Tag: نیول چیف

کراچی: پاک بحریہ کے سربراہ ایڈمرل ظفر محمود عباسی کا کہنا ہے کہ مِلجَم کلاس جنگی جہازکی اسٹیل کٹنگ کی تقریب پاک ترک دوستی کا تابندہ باب ہے۔

تفصیلات کے مطابق ترکی کے شہر استنبول کے نیول شپ یارڈ میں پاک بحریہ کے لیے تیار جدید ترین مِلجَم کلاس جنگی جہاز کی اسٹیل کٹنگ کی تقریب ہوئی، ترک صدر اور نیول چیف ایڈمرل ظفر محمود نے مشترکہ اسٹیل کٹنگ کی۔

پاک بحریہ کے تیار کیا جانے والا یہ جہاز تباہ کن ہتھیاروں، ٹیکنالوجی سے لیس ہے۔

نیول چیف کا کہنا ہے کہ جہازوں کی شمولیت سے جنگی صلاحیتوں، قیام امن کی استعداد میں اضافہ ہوگا۔

پاک بحریہ کے سربراہ کا کہنا ہے کہ اسٹیل کٹنگ کی تقریب پاک ترک دوستی کا تابندہ باب ہے، دونوں ملکوں میں دیرینہ دوستی کی بہترین مثال ہے۔

پاک بحریہ کو نا قابل تسخیر بنانے کے لیے کام کر رہے ہیں: نیول چیف

یاد رہے کہ رواں سال 11 جون کو نیول چیف کا کہنا تھا کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے، سی پیک اور گوادر بندر گاہ سے بے پناہ سمندری وسائل جڑے ہیں۔

پاک بحریہ کے سربراہ کا کہنا تھا کہ سی پیک سے ہمیں من حیث القوم استفادے کی ضرورت ہے، وسائل کے حصول اور دنیا پر اپنی بالا دستی قائم کرنے کے لیے ملکوں کے درمیان نئی صف بندیاں ہو رہی ہیں۔ پاکستان کے پاس بیش بہا بحری وسائل موجود ہیں۔ بحری وسائل استعمال کر کے ملکی معیشت کو مضبوط کیا جا سکتا ہے۔

اسلام آباد: پاک بحریہ کے سربراہ ایڈمرل ظفر محمود عباسی کا کہنا ہے کہ قدرت نے پاکستان کو 1ہزارکلومیٹرسے زائد ساحلی پٹی سے نوازا ہے۔

تفصیلات کے مطابق ورلڈ میری ٹائم ڈے 2019 کے موقع پر پاک بحریہ کے سربراہ نے اپنے پیغام میں کہا کہ ہرسال 26 ستمبرکو میری ٹائم کاعالمی دن منایا جاتا ہے، آج کا موضع میری ٹائم میں خواتین کو خود مختار بنانا ہے۔

پاک بحریہ کے سربراہ نے کہا کہ قدرت نے پاکستان کو 1ہزار کلومیٹرسے زائد ساحلی پٹی سے نوازا ہے، سی پیک سے پاکستان میں میری ٹائم سرگرمیوں میں اضافہ ہوگا۔

ایڈمرل ظفر محمود عباسی نے کہا کہ خواتین کی میری ٹائم میں دلچسپی فوائد کے لیے مددگارہے۔ انہوں نے کہا کہ میری ٹائم سیکٹرمیں خواتین کی خدمات کو بروئےکارنہیں لایا گیا، پاک بحریہ خواتین کو بااختیار بنانے کےعزم کا اعادہ کرتی ہے۔

پاک بحریہ کے سربراہ نے کہا کہ میری ٹائم سیکٹرکی ترقی کے لیے صف اول کا کردار ادا کر رہے ہیں، بحریہ یونیورسٹی میں ماسٹر، گریجویٹ پروگرام کا آغازہوچکا ہے۔

اسلام آباد: پاک بحریہ کے سربراہ ایڈمرل ظفر محمود عباسی کا کہنا ہے کہ 8 ستمبر ہماری بحری تاریخ کا سنہری باب ہے۔

تفصیلات کے مطابق یوم بحریہ پرنیول چیف ایڈمرل ظفر محمود عباسی نے اپنے پیغام میں کہا کہ 8 ستمبر افسران، جوانوں کےغیرمعمولی حوصلے وشجاعت کی یاد دلاتا ہے، 8 ستمبر ہماری بحری تاریخ کا سنہری باب ہے۔

پاک بحریہ کے سربراہ نے کہا کہ آپریشن سومنات جس جرأت ودلیری سے انجام دیا گیا وہ باعث فخر ہے، 8 ستمبرکو پاک بحریہ نے دوارکا میں بھارتی ریڈار اسٹیشن کوتباہ کیا۔

انہوں نے کہا کہ پاکستان کی آب دوزغازی کا خوف بھارتی نیوی کے جہازوں پرچھایا رہا، آب دوزغازی نے سمندر پر بالادستی قائم کیے رکھی۔

ایڈمرل ظفر محمود عباسی نے کہا کہ عصر حاضرمیں میری ٹائم سیکٹرکومتعدد چیلنجز، دہشت گردی کا سامنا ہے، عالمی بحری افواج سے مل کرعالمی پانیوں میں امن واستحکام یقینی بنا رہے ہیں۔

نیول چیف نے کہا کہ بحریہ مکمل چوکس ہے جس کا ثبوت بھارتی آب دوز کا سراغ لگایا جانا ہے، جدید بھارتی آب دوزکا سراغ لگا کراس کے عزائم ناکام بنائے گئے۔

پاک بحریہ کے سربراہ نے کہا کہ گوادر بندرگاہ کی ترقی اور سی پیک معاشی فوائد کے حصول کے مواقع فراہم کریں گے۔

ملک بھرمیں یومِ بحریہ آج ملی جوش وجذبے کے ساتھ منایا جارہا ہے

واضح رہے کہ جنگِ ستمبرمیں پاک بحریہ کی شاندار کارکردگی کی یاد میں ہر سال آٹھ ستمبر کو یومِ بحریہ کے طور پر منایا جاتا ہے، اس دن پاک بحریہ نے پاکستان کی بری اور فضائی افواج کے شانہ بشانہ رہ کر دشمن کے دانت کھٹے کیے۔