ARYNews.tv | Urdu – Har Lamha Bakhabar

Tag: نیویارک

  • اصولوں پرمبنی اصلاحات ہی شفاف، فعال سلامتی کونسل کی ضمانت ہیں، ملیحہ لودھی

    اصولوں پرمبنی اصلاحات ہی شفاف، فعال سلامتی کونسل کی ضمانت ہیں، ملیحہ لودھی

    نیویارک: اقوام متحدہ میں پاکستانی مندوب ملیحہ لودھی کا کہنا ہے کہ چند ممالک کی طاقت کے حصول کی خواہش اتفاق رائے کی راہ میں رکاوٹ ہے۔

    تفصیلات کے مطابق اقوام متحدہ میں پاکستانی سفیر ملیحہ لودھی نے سلامتی کونسل اصلاحات پر عالمی مذاکراتی عمل میں بیان دیتے ہوئے کہا کہ ماضی سے سبق سیکھے بغیراصلاحات کاعمل مطلوبہ نتائج نہیں دے گا۔

    ملیحہ لودھی نے کہا کہ ممالک کومذاکراتی عمل کوکامیاب بنانے کے لیے لچک کا مظاہرہ کرنا ہوگا، چند ممالک کی طاقت کے حصول کی خواہش اتفاق رائے کی راہ میں رکاوٹ ہے۔

    پاکستانی سفیر نے مزید کہا کہ اصولوں پرمبنی اصلاحات ہی شفاف، فعال سلامتی کونسل کی ضمانت ہیں۔

    اتفاق رائے کے بغیرسلامتی کونسل اصلاحات کامیاب نہیں ہوسکتی، ملیحہ لودھی

    اس سے قبل رواں ماہ 4 مئی کو اقوام متحدہ میں پاکستان کی مستقل مندوب ملیحہ لودھی کا کہنا تھا کہ سلامتی کونسل میں اصلاحات کے لیے مرحلہ وار طریقہ کار زیادہ موزوں ہے۔

    ملیحہ لودھی نے کہا کہ اصلاحات کا مقصد سلامتی کونسل کو مزید جمہوری اورموثر بنانا ہونا چاہیے، اتفاق رائے کے بغیر سلامتی کونسل اصلاحات کامیاب نہیں ہوسکتی۔

    پاکستانی سفیرکا کہنا تھا کہ چند ممالک کی خواہش مذاکراتی عمل کامیاب نہیں ہونے دے رہی، مزید مستقل اراکین سلامتی کونسل کوغیرفعال نہیں بنا دیں گے۔

  • امریکا میں ٹریفک حادثے کی ذمے دار مکڑی قرار

    امریکا میں ٹریفک حادثے کی ذمے دار مکڑی قرار

    واشنگٹن: یوں تو ٹریفک حادثے کی وجہ زیادہ تر ڈرائیور کی غفلت یا پھر نشے کی حالت میں گاڑی چلانا بنتی ہے، لیکن امریکا میں ٹریفک حادثے کی وجہ جان کر لوگ حیران رہ گئے۔

    تفصیلات کے مطابق امریکی شہر نیویار میں ایک ایسا ٹریفک حادثہ پیش آیا جس کی وجہ جان کر شہری ورطہ حیرت میں مبتلا ہوگئے، اور پولیس اہلکار بھی چونک گئے۔

    غیر ملکی خبر رساں ادارے کے مطابق پولیس کا کہنا ہے کہ وائر لیس ڈیوائس پر کسی کار حادثے کی خبر موصول ہوئی جس میں کہا گیا کہ ایک گاڑی بے قابو ہوکر درخت سے جاٹکرائی ہے۔

    پولیس جاعے وقوعہ پر پہنچی تو خاتون ڈرائیور حیران وپریشان تھیں، پولیس کے سوالات کرنے پر خاتون نے بتایا کہ ان کی گاڑی میں ایک مکڑی گھس آئی تھی جس کے باعث وہ گھبرا گئیں اور گاڑی حادثے کی وجہ بن گئی۔

    اس حادثے میں گاڑی کو شدید نقصان پہنچا، کار کے شیشے ٹوٹ گئے جبکہ خاتون ڈرائیور کو بھی شدید چوٹے آئیں، ڈرائیور مکڑی کو اپنے چہرے کے بالکل قریب دیکھ کر حواس باختہ ہوگئی تھیں۔

    پولیس کا کہنا ہے کہ ایسی صورت حال سے نمٹنے کے لیے ڈرائیورز کو خصوصی طور پر ٹریننگ لینی چاہیئے تاکہ کسی بھی ناگہانی صورت حال سے فوری طور پر نمٹا جاسکے۔

    اماراتی ریاست راس الخیمہ میں خوفناک ٹریفک حادثہ، چار نوجوان ہلاک

    پولیس کے مطابق گاڑی چلانا سب کے لیے آسان نہیں ہوتا لیکن نئے ڈرائیوروں کو اپنے خوف پر قابو پاتے ہوئے محفوظ طریقے سے گاڑی چلانا سیکھنا چاہیے۔

  • مودی سرکارکی خوشنودی کیلئے امریکہ کی مسعود اظہر پر پابندی کیلئے کوششیں تیز

    مودی سرکارکی خوشنودی کیلئے امریکہ کی مسعود اظہر پر پابندی کیلئے کوششیں تیز

    نیویارک : امریکہ ایک بار پھر مودی سرکار کو خوش کرنے کیلئے سرگرم عمل ہوگیا ، مولانا مسعود اظہر پر پابندی کیلئے ایک اور قرارداد کا مسودہ تیار کرلیا، ذیلی کمیٹی کا پلیٹ فارم استعمال کرنا کا فیصلہ کرلیا۔

    تفصیلات کے مطابق مودی سرکار نے عسکری محاذ پر اپنی ناکامی چھپانے کیلئے سفارتی محاذ پر کوششیں تیز کردی ہیں اس سلسلے میں امریکا ایک بار پھر بھارت کو خوش کرنے کے لئے سرگرم ہوگیا ہے،

    سلامتی کونسل میں ناکامی پر ذیلی کمیٹی کے پلیٹ فارم کے استعمال کا فیصلہ کیا گیا ہے، امریکا نے فرانس اور جرمنی سے مل کر مسعود اظہر کے خلاف ایک اور قرارداد تیار کرلی ہے۔

    اس حوالے سے سفارتی ذرائع کا کہنا ہے کہ مسعود اظہر کیخلاف مجوزہ امریکی قرارداد کے پیچھے بھارتی الیکشن ہیں، امریکا مودی سرکار کو الیکشن سے قبل مسعود اظہر پر پابندی کا تحفہ دینا چاہتا ہے۔

    مزید پڑھیں: امریکا اور سلامتی کونسل مسعود اظہر کے معاملے پردانشمندی سے کام لیں، چین

    سلامتی کونسل کے اراکین سیاسی مفادات پرقرارداد کی حمایت سے گریزاں ہیں، ماہرین کا کہنا ہے کہ سلامتی کونسل ذیلی کمیٹی کے فیصلے کیخلاف امریکی قرارداد سے غلط مثال قائم ہوگی۔

  • امریکی شہر نیویارک میں خسرہ کی وبا پھوٹ پڑی ، ایمرجنسی نافذ

    امریکی شہر نیویارک میں خسرہ کی وبا پھوٹ پڑی ، ایمرجنسی نافذ

    نیویارک : امریکی شہر نیویارک میں خسرہ کی وبا پھیلنے لگی،راک لینڈ کاؤنٹی میں ہنگامی حالت کا اعلان کردیاگیا اور بچوں کے بغیر ویکسینیشن باہر نکلنے  پر پابندی عائد کردی گئی ہیں۔

    تفصیلات کے مطابق امریکہ کے شہر نیویارک میں خسرہ کی وبا سے لوگ پریشان ہوگئے ہیں، جس کے بعد ایمرجنسی نافذ کردی گئی ہے اور ویکسینیشن کرانا لازمی ہوگی۔

    نیو یارک کی راک لینڈ کاؤنٹی میں خسرے کے ایک سو تیریپن کیسزرپورٹ ہوئے، جس کے بعد انتظامیہ نے خسرہ سے بچاو کے ٹیکے نہ لگانے والے بچوں کے عام مقامات پر جانے کی پابندی لگادی ہے۔

    ایمرجنسی کی خلاف ورزی کرنے والوں پر پانچ سو ڈالر کا جرمانہ اور چھ ماہ قید تک کی سزا ہو سکتی ہے، یہ اعلان واشنگٹن، کیلیفورنیا، ٹیکساس اور اِلونائے کی ریاستوں میں خسرہ پھیلنے کے بعد کیا گیا۔

    انتظامیہ کے مطابق ویکسی نیشن سے بچوں کو’ آٹیزم’ میں مبتلا ہونے کی افواہ کے باعث والدین نے بچوں کواس ٹیکے سے محروم رکھا ہے۔

    مزید پڑھیں : یورپ میں خسرہ کی وبا پھوٹ پڑی، 37 افراد ہلاک

    خیال رہے مارچ 2019 میں یونیسیف نےخسرہ کے مریضوں کی بڑھتی ہوئی تعداد کے حوالے سے دنیا کو متنبہ کیا گیا تھا، دنیا کے 98 ممالک میں  سن 2018 میں مریضوں کی تعداد میں اضافہ ہوا ہے اور  کئی ایسے ممالک جو خسرے سے پاک تھے جیسے برازیل میں  ماضی کے مقابلے میں پچھلے سال خسرے کے دس ہزار کیسز رپورٹ کئے گئے۔

    گذشتہ سال یورپ میں خسرہ کی خوفناک وبا پھوٹی تھی ، جس سے صرف 6 ماہ میں 37 افراد ہلاک ہوگئے تھے جبکہ یورپ بھر میں خسرہ کے 41 ہزار کیسز ریکارڈ کیے گئے۔

    خسرہ کیا ہے ؟

    خسرہ ایک متعدی بیماری ہے جو مریض کے کھانسنے یا چھینکے سے بھی پھیل سکتی ہے، اس بیماری کے لئے  سنہ 1960 سے ایک ہی ویکسین استعمال کی جارہی ہے، ماہرین کو خدشہ ہے کہ اس ویکسین کا درست استعمال نہیں کیا جارہا جس کی وجہ سے یہ مرض پھیل رہا ہے۔

    عالمی ادارہ صحت کے مطابق خسرہ بچوں کی اموات کی سب سے بڑی وجہ ہے۔ اس کی ابتدائی علامت بخار کی صورت میں ظاہر ہوتی ہے جس کے بعد چہرے اور گردن پر سرخ دانے نمودار ہوتے ہیں۔

    زیادہ تر لوگ اس بیماری سے صحت یاب ہوجاتے ہیں تاہم بچوں کے لیے یہ جان لیوا ثابت ہوسکتی ہے۔

  • مسلمانوں کے خلاف تعصب سے بدامنی وانتشارمیں اضافہ ہوگا‘ ملیحہ لودھی

    مسلمانوں کے خلاف تعصب سے بدامنی وانتشارمیں اضافہ ہوگا‘ ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی نے بڑھتے اسلام دشمن رویے کو عالمی امن کے لیے خطرہ قرار دے دیا۔

    تفصیلات کے مطابق اقوام متحدہ میں پاکستانی سفیر ڈاکٹرملیحہ لودھی نے تقریب سے خطاب کے دوران بڑھتے اسلام دشمن رویوں کے اہم مسئلے کی جانب توجہ دلائی۔

    ملیحہ لودھی نے بڑھتے اسلام دشمن رویے کو عالمی امن کے خطرہ قراردے دیا، انہوں نے کہا کہ مسلمانوں کے خلاف تعصب سے بدامنی وانتشار میں اضافہ ہوگا۔

    نیوزی لینڈ کی وزیراعظم جیسنڈا ایرڈن نے گزشتہ روز حملے میں زخمی ہونے والے افراد کی عیادت کے لیے اسپتال کا دورہ کیا جہاں انہوں نے مسلم کمیونیٹی سے ملاقات کی اور مسلم خواتین کو گلے لگا کرتسلی دی۔

    جیسنڈا ایرڈن کا میڈیا سے گفتگو کرتے ہوئے کہنا تھا کہ کرائسٹ چرچ کا واقعہ نیوزی لینڈ کی عکاسی نہیں کرتا تاہم مذہبی اور ثقافتی آزادی ہرصورت ممکن بنائی جائے گی۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ دو روز قبل نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • بھارت کے ساتھ تناؤ سے افغان امن کی کوششوں پراثرات پڑسکتے ہیں‘ ملیحہ لودھی

    بھارت کے ساتھ تناؤ سے افغان امن کی کوششوں پراثرات پڑسکتے ہیں‘ ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ مسئلہ کشمیرحل کیے بغیربرصغیرمیں دیرپا امن کا حصول ممکن نہیں ہے۔

    تفصیلات کے مطابق اقوام متحدہ میں پاکستانی سفیر ڈاکٹرملیحہ لودھی نے امریکی نشریاتی ادارے کو انٹرویو میں کہا کہ پاک بھارت کشیدگی ہماری ساری توجہ مشرقی سرحد پرلگا دیتی ہے۔

    پاکستانی سفیر نے کہا کہ بھارت کے ساتھ تناؤ سے افغان امن کی کوششوں پراثرات پڑسکتے ہیں، پاکستان افغانستان میں امن کی بحالی دیکھنا چاہتا ہے۔

    ڈاکٹرملیحہ لودھی نے کہا کہ پاک بھارت کشیدگی خطے کے وسیع ترمفاد میں نہیں ہے، مسئلہ کشمیرحل کیے بغیربرصغیرمیں دیرپا امن کا حصول ممکن نہیں ہے۔

    یاد رہے کہ گزشتہ ہفتے اقوام متحدہ میں پاکستان کی مستقل مندوب ملیحہ لودھی کا کہنا تھا کہ عالمی برادری بھارت کو مذاکرات پر لانے کے لیے دباؤ ڈالے۔

    عالمی برادری کودیکھنا ہوگا اس وقت امن کے لیے کون کھڑا ہے‘ ملیحہ لودھی

    ملیحہ لودھی کا کہنا تھا کہ عالمی برادری کودیکھنا ہوگا اس وقت امن کے لیے کون کھڑا ہے، عالمی برادری کو دیکھنا ہوگا جنگی آوازیں کہاں سے آرہی ہیں۔

    پاکستانی سفیر کا کہنا تھا کہ وزیراعظم کا مؤقف پاکستانی عوام کی امنگوں کی عکاسی کرتا ہے، پاکستانی عوام جنگ کی طرف نہیں جانا چاہتی۔

  • پلوامہ واقعے کا فائدہ صرف مودی کو ہو رہا ہے: سکھ رہنما گُر پتونت سنگھ

    پلوامہ واقعے کا فائدہ صرف مودی کو ہو رہا ہے: سکھ رہنما گُر پتونت سنگھ

    لاہور: سکھ رہنما گُر پتونت سنگھ نے اے آر وائی نیوز کے پروگرام میں گفتگو کرتے ہوئے کہا ہے کہ بھارت نے مقبوضہ کشمیر میں نہتے کشمیریوں کو مارا۔

    پڑوسی ملک بھارت کے ساتھ ایک بار پھر بڑھتی کشیدگی کے تناظر میں پروگرام دی رپورٹرز میں سکھ رہنما کا کہنا تھا کہ مقبوضہ کشمیر میں بھارتی فوج نے نہتے کشمیریوں کو نشانہ بنایا۔

    [bs-quote quote=”مودی نے گجرات میں مسلمانوں کا قتل عام کیا تھا۔” style=”style-8″ align=”left” color=”#dd3333″ author_name=”سکھ رہنما”][/bs-quote]

    نیویارک سے سکھ فار جسٹس تنظیم کے رہنما گُر پتونت سنگھ پنو نے کہا کہ بھارت مقبوضہ کشمیر نہتے لوگوں پر ظلم کر رہا ہے۔

    انھوں نے گجرات سانحے پر بھی بات کی، کہا بھارتی وزیرِ اعظم نریندر سنگھ مودی نے گجرات میں مسلمانوں کا قتل عام کیا تھا۔

    گُر پتونت سنگھ نے بھارت میں سکھوں کے قتلِ عام کے حوالے سے کہا کہ 1994 میں بھارتی فوج نے 10 ہزار سکھوں کو قتل کیا۔

    یہ بھی پڑھیں:  بھارت کا پاکستان کو ٹماٹر فروخت نہ کرنے کا مضحکہ خیز فیصلہ

    پاکستان کے ساتھ کشیدگی کو مسلسل ہوا دینے پر سکھ رہنما کا کہنا تھا کہ مودی سرکار الیکشن قریب آنے پر یہ سب کر رہی ہے، دیکھا جا سکتا ہے کہ پلوامہ واقعے کا فائدہ صرف مودی کو ہو رہا ہے۔

    خیال رہے کہ مقبوضہ کشمیر، پلوامہ میں بھارتی فوجیوں پر حملے کے بعد بھارتی حکومت کی جانب سے مسلسل پاکستان کے خلاف بیان بازی جاری ہے، اور اب تک بھارت کی جانب سے بوکھلاہٹ پر مبنی متعدد اقدامات کیے جا چکے ہیں۔

  • امن مشنزکے بجٹ میں کمی سے قیام امن کی کوششوں پرمنفی اثرپڑے گا‘ ملیحہ لودھی

    امن مشنزکے بجٹ میں کمی سے قیام امن کی کوششوں پرمنفی اثرپڑے گا‘ ملیحہ لودھی

    نیویارک : اقوام متحدہ میں پاکستانی مندوب ملیحہ لودھی کا کہنا ہے کہ 15فیصد پاکستانی خواتین اسٹاف آفیسرز امن مشنزمیں تعینات ہیں۔

    تفصیلات کے مطابق ملیحہ لودھی نے اقوام متحدہ کی امن مشنزکا جائزہ لینے والی کمیٹی سے خطاب کرتے ہوئے کہا کہ پاکستان نے اقوام متحدہ امن مشنزمیں خواتین کی شمولیت کا ہدف حاصل کرلیا۔

    ملیحہ لودھی نے کہا کہ 15فیصد پاکستانی خواتین اسٹاف آفیسرزامن مشنزمیں تعینات ہیں، اقوام متحدہ کا ہدف18ماہ کی قلیل مدت میں حاصل کیا گیا۔ انہوں نے کہا کہ پاکستانی دستے قیام امن کوششوں میں ہمیشہ سب سے آگے رہے ہیں۔

    پاکستانی سفیر ملیحہ لودھی نے کہا کہ امن مشنزمیں دستے بھیجنے والے ممالک کے تجربات سے فائدہ اٹھایا جائے۔

    انہوں نے کہا کہ امن مشنزکے لیے مختص بجٹ میں کمی نہیں کرنی چاہیے، امن مشنزکے بجٹ میں کمی سے قیام امن کوششوں پرمنفی اثرپڑے گا۔

    پاکستانی سفیر ملیحہ لودھی نے امن مشنزکا جائزہ لینے والی کمیٹی سے خطاب کرتے ہوئے ایل اوسی پرجنگ بندی کی نگرانی کرنے والے مشن کی مزید فعالیت پر بھی زور دیا۔

    اقوام متحدہ جنرل اسمبلی کی صدر ماریہ فرنینڈا کا 156 شہید پاکستانیوں کی خدمات کو خراج عقیدت پیش

    یاد رہے کہ گزشتہ ماہ 21 جنوری کو اقوام متحدہ جنرل اسمبلی کی صدر ماریہ فرنینڈا نے 156 شہید پاکستانیوں کی خدمات کو خراج عقیدت پیش کرتے ہوئے کہا تھا کہ عالمی امن اور سیکیورٹی پرپاکستان کی قربانیاں قابل فخر ہیں۔

  • نیویارک میں ’محمد علی جناح‘ کے نام سے منسوب سڑک کا افتتاح

    نیویارک میں ’محمد علی جناح‘ کے نام سے منسوب سڑک کا افتتاح

    واشنگٹن : امریکی حکام نے بانی پاکستان قائداعظم محمد علی جناح کے نام منسوب نیویارک کی اہم ترین شاہراہ کا افتتاح کردیا۔

    تفصلات کے مطابق امریکی شہر نیویارک کی سٹی کونسل نے قائد اعظم کی خدمات کا اعتراف کرتے ہوئے ایک قرار داد کے تحت بروکلین ٹاؤن کی کونی آئی لینڈ شاہراہ کے ایک حصّے کا نام ’محمد علی جناح وے‘ رکھ دیا ہے جو پاکستانیوں کے لیے ایک اعزاز ہے۔

    ذرائع کا کہنا ہے کہ بروکلین ٹاؤن کونی آئی لینڈ کی شاہراہ کو قائد اعظم کے نام سے منسوب کرنے کا فیصلہ گزشتہ برس دسمبر میں کیا گیا تھا جس کا افتتاح اب کیا گیا ہے۔

    محمد علی جناح وے کی افتتاحی تقریب میں پاکستانی عوام کے علاوہ امریکی شہری بھی موجود تھے جبکہ تقریب کے مہمان خصوصی نیویارک میں تعینات پاکستانی قونصل جنرل نعیم اقبال چیمہ تھے۔

    نعیم اقبال چیمہ نے خطاب کرتے ہوئے کہا کہ افتتاح کی تقریب میں پاکستانی اور امریکی عوام کی موجودگی دونوں ملکوں کی عوام کے رابطوں اور اتحاد و اتفاق کی عکاسی کرتی ہے۔

    پاکستانی برادری کےلیے کام کرنے والی تنظیم ’پاکستانی امریکن یوتھ آرگنائزیشن صدر وکیل احمد کا کہنا تھا کہ ’لٹل پاکستان‘ کے نام سے مشہور کونی آئی لینڈ کو قائداعظم کے نام منسوب کرکے سٹی کونسل نے ہمارے دیرینہ مطالبے کو پورا کیا ہے۔

    تقریب میں موجود سٹی کونسل کے رکن جمانے ولیمز کا کہنا تھا کہ ’یہ میرے لیے اعزاز کی بات ہے کہ ’محمد علی جناح وے‘ کی افتتاحی تقریب موقع پر موجود ہوں۔

    جمانے ولیمز نے کہا کہ مجھے اس بات کا علم ہے کہ’پاکستانی عوام نائن الیون کے بعد سے مشکلات کا شکار ہے‘ لیکن پاکستانی قوم مشکلات کا سامنا کرنے کے بعد ایسے مقام پر پہنچ گئی ہے کہ سٹی کونسل نے ان کے بانی کے اعزاز میں ان کے نام سے شاہراہ منسوب کردی۔

    یاد رہے کہ نیویارک کی سٹی کونسل میں رکن ’جمانے ولیمز‘ نے 25 دسمبر کو قائد اعظم کی سالگرہ کے موقع پر قرار داد پیش کی گئی تھی جسے اکثریت رائے سے منظور کیا گیا تھا۔

  • کشمیریوں کی بہادری سے ظلم کی اندھیری اور طویل رات ختم ہوگی: ملیحہ لودھی

    کشمیریوں کی بہادری سے ظلم کی اندھیری اور طویل رات ختم ہوگی: ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ کشمیری قابض بھارت کے خلاف تاریخی جدوجہد کر رہے ہیں، کشمیریوں کی بہادری سے ظلم کی اندھیری اور طویل رات ختم ہوگی۔

    تفصیلات کے مطابق اقوام متحدہ میں پاکستان کی مستقل مندوب ملیحہ لودھی نے نیویارک میں یوم کشمیر کی تقریب سے خطاب کرتے ہوئے کہا کہ کشمیریوں نے دکھا دیا جو سچ ہے وہ ہے۔

    انہوں نے کہا کہ کشمیریوں نے قابض بھارت کی حقائق کچلنے کی کوششوں کو ناکام بنا دیا۔ ہمارے لیے ہر دن کشمیریوں سے اظہار یکجہتی کا دن ہے۔

    ملیحہ لودھی کا کہنا تھا کہ کشمیری قابض بھارت کے خلاف تاریخی جدوجہد کر رہے ہیں، کشمیریوں کی بہادری سے ظلم کی اندھیری اور طویل رات ختم ہوگی۔

    انہوں نے کہا کہ کشمیر کبھی بھی بھارت کا حصہ نہیں رہا، بھارت سچائی کو چھپانے میں ناکامی پر بوکھلاہٹ کا شکار ہے۔

    خیال رہے کہ کشمیریوں سے اظہار یکجہتی کے لیے کل ملک بھر میں یوم یکجہتی کشمیر منایا گیا۔ اس دن لائن آف کنٹرول پر انسانی ہاتھوں کی زنجیر بنانے کے ساتھ اقوام متحدہ کے دفتر میں یادداشت بھی پیش کی گئی۔

    یوم کشمیر کے موقع پر صدر مملکت نے اپنے پیغام میں کہا کہ پوری پاکستانی قوم جدوجہد آزادی میں کشمیریوں کے ساتھ ہے، یقین ہے کشمیریوں کی جدوجہد آزادی رنگ لائے گی۔

    وزیر اعظم عمران خان نے اپنے پیغام میں کہا کہ مسئلہ کشمیر 7 دہائیوں سے حل طلب ہے، پیلیٹ گنز سے نہتے کشمیریوں پر بھارتی مظالم کا سلسلہ جاری ہے۔ کشمیریوں کا جذبہ حریت بڑھ رہا ہے، بھارت کے خلاف 70 سال سے کشمیری جدوجہد آزادی کے لیے کوشاں ہیں۔

    وزیر خارجہ شاہ محمود قریشی نے اپنے پیغام میں کہا کہ کاش لوگ سنگینوں کے نیچے آزادی کے نعرے نہ لگا رہے ہوتے، کشمیریوں کو ان کا حق مل کر رہے گا، یہ واضح ہوچکا ہے کشمیریوں کی تحریک کامیاب ہو کر رہے گی۔