Tag: نیول چیف

لاہور: پاک بحریہ کے سربراہ ایڈمرل ظفر محمود عباسی کا کہنا ہے کہ پاکستان کا کوسٹل ایریا آنے والے وقت کا دبئی ہوگا۔ ملکی وسائل کا صحیح استعمال نہیں کیا جا رہا۔

تفصیلات کے مطابق لاہور میں وزیر اعلیٰ پنجاب اور نیول چیف ایڈمرل ظفر محمود عباسی نے گوادر میں اسکول کی تعمیر پر مفاہمتی یاداشت پر دستخط کیے۔

تقریب سے خطاب کرتے ہوئے سربراہ پاک بحریہ نے کہا کہ ضرورت ہے پاکستان کے وسائل کو بنیادی معیشت میں لایا جائے۔ وسائل شامل کر کے ہم اپنی جی ڈی پی کو دگنا اور سہ گنا کر سکتے ہیں۔

نیول چیف نے کہا کہ میری ٹائم کی ترقی اور اسے بنیادی دھارے میں لانا ضروری ہے۔ ترقی یافتہ ممالک نے ترقی کا آغاز جہاز سازی سے کیا۔ ’ہم نے سنہ 1950 میں ایک شپ یارڈ بنایا وہ آج بھی کام کر رہا ہے‘۔

انہوں نے کہا کہ ہمیں مزید ایک سے زیادہ شپ یارڈز کی ضرورت ہے۔

نیول چیف کا کہنا تھا کہ ہمارے ملک میں ساحلی سیاحت کے بہت مواقع ہیں۔ میری ٹائم میں بہت پوٹینشل ہے اسے آگے لے جانے کی ضرورت ہے۔

انہوں نے کہا کہ پاک بحریہ نے سوشل امپاورمنٹ کے لیے بھی بہت کام کیے ہیں۔

نیول چیف کا کہنا تھا کہ صوبائی حکومت کے ساتھ مل کر کام کرتے رہیں گے۔ پاکستان کا کوسٹل ایریا آنے والے وقت کا دبئی ہوگا۔ ملکی وسائل کا صحیح استعمال نہیں کیا جا رہا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی: سربراہ پاک بحریہ نے کمانڈر شنگھائی نیول بیس ریئر ایڈمرل وانگ جیان زون سے ملاقات کی۔ ملاقات میں باہمی دلچسپی کے پیشہ ورانہ امور پر تبادلہ خیال کیا گیا۔

تفصیلات کے مطابق ترجمان پاک بحریہ کا کہنا ہے کہ پاک بحریہ کے سربراہ ایڈمرل ظفر محمود عباسی چین کے سرکاری دورے پر ہیں۔

ترجمان کا کہنا ہے کہ پاک بحریہ کے سربراہ ایڈمرل ظفر محمود عباسی شنگھائی نیول بیس پہنچے جہاں ان کا پرتپاک استقبال کیا گیا۔ چین کی بحریہ کے چاق و چوبند دستے نے نیول چیف کو سلامی دی۔

بعد ازاں ایڈمرل ظفر محمود عباسی نے کمانڈر شنگھائی نیول بیس ریئر ایڈمرل وانگ جیان زون سے ملاقات کی۔ ملاقات میں باہمی دلچسپی کے پیشہ ورانہ امور پر تبادلہ خیال کیا گیا۔

ترجمان کے مطابق ایڈمرل ظفر محمود نے چینی جہاز یانگ زو اور فضائی اثاثہ جات کا دورہ بھی کیا۔ انہوں نے جہاز کے عملے سے گفتگو کی اور ان کی پیشہ ورانہ صلاحیتوں کو سراہا۔

خیال رہے کہ اپنے دورے کے دوران ایڈمرل ظفر محمود عباسی چین کی بحریہ کے سربراہ، چین کے وزیر دفاع، ریاستی مشیر جنرل وی فینگ اور چین کی ڈیفنس انڈسٹری کی لیڈر شپ سے بھی ملاقات کر چکے ہیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی: پاک بحریہ کے سربراہ ایڈمرل ظفر محمود عباسی نے چین کے دورے کے دوران چین کے وزیر دفاع اور ریاستی مشیر جنرل وی فینگ سے ملاقات کی۔ ملاقات کے دوران باہمی دلچسپی کے پیشہ ورانہ امور پر تبادلہ خیال کیا گیا۔

تفصیلات کے مطابق ترجمان پاک بحریہ کا کہنا ہے کہ پاک بحریہ کے سربراہ ایڈمرل ظفر محمود عباسی چین کے سرکاری دورے پر ہیں۔

دورے کے دوران ایڈمرل ظفر محمود عباسی نے چین کے وزیر دفاع اور ریاستی مشیر جنرل وی فینگ سے ملاقات کی۔

ترجمان کا کہنا ہے کہ ملاقات کے دوران باہمی دلچسپی کے پیشہ ورانہ امور پر تبادلہ خیال کیا گیا۔

پاک بحریہ کے سربراہ نے ’ون چائنہ‘ پالیسی اور چین کے بنیادی مفادات کے سلسلے میں مکمل حمایت کا اعادہ کیا۔

ترجمان کے مطابق چین کے وزیر دفاع نے پاکستان کے بنیادی مفادات کی حمایت کے سلسلے میں چین کے عزم صمیم کا اظہار بھی کیا۔ جنرل وے فینگ نے پاکستان کو ہر مشکل و آسان وقت کا دوست قرار دیا۔

ترجمان پاک بحریہ کے مطابق دونوں شخصیات نے پاک چین اقتصادی راہداری کو خطے کے لیے خوشحالی اور اقتصادی ترقی کا منصوبہ قرار دیا۔

اس سے قبل ایڈمرل ظفر محمود عباسی نے چین کی ڈیفنس انڈسٹری کی لیڈر شپ سے بھی ملاقات کی۔ ملاقاتوں کے دوران حالیہ اور مستقبل کے منصوبوں سے متعلق امور پر بات چیت کی گئی۔

خیال رہے کہ گزشتہ روز نیول چیف نے چین کی بحریہ کے سربراہ سے بھی ملاقات کی تھی۔ ملاقات میں دو طرفہ بحری تعاون اور خطے میں سیکیورٹی صورتحال پر تبادلہ خیال کیا گیا۔

ترجمان پاک بحریہ کے مطابق نیول چیف نے دہشت گردی کے خلاف پاکستان کے عزم اور کردار اور کثیر القومی ٹاسک فورس میں پاک بحریہ کی شرکت پر روشنی ڈالی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔