورا اتری،پاک بحریہ نے بحری سرحدوں کی حفاظت بھرپور انداز میں کی ہے۔

کراچی: پاکستان نیوی کے سربراہ ایڈمرل ظفر محمود عباسی نے کہا ہے کہ یوم بحر سمندروں کے لیے مربوط بین الاقوامی کاوشیں یقینی بنانے کا دن ہے، سمندر معاشی ترقی کے لیے ناگزیر ہے۔

تفصیلات کے مطابق دنیا بھر میں آج عالمی یوم بحر منایا جارہا ہے۔ اس موقع پر نیول چیف ایڈمرل ظفر محمود عباسی نے اپنے خصوصی بیان میں کہا کہ سمندر خوشحالی، معاشی ترقی اور زمینی حیات کی بقا کے لیے بھی ناگزیر ہے۔

انہوں نے کہا کہ یوم بحر سمندروں کے لیے مربوط بین الاقوامی کاوشیں یقینی بنانے کا دن ہے، سمندری وسائل محفوظ اور جدت پر مبنی طریقوں سے استعمال کے لیے سرگرم ہیں۔

نیول چیف کا کہنا تھا کہ انسانی، صنعتی فضلے اور جہازوں سے تیل رساؤ روکنے کے لیے کردار ادا کررہے ہیں، ماہی گیری کے ممنوعہ طریقوں کی روک تھام میں بھی پاک بحریہ کا بھرپور کردار ہے۔

خیال رہے کہ عالمی یوم بحر یعنی سمندروں کا عالمی دن دنیا بھر میں 8 جون کو منایا جاتا ہے۔ اس دن کو منانے کا مقصد انسانی زندگی میں پانی کی اہمیت، آبی جانوروں کا تحفظ اور سمندری آلودگی کم کرنا ہے۔

اسلام آباد: پاک بحریہ کے سربراہ ایڈمرل ظفر محمود عباسی نے کہا کہ اقبال کے پیغام پرعمل کر کے ہم خود آگاہی کی راہ پرگامزن ہوسکتے ہیں، ہمیں اقبال کے پیغام کو سمجھ کراس پرعمل کرنا چاہیے۔

تفصیلات کے مطابق بحریہ یونیورسٹی اسلام آباد کیمپس کے زیر اہتمام پہلی 2 روزہ قومی کانفرنس منعقد کی گئی، کانفرنس کا موضوع فلسفہ اقبال کی آفاقیت اور اس کی شخصی وسماجی افادیت تھا۔

پاک بحریہ کے سربراہ ایڈمرل ظفر محمود عباسی نے تقریب سے خطاب کرتے ہوئے کہا کہ اقبال کے پیغام پرعمل کر کے ہم خود آگاہی کی راہ پرگامزن ہوسکتے ہیں، ہمیں اقبال کے پیغام کو سمجھ کراس پرعمل کرنا چاہیے۔

ظفر محمود عباسی نے مزید کہا کہ اقبال کے خوابوں کے مسلمان، معاشرے کے لیے فائدہ مند شہری بن سکیں گے۔

جہازوں کی شمولیت سے جنگی صلاحیتوں، قیام امن کی استعداد میں اضافہ ہوگا، نیول چیف

یاد رہے کہ 30 ستمبر کو پاک بحریہ کے سربراہ ایڈمرل ظفر محمود عباسی کا کہنا تھا کہ مِلجَم کلاس جنگی جہازکی اسٹیل کٹنگ کی تقریب پاک ترک دوستی کا تابندہ باب ہے۔

ظفر محمود عباسی کا کہنا تھا کہ پاک بحریہ کے تیار کیا جانے والا یہ جہاز تباہ کن ہتھیاروں، ٹیکنالوجی سے لیس ہے، جہازوں کی شمولیت سے جنگی صلاحیتوں، قیام امن کی استعداد میں اضافہ ہوگا۔